Thursday, August 09, 2007

وتستمر الحياة


وتستمر الحياة

بين ابتسامه وآه

فيها اللى تاه فى دجاه

واللى ضميره هداه

.

لملم جروحك يا حزين واسعى

واهى دى الحقيقة بس منسية

وكلنا ولاد تسعه وبنسعى

ودى مش وسية الناس سواسية

.

لملم جروحك يا حزين وامشى

خطوة كمان وتخف آلامك

واحلم بعين صاحية ولا تنامشي

غير لما تقطف زهر احلامك

.

وتستمر الحياة

بين ابتسامه وآه

فيها اللى تاه فى دجاه

واللى ضميره هداه
.

تتر مسلسل الوسية

33 comments:

  1. السلام عليكم
    فعلا كلمات معبرة جدا لمن يتأملها بعيدا عن الموسيقى المصاحبة
    ولكن
    لماذا اخترتيها الان؟

    دمتى بكل خير

    ReplyDelete
  2. كلام لوجيك

    وعليكم السلام ورحمة الله وبركاته

    فعلا معبرة ومكبية .. عايز تعرف سبب الإختيار فى الوقت ده بذات انظر على البوست اللى فات واللى بعده مش قادرة اكتب اى حاجة فى المدونة ولا عارفة ادخلها اصلا

    عشان كدة بقول لنفسى ان الحياة بتستمر مهما بيحصل

    الحمد لله على كل حال

    اهلا بيك دايما يا اخى

    ReplyDelete
  3. كلمات جميلة والله

    تخيلى ان مسلسل الوسية ده من كام سنة وتحسى ان كلماته معمولة لليومين دول

    المهم انتى اخبارك ايه وعاملة ايه؟

    ReplyDelete
  4. نعم تستمر الحياة بنا أول بدوننا

    لسنا محاور للكون

    يحزن أهلونا وأصدقائنا وأهلنا لفرقنا ثم ينسون ولربما بعد ساعات تجدهم يضحكون ويأكلون وينامون ملأ الجفون

    فنحن لسنا محاور للكون

    ReplyDelete

  5. اغنيه تحفه
    انا بعشقها
    http://www.sawari.com/

    ReplyDelete
  6. السلام عليكم
    هونى على نفسك بتموت ناس وبتحيا تاس دى سنة الحياة
    كلنا اموات
    :)
    كلمات التتر حلوة
    تحياتى وايه يا ستى انتى مخصمانة ولا ايه ؟ بقالك كتير مش بتيجى تطلى عندى فى ايه بس ؟
    سلام وتحياتى

    ReplyDelete
  7. السلام عليكم
    اولا : انا مبسوط انك بداتي تتجوزي مرحله الحزن
    فعند يفرقنا من نحب ... تهون علينا الدنيا
    فعند وفاه السيده خديجه زوجه الرسول (صلي الله عليه وسلم)وابوطالب عم الرسول (صلي الله عليه وسلم ... حزن رسول الله لفرقهم... لا اله الا انت الحليم الكريم ولا اله الا انت العلي العظيم لا الله الا رب السموات السبع ورب العرش العظيم

    وثانيا : مسلسل الوسيه من احب المسلسلات لي لانها بتغطي معاني كتير اوي فيه الظلم والعدل وفيه الامل واليقين بقضاء الله وفيها قصه نجاح ويمكن هو ده اللي حببني في (احمد عبد العزيز

    واخيرا القصه واقعيه

    ReplyDelete
  8. وتستمر الحياة
    بين ابتسامه وآه

    فعلا هي دي الحياه...ابتسامة واه
    لافرحتها دايمة ولا حزنها غالب

    تحياتي ليكي

    محمد سمير

    ReplyDelete
  9. فعلا كلماتك معبره جدا وانا حسيت انك كتباها عشان شيماء الله يرحمها بس هى دى الحياه والموت واجب علينا بس الفراق هو الى بيبقى صعب جدااااااااااا وانا والله لما عرفت دموعى نزلت لوحدها رغم انى معرفهاش خالص ولا كنت اعرف مدونتها ربنا يرحمها يارب ويرحمنا جميعا وارجو انكمتزعليش وحاولى تتاقلمى لان دى هى الحياه وكل واحد له معاد هيموت فيه تحياتى لك يااجمل انسانه

    ReplyDelete
  10. السلام عليكم
    ربنا يساعدك في الخروج من المود ده
    مش متعودين منك علي المود ده البلوج بالرغم من إنك بتقولي أنك بتضحكي بالغم من الحزن اللي بيكون جواكي
    ياريت ترجعي كده تاني
    و ربنا يكرمك و يسعدك دايما يارب

    ReplyDelete
  11. فاكره المسلسل ده
    كنت بحبه جدا
    وبحب اوى التتر بتاعه
    والحيه فى كل الأحوال لازم تستمر يا ياسو
    مهما كانت مليئه احزان
    ووجع واكتئاب
    فى النهايه بتستمر حتى لو نريدها ان تستمر
    ربنا الهمنا نعمه النسيان علشان نقدر نستمر
    ربنا يكرمك يارب
    قبلاتى :)

    ReplyDelete
  12. الاغنية بتاعة المسلسل دى بتحرك حاجة حلوة اوى جوايا
    انا بحبها
    لان كلها عبر
    الحياة كده كده هتستمر

    تحياتى
    :)

    ReplyDelete
  13. السلام عليكم
    ازيك ياإنسانة

    ديه اول زيارة لمدونتك وان شاء مش هتكون الاخيرة

    انا بقترح اقتراح بخصوص شيماء الله يرحمها
    ان احنا كلنا كمدونين نقرأ قرآن على روحها يعنى نحاول نعمل ختمة لها
    وكل واحد يحدد جزأ او اتنين يقرأهم
    وانا كاتبة الاقتراح ده عندى فى المدونة
    وربنا يرحم شيماء وجميع موتى المسلمين

    انا معرفش شيماء بس حبيتها فى الله من كلامك ومن كلام الناس اللى كانوا يعرفوها
    الله يرحمها ويرحمنا جميعا

    ReplyDelete
  14. ملحوظه الحداد الشرعي في الاسلام ..3ايام وليست 10و لا 40و50

    ReplyDelete
  15. أعلم ما تمرين به
    وكا يمر به كعظم من كانوا يعرفوا شيماء
    لكن بجد لازم تستمر الحياه

    ReplyDelete
  16. كلام جميل بجد
    عارفة فى تترات كده الواحد ميعرفشينساها يركز بس فيها
    بحب اوى التترات وخصوصا لو على الحجار او مدحت صالح

    بجد حلوةاوى يا ريت نللمم كلنا جروحنا الدنيا هى هى بس احنا الى بنقفل عينينا سعات

    ReplyDelete
  17. كلام جميل بجد
    عارفة فى تترات كده الواحد ميعرفشينساها يركز بس فيها
    بحب اوى التترات وخصوصا لو على الحجار او مدحت صالح

    بجد حلوةاوى يا ريت نللمم كلنا جروحنا الدنيا هى هى بس احنا الى بنقفل عينينا سعات

    ReplyDelete
  18. السلام عليكم ورحمة الله وبركاته


    الحزن في القلب والعيون تملؤها الدموع ولكن .........







    لازم تستمر الحياه



    تحياتي

    ReplyDelete
  19. وتستمر الحياة
    بين ابتسامه وآه
    فيها اللى تاه فى دجاه
    واللى ضميره هداه

    فعلا كانت تحفه
    هو شكله احساس بين جميع المدونين بعد وفاه شيماء
    احساس بتشابه الطرق
    بتفاهه الحياه
    وتستمر الحياه

    تحياتي علي الاختيار يا انسانه

    ReplyDelete

  20. كنت بسمعها كل يوم في الشركة وانا شغال نايت شيفت هي مع اغنية علي الحجار بتاعت المال والبنون

    روائع فعلا

    تحياتي لك من ماناساس البلد وشكرا بجد على الذكرى الجميلة

    ReplyDelete
  21. أنا بحب جدا التتر ده

    شكلك غاوية مسلسلات يا ياسمينة

    بس جميلة فعلا الكلمات

    ReplyDelete
  22. لازم تسمتر الحياه
    ســبحان الله دى الدنيا يوم فوق ويوم تحت
    لازم نصبر عليها ونستحمل فيها الاحزان زى ما بنفرح بالافراح والسعادة اللى فيها
    فرج الله كربك وازاح الله همك وييسرلك كل امورك يااااااااااااارب آمــــــــــين
    ارفعى شــعار لاتحزن ان الله معانا

    ReplyDelete
  23. انا الاول قلت البنت انسانة ربنا فتح عليها و بقت تكتب شعر بعد كده فهمت هههههه

    الكلمات راااااااائعة

    على فكرة زعلانة منك

    ReplyDelete
  24. فعلا تستمر الحياة

    "فيه اللى هداه ضميره .. وفيه اللى تاه"
    صح برضه

    "ونفس وما سواها قد أفلح من زكاها وقد خاب من دساها"

    ReplyDelete
  25. بحب الأغنيه دي اووي ياياسو

    ربنا يرحم شيماء يارب

    ReplyDelete
  26. محتاجة تفكير الكلمات دي

    جمييييييييييلة

    ReplyDelete
  27. البقاء والدوام لله وحده
    وفعلا الحياة ماشية برغم من اللي كتير قوي بيفارقها في محطات مختلفة
    وجايز هو ده اللي بيكون صعب

    اختيار رائع

    ReplyDelete
  28. انا كنت فاكر فى الأول انك اللى كاتبها


    قلت ايه ده انتى بقيتى فنانة من ورانا ولا ايه ؟ :)

    ReplyDelete
  29. ايه يا ست إنسانة, لاهو انت نسيتي اننا منه و ليه ولا ايه (اكيد عارفه انا اقصد ايه ^o)) ...

    و بعدين ياريت بقى نبطل حجج و تلاكيك و مبررات للأنتخه و عدم الكتابة يا هانم ...

    نقلب بقى جد شوية ... بجد يا ياسمين هوب انك تبقي كويسه و ماتشيليش لاي حاجه في يوم هم, افتكري دايماً ان فيه "الوكيل" سبحانه و تعالى اللي بس ترمي حمولك عليك (مع الأخذ بالأسباب طبعاً) و تقولي "يا رب" و انت تلاقي كل البواب بتتفتحلك من حيث لا تدري و لا تعلمي, و انا مش بقولك كده بس عشان آخر تو بوستس ليكي, أنا بقولك كده عشان كل حاجه و بكلمك ان جينيرال, hope u know what i mean!

    حبه تهييس بقى :D ... أنا اول يا بت ما قريت الشعر افتكرت ان انت اللي كاتباه, و قلت "يا لهوي, معقول البت من اللي هي فيه بقت تكتب شعر, ده في بلاوي بدات تطلع اهيه, ده مش بعيد تكون قربت تطلع بترول من تحت السرير" ههههههه ...

    waiting for hearing a good news from you ABOUT YOU very soon en sha2 Allah :)

    ReplyDelete
  30. عزيزتى
    الكلام جميل بس يا ريت كنتى كتبتى تتر البداية جميل جدا
    وكمان انا بحب المسلسل ده اوى
    مليان مواقف جميله
    واداء رائع من احمد عبد العزيز
    واساسا سيد حجاب دائمن داخل كلماته بعض الحكم اللى بيحب يقولها
    اختيار جميل لانسانه جميله
    سلام

    ReplyDelete
  31. مش اقدر اقول غير ربنا يرحمك يا شيماء

    وفعلا الحياه لازم تستمر لانها سنه الحياه

    ReplyDelete
  32. السلام عليكم

    الحقيقة تلك الكلمت فى غاية الروعة فلقد سمعتها وأنا طفل ولم أنساها , ففعلا الحياة ستستمر بحلوها ومرها

    وياريت تعود الأغانى كالماضى مليئة بالمعانى ومعبرة , فمستوى الأغانى وصل لمستوى فى غاية الإنحطاط فأصبح بلا معنى بلا قيمة وبلا هدف

    وشكراجزيلاً لك

    ودمتى بكل خير

    ReplyDelete
  33. المسلسل ده له معايا ذكريات جميلة جدااااااااا
    فاكراها عشان بس الذكريات الجميلة فى حياتى الصغيرة قليلة قوى :)

    ReplyDelete

الكلمـة نـور .. وبعـض الكلمـات قبـور