Wednesday, July 11, 2007

ياحرقة قلبى

اعتذر ياجماعة مبدأياً عن البوست ..ه


.
فيلم أسرار البنات كان عندى ع الكمبيوتر ، شوفته من باب الفضول ليس إلا ححكيه للى ماشفهوش.ه


ياسمين .. ده اسم بطلة الفيلم بنت فى اولى ثانوى، الفيلم بدأ بإن ياسمين كانت بتضع جنين لها فى الحمام فى وسط ذهول شديد من اهلها ، وبعدها رجع الفيلم فلاش باك لكل الأحداث ، ياسمين اتعرفت على جارها وحبوا بعض وكان دايما يعاكسها من الشباك ويوصلها للمدرسة ، وفى مرة كان باباها وماماتها مش فى البيت لاقت الباب بيخبط فتحت لاقيت جارها اللى بتحبه ، قالتله امشى محدش هنا فضل يكلمها من ع الباب ، سمعوا صوت الجيران وهما طالعين من السلم فدخل البيت بالعافية عشان محدش يشوفهم سوا وقفل وراه الباب ، دخل بيتها واوضتها وحدثت الفاجعة.ه


حملت ياسمين اللى فى اولى ثانوى وخبت على كل الناس كانت بتدخل اوضتها وتربط إيشاربات على بطنها عشان ماتبنش ، كانت دايما بتحبس نفسها فى اوضتها عشان محدش ياخد باله ، وفى يوم راحت عيد ميلاد بنت خالتها اللى اصرت ان ياسمين تبات معاها ، فوجئت الخالة وزوجها بصوت ياسمين فى الحمام بتتألم .. ينادوا عليها ومتردش ، كسروا الباب لاقوها ع الأرض وجمبها جنين


طفلة انجبت طفلة!!!ه


ودوها المستشفى وامها ضربتها ولبستها دبلتها عشان الفضيحة ، ضاعت برائتها وطفولتها ومستقبلها وحياتها وسمعتها وفرحة اهلها بيها وكل شئ ، حاولت ياسمين تشيل بنتها .. معرفتش ، سألوها مين ابو البنت وقالتلهم .. وعملوا مشكلة كبيرة مع الولد واهله .. اتفقوا انه يكتب كتابه عليها .. طب ازاى وهى مش فى السن القانونى؟ .. خدها ابوها مع امها والولد وابوه وراحوا الفلاحين .. حيذورلها فى سنها ، وتم كتب الكتاب ، ماتت بنتها الطفلة من قبل ماحد يسميها ولا حتى فاكرين لها اسم ، خلص الفيلم بمشهد مش حنساه طول عمرى وياسمين نايمة ع السرير وبتفتكر كل اللى حصل حواليها من مشاكل اكبر منها بكتير ( الولد - اللى حصل - الحمل - الولادة - المستشفى - رد فعل الأهل- نظرات الناس - كتب الكتاب - البنت وموتها .. كل شئ ) ه
.


كنت فى سن البطلة لما شوفت الفيلم واتغميت اوى ساعتها وكبر جوايا خوف من الرجال والحب والإرتباط ، وفضل الخوف ده يكبر جوايا لحد دلوقتى .ه


.


شوفت الفيلم كتير .. وكل مرة اشوفه ابكى بحرقة ع المصيبة دى .. مش قادرة انسى الاغنية اللى فى آخر الفيلم ..ه


.


قبل الآوان كبرنا .. كبرت ملامحنا


.


الإتنين كانوا صغيرين .. والإتنين غلطانين


.


كان دايما شعورى تجاه الفيلم ده انه صرخة لكل بنت انها تاخد بالها من نفسها كويس اوى وبس .. مجرد صرخة فى حدوتة خيالية ليس لها اى علاقة بالواقع .. مكنتش اتخيل عمرى ان القصة دى تحصل بجد ، لغاية ماعرفت النهاردة انها حلصت فى الواقع للأسف بس بشكل اشد قسوة ووحشية .. جت القصة فى برنامج 90 دقيقة يوم الأربع ، هند .. خمسة إبتدائى .. 11 سنة .. طفلة بتروح مدرستها كل يوم الصبح مع زميلاتها ، وفى مرة راحت تجيب حاجة لمامتها ، اعترضها سائق توك توك عنده 21 سنة هددها بمطواة لو مجاتش معاه .. خدها بالعافية وتحت تهديد المطوة فى بيت مهجور وحصلت الفاجعة ، هددها تانى لو قالت حاجة لحد حيخبطها وهى رايحة المدرسة بالتوك توك وحيقتلها .. وفعلا ماتكلمتش


فات 5 شهور وشكلها بان عليه التعب والإجهاد .. قالت لباباها عندى مغص وعايزة اروح للدكتور، وداها والدها العامل البسيط - نقاش - للتأمين الصحى ، دكتورة التأمين طلبت منها إشاعة ماماتها خدتها وعملت الإشاعة ظهر فى الإشاعة جنين !! ايوة جنين الطفلة اللى عمرها 11 سنة بقت حامل !!!!ه


حاااااااااااااااااااااااااااااااااااااااااااااااااامل


امها فهمت منها ايه اللى حصل ووداتها القسم عملوا محضر اتقبض على الشاب وافرج عنه لحين وضع البنت وعمل تحليل الدى إن ايه .. يعنى هو حر تليق دلوقتى !!!ه


هند خلفت منة


طفلة ولدت طفلة !!!ه


مكنتش عارفة تشيلها فى البرنامج .. طفلة يانااااااااس بقت مسؤلة عن طفلة تانية !!ه


والله ماعرفت امسك دموعى وانا بتفرج .. البنت اتدمرت بجد ، مدخلتش امتحان خمسة ابتدائى عشان كانت بتولد !!!!! ضاع منها كل شئ .. برائتها وطفولتها ودراستها ومستقبلها وكل حاجة وابوها الغلبان اللى مش قادر على مصاريف ولاده ملزوم بطفلة رضيعة والأم اللى مبطلتش عياط من اول ماقعدت


.


انا بكتب البوست ده وانا بعيط اوى .. وفى قلبة حرقة
حسبى الله ونعم الوكيل فى الشاب ده


حسبى الله ونعم الوكيل


حسبى الله ونعم الوكيل
ياجماعة بجد اى حد يقرا البوست ده بالله عليه يقول حسبى الله ونعم الوكي
ل


.


احنا بقينا فين !!! لما طفلة يتعمل فيها كدة يبقى حصل ايه فى الدنيا ؟؟؟ لاهى كبيرة ولا اولى ثانوى حتى زى بطلة الفيلم اللى كنت بعتبره من افلام الخيال العلمى!!!ه


.
اللهم الطف بينا فيما جرت به المقادير يارب الطف بيها وبأهلها وبكل اللى زيهم وحسبى الله ونعم الوكيل فى الولد ده وكل اللى زيه .. يارب استر كل البنات يارب يارب استرنا ياااااارب امييين اللهم استرنا فوق الأرض وتحت الأرض ويوم العرض عليك ياارحم الراحمين يارب استرنا ولا تفضحنا برحمتك يا ارحم الراحمين
وحسبنا الله ونعم الوكيل


.


فين حق البنت دى ؟؟ .. قد كدة بقى الواحد مننا رخيص؟؟ بقينا فى غابة والوحوش مطلوقين فيها يعملوا مابدالهم؟؟؟؟؟ وهل يعقل ان الحكم اللى حياخده المجرم ده فى حين إثبات التهبة عليه 3 سنين بس؟؟؟!!!ه


.


لاحول ولا قوة الا بالله العلى العظيم


حسبى الله ونعم الوكيل

85 comments:

  1. الحكايه مؤلمه وافظع من الى بنشوفوا فى الافلام حسبنا الله ونعم الوكيل
    وربنا يكون فى عون الطفله الوليده وامهاالطفله وربنا ينتقم منه بس ازاى يفرج عنه ده اقل حاجه تأبيده ويدوق العذاب ربنا يكفينا شر المحبى وينتقم من الظالم وكويس ان اهل الطفله اتصرفوا كده ووصلوها للأعلام اقول ايه حسبى اللونعم اوكيل وربنا يحمى بلدنا من الذئاب اللى فى هيئه بشر

    ReplyDelete
  2. انسانه
    السلام عليكم ورحمه الله وبركاته
    معلش سامحنى لم احييك فى تعليقى الاول اواسلم من اثر القصه المؤلمه البلوج بتاعك باين من اسمه انسانه عندهامشاعر واحساس بالآخر تحياتى لك وربنا يحميكى وحسى الله ونعم الوكيل وان شاء الله الذئب ده ياخد عقاب يكون عبره لأمثاله وعلى كل الأمهات الكلام مع بناتهم والتقرب لهن ويكون فىصداقه بين الام وبنتها ومش عارفه اقول ايه

    ReplyDelete
  3. اهلا بيكى فى عالمنا الذكورى

    انتهاك و اغتصاب و محدش بيتحرك ابدا و يمكن يجيبوا الغلط على البنت كمان و انها متواطئة معاه دا غير باه ازاى تنزل فى الشارع اصلا

    اصلا مبقاش فى حاجة اسمها رجولة بقوا يعتدوا على البنات قدام الناس و محدش فى الشارع بيتحرك و لا كان حاجة بتحصل


    و كمان سابوه و افرجوا سبيله ؟ دا على اساس ايه يعنى الواد برىء و لا هيدارى الوضع و يتجوزها

    اصلا مفروض العقوبة تبقى اعدام لكل القضايا دى و يتعدموا كده علنى علشان يتهدوا باه

    ربنا على الظالم و المفترى

    و حسبى الله و نعم الوكيل

    ReplyDelete
  4. حسبي الله و نعم الوكيل
    بس انا برضوو مع الإجراءات و التحقيق
    احنا عندنا بناخد في الطب
    ان حالات الاغتصاب صعب ان يتم الحمل
    فيها
    !!!!!!!!!!!!!!!!!!
    بس لو حصل
    بيتعمل حسبة معينه و يشوفوا الحقيقة
    --------
    نسيبنا من الطب و الكلام دا
    الدنيا بجد بقت وحشة جداااا
    و حكامنا منهم لله
    لو يطبقوا الحد
    مش هقولك الموضوع أو الفساد مش هيحصل
    بس أكيد هيقل

    تحياتي و حبي لك

    ReplyDelete
  5. ستظل براءتنا تنتهك وأرواحنا تضمحل طالما أننا لا نشبع سوى الأجساد وننسى الروح
    ومن يتحكم في مصائرنا سوى أقدارنا اللعوب
    حكاية مؤلمة جداً
    ربنا يلطف بينا

    ReplyDelete
  6. الصراحة القصة كتيير مؤلمة !!
    أنا مش فاهمة ضاقت عليه الدنيا لحتى يخرب بيت طفلة بتلاقيها مو فاهمة !!
    طب مش حراااااااااااااااام ..
    مش عارفة شو أحكي !!!
    حسبي الله و نعم الوكيل

    ReplyDelete
  7. حسبي الله ونعم الوكيل

    حقاً تألمت كثيراً

    تحياتي لقلمك الحر

    ReplyDelete
  8. للاسف حوادث اغتصاب الاطفال في زياده مستمره و لا أحد يحرك ساكنا...لابد من بحث لماذا تفشي هذا النوع الخطير من الجرائم اللي بيحطم الاطفال تماما قبل تكوينها
    و الله يكون في عون أسره الطفله
    تحياتي

    ReplyDelete
  9. لاحول ولا قوة الا بالله العلى العظيم

    حسبى الله ونعم الوكيل

    ReplyDelete
  10. اعوذ بالله...هما دول شياطين الانس..شيطانهم متمكن منهم وهو الي بيوجههم

    وطبعا حقها هيضيع وحق الطفلة هيضيع..وهي دي اهم حاجة في الموضوع

    حسبي الله ونعم الوكيل..الدنيا خلاص مبقاش فيها امان
    كل الي في ادينا الدعاء عليهم والدعاء للبنتين

    ReplyDelete
  11. اللون الأسود يغزو المجتمع


    لا أستطيع أن أصف حجم الألم اللذي أحسسته بعد قراءة هذا المقال

    سامحك الله

    لاتغيري اللون الأسود

    تحياتي

    ReplyDelete
  12. الموضوع ده كان صعب قوي
    طفله 11 سنه تغتصب؟
    المجتمع كله بينسلخ من انسانيته بالفعل
    اتحولنا لحيوانات تسرق وتغتصب وترتشي وفي الاخر تنساق بعصايه

    حسبي الله ونعم الوكيل

    ReplyDelete
  13. أنا شفت الفيلم .. و قلت صحيح غريبة .. بس ممكن تحصل .. إنما بنت صغيرة في خامسة ابتدائي .. اهي دي .........
    مش عارفه اقول ايه .. عشان ما اغلطش في حد بس
    :(

    ReplyDelete
  14. انا شفت الحلقة دى امبارح ووجعت قلبى ومعرفتش اذاكر ولا اعمل حاجة بعدها

    كنت ناوى ادخل اعمل بوست عنها بس النت كان فاصل

    انتى سبقتى يا ياسمين

    يللا المهم انك عملتيه

    انا لسه قلبى واجعنى لحد دلوقتى

    ولسه مصدوم

    ومبقولش من امبارح غير


    حسبى الله ونعم الوكييل

    :(

    ReplyDelete
  15. أنا فعلا قريت عن الموضوع ده النهارده الصبح وبصراحه اتصدمت جدا لما عرفته
    الله يكون فى عون البنت دى واهلها
    وبجد انا اللى مضايقنى اكتر انا الللى عمل كده مطلوق صراحه لغايه دلوقتى
    ازاى يعنى يسيبو واحد زى ده فى الشارع كده طليق وهو ممكن يعمل العمله دى مره واتنين وتلاته طالما ملقاش عقاب اول مره
    حسبى الله ونعم الوكيل
    حسبى الله ونعم الوكيل
    احنا فعلا بقينا فى غابه وربنا يستر علينا
    حسبى الله ونعم الوكيل

    ReplyDelete
  16. حسبنا الله ونعم الوكيل

    اللى زي ده لازم يتشنق فى ميدان عام ويتجلد وبعدين يتحرق

    مهما كانت الظروف والمسببات

    مهما كانت حياته

    محدش يقوللى الضغط والشباب وقلة الجواز والظروف وكل الهبل ده

    ده تعدى كل المقاييس البشرية الانسانية اصلا

    حسبنا الله ونعم الوكيل

    ReplyDelete
  17. استر يا ستار !!!
    والله حاجة توجع القلب
    وما خفى كان اعظم !!:(
    تحياتى

    ReplyDelete
  18. لى تعليقين .. الاول على القصة الحقيقية
    لو كان حد الله الشرعى يتم تطبيقه .. و هو هنا حد الحرابة.. لما كان هناك من يجرؤ على التفكير فى مثل هذا الشىء .. انما
    من أمن العقوبة اساء الادب ..
    أخر القصة ان الفضيحة ستطال البنت و أهلها .. و محدش حيشوف ان ده اغتصاب او اعتداء يعنى لو كانت ماتت كنت الناس تتقبل الفكرة افضل مما حدث لها ,و ده خلل فى المجتمع اساسا ..
    النقطة التانية موضوع الفيلم..
    برضه كشف عن خلل فى التربية يعنى على ما قريت عن الفيلم لانى لم أشاهده .. وصححى لى ان كنت غلطان .. ام البنت ؟؟ دلال عبد العزيز و أبوها عزت أبو عوف .. الام محجبة .. هل هى مقصودة .. يعنى خلى الام فشلت فى احتواء البنت فى سن صغيرة .. و فهمها ؟ بالرغم من انها محجبة .. ولا ده اسقاط على ان الحجاب شكل خارجى لا علاقة له بالجوهر ؟؟؟

    ReplyDelete
  19. السلام عليكم ورحمة الله وبركاته

    بجد هى قصه مؤثرة جدا
    وحسبى الله ونعم الوكيل فيه
    بس فعلا القصه ديه ليها ابعاد كتير جدا
    ومش لازم نبصلها من زاويه واحده

    يعنى اولا الفساد الى وصلناله لما شاب عنده 21 سنه يعتدى على طفله صغيرة يبقى اكيد مكنش فى وعيه

    انه ميفكرش فى امه واخته وزوجته وبنته وميخفش عليهم ديه كارثه

    وانه ميخفش من ربنا ديه مصيبه

    ده الى يخص الولد

    اما بقى بالنسبة للطفله فانا شايفه ان مينفعش طفله زى ديه نسيبها تروح وتيجى لوحدها دلوقت بس مامتها وباباها بكوا طبعا لا يمنع حذر من قدر بس احنا المفروض بناخد بالاسباب

    يعنى طفله زى ديه مفروض مامتها بتوديها المدرسه وبترجع تاخدها بتهتم بيها الاهتمام الطبيعى الى بيبقى من الام لواحده فى سنها خاصة وانها عارفه ان الزمن الى احنا فى ده بقى زمن غريب الانسان لازم ياخد باله من نفسه ومن الى بيحبهم كويس جدا ده

    لان الومن ده الكويسين بقوا نادرين جدا

    وطبعا السبب الرئيسى لاى كارئه بتحصل فى الدنيا البعد الكبييييييييير عن ربنا

    جزاكى الله خيرا

    ReplyDelete
  20. حسبنا الله ونعم الوكيل

    سيكفينا الله من فضله ورسوله

    الموضوع فعلا مؤثر جدا جدا

    ومش لاقى تعليق اكتبه

    وربنا يكون فى عونهم إن شاء الله ويرزقهم الفرج والحل من عنده ويصبرهم ويهون عليهم

    وينتقم من الشاب دة وامثاله يارب

    جزاكى الله خيراً

    ReplyDelete
  21. ايتها الإنسانة إنك حقا إنسانة .

    انت عارفه اني مكسوف منى أوي علشان انا شفت القصة اللى انت شقتيها يتاعة البنت بس مكنتش زيك متكلمتش كفاني حالة من الذهول والارف .

    واللى عملته اني رحت اتكلمت فيها مع 2 من صحابى

    عارفه لما النبى يقول اذا جائكم من ترضون دينه وحلفة فزوجوه إلا تفعلوا تكن فتنة في الارض وفساد كبير .


    اعتقد ان هو ده الشر شباب يشاهد القتوات الاباحيه ويعجز عن الزواج .

    تحبى ازيدك من الطين بلة

    اسمعي

    مدرسة ثانوي بتات في العجوزة أثناء الحصص وفي الفترة الاخيرة يعد الامتحانات يتقفش 3 حالات والله في اقل من شهر فوق السطوح مع شباب بيزنوا .

    بنات في ثانوي

    وما خفى كان اعظم .

    أسف على كئابتي بس انت اللى نكئتي الجراح .

    تحياتي

    ReplyDelete
  22. والله يا انسانه

    انا شوفت الحكايه في التلفزيون

    ولا عرفت انام ولا اكل من بعدها

    متصورتش الي بيحصل ابدا

    حاجه ولا الخيال

    احنا بجد رايحيين علي فين مش عارفه

    لا دين ولا اخلاق

    ربنا سترها معانا ويخلصنا من دا زمن علي خير

    تسلمي يا قمر

    ReplyDelete
  23. حسبى الله و نعم الوكيل..
    كل واحد بيأذى واحده بيبقى ناسى انه عنده أخت و أم و عمه ممكن حد تانى يأذيهم.

    ReplyDelete
  24. فرق كبير بين ياسمين اللى فى فيلم اسرار البنات و بين الطفله البريئه هند
    ياسمين غلطت لكن هند مالهاش اى ذنب

    ReplyDelete
  25. السلام عليكم
    اولا
    حسبي الله ونعم الوكيل
    ثانيا
    بضم صوتي لصوت الدكتورة ما عليناوكل اللي قالوا زيها ومستعد امضي بكده اني بطالب اي حيوان يعمل كده يتحول اوراقه للمفتي

    علي فكره لما قولت حيوان انا ظلمت الحيوان لان الحيوان عمره ما بيغتصب
    الحيوان لازم الرضا اولا

    ثالثا
    حسبي الله ونعم الوكيل
    حسبي الله ونعم الوكيل
    حسبي الله ونعم الوكيل
    حسبي الله ونعم الوكيل
    حسبي الله ونعم الوكيل
    حسبي الله ونعم الوكيل

    تحياتي لقلمك

    ReplyDelete
  26. تصدقى ماما ومش عارفه مين واحدة قريبتنا باين كانوا بيتكلموا فى الموضوع ده وقلت كالعادة اشاعة من اللى بيطلعوا كل يوم

    لا حول ولا قوة الا بالله
    لا حول ولا قوة الا بالله

    مش عارفه اقول ايه بجد الدنيا بقت وحشه اوى

    ماهو لما يضيع الدين يا انسانه هانستنى ايه يبقى

    ReplyDelete
  27. السلام عليكم

    اخت انسانة

    شوفى المشكلة متشعبة ولها ابعاد كثيرة

    هاقول لك حاجة
    بداية المشكلة فى الفيلم اللى حكتيه ان اولادنا وبناتنا بتكبر أمامنا واحنا مش واخدين بالنا وبنقول انهم لسه عيال وبنعاملهم بردة على انهم لسه عيال و هذا اساس المشكلة اين مصاحبة الأم لبنتها والاب لأولادة ده مفقود فى خضم البحث عن لقمة العيش

    استخدام كلمة عيب على الفاضى والمليان وان كل شىء عيب وكل شىء حرام دون ان نبين ليه هو عيب وليه هو حرام فتفقد هذه الكلمة معناها بالتكرار المستمر وتؤثر على الأبناء لازم نتكلم مع الأبناء

    الأبناء يعيشون طيلة عمرهم يسمعوا لم نفكر أن نسمعهم ابدا ودى مصيبة
    سيبوهم يتكلموا يخرجوا اللى جواهم اللى ممكن نفهمه منهم من غير ما يقصدوا وانهم وصلوا لأى درجة من الفهم والوعى

    لازم نبقى مستمعين كويسين ونصاحبهم ونحوط عليهم بالحنان ونراعى كل مرحلة واحتياجاتها و تكون عندنا ثقافة هذه المراحل

    معلهش يا انسانة انا عندى كلام كثير
    ربنا يوفقنا و يعافينا جميعا
    تحياتى

    ReplyDelete
  28. حبيبتي انسانه اجد نفس و اجدك و مدونه افكار مبعثره دون ترتيب منا نحس بهذه المشكله و نكتب عنها بدون سابق انذر لا يجمعنا سواء الحزن و الخوف و دعاء حسبي الله و نعم و الوكيل مشاعرك و احساسك لا يختلفان عني خالص و لنا و لها الله و حسبي الله و نعم الوكيل

    ReplyDelete
  29. اهلا انسانه
    مع انى انا شخصيا بقيت استعر من كونى انسان... بس الحمد لله انى مش حجر
    ولا جماد
    البشر بدات معالم البشريه تتخطاهم
    وبدات ملامح البشر نفر منهم
    واخلاق البشر لم تعد موجوده فيهم
    لم اسمع يوما عن وحش فى اى غابه
    واقع احد بنات جنسه وهى لا زالت صغيره
    لم اسمع عن اى حيوان او طائر او بنات حتى انه يواقع الصغار
    حتى الاسماك تاكل الصغار ولكن لا تطارحها الفراش
    الا الانسان
    كائن غريب متناقض ومتقابل متعاكس
    حسبنا الله ونعم الوكيل
    تحياتى

    ReplyDelete
  30. حسبى الله ونعم الوكيل

    لااجدمنالكلملت ما يوصف مدى حزنى وفزعى من ذلك الموضوع

    غير انى ادعو الله بكل ما املك من قوة دعاء ان يحفظ ابناءنا واخواتنا

    وبنتقم من كل واحد تخلت عنه صفات البشريه واصبح اللى الشيطان اقرب

    ان يرينى الله فيهم يوما

    دعواتى للصغيرة ان ينجاه الله واهلها من هذة المحنه ويرزقها الصبر

    ReplyDelete
  31. حسبنا الله ونعم الوكيل
    عارفه كتبت تعليق طويل بس سبحان الله النت بقى منه لله
    الظاهر علشان خاطر الجمهور قطع والكلام ضاع
    مش فاكرة غير حسبنا الله ونعم الوكيل

    ReplyDelete
  32. حسبنا الله ونعم الوكيل فى مسئول اسما فقط
    لكن لا يفعل شىء فى صالح تحمل المسئولية
    وحسبى الله ونعم الوكيل فى كل ساكت عن الحق
    اما عن الطفله ومن تعرض لمثل ما تعرضت لها فلهم الله
    هو المنتقم الجبار
    وهو الرحمن الرحيم
    اللهم الطف بها وبأهلها

    ReplyDelete
  33. حسبى الله ونعم الوكيل اعتقد ان الشخص ده لو ماتعاقبش عقاب جامد الموضوع وارد انه يتكرر مرة واتنين والف

    ReplyDelete
  34. السلام عليكم
    انسانه حبيبتى على فكره انا كنت حكتب الموضوع ده شوفته على 90 دقيقه وقولت لامانى حتكتبيه ولا اكتبه قاتلى اكتبيه انتى بس بصراحه طالع منك معبر
    وفعلا عبر عن الحرقه اللى كانت جوايا
    على راىء واحده من المتحدثين فى البرنامج لامتى حنفضل متهانين فى بلدنا لامتى
    وحرقت دمى قوى الست اللى قالت الغلط من امها انها سابتها تمشى لوحدها على اساسا انها بتربط بنتها فى ايديها مش بتسبها
    اللهم استرنا فوق الارض وتحت الارض ويوم العرض عليك اللهم امين
    وحسبى الله ونعم الوكيل

    ReplyDelete
  35. القبض على معتز منفى والجيزاوى بحبك يا مصر
    تم إلقاء القبض صباحا على كل من المدون معتز عادل صاحب مدونة منفى
    وأحمد الجيزاوى صاحب مدونة بحبك يا مصر
    وذلك إثناء ذيابهم إلى الهايكستب بطرق مصر إسماعيلية الصحراوى للتضامن مع المحالين عسكريا
    monzer they catch me in my way to cairoi donot know were they will take me nawtell all of them to take care and iam with u in modawn7"anafrom mo3takal
    وما ألمنى اكثر ولم اقرأه إلا عند كتابة هذه الرسالة هي كلمته الأخيرة
    donot forget me

    وكانت رسالة أحمد الجيزاوى كالآتي
    رسالة للجميع
    أنا فى المترو واتقبض عليا خلى بالكم وتروحوا لوحدكم كانت رسالة معتز الساعة السابعة تقريبا، أما رسالة أحمد فبعديها بنصف ساعة تقريبا والامر بين يدي الله جميعا، وحسبى الله ونعم الوكيل
    والسلام عليكم ورحمة الله وبركاته ...أخوكم منذر
    نقلا من مدونة حين البأس...لاخويا منذر

    ReplyDelete
  36. حسبنا الله ونعم الوكيل

    وجزاكِ الله خيرا على البوست الرائع ده

    وتحياتي

    ReplyDelete
  37. الحكايةفعلا الم حزن قتل براءة طفلة لكن الموضوع لازم نكون واقعيين في ايجاد حلول ليه
    خلاص الطفلة بقت ام يعني لازم الحلول تكون ممكن تنفيذها
    طبعا الرعاية النفسية قبل اي حاجة
    نفسية بنت زي دي مش واعية دلوقتي لاي شئ
    اذن العلاج النفسي اول شئ وكمان الرعاية للبنت الام نفسها
    لازم تتعوض عما لا يمكن تعويضه بس ربنا معاها اكيد مش هيسبها ابداولازم نتأكد من دة
    بالنسبة للواد بقي اللي عرفته ان النائب العام وهو رجل فاضل فعلا تدخل في الموضوع شخصيا والقضية مبقتش قضية بنت وخلاص لان معني تدخل النائب العام ان حكاية الافراج عن المجرم دة كانت بسبب خطأواكيد مش هسيبوه لاننا فعلا في بلد القانون فيها صارم في الجزئية دي بالذات يعني اعدام ان شاء الله

    اتمني زيارة مدونة تغريد الياسمين يا انسانةفاني اتشرف بها

    ReplyDelete
  38. لا حول ولا قوة إلا بالله

    بجد مش لاقية تعليق :(
    ربنا يتلاها برحمته و يحفظها من اي سوء... و يحفظها و يحيطها برحمته

    لا حول ولا قوة إلا بالله!



    فكرتيني بقصة لبنت بعتتها لبريد الجمعة اعتقد... بتحكي فيه عن مشكلة ليها كده... انها اتخطفت بعد ما اتخدرت و لما راحت لدكتورة تحكلها اللي حصل الدكتورة طردتها و اتهمتها و قالتلها انتى بنت قليلة الادب
    فاكراها هيا اللي راحت بنفسها!

    لا إله إلا الله!

    ReplyDelete
  39. عزيزتى
    انسانة
    الدنيا مليانه مقاسى وخدى بالك فى كل الدنيا حالات اغتصاب للبنات
    ومش كده وبس دول بيشتغلوا فى الدعاره والجنس يعنى لازم نشوف ليه بيحصل كده وازاى ونعمل ايه علشان نحافظ على اولادنا
    والمصيبه الكبيره
    انها ازاى قدرت وعرفت وفكرت ونفذت قرار انها تخبى عن اهلها الموضوع ده
    سلام

    ReplyDelete
  40. واي الم

    دة الالم الي يخلي الواحد مش عارف يعبر

    فعلا حسبي الله ونعم الوكيل

    ReplyDelete
  41. انا علقت على الموضوع ده فى مدونة تانية وقلت


    طبعاً احنا مش هنلقى اللوم كلة على المغتصب .. ولا هنبرءه

    فهو فعلاً عندما فعل ما فعل تجرد من كل الصفات الآدمية التى قد يمتلكها الإنسان

    ولكن لو تجردنا من العاطفة ..

    هل لإنسان سوى .. نشأ فى بيئة سوية .. وبأخلاق الإسلام ..ان يفكر مجرد التفكير فى هذا

    كلا

    لابد ان هناك شذوذ فى شىء ما

    شذوذ فى التربية .. او فى المجتمع من حولة .. أو بيئته .. أو اسرتة .. أو عقده نفسية

    الله اعلم

    ReplyDelete
  42. حسبي الله و نعم الوكيل

    ReplyDelete
  43. انا كل ما ااقراه فى اى مكان بتخنق اكتر من الاول وبدعى عاللى كان السبب

    سواء فى اهل الواطى اللى عمل الجريمة اللى معرفوش يربوه...

    او فى نظام مش عارف يحيب للغلبان حق ولا حتى باطل

    ReplyDelete

  44. ربنا يولع في الي كان السبب
    ان كان حكومه
    او علماء دين
    او حراميه نهبوا البلد
    انا مبقولش ان الواد مش غلطان
    لا غلطان ويستاهل الحرق في ميدان عام
    بس الظروف الي خرجت حيوان زي ده
    ممكن تخرج حيوانات تانيه زيه

    ReplyDelete
  45. السلام عليكم
    لا حول ولا قوة الا بالله
    شئ مفجع بمعني الكلمة
    مش عارف بصراحة اقول ايه
    مش لاقي حاجة توصف الموضوع
    اللهم عافنا وأعفو عنا

    جزاكي الله خيرا اختي الكريمة علي زيارتك الجميلة لمدونتي المتواضعة واتمني دوام تواجدك وتشريفك إن شاء الله
    دمتي في خير
    السلام عليكم

    ReplyDelete
  46. الموضوع بقالوا فترة كبيرة موجود ويمكن الحالة دي الوحيدة اللي أخدت شهرة من الاعلام انما الموضوع ده بيتكرر كتير من حوالي سنتين فاتوا بس النهاية كانت بتختلف اما البنت بتموت قتل الشخص ليها أو اهلها بيخافو من الفضيحة
    المشكلة ان دي بقت حاجة متكررة في مجتمعنا المصري حاجة موجوده فينا عايشنها ومش عارفين هل هتنتهي ولا هناك أسوأ
    انا شفت الفيلم وشفت البرنامج ومن الاتنين شفت مصر وصورتها القبيحة اللي بقت عليها
    للأسف مصر بقت كده

    ReplyDelete
  47. بجد حسبي الله ونعم الوكيل
    اللهم الطف بينا فيما جرت به المقادير يارب الطف بيها وبأهلها وبكل اللى زيهم وحسبى الله ونعم الوكيل فى الولد ده وكل اللى زيه .. يارب استر كل البنات يارب يارب استرنا ياااااارب امييين اللهم استرنا فوق الأرض وتحت الأرض ويوم العرض عليك ياارحم الراحمين يارب استرنا ولا تفضحنا برحمتك يا ارحم الراحمين
    وحسبنا الله ونعم الوكيل

    للاسف احنا عايشين في وسط شوية ذئاب وللاسف مفيش قانون يلم هؤلاء الذئاب
    يتركون من ينتهك عرض فتاة ينتهك وان حكم علية كان المدة بسيطة اقل بكتير من من جزاءة الحقيقي

    يارب ارحمنا يارب واسترنا

    ReplyDelete
  48. قوليلي انتي
    احنا بنتكلم ونقول ياحرقه قلبنا
    ونبكي
    طيب اهلها يعملوا ايه
    يعملوا ايه
    حسبي الله ونعم لوكيل في الحيوان ده
    حسبي الله ونعم الوكيل فيه

    ReplyDelete
  49. ياحرقه قلبنا كلنا
    فعلا وضع يحزن في ضوء الااللى بتحصل في كل حته في الشارع وفي التليفزيون وعن مفهوم الرجل الغلط عن نفسه
    بجد يا حرقه قلوبنا جميعا
    فعلا البنت منظرها يقطع القلب

    حسبي الله ونعم الوكيل
    وربنا يحمي كل البنات
    ويحميكي

    ReplyDelete
  50. حسبى الله ونعم الوكيل

    ReplyDelete
  51. مش عارفة اقولك ايه
    بس صدقيني انا لا استغربت الفيلم ولا استغربت القصة بتاعت هند

    اخرجي بس انتي للحياة وانتي تشوفي مصايب كتير
    وبالنسبة لسؤالك هو احنا بقينا رخصة كدة

    ايوة يا ياسمين البني ادم في زمنا دة تمنه رخيص اوي

    وحسبي الله ونعم الوكيل

    ReplyDelete
  52. حسبى الله ونعم الوكيل
    انا كمان والله يابنتى كنت بتقطع وانا بسمع البرنامج
    طيب الاول
    قالوا ان البنت السبب وانها المفروض تعمل وتعمل وتلبس وتغطى نفسها
    علشان الذئاب تتحمى منهم
    طيب دى طفله ضعيفه هزيله فى خمسه ابتدائى ياناااااااااااااااااس
    دى اغرته فى اييييييييييييييييه
    احنا وصلنا للدرجه دى!!!
    طيب هنعمل ايه بئا
    ينهااااااااااار
    هنعمل ايه فى بناتنا هنحميهم ازاى
    دى مبقتش مشكله هدوم وبنت بتتمايص معذرة على التشبيه او بتتاخر بره
    دى بقت مشكله حيوانيه
    ان دول مجرد حيوانات عايزين يشبعوا رغباتهم با اى شكل
    حتى لو مع طفله
    انا بجد هموت بحسرتى من اللى بيحصل
    احنا خلاص والله بعد كدا هنتحبس فى أمئم مش فى بيوت كمان
    دا البيوت ممكن كمان يدخلوها
    بيكونوا قرايب واخوااااااااااااااااااااااااااااااااااات
    ويعملوا فى بعض كدا
    زنا محارم والعياذ بالله

    للاسف للاسف
    احنا فى مجتمع ذكروى جنسى بحت

    تسلم ايدك يا انسانه

    ReplyDelete
  53. انا ماشفتش الحلقه دي

    بس بجد مش عارفه اقولك ايه؟؟

    والله مش لاقيه كلام أقوله

    حسبي الله ونعم الوكيل

    3سنين؟

    أعتقد ان الاعدام قليل عليه

    ReplyDelete
  54. حسبى الله ونعم الوكيل
    انا مشوفتش البرنامج
    بس سمعت القصمن كذا حد
    زهلت وصدمت
    معنديش تعليق بجد غير حسبى الله ونعم الوكيل
    ربنا يتولى البنت وبنتها وعيلتها
    ويحمينا ويسترها معانا

    ReplyDelete
  55. فعلا انا لما شفت البرنامج والبنت دمعت بجد
    الحكاية مش سهلة .. البنت تحسي انها تايهه وعمرها ما هتنسي اللى حصلها .. عارفة يعنى ايه بنت عندها 11 سنة يبقي عندها مسؤولية طفلة رضيعة .. هى مش عارفة تتكلم اصلا مش عارفة ايه اللى حصلها
    مش قادر اقول غير حسبي الله ونعم الوكيل ..
    وربنا يحمي البنت دى لانها ملهاش ذنب فى اللى حصل ..

    ReplyDelete
  56. حسبنا الله ونعم الوكيل

    ReplyDelete
  57. حسبى الله ونعم الوكيل
    واهلا بنا جميعا فى مجتمع يزداد فيه التعفن والتخلف

    ReplyDelete
  58. السلام عليكم ورحمه الله وبركاته
    هبدا كلامي
    بسم الله الرحمن الرحيم
    ولا تهونوا ولا تحزنوا وانتم الاعلون أن كنتم مؤمنين
    وقال الحق
    ظهر الفساد في الارض والبحر بما كسبت ايدي الناس

    ولا يحيق المكر السىء الا باهله (سوره فاطر) ايه43
    (ولا تحسبن الله غافلا عما يعملون
    صدق الله العظيم
    ولا اقدر بعد هذه الايات علي كتابه تعليق انما ارجوا ان تجدي ما اعنيه بهذه الايات

    ReplyDelete
  59. الايه الكريمه ااتي كتبت تفسيره
    ظهر الفساد في الارض والبحر بما كسبت ايدي الناس
    هي
    بسم الله الرحمن الرحيم
    ظهر الفساد في البر والبحر بما كسبت ايديكم
    وصدق الله العلي العظيم

    ReplyDelete
  60. انا فعلا شفت فيلم أسرار البنات مرة واحدة بس لانو من السبب انك تشوفو اكتر من مرة موش صعوبة عرض لا صعوبة احتمال..من الصعب فعلا انك تتحمل مشاهدتو اكتر من مرة

    وتخيلت حالي مكان هلبنت يلي بالفيلم ولئيت انو الفيلم بيحمل اكتر من فكرة اهمها الاهل وعلاقتهم بالبنت
    اولا الام لازم تكون قريبة من بنتها جدا تسمع منها وتعرف وبالتالي راح توقف جنبها قبل اي ازمة وقبل اي موقف مايستفحل
    وان صارت هلازمة راح تكون اول واحدة تلجأ لها
    الام ياعالم الها دور كبير جدا بحياة اولادها موش مجرد تأكل وتلبس وتشرب لا



    وبقصة هند يلي بالواقع راح نلاحظ فعلا ان اهلها ماحسوش بيها الا بعد الشهر الخامس
    رغم انها طفلة والحمل بيسبب تغيرات كتير جدا بالجسم والحالة الصحية
    ياعني يا ناس مابنش ع هند اي اعراض تنبه الام بانو في شي منو مظبوط
    خمس اشهر والماما مابتعرف شي عن ماتعانيه بنتها

    ماعلينا من هلحكي راح نقول نقطة تانية
    البنت صار الها هلشي وضلت كاتمة بقلبها خمس شهور ليش مافكرت ولو بلحظة من اللحظات انها تسر بما حدث لامها..لماذا؟؟؟
    ماتقولوش انها خايفا ليدوسها بالتوكتوك

    بردو ماعلينا
    هلشاب اكيد اكيد اكيد سمع وشاف قصص حقيقية للاغتصاب
    ماراح قول انو عاصرها بل انو مجرد سمعها من حكي اصحابو او من غيرو مما ينشر وينتشر من احداث
    وهل يا ترى اذا كان سمع عن اي عقوبة قاسية نزلت بمرتكبي تلك القصص وسمع بيلي نالوه من قصاص عقوبة على هلجرائم ياترى كان بيتجرأ ويفكر انو يعمل متلن
    مابعتقد ابد ابد ابد
    ولكم في القصاص حياة ..يا اولي الألباب
    صدق الله العظيم


    اما بالنسبة للعقوبة او القصاص يلي يستحقو هو وامثالو لازم تكون عقوبة مؤلمة وليست مريحة فالاعدام فعلا راحة لالهن
    سمعت شخص مابعرف مين هو بس اقترح انو يتم بتر عضو الذكورة للمغتصب
    وبهيك يكون عبرة لمن لا يعتبر
    وبنفس الوقت عذاب لالو
    وكمان بيقضي على مستقبلو متل ما قضي هو ع مستقبل اي بنت قام باغتصابها



    اما بالنسبة للبنت المغتصبة فبيكون ذنبها برقبة المجتمع يلي بيتعامل معها بعد هيك بكل قسوة وتعنت وازدراء وكأنها هي المذنبة وليست الضحية

    واسفة عالاطالة
    وشكرا عالبوست يلي سمح لنا باخرج مكبوتنا
    وتحية لقلمك ومدونتك يا ياسمين


    باربي

    ReplyDelete
  61. الموضوع فعلا مؤلم جدااااااا
    بس مش غريب انة يحصل فى بلدنا لان خلاص البلد دى بقى متاح فيها اى حاجة
    للاسف ان فى الدول الاوروبية العلاقات فيها متاحة ومافيش جواز ولا الكلام دة لكن لو حصل وواحد اغتصب واحدة هناك بتقوم الدنيا كلها وبياخد مؤبد للاسف الناس دى بجد هم اللى بيطبقوا تعاليم الاسلام بجد لكن احنا خلاص بلدنا انتهت وعمرها ما هاتتصلح ابدا
    حسبى اللة ونعم الوكيل فى كل ظالم ومستبد

    ReplyDelete
  62. لا حول و لا قوة إلا بالله العلي العظيم
    حسبنا الله و نعم الوكيل عليه توكلنا و هو رب العرش العظيم
    يا رب أمتك يا رب يا أرحم الراحمين يا كريم

    ReplyDelete
  63. إنسانه انتى فين ما ظهرتيش بقى لك فترة ولا حتى رديتي على التعليقات اللى عندك يارب تكونى بخير

    ReplyDelete
  64. استغفرك ربي واتوب اليك
    الايه الكريمه
    بسم الله الرحمن الرحيم
    ظهر الفساد في البر والبحر بما كسبت ايدي الناس
    صدق الله العلي العظيم
    سوره الروم ايه41

    ReplyDelete
  65. حسبى الله ونعم الوكيل احنا فى زمن انهارت فيه الاخلاقيات وانتشرت فيه الذئاب مع احترامى للذئاب ماكنت لتفعل ما فعل والله كنت هبكى وانا بتفرج مش على حال البنت بس على حال البلد

    ReplyDelete
  66. ان شاء الله تكوني بخير فعلا يا ياسمين

    وعلى فكرة آخر الاخبار إن تحليلي ال دي ان ايه بيقول ان مش محمد هو اللي عمل العملة دي

    الحكاية باين فيها سر

    وربنا يصبر اهل البنت على اللي هما فيه

    ReplyDelete
  67. انا اكتر حاجه حرقة دمي ان هو حر طليق ؛ انا معرفش ده ازاي مفضلش في الحجز لحد ما الدي ان ايه يطلع
    ممكن يتنيل علي عينه يعمل كده تاني و تالت عقبال ما الدي ان ايه يطلع
    حاجه زفت
    و اللي بتتعك فيها البنت مش الراجل
    ما هو راجل
    دايما يجيبوا الغلط عليها
    اهو البنت دي لا هي لابسه عريان و لا مغريه و لا حاجه
    هو اللي مريض
    حقيقي حسبي الله و نعم الوكيل 70 مره

    ReplyDelete
  68. حقا حسبنا الله ونعم الوكيل
    وحقا انت انسانة

    ReplyDelete
  69. مدخلتش امتحان خمسة ابتدائى عشان كانت بتولد
    كم هى مصيبه ان يحدث هذا وليس خيال علمى فبعض هذه الافلام قد تحمل جزء من المنطق


    مشتكون فى المسئوليه جميعا
    فباستثناء المدونين وجدنا صمت اعلامى كبير وصمت من جمعيات حقوق المرأه التى أقامت الدنيا ولم تقعدها بعد وفاة الطفله بدور
    ولم نسمع للمفتى صوت
    ولا لمثقفى مصر


    وللدكتوره ما علينا
    هو كل واحده عاوزه الناس تقول عليها مثقفه تتكلم عن المجتمع الرجولى والعالم الذكورى
    لسه فيه رجاله

    ReplyDelete
  70. الحل الوحيد من وجهة نظرى ان احنا نقطع بتاع المغتصب

    محمد وحيد

    ReplyDelete
  71. بجد موضوع مزعج بس ليه بنستنى المصيبة وبعدين ندور على حل ليه ما نعملش الوقاية من الاول
    وحسبي الله ونعم الوكيل

    ReplyDelete
  72. انا بردوا لما شفت الحلقة دي تعبت اوي بجد وحسيت ان الدنيا مبقاش فيها امان خالص...بجد بجد ربنا يرحمنا
    اما الشاب ده فالمفروض فعلا يطبق عليه حد الحرابة مش الاعدام لان العدام هيكون راحة ليه

    تحياتي ليكي
    محمد سمير

    ReplyDelete
  73. بمناسبة احتفالات ثورة يوليو أنا عاوز المصريين يفتكروا قائدها اللواء محمد نجيب فلو عايز (ة ) تشارك (ى) فيها أنا حاطط على المدونة بتاعتى كود لصورة نجيب ممكن تحطيها فى
    add page element html/java code
    وده لحد يوم 23 يوليو مع انى عارف ان ده مش هيعوضه هو ولا أسرته عن اللى اتعمل فيهم بس يمكن تنجح المحاولة ويزور قبره رئيس الجمهورية ويقراله الفاتحة أو يكتبوا فى كتب التاريخ اللى مزورينها انه كان أول رئيس لمصر
    شكرا

    ReplyDelete
  74. حسبنا الله ونعم الوكيل , فعلا الحكاية مؤلمة جدا , على الاقل البنت اللى فى الفيلم ممكن نطلق عليها اللوم , لكن دى طفلة بريئة , انا مش متخيلة فعلا , دا انا اختى اللى من سنها تقريبا ماتعرفش تشيل بابى بتاع حد , مابتعرفش تشيل مسئولية نفسها , لأنها فى الاول والاخر طفل , اذاى بقى واحدة فى سنها هتشيل مسئولية طفلة , بجد ربنا يرحمنا

    ReplyDelete
  75. حسبنا الله ونعم الوكيل

    ReplyDelete
  76. جزاكم الله خيرا كثيرا بجد

    وحسبنا الله ونعم والوكيل فى اى حد يعمل كدة وربنا يستر علينا جميعا ويخرجنا من الدنيا دى ومن بلاويها على خير اللهم امين

    نفسى بجد ارد على كل تعليق بس اعتذر بشدة لظروف خارجة عن إرادتى

    جزاكم الله جميعا وربنا يكرم اللى سأل عليا .. الحمد لله لسة عايشة وبخير بفضل الله وحده

    ربنا يكرمكم ويعزكم جميعا

    سلام عليكم

    ReplyDelete
  77. مفاجأة: خلو مولودة الطفلة هند من الصفات الوراثية للمتهم باغتصابها

    http://www.masrawy.com/News/2007/Egypt/Politics/July/19/rape.aspx

    ReplyDelete
  78. مفاجأة: خلو مولودة الطفلة هند من الصفات الوراثية للمتهم باغتصابها

    http://tinyurl.com/yr526h

    ReplyDelete
  79. True, here is another proof he isnt the father

    http://www.egypty.com/people-talk-details.aspx?people_talk=643

    Also she is 16 years old not 10!

    ReplyDelete
  80. قصة يدمع لها القلب دما، جراء ما اقترفه ذلك العديم الإنسانية، ذنب هذه الفتاة المسكينة هو أنها وقعت ضحية إنسان من النوع الردئ الذي لا يعمل سوى لإفراغ و إرضاء شهواته الشاذة و البعيدة كل البعد عن مظاهر الوعي الحضاري عامة و الإسلامي خاصة، في الختام لا يسعني سوى القول : حسبنا الله و نعم الوكيل

    ReplyDelete
  81. حسبنا الله ونعم الوكيل
    وربنا ينتقم من أوصل الناس لهذا المستوى المنحدر من الأخلاق

    تلك الأخبار تحرق أعصابى وتوجع قلبى وأبكى دماء على حال المسلمين وحال إخوتى فى الله

    أهذا حال المرأة , أهذا حالها ونحن فى عصور حقوق المرأة

    وااا معتصماه صرخت المرأة المسلمة تستنجد بالمعتصم القائد العربى البطل صرخت وسمعها رغم المسافات وأرسل رسالة فى منتهى القوة لكلب الروم

    والآن تصرخ المرأة والرجال من حولها يشاهدونها تغتصب ولا ينجدوها فلقد ماتت الرجولة والمروئة لا بل ماتت القلوب وإنعدمت الرحمه

    فنحن نعيش فى زمن النسيان

    ReplyDelete
  82. بجد حسبى الله ونعم الوكيل
    ليه البراءة يقتلوها
    ليه عايشين فخوف
    ليه منعش فأمان وكلنا نراعى بعض
    بجد شيى قاسى اوى انك تخاف من انسان زيك
    مفروض يحس بيك
    لا حول ولا قوة الا بالله
    ليه نشيل كتتتتتتتتتتتتير فقلوبنا ونتوج
    اوى واحنا مش عارفين اي ذنبنا ليه الظلم والجور ده
    ربنا ارحمنا من دنيانا
    ولا تسلط علينا من لا يرحمنا ولا يخشاك
    سلمتى وسلمت كلماتك وابعد عنكى الله اى حزن
    واعتذر ان اسمى انا كمان انسانة بس ليا الشرف انى كنت اخترت اسم يشابه اسم من كتبت هذا الكلام

    ReplyDelete

الكلمـة نـور .. وبعـض الكلمـات قبـور