Friday, February 02, 2007

من تكون؟



فكرت كثيرا من ستكون هذه المجهولة التى لااعلم عنها سوى انها فتاة مثلي .. احبها قبل ان اراها واتعجب وافكر كثيرا
ترى من تكون؟
.

جميلة الجميلات جنية القصر المسحور؟
.
أم نجمة فى السماء من نور؟
.

أم سمكة تاهت بين أمواج البحور؟
.

أم فتاة شرقية ذات جناح مكسور؟
.

أم فتاة غجرية تحتمى بقلبها الجسور؟

.

أم كلمة حق فى كتاب الحياة تلمع بين السطور؟
.

أم عقل هائج بالوقت يـخور؟

.

أم كـارمن وعِندها فى بحر يثور؟

.

أم طير جريح محلق بين الصقور؟

.

أم زهرة من العصور الحجرية؟
.

أم بسمة على الشفاه منسية؟
.

أتكونينَ رابعة العدوية؟
.

أم انتِ انا..وانا هيّ؟
.


تمضى بى الحياة ويبقى السؤال
.

من تكون؟


44 comments:

  1. إيه ده
    أنا أول واحد بيعلق طيب يا فتاح يا عليم يا رزاق يا كريم صبحناو صبح الملك لله

    المفردات حلوة أوي وجمعك ما بين المتضادات كمان جميل

    :)

    ReplyDelete
  2. طلبتي رأيي بصراحة؟؟
    ماشي انتي اللي جنيتي على نفسك
    ايه اللي سيادتك كاتباه ده؟؟
    تحفة تحفة تحفة بجد
    عجبتني جداااااااا بجد
    بس النهاية بتاعتها صادمة وممكن ده يكون ميزة وعيب في نفس الوقت
    بس بجد حلوة

    ReplyDelete
  3. بصراحة جميلة و عجبتني اوي صورة الراجل الساجد في جانب البلوج يخبر الله بأسراره لان بين الاحبة اسرار

    ReplyDelete
  4. حاولت الاقي علاقه بين الصوره و النص بس ملقيتش..طبعا بالطريقه اللي انا فهمته بيها

    القفله جميله و منطقيه بعد الحيره الطويله

    ReplyDelete
  5. لا يا إنسانة ..
    ما هو كلنا حندخل القبور ..
    بس ناس بتكون ميتة حتى قبل ما تدخله .. وناس بتفضل وسطنا حتى بعد ما تدخله
    وبكده ما تنتهيش الحكاية بأنها من أهل القبور .. لأن السؤال حيفضل موجود .. من تكون ؟

    ReplyDelete
  6. السلام عليكم


    لايسعني الا ام ارفع قبعتي احتراما لكلماتك الرقيقه التي تدخل القلب دون سابق انذار

    ReplyDelete
  7. حلو جدا يا انسانة بس السنون اللى فى الآخر تقيلة شوية على الجو العام, لكن بجد هايل.

    ReplyDelete
  8. من تكون؟
    لا اعرفها
    ربما
    و لكنى احبها و سأظل كذلك حتى نهاية الكون

    يقولون لى اننى مجنون
    و ان ذلك هو قمة المجون
    ولكن أأبى السكون

    قلبى يهفو اليها
    يهفو لصوتها الحنون

    ساظل - مادمت حيا - على ذلك المنوال
    تمضى بى الحياه
    و يبقى السؤال
    من تكون؟

    جميله أوى يا ياسمين
    انا عارف ان ده كومنت مش كفايه
    بس هعمل ايه حصللى جدب فكرى

    بس بجد جميله جدا
    باى هالحين والى حين اشعار آخر
    :)

    ReplyDelete
  9. الله عليكى يا ياسميين


    ايه ده يا بنتى

    تحفة بجد

    النهاية اكتر حاجة عجبتنى على فكرة

    واغنية البلوج على فكرة تحفة تحفة


    اهنيكى عالاختيار

    واحب اقولك انى ضفت مدونتك عندى فى البلوج وحطيتها عندى فى القائمة المفضلة

    تحياتى

    ReplyDelete
  10. ايه اللى جاب بنت اختى عندك فى الصورة

    حلو اوى الكلام

    ReplyDelete
  11. ماشاء الله يا هانم بتقوليلي تعالي شوفي البوست الجديد
    وقلت هبقي انا اول واحدة اجي الاقي امة لا اله الا الله سابقاني والله عال

    بس هي مين دي بقي الللي من تكون

    بس بجد رائعه تحفة يا مينا والله

    عايزة اجيبلك اكتر الكلمات اللي اثرت فيا ومش لاقية لان كلهم تحفة

    بجد جامدة موووت

    ReplyDelete
  12. أكيد انا
    ههههههههههه

    لا بجد ما شاء الله عليكى يا ياسمين.. جميلة أوى
    نقلتنى لعالم المستحيلات

    كمان أسلوب الأسئلة ده جامد قوى وبيعمل على التشويق أكتر

    حضرتى الاستمارات بتاعت المكرونة بالبشاميل ولا لسه؟

    بوسيلى كميكاز من هنا ومن هنا.. ولا هو بيتكسف؟
    هههههههه

    manal

    ReplyDelete
  13. بصراحة تحفة وجميلة ومعبرة جدا وتمس القلب
    احساس عالى وتحكم رائع بالكلمات والمفردات
    ماشاء الله عليكى
    منتظرين منك المزيد

    تحياتى ودمتم بخير

    ReplyDelete
  14. الصوره دي احلي كتيييير

    ReplyDelete
  15. طبعاً انا معرفش من تكون

    بس الى متاكد منه ان البت الى فى الصوره دى زى العسل و عايزه تتاكل
    و ملامحها اموره اوى

    و اما بالنسبه لمن تكون فانا اعتقد انك تخاطبين نفسك واعتقد ان فيك ملامح من كل هؤلاء

    تحياتى

    ReplyDelete
  16. تيت تيت تيت

    الله يا انسانه يا لعيبه اهو ده اللعب انا بحب علي فكره النوع ده من الابيات الي بتمشي بموسيقي واحده دي بتبقي جميله و هي حلوه اوي مع اني مدقدتش في المعاني كتير بس عجبتني لسه هقراها تاني بالتفسير هههه سلاموز

    ReplyDelete
  17. ياسمن ازيك عارفه انى مقصرة معاكى بس على فكرة انا بدخل مجونتك دايما بس انا مواضيع التعليق دة ماليش فيه بحب اقرأ اكتر بصراحه اصعب حاجه فى موضوع التدوين دة هو التعليق على العموم واضح انا الاكلام اللى انت كتابه بيقول حاجه بس بصراحه انا فى اشعر صفر مش بفهم فيه خالص ودايما يقولوا المعنى فى بطن الشاعر فانا بقى مش بحب اخرج المعنى بسيبه فى مكانه فى بطن الشاعر بس برافوا عليك كلام جميل بس بصراحه مافهمتش مش علشان هو مش مفهوم لا انا اللى مش بافهم الشعر
    عروستى

    ReplyDelete
  18. إختيارك للكلمات أكثر من رائع .....هل هي تعبر عن تمزق أو بحث عن هوية..المهم قصيدتك جميلة وأتمنى ان ينتهي ذلك البحث بكنز أخر يقبع داخلك

    ReplyDelete
  19. بصى بقى انا جاى ادخل فيكى شمال
    ايون
    خبط لزق كده
    انا قريت البوست و علقت عليه امبارح و كنت التالت فين بقى التعليق؟
    كده؟ ماشى؟
    انا عارف انك ماجيتيش جنبه
    انا جاى اشتيكيلك من المدونة بتاعتك اللى بقت تهيس دى
    المهم
    كلام جميل
    بس
    سلام

    ReplyDelete
  20. مشاعر.. هنقول موجود
    أحاسيس .. موجود برضه والله
    اختيار صور.. ماشى..
    يبقى ايه اللى ناقص ؟؟.
    شوية كتابة كتير عشان نتمتع بالأحاسيس دى..
    بس خلاص..
    ربنا يوفقك ويديكى على قد نيتك الصافية.

    ReplyDelete
  21. مصرى
    ربنا يجبر بخاطرك
    ومبروك كسبت معانا فى البرنامج
    جايزة اول تعليق
    بس إعذرنى
    مش عارفة الجايزة ايه

    نورتنا
    :)

    ReplyDelete
  22. دينا فهمى
    بصى يادينا
    انا اعرفك من قريب أوى
    بس سبحان الله مش عارفة ايه الحب اللى ربنا قذفه فى قلبى من نحيتك
    ولو قلتلى إنها وحشة - وانا عارفة انها وحشة فعلا - هفضل اعزك واحبك أوىىىىى

    بجد بجد
    بحبك فى الله

    ReplyDelete
  23. Sharm
    ربنا يكرمك ويزود الاسرار اللى بينك وبين رب الكون
    يارب آمين
    نورتنى
    :)

    ReplyDelete
  24. Utopian
    بخصوص الصورة
    انا شيلتها دلوقتى
    بس لو كنت لاحظت هتلاقى اوراقها كتيرة وفى عمق بين كل ورقة والتانية
    وحسيت بالحيرة
    الوردة انهى واحدة فيهم؟؟

    فهمت حاجة؟؟؟؟

    بخصوص القفلة
    إنت يا استاذ يتوبيان تعتبر الوحييد اللى القفلة عجبته

    المصرى معدنه أصيل برده
    :D

    ReplyDelete
  25. ma_3alina
    بالنسبة لموضوع القبور
    كلامك صح فعلا
    بس مش عارفة دايما بحب أفكر نفسى إنى مهما كنت ومهما هكون
    فى الاخر انا من اهل القبور
    عشان معشمش نفسى بالدنيا أوى

    ربنا يخرجنا من الدنيا دى على خير

    ReplyDelete
  26. الناي الحزين
    وعليكم السلام ورحمة الله وبركاته
    الله يبارك فيكى
    والله الكلام ده كتير عليا اوى
    نورتينى
    :)

    ReplyDelete
  27. محمود ماجد
    ربنا يكرمك جدااا

    ReplyDelete
  28. إيمى
    شكرا على الملاحظة
    إنتى عارفة إنى بعكككك
    معلش بقا استحمولنى
    :D

    ReplyDelete
  29. soul
    ايه ده كله ايه ده كله
    اشيل العك بتاعى واحط الابيات دى ولا ايه؟

    لا بجد تحفة

    تسلم إيديك

    ReplyDelete
  30. zordeak
    ربنا يكرمك ويعزك يااارب

    وإنك تضيفنى عندك انا وكاميكاز ده شرف كبير لينا يافندم

    عايزة اقولك إن كاميكاز عنده شعووور بالفخر فظيييع
    هههههههههه

    ReplyDelete
  31. الوردة السودة
    بنت اختك شبهها؟؟؟؟
    بوسيهاااالى من فضلك
    وقولياها طنط إنسانة وعمو كاميكاز بيحبوكى أوىىىىى

    ReplyDelete
  32. smraa alnil
    قرولنا بقا على الزباين اللى بيجوا عشان خاطر كاميكاز
    ماشى ماشى

    ربنا يكرمك يا أنوجى
    هى جامدة عشان إنتى قريتيها

    ReplyDelete
  33. albida
    ايه التماحيك دى بقا
    إكمن البنت أمورة يعنى هتبقى إنتى
    لا طبعا
    إنتى احلى
    هههههههههه

    حلوة عالم المستحيلات دى

    ايوة حضرت الاستمارات والمكرونة طلعت رووووعة


    يالهوى على كوكى
    ده اتكسف على الاخر يابنتى
    وطلعتله جناحات كان هيطير من الفرحة وقلوب بيقت تلف حولين راسه

    يلا ياعم
    جالك عريس من عندى اهوه
    هههههههههههههه

    ReplyDelete
  34. ساكاماكا نيوز
    ربنا يكرمك بجد على الكلام الكتير والكبير عليا اوى ده

    ربنا يكرمك ويعزك أوى
    ونورتنى بجد
    :)

    ReplyDelete
  35. Utopian
    ياجماعة كدة البنت خطابها زادوا أوى

    نظام بقا من فضلكوا

    أيوة كدة

    اقف فى الطابور لو سمحت
    :D

    ReplyDelete
  36. whyme
    خطاب للبنت تانى

    الطابور يا ناس اتزحم
    هههههههههههه

    والله هى فعلا مشاعر مركبة فيها منى كتير مانكرش

    تحياتى

    ReplyDelete
  37. copa
    ايه يا كوبا
    الطفطف جه؟
    إستنى خد كوكى معاك
    هههههههههههه

    ربنا يكرمك ويعزك ياااااارب

    ReplyDelete
  38. رفقه عمر
    يادى النور يادى النور
    مقصرة ايه بس يابنتى
    ده كفاية إنك بتقريلى

    وبجد بجد وحشاانى اوىىى
    وبحبك فى الله

    ReplyDelete
  39. Human
    يارب الاقى الكنز

    اهلا بيك لأول مرة عندنا
    وياريت الزيارة تتكرر تانى
    :)

    ReplyDelete
  40. khaled
    ياساتر يارب
    ايه الزعيق ده كله
    صوتك وصل لبلوجرية الصين
    والواد شن واقف يتفرج اهوه

    معلش مانت عارف البنوتة الحلوة اللى فى الصورة دى عرسانها كتروا اوى والطابور اتملى والكل بيزاحم

    معلش ونورتنا

    ReplyDelete
  41. أخف دم
    متشكرين يا دكتور
    يا متمكن من ادواتك
    حددت الغلط فين
    وفين الحاجة البايظة
    وهوووووب
    رميتها من الشباك

    واحلى حاجة الدعوة الحلوة دى
    يارب آمييييين
    تاعبينك معانا والله

    عشان تفتكروا الجمايل دى

    ReplyDelete
  42. من تكوووووووووووووووووووون حبيبتى من تكون ايه ياعم انت حتغنى ولا ايه اموت واعرف انتى وحى شعرى ده بيجيلك ازاى اوعدنا ياررررررررررررررب

    ReplyDelete
  43. ايه القر ده
    إنتوا جايين تقروا ولا ايه

    شعر ايه بس يابنتى قولى يا باسط

    ده انا بعـــك

    ReplyDelete

الكلمـة نـور .. وبعـض الكلمـات قبـور