Tuesday, February 27, 2007

ياعينى ع التاجز

يانهاااااااااااااااااااااار
ايه الناس الكتير اللى واقفة على باب المدونة دى؟
واد يا كاميكاز .. تعالى هنا
انا مش بسيبك فى المدونة تصحى وتنام فيها عشان تحرسها؟؟
ايه الدوشة دى قولى؟؟

معلش يا ستو هانم .. اصل جتلك تاجز كتيرة ومعملتيهاش حضرتك
اها .. يعنى دول اصحاب التاجز وعايزينى اعملها؟؟
ايون
تيب هات اما نشوف
-----------------------
التااااااااج الملوكىىىىى
أن أن اااااااااااااه


التاج ده يا جماعة جالى من جهااات عدة بما إنه تاج أرض جو
جالى من نوجى حبيبتى وسهى غواص بحر الأمل سابقا .. وات إيفر حالياً
وبرده جالى من الاستاذ اللى مع نفسه ومن الواد كبكب
يمكن يكون جه من حد تانى وانا ناسية ولا حاجة
مشغوليات بقا معلش

إستعنا على الشقا بالله .. هيييييييه دنياااااااا

اسم مدونتك؟
إنســــانة

لماذا اخترته.. ماذا تقصد به؟
بص اللى هيقرا اول بوست ليا هيعرف إن الموضوع جه معايا بالصدفة البحتة
كنت عايزة اخوض التجربة فلما جيت اكتب إسم للمدونة معرفتش اكتب ايه
قلت انا إنسانة ربنا خلقنى وهيجيلى يوم وامشى
وسميتها إنسانة
وكملت إجرائات إنشاء المدونة وطلب منى وصف للمدونة
فقلت لو حد دخل هيقول مين الإنسانة دى
فخدت الوصف من فيلم ظرف طارق
كائن حى يعيش ويتعايش
:D
بس بعد كدة لاقيت إن إنسانة إسم كويس جدا بالنسبالى بالذات
لأنى على المستوى الشخصى بحب الإنسانيات جدا ودراما الحياة اليومية اللى كل واحد بيعيشها يومياً
آحلامه
آلامه
دموعه
أفراحه
ضعفه
ضحكه
اى شئ يتعلق بالإنسان


هل فكرت في إغلاق المدونة.. والسبب؟
لأمفكرتش .. بس فكرت اعمل مدونة تانية محدش يعرف من خلالها إنى أنا
لأنى هنا أهلى وصحابى وقرايبى والناس كلها عارفة المدونة
غير إنى بحط لنفسى قيود شديدة جدا على أى موضوع او صورة او كلمة فى المدونة
بس حتى لو عملت مدونة جديدة مش هقدر ابقى براحتى برده لأن انا اللى بحط القيود لنفسى طالما اللى هكتبه حد غيرى هيقراه وهفضل كدة على طول ده غير إن ربنا عارف انا مين فى كل وقت وفى اى مكان


صورتك فى المدونة ..رمزيتها ؟
غيرت صور كتيرة جدا
بس كان العامل المشترك فيهم كلهم هو الاطفال والدمعة
بس إستقريت على الصورة دى الحمد لله
فى تعليقات قالتلى إن الصورة مش لايقة مع خفة دمك
ماهو الضحك ده من همومنا الصراحة
يعنى مهما ضحكت من جوايا مقدرش أنسى الأزمة الإقتصادية والسياسية اللى كل العالم العربى بيعانى منها
وفلسطين
والعراق
ولبنان
والسودان
وقلة الحيلة
ده غير البطالة
والتضخم
وشبح العنوسة اللى بيهدد أى بنت
والتوهان اللى كلنا عايشين فيه
بس برده بنضحك وهنفضل نضحك عشان نعرف نعيش


طبيعة كتابتك فى المدونة بشكل عام ..سياسة ..قصة ..عبث ..كلام فاضى ؟
صعب اصنفها
انا بكتب اولاً واخيرا اللى جوايا
بس أى حاجة أدبية بكتبها بعتبرها عــــك
مش مقتنعة بنفسى فى الموضوع ده خالص

بس بشكل عام اقدر اقولك إنى بكتب للإنسان وعن الإنسان اللى جوانا كلنا


لماذا تدون أصلا ؟
سؤال وجيه
لو لاحظت دلوقتى هتلاقى محدش بيسمع حد بجد
محدش فاضى ولا ناقص اساسا يسمع حد
لو كلمت حد على حاجة عنك هتلاقيه رد عليك بحاجة عنه هو ومش هيسمعك
المدونة عملتلى مساحة خاصة بيا اتكلم فيها واحكى عن كيانى انا
لان حتى لو حد من المحيطين بيا قلل منى بس الأهم إنى مش مقللة من نفسى
اكيد كلنا بنتعرض للموقف ده
بس لما بيحصلى كدة بقول لنفسى إنى واحدة من بنى آدم
ربنا هو اللى خلقنى ورزقنى وأكرمنى فى الدنيا دى الحمد لله
أكيد كل ده لحكمة
وخلانى عايشة فى الوقت ده بالذات
وخلانى بالشكل والشخصية دى بالذات
كل ده مش عبث حاشى لله
وزى ما الدكتور إبراهيم الفقى دايما بيقول
إنت احسن مخلوقات الله
الكون ده كله مسخر لك

على فكرة ده مش غرور خااااااالص .. ده تقدير للذات
لإن الواحد لو حب نفسه وإحترامها بجد هيعمل لها اللى يخليها سعيدة فى الدنيا وفى الاخرة إن شاء الله


أحلى جملة قيلت لك فى وصف مدونتك ؟
إنها إنسانية بجد


التعليقات بالنسبة لك ..أهميتها ؟
اكيد مهمة بس فى نفس الوقت مسؤلية
لان معنى كدة إن فى ناس بتدخل على المدونة وبالتالى لازم اخد بالى اوى انا بكتب ايه وعايزة اقول ايه ولازم احترم عقل اللى بيقرالى


أحلى بوست كتبته ..ضع اللينك ..ثم اذكر لماذا ؟
كلهم أولادى
ببس البوست بتاع كل عام وأنتم بخير ده بجد حسيت إنه شرف المدونة
Oh God, Forgive me when I whine
بجد قريب من قلبى جداااااا
وتخاريف كاميكازية طبعااااا
عشان ده كان اول مرة اعرفكم على كاميكاز
بالمناسبة كاميكاز ده شكله هيودينى فى داهية
ربنا يستر

أفضل مدونة قرأتها ..يمكن اختيار عدة مدونات ؟
كتيييييييييير حاطة هنا شوية لينكات بس فى حاجات تانية بستكشفها وعجابنى أوى

أفضل بوست قرأته ..يمكن اختيار اكتر من لينك ؟
لا كتير اوى الصراحة

هل خسرت صديق بسبب كتابة هنا؟
اعوذ بالله .. بعد الشر ياكابتن

حد قل ادبه فى التعليق ..ايه رد فعلك ؟
كان فى حد مرة عمل تعليق بالعنجليزى مش حلو فلغيته طبعا
لكن اى نقد لأى حاجة عندى برحب بيه اكيد

:)أسوأ مدونة ..الاجابة اجبارية ..يمكن اختيار عدة مدونات ..هما كتير اصلا
فعلا كتير ومن وحاشتهم مش عايزة اتفكرهم بقا

أسوأ بوست ؟
أى بوست بذيئ

أسوأ مدون ..مهو هتجاوب هتجاوب ؟
يادى النيلة
اللى بيبعت البوست البذيئ يا بيه

أمرره لمين بقى ؟
انا متأكدة انه وصل لمصر كلها اصلا

الحمد لله اخيراً خلصت
إستنى يا ستو هانم ... ليه ليكى تاج تانى
يابنى إبقى زمر وإنت ماشى
تاج ايه ده إيه ده كمان؟؟؟
ده تاج من الجميلة وئام .. يلا جاوبى بقا بلاش دلع
تيب بس ماتزقش

افتح الكتاب اللي بتقراه حاليا علي صفحة 123 و عد خمس سطور و اكتب اول تلاتة بعدهم

ه- لسنا معجبات .. نحن أعضاء فى جمعية تكونت فى باريس للدفاع عن عمرو
ضحك صبرى وهو يقول:ه
ه - براءة .. مادام الجمال سيدافع عنك

دى رواية حارة الهلالية لمحمد جلال

نفسى اعرف ايه لزمة التاج ده
يلا مش مهم
انا همشى بقا
أى خدمة يا ستو هانم؟؟
أيون يا كوكو .. خد بالك من المدونة
وابقى نضف الشبابيك دى متربة خااااالص
وماتنساش تشوف الناس الجميلة دى تشرب ايه
:)
تحت أمرك يا ستو هانم
يلا إمشى بقا صدعتينا

19 comments:

  1. بالراحة شوية على كاميكاز ياستو ياسمين هانم الراجل مش مقصر والشبابيك بتلمع وكله في التمام
    كل تاج وانتي طيبة ياسيمو

    ReplyDelete
  2. جميلة أجاباتك خصوصا أجابة سؤال
    لماذا تدون أصلا ؟
    صعب تلاقى حد يسمع حد دلوقتى والجملة دى فى محلها تماما

    لو كلمت حد على حاجة عنك هتلاقيه رد عليك بحاجة عنه هو ومش هيسمعك

    بيفكر فى حاجة تانية خالص و لا يكترث .. وعشان كده التدوين صرخة

    ReplyDelete
  3. بقالى شوية مش زرتش المدونة حمدا لله على سلامتى نورتكوا طبعا
    لا لا يا كاميكاز مش عاوزة اشرب حاجة و الله كلك ذوق أنا عارفة بس ياسمين مغلباك كدا ليه
    خلااااااااااص معلش كفاية شكوى منها لما اشوفها بكرة ان شاء الله هاملصلك ودانهااااااا
    المهم بقى سلملى عليها لو شفتها النهاردة و قلها البوست جمييييييييل
    سلام يا كامى مش تزعل بقى

    ReplyDelete
  4. متشكرين على اجابة التاج

    وعقبال منباصيلك تاج تانى يا رب


    :)

    ايه ده انا قريت الرواية دى على فكرة

    اه

    مش عمرو ده كان ملحن بالامارة

    ايوة افتكرت

    وبعدين راح فرنسا

    قريتها من زمان اوى

    يللا بقى

    كاميكاز عايز يقفل وبيزقنى

    سلااااااام

    ReplyDelete
  5. تاج جميل واجاباته مميزة ولو انه شابها بعض الديبلوماسية فى الرد
    ولكن استطعنا ان نكون عنك صورة معينة من خلال ردودك المعبرة
    ويارب تنتهى متلازمة التيجان دي على خير عشان نستريح جميعا من عناء الاجابة عليها والاحراج فى بعض الاوقات

    خالص تحياتى ودمتم جميعا بخير

    ReplyDelete
  6. اجاباتك حلوه ياياسمينا, وانت بجد انسانه, حقيقي يعني.
    ماتنسيش تسلميلي علي كاميكاز .

    ReplyDelete
  7. واد يا كاميكاز.. هات يا واد كرسى استريح عشان سلالم المدونة هدت حيلى..
    ازيك يا ياسمين .. أخبار بابا ايه الأول يا رب يكون بخير دلوقتى ..
    وبعدين مين اللى قال لك ان دمك خفيف. احنا هنغش ؟ الناس دول كانوا بيقولولك قولى لأشرف ان دمه خفيف .. مش عليكى يعنى..
    ربنا يحميكى يا ياسمين ويخليكى دايما على مبادئك الجميلة دى ويقربك من ربنا أكتر.
    وافتكرى الجمايل دى .. آه يا عينى ..
    وافتكرى الجمايل دى .. آه يا سيدى..
    تيرا را رارم

    ReplyDelete
  8. اجاباتك ظريفه جدااا يا اجمل انسانه
    واسئله غريبه جدا
    اصعبهم لماذا تدون؟ بقى ده كلام

    تحياتى

    ReplyDelete
  9. ههههههههههه
    لا والتاجين انيل من بعض... مستفزين بجد!! انا جالى كمية تاجات لدرجة أنى بقى عندى مناعة خلاص
    هههههه

    ولو سمحتى متزعقيش لكميكاز خطيبى كده!! هو شغال عندك ولا ايه؟ ده ميت مدونة تتمناه
    :)

    manal

    ReplyDelete
  10. شطوره شطورة انك جاوبتي

    ReplyDelete
  11. مش عارف لية حاسس كدة إنى التاج دة بالزات وراه حكاية كبيرة

    علشان بيتكلم عن حاجات مستخبية

    واخدين بالكوا


    عادى بقة
    أودى

    ReplyDelete
  12. هييييييييييييه
    انا جيت بعد التقطيم والزق وبالافية
    وخليني ساكتة احسن
    ايه يا بت الردود دي
    مش عارفة اقولك ايه بس قلت اجي اجبر بخاطرك وامضي عندك
    ههههههه
    بالمناسبة ابقي قولي لاشرف فووووووو
    لاني بقيت اشك انه منهم
    هههههههه

    ReplyDelete
  13. حقيقى انسانه
    مدونه جميله

    ReplyDelete
  14. واضح اللي عامل التاج ده عايز خناقات ومشاكل .....ههههههه

    ReplyDelete
  15. حملة انقذو الاقصي من الزملاء المدونين
    قاسم افندي
    http://kassemafandi.blogspot.com/

    كلبوزة لكن سمباتيك
    http://kalbozza.blogspot.com/

    ReplyDelete
  16. حقيقة مدونة جميلة كتبت بحروف صادقة أتمني أن تقبليني زائرا و ضيفا

    ReplyDelete
  17. الف حمد الله ع السلامة و ليكي و حشة
    سلامي لكاميكاز و لكل اللي هنا

    ReplyDelete
  18. وحشتينى..ووحشنى الدخول هنا وكالعاده لقيت موضوع جديد اقراه وانا مبتسمه او مركزه لللأخر...انتى سكر والتاج ده معرفش حساه احسن وفى تطور ولونى بكره فكرة التاجات ..بس بردو انا مفهمتش التاج الأخير اصلاا هو فى ايه؟؟

    ReplyDelete
  19. نيهاهاهاهاهاهاهاها ادبستي في تاج هههههههههههه احسن احسن بس ردوديك علي الاسئله جميله اوي اشطه انا هكمل شوفان للبوساتات الي شفاتني

    ReplyDelete

الكلمـة نـور .. وبعـض الكلمـات قبـور