Thursday, December 13, 2007

!!!!!!


والله لسة بدرى والله ياشهر الصيااام تي را رام .. إيه ده لأ دى بتاعة العيد اللى فات العيد ده بتاع اللحمة

العيد فرحة هيه هيه وفتة ولحمة هيه هيه ، اهلااااااا اهلا بالعيد مررررحب مرحب بالعيد هيه هيه هييييييييييه ، خروووفى خرووووفى يابو بدلة صوووفى ، العيد فرحة مااااااااااااااااااااااء – ايه العبط اللى بعمله ده – احم .. ماتخدوش فى بالكوا ، ندخل فى علامات التعجب دى ، بس صلوا ع النبى الاول .. عليه الصلاة والسلام

كنت خارجة النهاردة مع ماما – منا اصلى قاعدة فاضية بقا – وصلنا لشارع جانبى كدة فدخلنا لاقينا صوان عجيب شوية .. متعرفش إذا كان صوان ميتم ولا فرح .. طب وهما يعملوا فرح دلوقتى ليه ماهو العيد قرب اهوه يبقوا يعيدوا ويتجوزوا بالمرة!ه

ماما هو ده ميتم؟؟

لا يابنتى دى صناديق الحاجة الساقعة اهيه

طب ايه المشكلة يمكن بيشربوها فرحانين انه مات .. اكنهم بيشربوها ويقولوا يلا ياعم غار فى داهية كان قارفنا ههههههه

!!!!!

.

كملنا وروحنا عند العطار عشان نجيب صابون سائل للمواعين حاكم القديم كان غلس و .... ، احم ماتخدوش فى بالكم ، ماما سألت الراجل : هو فى ايه .. فرح ده ولا ايه؟

لا يا حاجة دول حد عندهم طالع يحج

حج !!!ه

يا حاجة دول جهلة بقالهم كام يوم زغاريط ودي جي ونانسى عجرم وقاعدين فى الصوان تحت بيضربوا نار وبيشيشوا

لا حول ولا قوة الا بالله

وفعلا لاقينا فى ضرب نار والمفرقعات اللى بتعمل اشكال فى الهوا دى والدي جي إشتغل واشتغلت الملحمة الشهيرة " فكهانى وبحب الفاكهة وبموت فى الموز والمنجة " وزغاريييييييط كان ناقصهم بجد يخطفوا رجليهم لشارع الهرم يجيبولهم رقاصة فى السريع كدة وتيجى ترقص بقا اهى تعملهم جو شوية ... وتبقى ليلة يا عمدة

.

واقعدوا بالعافية .. فى مصر!ه

52 comments:

  1. ههههههههههههههههههههههههههههههه

    ههههههههههههههههههههههههه

    عقبالك يا بت
    ونكسر وراكي القلل وايبلك اجدعها رقاصة من شارع الهرم

    وممكن اجيبلك شوة عيال ينولك كمان

    هو انتي هتعملي حاجة
    دة انتي هتطلعي تحجي

    ههههههههههههههههههههه

    عمار يا مصر
    ناس عاملين دي جي عشان واحد هيحج
    ووواحد عايز يقلع البنات الحجاب عشان يرقصوا في رمضان

    حسبي الله ونعم الوكيل

    ReplyDelete
  2. السلام عليكم

    الناس دي بتروح تحج عشان يتقال لها يا حاج كذا او كذا

    مش زي ما انتي متخيله
    ربنا يتوب عليهم وعلينا

    تحياتي

    الصابون السائل خلص ولا لسه؟

    ReplyDelete
  3. تخيلت في البداية إنه جزار بيحتفل زي بقية الجزارين .. لكن أن تصل لما وصفت .. فهذا عجيب

    ربنا يهديهم ويهدينا

    بالمناسبة .. المرة السابقة اختلط علي الأمر في مدونتك وتشابهت مع مدونة أخرى .. لذلك باركت لك على الشكل الجديد

    فنعتذر على هذا اللبس الغير مقصود

    ReplyDelete
  4. ههههههههههههههههههههههههههههه

    والله ضحكتيني

    مش عارفة اقولك ايه والله

    مش هاقول حاجة.......

    ههههههههههههههههههههههههههههه

    مصر دي بلد العجائب فعلا

    :))))

    ابقوا تعالوا زورونا
    :)))

    ReplyDelete
  5. إيه ده انا كنت حاطط تعليق امبارح بالليل والله

    هو صحيح كان مختصر بس مش لدرجة انه مش يبان

    كنت باقول

    !!!!!!!!
    أنا كمان

    وكان ساعتها مفيش ولاتعليق نزل أعمل إيه أنا دلوقت وبعدين أنا مش فاكر هما كانوا كام علامة تعجب

    طيب الراجل ده لما يرجع حيعملوا إيه حيغنوا له حجاج وبحب الحاجة

    ReplyDelete
  6. ضحكتينى جدااا ياسمين
    ماهو بقى هايروح يحج وهايمسح اثار هذه الليله فعادى بيودع الذنوب قبل ما يسافر
    ربنا يهدى
    وياترى بقى شوفت العريس
    اقصدى الحاج اللى هايطلع ولا كان مخبينه ليتحسد

    ReplyDelete
  7. ههههههههههههههههههههههه ده دليل على العلم نوررررررررر

    ReplyDelete
  8. هههههههههههههههههههه
    المشهد ده بشوفه كتير ناس رايحة تحج وجايبة دى جى ونازلين رقص
    حاجة غريبة والله

    ربنا يرحمنا

    تحياتى لكى

    ReplyDelete
  9. السلام عليكم ورحمة الله وبركاته


    هههههههه
    ربنا يهدي

    ReplyDelete
  10. ههههههه
    بجد مش عارف أقول إيه بس إيه الناس دى
    آه انا اعرف ان بعض الناس لما بتحج بتعمل ايه بقى بتدبح حاجه وتوزع على الفقراء بس تجيب نانسي عقرب وموز ومانجه وبلح
    وعنب تقريبا
    :d
    ربنا يهديهم يا رب وعقبالك وعقبالنا كلنا لما نطلع نحج

    ReplyDelete
  11. السلام عليكم ورحمة الله وبركاته
    شر البلية ما يضحك يا إنسانة
    بجد شئ عجيب
    نا بتبكي الحسرة عشان مش عارفة تطلع تقضي فريضة ربنا
    وناس ربنا وسع عليهم وفاكرين إن فريضة ربنا دي حاجة كدا زي عربية جديدة والا زفة بلدي
    لا حول ولا قوة الا بالله

    ReplyDelete
  12. كل سنة وانتي طيبة

    كان حد حكالي علي حد قريبهم لما رجع من الحج فبيقلوله اتبسط ياحج قالهم اه
    دا انا طفت كمان هناك

    وفضلت أطوف لحد اما كفرت :S

    كنايهعن كتر الطواف يعني

    طبعاً الناس دي في الضياع خالص مجرد عاداتاجتماعية والقاب بيدوروا عليها..من غير ادارك لانهاعبادة وللاسف دا عند كتير من الناس

    ReplyDelete
  13. ههههههههههه
    شر البلية ما يضحك
    لا حول ولا قوة الا بالله

    البلوج تبعك كتير حلو ورقيق


    RoReE

    ReplyDelete
  14. هههههههههههه
    يابت دول بيعملوا مخزون
    اصل هيجى من الحج بقى ممنوع الحاجات دى
    فالراجل بيطلع كل المكبوت قبل ما يسافر
    يارايحين للنبى الغالى هنيالكم وعقبالى
    قوم ايه بقى لما يرجع يلاقيهم دهنوا البيت ورسموا عليه مركب
    وحج مبرور وذنب مغفور
    وبدم الخروف خمسه وخميسه فى عين الحسود
    ضحكتينى يا سمسمه والله
    ربنا يهدى

    ReplyDelete
  15. السلام عليكم
    أية الفضايح دي
    لازم المواعين و صابون سايل

    و في الأخر تشردي للناس كمان
    ربنا يهدي و يتقبل الحج من اللي مسافر
    يارب
    مفيش حاجة نعملها غير إن ربنا يتقبل نقول أية

    ReplyDelete
  16. نعيب الزمان والعيب فينا
    ومالزماننا عيب سوانا
    الانسان هو نتيجة تربية وتعليم
    لا تستطيع ان تحاسب انسان اتربى علي كده
    لازم نربي ونعلم الناس صح
    علشان نقدر نحاسبهم صح

    ReplyDelete
  17. الجهل نووووووورن
    خيبه والله

    ايه الجهل ده
    امال لو رايح شرم كانو عملو ايه

    ربنا يرحمنا برحمته

    ReplyDelete
  18. عارفه الموضوع ده زي إيه؟ زي الأخوات الفاضلات الراقصات والممثلات لما بيروحوا الحج ويرجعوا بعد العيد بشعرهم وجسمهم المكشوف يكملوا شغلهم عادي خالص

    دي خصائص مصرية خالصة .. شيزوفرينيا عيني عينك كده

    وقلدتهم واحده كويتية كمان

    ألا المجنون بتاع شارع فيصل ده لسه موجود؟ أصلي ناوي الأجازة الجاية أرجع على بيتنا اللي فيصل

    ReplyDelete
  19. وفيها إيه لما يفرحوا بالراجل ويهيصوا شوية ويزفوه لحد السوبر جيت كمان
    مش يمكن رايح يحج في شرم الشيخ..مع الريس يعني

    ReplyDelete
  20. مدونتك رائعه جدا جدا
    بارك الله فيكى
    فعلا اختى
    اصبح بعض الناس الان ينظرون الى الحج
    انه رحلة فقط وليست عبادة

    جزيت الجنة

    ReplyDelete
  21. بعد السلام و التحية
    الشعب المصرى ده علية حاجات غريبة بجد
    انا حصل معايا نفسك الموقف ده من سنة و لما سألك ابن الراجل اللى مسافر على الحكاية رد عليا بدعو الى الاحترام بصراحة يعنى
    ركزو معايا قال
    بصى الحج دلوقتى بقى عامل زى الجنية ابو جملين يعنى عملة ندرة للفى جيبه فلوس و الناس لازم تعرف اننا مش سهلين فى المنطقة و معنا فلوس كتير ومع تحيات النسخة المعدلة بوحة الصباح
    و كل سنة وانتى طيبة و بخير

    ReplyDelete
  22. !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!


    تحياتى

    ReplyDelete
  23. ههههههههه
    والله بتحصل فعلا
    السنة اللى فاتت واحد جارنا كان راجع بقى من الحج عملولوه زفة ودى جى
    كان ناقص يجيبو رقاصة
    هههههههه
    عالم جهلة صحيح
    و
    متاخديش فى بالك
    بس كل سنة وانتى طيبة
    وعيد سعيد

    ReplyDelete
  24. السلام عليكم
    لا تستغرب فانك تعيش في مصر
    واي شي مستحيل ممكن حدوثه
    وكل سنه وانتي طيبة

    ReplyDelete
  25. هههههههههههههههههههههه.....طول ما حنا في مصر لسه حنشوف و حنسمع العجب
    كل سنه و أنتي طيبه

    ReplyDelete
  26. هههههههههههههههههههههههههههههههههههههههههههههههههههههههههههههههههههههههههههههههههههههههه

    والله مش قادرة ابطل ضوحك

    وانا عمالة اقول ياربى يطلع صوان ايه دا لما فى حاجة ساقعة
    طب وانتى متأكدة انها حاجة ساقعة واللا حاجة تانية:)) بم ان الموضوع فيه عنب وفاكهة وحنطور:))

    فعلا شر البلية مايضحك

    اللى زى دول عاوزين منقوع تنظيف مخ.. ابقى اسألى عليه كدا وانتى بتجيبى الصابون المرة الجاية

    وعماااااااااار ياايجيبت

    ReplyDelete
  27. هههههههه
    عادي في مصر كل شيء جايز .. وعلى رأي الدور القديم .. كم جرى في مصر من المضحكات

    سيبك انتي من علامات العمل الصالح إنه يكون مصحوبا بالخير قبله وبعده ..

    ربنا يتقبل من الجميع ويغفر للجاهلين ويجعله عامر

    ReplyDelete
  28. هههههههه
    والله تحف..عقبالك لما تروحي تحجي ونجيبلك الرقاصة ترقص احتفالا بالمناسبة..والله حسستيني انه فرح او على الاقل خطوبة

    الناس في مصر بقوا بطاطيخ على الاخر كدة ليه
    بطاطيخ..جمع بطيخة على فكرة

    ReplyDelete
  29. روحي بقي مطار القاهرة و اتفرجي
    والله بالزفة البلدي و فرقة مزامير
    والله لو يطلو كانو جابو غازية وحصان
    يا شيخة دي حاجة مسخرة

    ReplyDelete
  30. سلامو عليكم اولا
    والله حاجة تحزن لما واحد يكون رايح يحج ويكون مشغل نانسى عجرم ورقص وشيشة
    دة اندل فبيدل على ان الراجل مش رايح لله دة لو كان رايح لله مكنش عمل الهبل دة

    تحياتى وكل سنة واحنا طيبيبن والسنة الجاية نكون على عرفات بس مش هنشغل نانسى قبل منمشى ان شاء الله

    تحياتى

    ReplyDelete
  31. ربنا يوفقك
    إحنا طول عمرنا كدة نشغل العنب حتى لو بعد الميتم
    بس عجبتني أوي "اقعدوا بالعافية في مصر" دي
    مع أطيب تمنياتي إني ألاقي مكان أقعد أصلاً ميجيش حد يقولي محجوز
    تحياتي

    ReplyDelete
  32. نسيت أقولك كل سنة وإنتي طيبة

    ReplyDelete
  33. ولم التعجب
    عارفه .. من فتره كده باسأل واحد صاحبي بقوللو تعتقد في سيخ في مصر؟؟
    يعني ناس ديانتهم السيخ بتاعة الهند
    قاللي في مصر كل حاجه .. مصر ام الدنيا

    لقتني بعدها بقول في سري
    ام الدنيا على ابوها على اللي عارف يعيش فيها


    كل سنه وانتي طيبه

    وحجا مبرورا لبتاع الفاكهه



    سلاموووووووووز

    ReplyDelete
  34. ربنا يهديهم يارب

    ReplyDelete
  35. السلام عليكم
    لا أقول هذا العيد
    كل عام وانتم بخير
    ولكن اقول
    انتم الخير لكل عام
    ولا تنسوا اخواننا فى فلسطين
    وندعوكم لمتابعة
    ( العيد وضياع اقصانا )
    مدونة قلب أبيض

    ReplyDelete
  36. الهنا ما اعدلك
    مليك كل من ملك
    ............
    لبيك قد لبيت لك
    لبيك ان الحمد لك
    ............
    و الملك لا شريك لك
    ما خاب عبد سالك
    ...................
    انت له حيث سلك
    لولاك يارب هلك
    ..................
    لبيك ان الحمد لك
    و الملك لا شريك لك
    .....................
    كل نبي و ملك
    و كل من اهل لك
    ...................
    و كل عبد سالك
    سبح او لبي فلك
    ................
    لبيك ان الحمد لك
    و الملك لا شريك لك
    ...................
    و الليل لما ان حلك
    و السابحات في الفلك
    .................
    علي مجاري المنسلك
    لبيك ان الحمد لك
    .........................
    و الملك لا شريك لك
    يا خاطئا ما اغفلك
    ....................
    اعمل و بادر اجلك
    و اختم بخير عملك
    ...............
    لبيك ان الحمد لك
    و الملك لا شريك لك
    ....................
    هذه القصيده لشاعر الخمريات الشهير ابو نواس، احببت ان اهديها لكم بمناسبة وقفة عرفات و عيد لاضحي المبارك، كل عام انتم بخير ،تقبل الله منا و منكم طيب القول و صالح العمل
    .........................

    ReplyDelete
  37. كل عام وانتم بخير
    وإن شاء الله العام القادم
    نحتفل بمصر وقد صارت أجمل وأفضل
    "وطن مالوش مثيل
    في الدنيا كلها"

    ReplyDelete
  38. كـل سنة وانتى طيبة وبالف خير وعافية يارب آمـــــين واعاده الله علينا وعلى الامة الاسلامية بالخير واليمن والبركات

    ReplyDelete
  39. هههههههههههههههههههههههههههههههههههههههههههههههههههههههههههه



    عثللللللل والله يا بنت
    بقولك ايييييه
    كل سنه و انتي طيبه




    زيزي

    ReplyDelete
  40. هههههههههههههههههه
    على فكره انتى عسل خالص ودمك شرباااااات
    ومدونتك عسوووله بجد
    احذرى النمل بقى

    ReplyDelete
  41. كل سنة و انتي طيبة يا انسانة
    إن شاء الله السنة الجاية نلاقي شغلانة تشغلنا
    يالله سلام و لو عايزين جزار أنا في الخدمة

    ReplyDelete
  42. بجد بوست رائع جدا يا انسانه
    لا تتعجبى بجد الناس بقت بتنظر لمناسبات كتير تستحق العباده وكأنها عاده كبر بقى معاها فلوس فيروح يحج.
    ربنا يهدينا ويستر على الشعب المصرى

    ReplyDelete
  43. سيبك منهم
    بطريقتنا احنا
    كل سنة وانتي طيبة
    وعقابل ماشوفك الحاجة انسانة -من غير دي جي- وعيد سعيد يا جميلة

    ReplyDelete
  44. هههههههههههههههههه
    ههههههههههههههههه
    هههههههههههههههههه
    هههههههههههههههههههه

    يبقى أكيد إنتي في مصر

    أسلوبك على فكره حلو أوي في الكتابه
    ماشاء الله
    والمدونه فوق فوق فوق الروعه


    :)
    منتظر زيارة حضرتك لماي بلوج
    :)

    ReplyDelete
  45. كل سنة وانتى طيبة يا قمر
    عيد سعيد عليكى وعلى الاسرة الكريمة

    ReplyDelete
  46. بنسيم الرحمه وعبير المغفرة وقبل الزحمه نقول كل عام وانت بخير

    ReplyDelete
  47. !!!!!!!!!!!!!

    يبقى انت أكيد في مصر


    لا حول ولا قوة الا بالله

    ReplyDelete
  48. كل سنه وانت طيبه انا اول مره ازورك بس مدونه جميله وحازورك دايما
    تحياتى

    ReplyDelete
  49. مدونة زي العسل يا إنسانة .. عندنا بنفرح على اي حاجة .. لا وبطريقتنا كمان .. الفرح عندنا دي جي ورقص وشيشة .. والباقي في المساء والسهرة
    علشان عم الحاج طالع يحج .. الف بركة ياختي .. الف بركة يا حبيبتي .. عقبال جوزك الحاج .. يا شيخة بلا نيلة .. مش لما يركعها الأول
    لا حول ولا قوة إلا بالله .. شتان الفارق بين العيد بمكة والعيد في اي مكان تاني

    ReplyDelete
  50. بحب اوى اتابع مدونتك فى صمت ... بس البوست دا حاجة تانية .... بجد احنا بقينا بنفكر ازاى يعنى ... ربنا يشفينا ...

    بلدياتك انا من الكلية الفبساوية ... و مزنوقة زنقة مش ظريفة فى الامتحانات و بتمنى اكون زيك كدا .... احمد ربنا يا حضرت على اللى انت فيه ... حد لاقى الفضا دا ... عامة يا ستى ربنا يرزقك بالشغلانة اللى تمشورك و تبسطك يا رب

    اه صحيح ... السنة دى خلاص خلصوا المبنى بتاع الامتحانات و شكلوا من برا ظريف ... بس بعد ايه بأة ... هما بس كانوا نفسهم يسيبلكم ذكرى اخيرة للكلية متنسوهاش ابدا ....

    ReplyDelete
  51. ههههههههههههه
    ههههههههههههههههه
    ههههههههههههههههههههههههه

    لا لا صعبة اوي الحكاية دي
    استغفر الله العظيم
    دا جهل و الله
    متهيألي ملوش تفسير الا كده
    !!!!

    كل سنة و إنتي طيبة
    و السنة الجاية
    نكون علي عرفات جميعا
    :)

    تقديري و حبي

    ReplyDelete

الكلمـة نـور .. وبعـض الكلمـات قبـور