غريبة اوى الدنيا دى ياجماعة ... كنت بذاكر فى يوم فى امان الله وتعبت من كتر المذاكرة فقمت اريح شوية واتفرجلى على برنامج العاشرة مساءاً اللى بحبه اوى .. لاقيت مواضيع كتيرة ولسة هحاول اقوم واقفل التليفويون عشان اكمل مذاكرة .. الاقيها بتتكلم على المدونين - انا كنت اعرف ان فى مدونات بس عادى يعنى زى اى بروفيل - لاقيت الموضوع كبير وان فى ناس كتير بتدون وان ده حاجة متعارف عليها فى العالم كله ، شدنى الفضول انى ادخل على المدونات واشوف ايه الحكاية
بصراحة اتصدمت لانى لاقيت فى مدونات فاتحاها على البحرى بجد .. وشتايم وكلام غريب جدا واصدمت صدمة كبيرة لدرجة انى مكنتش مصدقة ان فى ناس بتشتم الشتايم دى او ان فى حد كدة فى الدنيا (( ممكن تقولوا عليا ساذجة او بستعبط )) بس هى دى الحقيقة ، وفضلت نفسيتى تعبانة بعد ما قريته ومريحنيش غير انى قمت وصليت
بصراحة اتصدمت لانى لاقيت فى مدونات فاتحاها على البحرى بجد .. وشتايم وكلام غريب جدا واصدمت صدمة كبيرة لدرجة انى مكنتش مصدقة ان فى ناس بتشتم الشتايم دى او ان فى حد كدة فى الدنيا (( ممكن تقولوا عليا ساذجة او بستعبط )) بس هى دى الحقيقة ، وفضلت نفسيتى تعبانة بعد ما قريته ومريحنيش غير انى قمت وصليت
المهم قطعت علاقتى بالمدونات دى خاااااااااااااالص وقلت أبداًَ ما ادخلها تانى
لكن بالصدفة البحتة ابتديت اعرف انى فى مدونات تانية محترمة ، ومش بس محترمة لا دى كمان رائعة و و و و
بجد عجبنى الموضوع جدا .. وكنت عمرى ما اتوقع انى ممكن ابقى واحدة من المدونين لحد ما دخلت النهاردة عن طريق الصدفة برضه مدونة روز ... كلمة عجبتنى قليلة عليها لان دموعى بدأت تنزل وانا بقرا كلامها .. ما شاء الله عليكى يا روز
قفلت وقلت انام ولاقيت الموضوع زى النحلة بيزن فى راسى .. مش عارفة انام مع انى تعبانة .. لاقيت نفسى قايمة وفاتحة الكمبيوتر وبعمل مدونة لنفسى ... فعلا دنيا غريبة
المدونات اتاحت لكثير من الناس الاستفادة
ReplyDeleteو من وجهة نظري اكثر من استفادو هم اصحاب العقول والنفسيات المريضة
فقد اتاحت لهم المدونات ان يخرجو حثالة افكارهم
للاخرين بدون مراقب
كنت كتبت تدوينة بخصوص الموضوع دة
اتفوة علي دول مدونين
جعان عنده حق
ReplyDeleteالمدونات اعطت فرصة لبعض المرضى واصحاب العقول المتخلفة لنشر افكارهم
لكن احنا عشان نحاربهم
مش بالمقاطعة او بسبهم ولعنهم
لا
احنا ننافسهم
ونعمل مدونات
ونتشهر اكتر منهم
ونغطي عليهم
هي دي الطريقة الصح
وعلى فكرة
اي مكان في الدنيا
فيه الكويس وفيه الوحش
كل واحد على حسب تربيته ونفسيته
على فكرة .مدونتك رائعة جدا
ياريت تهتمي بيها اكتر
ana ga3an
ReplyDeleteفعلا عندك حق ، ولو تفتكر انا قلت الكلام ده قبل كدة فى تعليقى على الموضوع بتاع علاء ومنال ومالكوم .. ربنا يهدينا ويهديهم
واحد من الناس
عارفة والله إن فى الخير وفى الشر، بس اللى ضايقنى إنى ماتخلتش إن الوحش يوصل للدرجة دى
ربنا يكرمك المدونة دى عمرها يوم واحد بس لسة نونو يعنى :) .. وإدعولنا ربنا يقدرنا
المدونات اديتنا فرصه نتكلم و نفكر مع بعض و نتعلم من بعض انا سعيده جدا بالمجتمع فرصه حقيقيه نتعرف فيها على اصدقاء منغير ما تتطور العلاقات لاشكال مش مقبوله
ReplyDeleteانا شايفه ان اسلوب كتابتك جميل
اوعى تبطلى تكتبى
سعيده بمعرفة ان البرائه لسه موجوده علشان ميقولوش عليها عباطه
سعيده بمعرفتك
هبة انا اللى أسعد بعرفتك وبتشريفك للمدونة المتواضعة دى
ReplyDeleteربنا يكرمك ونورتينى بجد