Sunday, February 01, 2009

بعد البعاد


غبت كتير

و لسة مارجعتش بشكل منتظم زى الأول

ومش عارفة حقدر ارجع تانى امتى

بس اللى حسيته بعد الفترة دى ان فى حاجة متغيرة

مع ان المدونة هيا هيا

نفس اللون الأسود فى الخلفية

نفس الحروف وحجم الخط ولونه

نفس الكلمات والموضوعات اللى نشرتها

نفس التعليقات

نفس الصور

نفس العنوان

كل شئ زى ما هو

بس فى حاجة متغيرة

مش عارفة ايه هيا ؟!ه

حاسة انى جديدة

حاسة انى ضيفة

حاسة انى غريبة

حاسة انى بعيدة

مش عارفة هل فى حاجة اتغيرت فعلا فى المدونة

ولا الحاجة اللى اتغيرت دى جوايا انا ؟؟؟
by at
Labels: ,

22 comments:

  1. UnknownFebruary 2, 2009 at 5:50 AM

    هي ايه حكاية التوهان

    انا كمان بقالي فتره مش عارفه في ايه

    ورغم اني عندي حاجات كتير اكتبها لكن مش بكتب في اي حاجه غير غزة

    يمكن في حاجه ماشيه في الجو بقي
    (:

    ReplyDelete
  2. انا حرهFebruary 2, 2009 at 6:35 AM

    المدونه اتغيرت كتييير طبعا

    الاول لو تلاحظى كانت كلها ضحك وكان فى كاميكاز كنت بحسك طفله صغيره

    فجاه كدا وتقريبا بعد موضوع الخطوبه اتغيرتى كتيييير بقت كل مواضيعك مليانه حزن

    والموضوع بدا يتدرج معاكى لحد ماوصل لدرجه انك تسيبى المدونه كل الفتره دى

    اتمنى انك ترجعى تانى مبسوطه زى الاول وتحاولى تخرجى من المود الوحش دا

    ReplyDelete
  3. maioyaFebruary 2, 2009 at 7:49 AM

    اكيد التغيير جواكي انتي
    ومخليكي شايفه كل حاجه متغيره
    اتمني انه يبقي تغير كويس مش
    سلبي عليكي :)
    دمتي بخير

    ReplyDelete
  4. رفقة عمرFebruary 2, 2009 at 8:56 AM

    ياسمين المهم انك رجعتى شويه بشويه هاترجعى تانى تحسى بالالفه
    الواحد لو غاب عن بيته فترة لما يرجع يحس انه مستغربه يحس انه لسه اول مرة يدخله
    مستنيه تضحكينى زى زمان
    سعيده انك بتحاولى ترجعى

    ReplyDelete
  5. walaa rizkFebruary 2, 2009 at 9:14 AM

    اهلا بيكى من جديد

    وحشتينى كتير

    وان شاء الله ترجعى اكتر من الاول

    المشكله لما الواحد بيبعد عن حجاه بيحبها فتره طويله

    لما بيرجعلها بيحس انه غريب

    بتحصل كتير معايا

    ReplyDelete
  6. No FearFebruary 2, 2009 at 9:20 AM

    السلام عليكم
    ربنا يوفقك
    و يارب التغيير ده يكون للأحسن و الخير
    .
    مش عارف أقولك أية بجد؟
    ربنا يوفقك و يهديكي و يهدينا كلنا

    ReplyDelete
  7. KiaraFebruary 2, 2009 at 10:39 AM

    تعرفي انى كنت باجي المدونه واشوفك مش بلاقيكي

    الحاجه اللي اتغيرت هي نظرتك

    ReplyDelete
  8. مـحـمـد مـفـيـدFebruary 2, 2009 at 11:00 PM

    طالما فكره الرجوع كما كنتي تشغلك
    فسيأتي يوم وتعودي

    ReplyDelete
  9. أحلى حياةFebruary 2, 2009 at 11:40 PM

    سلام عليكم ياعرب

    قبل ما اقرا اخر جمله في البوست لقيتني باقولها في سري
    "التغيير دا جواكي انتي ياياسمين"... واعتقد اني عارفه ليه!!!ه

    سلام ياعسل

    ReplyDelete
  10. أحلى حياةFebruary 2, 2009 at 11:51 PM

    بالمناسبه
    عنوان البوست "بعد البعاد" حسسني انك كاتبه اغنيه مش الكلمتين اللي ربنا قدرك عليهم دول

    :D:D

    انا قولت بقى حلاقي
    بعد البعاد
    بعد الليالي
    الليل ياميمون
    بقى كده تعملها فيه .. تفقعني الزمبه ديه 676
    مش متغيره والمطر الاسود والموت قريب وعذاب القبر اللي كاتباهولنا ع الصبح دا (انا قريته الصبح.. في حاجه)ه

    ايييييييييييييييه
    فين ايام فيبس.. ايام العز
    وباعيش
    ماجابش سيرتي
    :^)

    ايييييه
    ذكرياااااااااااااات كدابةةةةةةة
    والاشوااااااااااااااق كدابةةةةةةةة
    676
    :'(
    ادي السواد كله جيه اهو
    :D
    مانبقاش توم وجيري ان مادخلناش حاجه سودا في النص تفاريح كده
    :D:D:D

    ReplyDelete
  11. بنوتةFebruary 3, 2009 at 11:37 AM

    السلام عليكم
    أقولك بصراحة هى دى أول مرة أدخل
    بس سواد المدونة أثر في نفسيتك ونظرتك أنا لما بدخل مدونات لونها أسود بكتئب اللون ده بيبقى سئ للعين أوى
    جربى تخلى لونها فاتح هتبقى سعيدة وانت فيها
    أضحكى للدنيا تضحكلك
    وبلاش نفكر كتير في الحاجات ايللي بتضايقنا
    تحياتى ليكى

    ReplyDelete
  12. الفراغFebruary 4, 2009 at 5:59 AM

    انا اول مره اجى هنا
    بس سمعت انك غايبه بقالك كتير
    عارفه انا زيك تعبانه كتير جوايا
    لكن برتاح لما بكتب لما بكلم لما افضفض
    اعتقد غيابك اثر على نفسيتك
    ارجعى تانى
    ارجعى بقوه
    خرجى كل اللى انتى حساه
    احلى حاجه فى المدونه ان ماحدش يعرف التانى
    احنا بنتعامل على اننا بنى ادمين وبس
    بنى ادمين بحق وحقيق
    مش علاقات وقرابات
    لا
    احنا هنا علاقات انسانيه
    انا محتاجاكى وانتى محتاجانى على المستوى الانسانى

    تصدقى انتى خدتى ثواب فيا دلوقتى
    لانى لقيت حد تعبان زيى
    ولقيت بنصحك
    طيب مستنيه نصيحتك ليا انا كمان
    دمتى فى رضا الله وامنه

    ReplyDelete
  13. !!! عارفة ... مش عارف ليهFebruary 4, 2009 at 6:22 AM

    بتفق مع كل اللي قال ان التغيير فيكي

    وده طبيعي وعادي جداااا

    بس كام بوست كده وتلاقي نفسك

    زي الاول وأحسن كمان

    وفي ناس كتير بتستنى مواضيعك

    وانا واحد منهم

    تحياتي
    وليد

    ReplyDelete
  14. AnonymousFebruary 6, 2009 at 6:18 AM

    فى اول زيارة

    لحد دلوقتى باحاول اكتشف ايه اللى اتغير

    يمكن اللى حواليكى هما اللى اتغيرو

    احمد

    ReplyDelete
  15. حفيدة الصحابةFebruary 6, 2009 at 11:20 PM

    انا اول مرة ادخل المدونة

    بس حسيت فيها بدفا

    خليكي و اكتبي كل اللي حاسه بيه

    اهم حاجه ان في ناس بتسمعك و تشاركك

    ReplyDelete
  16. حفيدة الصحابةFebruary 6, 2009 at 11:22 PM

    انا اول مره ادخل المدونة
    بس حاسه بالرغم من اللون الاسود ان فيها دفا

    خليكي اكتبي كل اللي نفسك فيه

    اهم حاجه ان في ناس بتسمعك و تشاركك

    ReplyDelete
  17. حفيدة الصحابةFebruary 6, 2009 at 11:29 PM

    هي دي اول مره ادخل فيها المدونه

    بس حسيت فيها بدفا بالرغم من اللون الاسود

    اكتبي اللي نفسك فيه اهم حاجه ان في ناس بتسمعك و تشاركك

    ReplyDelete
  18. AnonymousFebruary 8, 2009 at 11:05 AM

    ممكن تكونى حاسة جواكى أنتى بتغير فا بتحسى بإستغراب من شوية حاجات عملتيها قبل ما تحسى التغير ده جواكى

    ReplyDelete
  19. AnonymousFebruary 8, 2009 at 11:55 AM

    الدنيا عمرها ما بتتغير وريتها كانت بتتغير المشكلة ان احنا اللى بنتغير وساعات مش بنحس بكده بس انت الحمد لله وسط اصحابك

    ReplyDelete
  20. koukawyFebruary 11, 2009 at 5:17 AM

    هو فيه حاجه بتبقي علي حالها يا ابني
    ههههههههه
    علي رأي ستك اطاطا
    وحشتيني

    ReplyDelete
  21. حزينهFebruary 11, 2009 at 6:39 AM

    مالك بس فى ايه
    ولا حاجه اتغيرت فيكى ولا فى المدونه
    بس انتى علشان غبتى شويه
    معلش احساس وحيروح

    حزينه

    ReplyDelete
  22. KING TOOOTFebruary 13, 2009 at 1:11 AM

    إللي إتغير أكيد جواكي
    و طبعا حايبان في المدونة لأنك إنتي إللي بتكتبيها
    بس نصيحتي
    إرجعي ، و إرجعي بقوة كمان لأن أهم شيء مفيد في التدوين هو إنه بيظهر التغيير إللي بيحصل جوانا قدام عيوننا بوضوح
    تحياتي
    KING TOOOT

    ReplyDelete

الكلمـة نـور .. وبعـض الكلمـات قبـور

Subscribe to: Post Comments (Atom)