Thursday, July 31, 2008

اسفة


اسفة على كل كلمة قريتوها عندى وممكن تكون ضايقيتكم

اسفة على كل يوم بعدت فيه عندكم

اسفة على كل يوم فكرتوا تدخلوا فيه المدونة وملاقيتوش حاجة جديدة

واسفة على كل يوم حتدخلوا فيه وماتلاقوش جديد بردو

اسفة انى شلت مواضيع كتير من المدونة عشان مش عاوزة اشيل حد همى اكتر من كدة

وبالله عليكم تدعولى

اسفة يا جماعة

اسفة انى عملت المدونة من الأصل

وكمان اسفة انى سبتها كدة

اسفة انى بعيدة اوى عن المدونة

واسفة انى حفضل بعيدة

اسفة يا مدونتى

اسفة يا قلمى

اسفة يا نفسى

اسفة بجد

اسفة

41 comments:

  1. احنا اللي اسفين جدا
    احنا هنعتبر ان الموضوع ده جه غلطة و انك مكتبتيش حاجة
    و انك مقلتيش انك هتبعدي عننا كده
    و مش مهم المواضيع اللي اتحذفت بس يا ريت تحذفي الموضوع ده
    احنا عاوزين انسانة و كميكاز من فضلك
    و لو انتي مش فاضية ابعتي كيمي
    كلنا بنزعل و المدونات للفضفضة
    عودي يا انسانة
    و كلنا معاكي
    و ربنا يسعدك عشان ظننا كلنا فيكي انك تستاهلي كل خير

    ReplyDelete
  2. احنا اللى اسفين لاننا مش هنقبل اسفك لو تركتى التدوين
    لكن غير ذلك فمسمحينك عن اى شىء

    ReplyDelete
  3. السلام عليكم ورحمة الله وبركاته

    ماتزعليش نفسك يا ياسمين
    ومش نهاية العالم ان الواحد يفشل في تجربة ما او يختار غلط

    لازم تتجاوزي الازمه وتحاولي تخرجي منها بسرعه واحسن حاجه هاتساعدك علي كده هي الفضفضة بكل اللي جواكي وكل اللي تاعبك
    واحسن حته لكده هي مدونتك الجميله الي طالما اعتبرتها من المدونات المحترمه الجديره بالمتابعه

    حاولي تخرجي بسرعه من الموود الوحش ده وهانفضل مستنيين جديدك مهما طال الوقت

    سلام

    ReplyDelete
  4. الاسف قد لا يفيدك لانك بالفعل أصبحت فى حياتنا كما أن عملة الاسف لا تفيد هالايام

    إرجعلى فربما لقلمك كلمة تغير إنسان
    ربما تخرج من نفسك كلمة تنقذ إنسان
    أيتها الانسانة
    ربما إنسان ما ينتظر منك موضوع هام بوست مفيد وما أكثرهم
    قد ترينهم أنت تفاهات لكن للبعض تجارب وخبرات
    عودى ربما أحدهم يستناك

    ReplyDelete
  5. ليه كل الأسف ده...؟ هو إيه إللي حصل واضح أنك مريضه بالرقة والعذوبة... لا شفاك الله منهما

    ReplyDelete
  6. بعد السلام عليكم

    ياااااا
    أنا كنت تقريبا كل يومين بأدخل عندك عشان اتابعك وانتى كنتى غايبة

    ولما دخلت ولقيت بوست جديد قولت انتى رجعتى خلاص للتدوين وهاقولك الف حمد الله علي السلامة

    ولكن للأسف لما قريت البوست لاقيته مليان حزن ويأس

    هونى على نفسك
    واستعينى بالله بصدق وبثقة فى قدرته ورحمته وهو مش هيخذلك ابدا

    مهما كان ماأصابك وخلاكى فى الحالة دى
    فهو قدر ربنا

    ارضى به وقولى لربنا انك رضيتى بقدره
    وقولى
    قدر الله وماشاء فعل
    هتلاقيه زاح همك وفك كربك
    ادعى باخلاص وانتى واثقة فى الإجابة وهو هيستجيب

    ياستى شيلينا همومك زى ماأنت عايزة
    واحنا مش هنشتكى
    واعتبرينا كلنا اخواتك

    ربنا ان شاء الله يفك ضيقك
    ويزيح همك

    وأن شاء الله ارجع المرة الجاية الاقيكى سعيدة والاقى بوست كله تفاؤل

    تحياتى ليكى
    وكل سنة وأنتى طيبة وبخير

    ReplyDelete
  7. ماشاء الله عليكى يا انسانه
    كلامك جميل جدا
    وخصوصا البوست الى بعنوان عايزين فلوس
    انا بقراها كتير سورة الواقعه
    بس من انهاردة وفصاعدا..كل يوم هقراها
    بارك الله فيكى وجزاكى الله كل الخير
    ومبروك الشغل يا قمرة وربنا يسعدك كمان ويرزقك رزق حلال
    فعلا زى ما قلتى يا حبيبتى ان السعادة ف الرضا
    ربنا يفك كربك ويصلح احوالك ويدبرلك الخير دايما
    اسألك الدعاء لى بأصلاح الاحوال لى ولمن لهم حق على ...وان ربنا ييسر لى امرى

    ReplyDelete
  8. السلام عليكم
    أنا مش هأقبل أسفك علشان انا مش زعلان منك
    ده في البداية
    إحنا كلنا هنا بنشد من بعض أنا شخصيا مفيش جديد في حياتي و لسه الفشل عمال يطاردني بس مرتاح عكس قبل أما أعرف المدونات و أعرفكم
    دلوقتي في حد بيسمعني و أشكي له همي الكتير اللي ممكن يكون تافهة بس انا اللي مكبرة
    أنت إن شاء الله مش هتقدري تبعدي عن التدوين
    أنا باقولك كده
    و أنا كده كده هأقرفك لحد ما ترجعي تدوني تاني

    وبعدين كيميكاز ياكل منين يعني؟
    ربنا معاكي و يوفقك و يهديكي

    ReplyDelete
  9. السلام عليكم
    يارب تكونى بخير يا ياسمين انتى و عيلتك.وحشتينا قوى .ونفسنا نطمن عليكى ..هى دى الحياه .مش لازم تكسرنا...بالعكس دى لازم كل يوم تقوينا..مش لازم نستسلم ..اكيد فيه امل جديد ...يمكن يكون لسه نقطه نور صغيره ومش شايفينه ..يوم بعد يوم هيكون قدامنا زى الشمس ..هيخلى حياتنا منوره لايام كتيره.الحمد لله على نعمة الحياه ..اللهم ارزقنا ما فيه الخير لنا وساعدنا لنتخطى ايام الانتظار .
    Meshmesha

    ReplyDelete
  10. للأسف المدونة والصداقات اللي نشأت عن طريق التدوين بقت حاجة ما تتنسيش .. بقت جزء من كيان الواحد مننا حتى لو حاول يبعد أو ينسى

    ماحدش هيقدر يلغي جزء من نفسه

    ReplyDelete
  11. ياريت ما تبعديش
    تعرفي انا اوقات بدخل مدونتك
    لانها مجرد بتريحني نفسيا
    هوني عليكي وسيبيها علي الله
    كلنا بنعدي بالظروف دي
    خلي بالك من نفسك
    وما تسبيش مدونتك
    وتهجريها
    تحياتي

    ReplyDelete
  12. في كلامك احساس بالضيق واليأس ليه ؟؟؟

    ما تزعليش من حاجه ,وكوني واثقه ان بعد الضيق فرج وبعد العسر يسر بإذن الله.

    ان شاء الله ترجعي تكتبي وانتي اكثر قوه و تماسك .

    ===================================

    أسأل الله العظيم رب العرش العظيم
    ان يفرج ضيقك وييسر لك حالك .

    ReplyDelete
  13. وأحنا مش أسفين أننا عرفناكي ..

    بالعكس انتي كنتي فعلاً انسانة ولا زلتي
    :)

    ReplyDelete
  14. أيه يا بنتي الأسف ده كله ؟
    أنا عن نفسي مقدرة كلنا بيجي علينا وقت بننشغل و أسحبي من فضلك جملة كل الي قرأ عندي كلمة ضايقته
    أنتي كتبتي كلام يضايق ؟ ده حصل أمتي فين

    أدي دعوة اهيه
    روحي ألهي ربنا يفتحها في وشك

    ReplyDelete
  15. أكررها لك مرة أخرى لكن باسمى هذه المرة

    الاسف قد لا يفيدك لانك بالفعل أصبحت فى حياتنا كما أن عملة الاسف لا تفيد هالايام

    إرجعلى فربما لقلمك كلمة تغير إنسان
    ربما تخرج من نفسك كلمة تنقذ إنسان
    أيتها الانسانة
    ربما إنسان ما ينتظر منك موضوع هام بوست مفيد وما أكثرهم
    قد ترينهم أنت تفاهات لكن للبعض تجارب وخبرات
    عودى ربما أحدهم يستناك

    ReplyDelete
  16. ايه يابنتى ف ايه

    بقى احنا مستنيينك ترجعى بالسلامه

    م راحة التفكير اللى كنتى فيه

    وتكونى اخدتى القرار اللى يريحك

    ترجعى اخده قرار محدش مننا هيرضى عنه

    ياستى خديلك كمان فترة راحه

    لكن متحرمناش م دماغك وافكارك

    يلا احنا مستنيينك

    متتأخريش رجاء

    ReplyDelete
  17. اااااااااااااااسفه 676
    شفيلك غيرناااااااااااااا 676
    مش راح نقبل بعدك عنااااااااااااا 676
    676 676 676

    ReplyDelete
  18. وحدوووووووووووووه
    لا اله الا الله
    ايه الكابه الفظيعه ده
    علي فكره احنا حاسين ان مش انتي
    خالص اللي تكوني مكتابه كده
    انتي مش مؤمنه بربنا ولا ايه
    وعسي ان تكرهوا شيئا
    الحمد لله علي كل شيء

    صحيح هو الواد كوكو فين اكيد هرب
    مانتي سبتيه من غير اكل وقفلتي عليه المدونه.

    ReplyDelete
  19. الغريب ان الموضوع في مجال : بعض حماقاتي !!

    - لا احب هذا النوع من المواضيع -

    ReplyDelete
  20. السلام عليكم

    ازيك ياانسانة
    ايه يابنتى اسفة ايه بس
    انتى عارفة اجمل حاجة انكم لما تكونوا مضايقة وتشتكى لناس اتنى عارفة انهم بيحبوكى وانتى بتحبيهم متتأسفيش ابدا على حاجة زى كده

    متتأسفيش لحد انتى عارفة ان اتنى وهما واحد


    أتمنى انك تكونى بخير

    ReplyDelete
  21. ان بعد العسر يسرا ان بعد العسر يسرا
    صدق الله العظيم

    لقد سعدت بهذه المودنه كثيرا
    وكم اتمنى ان تعودى وتستكملى كتابات
    ربنا يفرج ههمك ويشرح صدرك

    ReplyDelete
  22. كيفيك يا قمراية

    معلش احنا مش متقبلين الاسف

    بجد ارتبطنا بيكى وبمدونتك

    وبكتاباتك المتميزة

    منتظرين بوستك القادم في اسرع وقت

    ربنا يفرج همك .. ويسرلك امرك

    ReplyDelete
  23. شوفي يا ست الكل
    زي ما لغيتي مواضيع من البوج
    حتلغي دا كمان
    ايون البوست ده
    وتغيرلينا لون البلوج لو سمحتي
    بلون مبهج كده
    وسيبك من الكلام ده

    ده طبعا ليس امرا
    ولكن رجاء

    اخرجي من المود ده وحتبقى كويسه

    ReplyDelete
  24. يمكن انتى ممكن متفتكريش مدونتى او تفتكرينى
    بس كتير جدا كنت بزور مدونتك
    و بعتبرها من المدونات الصادقة قوى
    و جميل انك تعبرى عن اللى جواكى من مشاعر حتى لو كانت حزينة
    و للمدونة لينك اللى بيدخل هنا بمزاجه
    فلا داعى للاسف
    و استمرى فى التدوين
    انتى مدونتك جديرة بالاحترام و المتابعة
    سلام :)

    ReplyDelete
  25. انا مش فاهمه حاجه
    انا سافرت يومين ايه اللي حصل فيهم بقي؟

    طب افتحي موبيلك يابنتي عشان اعرف اكلمك
    بجد قلقتيني عليكي

    ReplyDelete
  26. فيه ايه بس يا ياسمين
    يهون عليكي الواد كاميكاز كده تسيبيه مرة واحده كده
    وتقوليله روح دور على شغل في حته تانيه
    الجدع ماكانش بيقولوك لأ على أي حاجه كنتي بتطلبيها منه
    كده برضه تاخديه لحم وترميه عضم
    ياللا ياللا خديليك اجازة وارجعلنا تاني
    بس ما تطوليش
    مستنيينيك قريب اوي ان شاء الله
    ولا هتخلي رمضان يعدي من غير اشراقه كاميكازيه
    سلام

    ReplyDelete
  27. السلام عليكم
    ازيك يا ياسمين
    فوقى كدا يابنتى ومتزعليش نفسك
    كلنا بيجلنا لحظات يأس وحزن
    بس لما يكون فى ناس حولينا بيحبونا بنجتازها ببسرعه
    وانتى كل الناس بتحبك

    ارجعى بئا بسرعه وكفايه كدا

    ReplyDelete
  28. فينك يا إنسانة ؟!!!!! نسيت كل اللى بيحبوك هنا وروحت فين ؟
    أنا شايف أن أجازتك طولت شوية
    عموما أيّا كان السبب فى غيابك فلازم تكونى أشجع من ذلك وأقوى ايضا
    الدنيا هذه لم تعد غابة
    فى الغابة قد يرحم القوى الضعفاء لدموعهم او لأجل الرحمة فقط
    أما هنا
    فسيلتهمك الاقوياء لإراحتك من حياتك ودموعك

    تحلى بالايمان فى ملاذك وإستعينى بالله ولا تعجزى وكلنا فى إنتظارك
    رمضان كريم بقة هه

    ReplyDelete
  29. خسارة بجد
    انتي من الناس المريحة جدا القراية ليهم
    ومن اخف الناس اللي قريتلهم ياريت تكون قرار انفعالي هاتراجعي فيه نفسك وتكتشفي انك اتسرعتي وهاترجعي ف كلامك
    طب مش علشاننا ولا علشانك علشان كاميكاز المسكين
    يارب ان شاء الله ادخل قريب الاقي بوست جديد خالص

    ReplyDelete
  30. :)
    هدي نفسك و ماتحمليش نفسك فوق طاقتها

    لما حد بيدخل هنا المدونة... بيدخل برضاه... عشان يتابع كتبتي ايه جديد
    ف اكيد لو اللي كاتباه ده حاجة تضايق او "بتشيلينا همك" زي ما بتقولي... يبقى احنا اللي ذمبنا على جمبنا :d و اكيد مش هنبقى متضايقين من كده

    بجد ماتحمليش نفسك فوق طاقتك..


    ربنا يفك كربك و يسعدك و يدخل السرور على قلبك :)

    ReplyDelete
  31. ايه
    ايه ايه
    ليه كل ده يعني
    متعملياللي انتي عاوزاه يابنتي
    صفحتك وانت حرة فيها
    ليه كل الأسف ده

    أيا كان اللي حصل معاكي
    لو له علاقة بالتدوين يبقي حاجة صغيرة وميستاهلش التعب ووجع القلب انسية وفتحي الصفحة عشان تكتبي وتلعبي تستفيدي وتفيدي غيرك وتجاهلي اي حد يزعلك

    لو اللي حصل بره التدوين
    يبقي فرصة تطلعي طاقة وتفوقي وتنسي اللي مزعلك

    يلا يا ياسمين، متبطليش حاجة بتحبيها بسهولة كده

    ReplyDelete
  32. انا بهددك يا إنسانة ..
    لو مبطلتيش أسف انا هاضطر اشيل اللينك بتاعك من على مدونتى :)

    مش انتى إنسانة اللى انا عرفتها
    بصدقها و عزيمتها و إيمانها

    اوعى تنسى يا إنسانة .. إنك إنسانة
    يوم زعلانة
    يوم فرحانة
    و يوم بين الدروب حيرانة
    و يوم ..ويوم و يوم ..

    مفيش حد يصاب باليأس و كل الناس دى بتحبه . من غير حتى ما تكون شفته أو سمعت حتى صوته

    دمتى دوماً بخير و سعادة
    و مستنيكى ترجعى بالأمل
    إنـــسانة

    يارب ينور بصيرتك
    بكـــسل

    ReplyDelete
  33. ايه كميه التأسفات دي
    انتي مش محتاجه تتأسفي ع تعبك
    او حالتك
    دي اكيد حاله وهتمر
    وهترجعي ياسمينه
    الي كانت بتعطر كل المدونات بجمال اسلوبها وخفتها
    واولهم مدونتي انا
    انا مستنياكي تزوريني انشاء الله
    ردي الزياره

    بست وشز فور يو

    ReplyDelete
  34. انا مش عارفة شو صاير

    هادي ثاني مدونة لثاني شخص شعرته قريباً يقول لنا مع السلامة

    هو دخول التدوين زي تركه؟؟؟

    اعقلي يا بنت الناس

    كل سنة وانت طيبة وكمان .. حدعيلك

    ReplyDelete
  35. مـجـرد إنــســانـة ... فى وشهـا إبتسـامة فرحانـة وفـى عنيهـا دمعـة حيرانـة .. بتفـرح وتضحـك .. بتزعـل وتحـزن .. ومـن قلبهـا بتدعـى تخـرج علـى خيـر من دنيـانـا

    ممكن أكون علقت عند حضرتك زمان مرة قبل كده أو مرتين
    لكن متابع جيد للمدونة بدون تعليق من ع الجوجل ريدر

    كل واحد فينا بتقابله تجارب يا ياسمين
    فينا بيعيش التجربة ويحاول يتعايش وخلاص
    وفينا مش بيرضى بأقل من النجاح
    لكن علشان ننجح لازم هنلقى صعوبات ... أفكرك بحاجة بطريقة بوستك عايزين فلوس؟؟
    هسألك سؤال زي كده برضه
    هي سايبة؟؟
    ملمحتيش مرة ف المصحف كده وانتي بتقري عن حاجة بتقول هي سايبة؟؟
    آه والله فيه في المصحف ده
    مصحف المسلمين مش الشيعة متقلقيش
    أم حسبتم أن تدخلوا الجنة ولما يأتكم مثل الذين من قبلكم مستهم البأساء والضراء وزلزلوا حتى يقول الرسول والذين ءامنوا معه متى نصر الله
    ياااااه حتى الرسول نفسه يقول متى نصر الله؟؟؟
    متهيألي لولا الآلام والأحزان مكناش هنعرف طعم السعادة ... ولولا الابتلاءات مكناش هنعرف ان ربنا بيحبنا ... ولولا المصائب والصعاب مكناش هنبقى جنب أبو بكر وعمر وعثمان ومع الرسول في الجنة وجنب السيدة عائشة وخديجة وزوجات الرسول
    صح ولا قلت حاجة غلطت ياسمين؟؟؟
    انتي مش آسفة
    واحنا مش هنقبل أسفك
    علشان احنا كلنا أسرة واحدة مينفعش حد يقفل أوضته على نفسه ويسيبنا لواحدنا
    احنا مدونين رخمين هه
    ربنا يسعدك ياسمين ويوفقك ف كل خير ويهون عليكي أي ابتلاء
    ولو دخلتي ف عزلة ...علشان خاطر اخواتك المدونين خليها عزلة بسيطة تطلعي منها أقوى
    تحياتي يا إنسانة

    ReplyDelete
  36. يابنتى احنا داخلين اهوه على رمضان وانتى لا حس ولا خبر
    بجد كده حرام عليك انك تحرمينا من مواضيعك الجامدة وعيب عليك لما تسيبينا كده فى عرض البحر
    وكمان اللى عاوز سيب ناس ويمشى أضعف الايمان يستئذن وينصرف مش يمشى كده من دماغه واللى مش عاجبه يضرب دماغه ف الحيط ؟؟؟؟
    عموما فى إنتظارك وياريت متضيعيش رمضان علينا وعليك

    فى إنتظارك

    ReplyDelete
  37. انا اديلى فتره كبيره بعيده كده لحبه ظروف خارجه عن ارادتى
    بس انا رافضه لقبول اسفك
    وياريت تلغى بردوا البوست ده من المدونه الجميله دى
    ومش علشان حاجه مرت عليكى كده
    تبقى تبيعى اصحابك وتبعدى عنهم
    عالم المدونات ده مش مجرد مراسلات لشويه اشخاص لما يحصلى حاجه ابعد عنهم واسيبهم طيب هما ملهم ومال اللى حصل مشفتش حد بيطلع من تجربه يقوم يكنسل ويدلت كل حياته السابقه ويلغى اصحابه كمان
    انا هدعيلك بس انتى كمان ادعيلى
    ووحشتينى

    ReplyDelete
  38. يا إنسانة الموضوع مش موضوع عدد مرات و لا عدد الكلمات الموضوع كم مش كيف ...و أنا أول مرة أزور المدونة و عجبتني و مستنية جديدك إنشاء الله

    ReplyDelete
  39. لقد كتبت عن مدونتك وقرار غلقها وهذا تقرير صغير عن المدونات وملاحظاتي الشخصية عنها
    وهذا التقرير عبارة عن اجتهاد شخصي لرؤيته http://sara-out-of-the-blue.blogspot.com/2008/08/blog-post_31.html
    تحياتي

    ReplyDelete
  40. اسمي Mr.Harry جون تم ترتيب القروض لسنوات عديدة.
    3٪ هو بلدي معدل الفائدة وتكلفة أقل من أي واحد آخر في المدينة.
    الاتصال بي اليوم رسائل البريد الإلكتروني: samsmithloaninvestmentcompany0@gmail.com

    ReplyDelete

الكلمـة نـور .. وبعـض الكلمـات قبـور