Friday, November 23, 2007

عندى أمل


بكيت كثيراً فى تلك الليلة بل تمزقت
كنت فى امس الحاجة لما ارجوه من ربى فبكيت بحرقة
ودعوت الله ان يرفق بحالى
اتذكر دموعى التى انهمرت مثل امطار غزيرة فى ليلة باردة
حينها ضاقت علي نفسى ودنياي
واحسست ان ماارجوه بعيد وصعب المنال
بل يكاد يكون مستحيل
ولكنى لم اتوقف عن الدعاء
اللهم أرفق بي
.
.
لم اكن اتخيل ان تأتينى بشرى من الله بأن ما ارجوه آت إن شاء الله
وليس علي سوى الصبر والدعاء
يــاالله
غمرت الفرحة قلبى وكدت ابكى مرة اخرى
الحمد لله
.
.
ما اكرمك يارب العباد وارحمك
انت الرحيم الودود اللطيف الجبار
فأجبر كسرى وهب لي من رحمتك مالايمسكه غيرك
.
.
فسبحان الله
.
بعد البكاء بحرقة
.
اصبحت اليوم
.
عـنـدى أمـل

31 comments:


  1. كلنا عندنا آمال

    :))

    تحياتي من ماناساس البلد

    ReplyDelete
  2. من ملجئنا الا هو سبحانه وتعالى

    لا يعظم على ملكه شيئ

    سبحان الله

    لو انقطع الامل مااااات الانسان

    ReplyDelete
  3. اللهم تقبل .. اللهم تقبل ..
    ربنا كبير قوي يا ياسمين و واقف جنبنا بقوة حتى لو كنا بعيد عنه شوية .. و كل اللي ممكن نمر بيه مجرد اختبارات و حاجة جميلة ان اول حاجة تساليها و تندهي عليها هو الله ..
    انا زعلت جدا اني يوم حادث الغرق في الاسكندرية قلت يا محمود ثلاث مرات .. ودا ابن خالتي اللي طلع و سابني .. مش قادر انساله الموقف ده رغم كل محاولاته لاثبات حسن نواياه هههههههههه .. بس لما قلت مرة واحدة يا الله .. كنت على الشط ..

    ReplyDelete
  4. ربنا يفرج كربك
    ويحقق لك كل امانيكى اللهم امين يارب لعالمين

    ReplyDelete
  5. فرج الله كربك وحقق آمالك

    ReplyDelete
  6. انا عارفه احساسك ده يا سمسمه وحسيت بيكى
    ومتخيلة الفرحه اللى شعرتى بيها
    ربنا يارب يديمها عليكى ويحلى ايامك يا قمر

    ReplyDelete
  7. سبحان الله ... ربنا الرحيم بنا بعد بعدنا عنه بينعم علينا بنعمة البكاء
    تهدأ القلوب .. وتسكن النفوس
    ويتجدد الأمل
    ربنا يكرمك بما تريده
    أول مرة أزورك وعجبتنى المدونة ماشاء الله متميزة
    وانتظرينى دائما
    زهراء

    ReplyDelete
  8. اولا يا قمر
    سلام الله عليكي


    يا رب تكوني كويسه الوقت
    فعلا بجد
    ما احلاها القرب من ربنا


    بضايق قوي لما بنقربله وقت ما بنكون محتاجينه بس
    وقت ما بنحتاج منه طلب
    وقت ما بنكون في ازمه
    و برضه ربنا بيقف معانا
    بينصرنا لو مظلومين
    بينجينا لو غرقانين في مشاكلنا

    الحمد لله اولا و اخيرا
    و كوني مع الله دائما



    طمنيني عليكي بقا ماشي ........ز هستناكي



    زيزي

    ReplyDelete
  9. السلام عليكم ورحمه الله وبركاته
    حلو قوى قربك من ربنا ولجؤك ليه يارب دائما اليه اقرب وعلى طاعته مستديمه
    وحلو قوى انى يكون عندك امل فى اى حاجه تعيشى ليه وبه ويارب دائما فى تفائل مستديم

    ReplyDelete
  10. الله
    احلى حاجه انك تدعي وتعرفي ان مافيش غير ربنا وحده اللي يقدر يحققلك طلبك
    ربنا يحققك كل ما تريديه واكثر

    ReplyDelete
  11. السلام عليكم

    الحمد لله علي كل حاجه

    ^o)
    هو انا معلقتش ازاي هنا

    انا واثق اني علقت

    حتي المدونة مستقصداني

    ReplyDelete
  12. ربنا كان عايزك تدعيه و يسمع صوتك و تضرعك... هو لا هايزيد و لا ينقص في ملكه و سلطانه حاجة... ده بس من رضاه عنك
    :)

    ReplyDelete
  13. وهب لي من رحمتك مالايمسكه غيرك

    اللهم امين

    ربنا ييسر لك كل عسير يا انسانة وخلي دايما عندك امل
    طالما انتي مؤمنة بالله
    :)

    ReplyDelete
  14. ربنا يفرج كربك ، ويهبك ما تتمنى

    جميله مدونتك

    خالص تحياتى ..

    أحمد المصرى..

    ReplyDelete
  15. :))))
    ماشاء الله يا واصلة انت

    طب ما تدعيلنا في سكتك بقى

    عاملة ايه اي سمسمة ؟

    ReplyDelete
  16. مكافأه جميلة جدا
    وأروع مكافأه ممكن نحصل عغليها هي اللي يبتجينا من الله

    ياااه على روعتها

    ساعتها بنحس اننا استحقينا ان ربنا يطل علينا و يطبب

    هنيئا لك بنعمه القرب و التواصل بالله

    بوست مليان مشاعر

    ReplyDelete
  17. على راى انغام

    و مفيش حياة من غير أمل
    و مفيش أمل من غير حياة
    تقدر تقول ان الحياة هى الأمل


    جيت اقولك ميعاد الحفله اتحدد
    و زيكا بتاعك معزوم
    قصدى كاميكاز
    :)

    ReplyDelete
  18. بعد الشر عنك يا جميلة
    من اي حزن

    عاملة ايه بقي دلوقت المهم
    :)
    بخير علي طول يارب

    ReplyDelete
  19. السلام عليكم

    ما أرحم الله تعالى بعباده

    أفمن يجيب المضطر إذا دعاه ويكشف السوء

    ReplyDelete
  20. الحمدلله
    طب بما انك ان شاء الله مستجابة الدعاء .. ممكن اطلب منك انك تدعي لامي ان ربنا يرحمها
    ويرحمنا جميعا




    سلاموووووز

    ReplyDelete
  21. سبحانه جل وعلا من قال " انا عند حسن ظن عبدى بى "
    لا اله الا انت سبحانك انى كنت من الظالمين
    تحياتى

    ReplyDelete
  22. الحمد لله ان عندك امل

    يا رب نكون زيك

    ReplyDelete
  23. الانسان دائما في صعود و هبوط

    اسعد كثيرا عندما تتغير المشاعر السلبية الي ايجابية عن اي انسان

    ReplyDelete
  24. السلام عليكم

    ضاقَت فلمااستُحكِمَت حَلَقاتُها..فُرِجَت وكُنتُ أَظنها لَن تُفرَجُ

    أسعدك ِ الله وفرج كربك ِ وهمك ِ..وحقق لك ِ أمانيكِ

    اللهم آمين

    تحياتي

    ReplyDelete
  25. جميل اوى اوى البوست ده
    عارفه الدعاء اللى من القلب
    وبتذلل لله بيجيب نتيجه
    ان شاء الله ربنا يكتب لك اللى فيه الخير
    ويفرجها عليكى
    تحياتى

    ReplyDelete
  26. الله عليكي
    انا اول مرة ادخل البلوج بتاعك بس بجد ماشاء الله عليكي
    اللهم أجبر كسرنا وتولى أمرنا ولا تخيب رجائنا

    ReplyDelete
  27. السلام عليكم
    ربنا يكرمك و تحققي كل أمالك و يوفقك للخير دايما

    ReplyDelete
  28. الحمد لله
    مفيش انسان بيتقرب من ربنا اوى
    الا ولازم يكون عنده امل
    ربنا يوفقك

    ReplyDelete
  29. طلاما تكالك علي الله
    فلا داعي للحزن ...اكيد ربنا حيوفقك للخير ....انتي امام امرين ....اما الصبر و اما الشكر ...


    الصبر هو وقود الامل ...و الشكر هو تحقيق هذا الامل .

    ReplyDelete

الكلمـة نـور .. وبعـض الكلمـات قبـور