Saturday, September 19, 2009

ما تنفخ بقا يا نجاتي :D


والله انا محرجة منكوا جدا جدا جدا


طبعا انتوا عارفين وغنى عن التعريف يعنى


انى بنفض كتييييير اوي للمدونة


ودي حاجة مش حلوة انا عارفة


بس كتير اوى بحس انى بأدن فى مالطة


وان محدش بيدخل المدونة دي أصلا


إذا كنت انا صحبتها بدخلها كل فين وفين

فمابالكم بالقراء الأعزاء


أكيد فى ما هو أهم من اللى بكتبه عشان يتقري


ومش معنى كلامي اني زعلانة ولا واخدة على خاطري منكم


لا والله أبدا


كل الحكاية اني بحس بكدة فعلا


ويمكن ده اللى بيخليني أكسل كتييييير اوي انى اكتب


وافكر اكتب فى اى اجندة لنفسي وخلاص


المهم ما طولش عليكوا قولوا طولي


دخلت النهاردة ع النت


بما اني سهرانة بقا


واخدة على انتظار السحور والفجر فى رمضان


فلاقيت بعض الأخوة المدونين الأعزاء


مكلفين نفسهم وداخلين المدونة مخصووووص عشان يعيدوا عليا


فرحت اوي ساعتها والله


فرحت ان لسة فى حد فاكرنى ومهتم يدخل المدونة


ومهتم يكتب تعليق يعيد فيه عليا


واحرجت من نفسي أوي الصراحة


انى مش بدخل كتير المدونة وفين وفين لما بفكر اكتب فيها


على العموم ومش عايزة اغلس اكتر من كدة احنا في عيد


كلللللللل سنة وانتوا كلكوا بألف خير وصحة وسلامة وسعادة يارب


ويارب اللى كان له دعوة ألح بيها فى رمضان تقضيهاله عن قريب يارب


وربنا يكرمكم جميعا ويعزكم اللهم آمين


العيد السنة دي غريب عليا أوي من كل النواحي والزوايا


والحمد لله على كل حال


بس ده طبعا لا يمنع أبدا أنى اطالبكم بالعيدية زي كل سنة


وانا عارفة انتوا شطار وحتدفعوا من غير خناق


وبرغم ان كاميكاز واقف يزغرلكم على باب المدونة اهوه


ومعنى الزغرة دي لمن لا يعلم = حتدفع يعنى حتدفع يا حلو/حلوة


رغم كل ده الا انى مش بحب العنف خاااااالص ومش حضغط عليكوا


وحرصا مني على المواطن المطحون اللى مش قادر على دفع عيدية


حنعمل اتفاقية لذيذة


اللى حيدفع يقف ع اليمين فى طابور ويحط العيدية فى الصندوق ويشد رحاله فى امان الله


والتاني اللى مش ناوي وحيغلبنا معاه حيطول معانا شوية


وحيقعد يساعد نجاتي فى نفخ البلالين


وطبعا لمن لا يعلم نجاتي ده بنجيبه بالأجرة مخصوص كل عيد عشان ينفخ البلالين


وده طبعا عشان كاميكاز يركز فى الضغط عليكوا عشان تدفعوا


واهو بردو يبقى مساعدة مننا فى حل مشكلة البطالة


:D

13 comments:

  1. كل سنة و أنت طيبة

    :)

    ReplyDelete
  2. كل سنة و انتى طيبة
    و بما ان معروف عن ضد التيار اللى هو انا يعنى انها ماشية بالدراع فى بلوجر
    يبقى انا بقى عايزة العيدية منك ونجاتى انا هتصرف معاه بقى
    ^_^

    ReplyDelete
  3. كل سنة وانتى طيبة
    عيد سعيد

    ReplyDelete
  4. اجمل التهاني وارق الاماني بحلول عيد الفطر المبارك
    اعاده الله عليكم وعلينا بالخير واليمن والبركات
    راجين من الله ان يديم علينا الاعياد والايام السعيدة
    وان تستمر اعيادنا لابد

    كل عام وانتم بخير

    ReplyDelete
  5. كل سنة وانتى طيبة بمناسبة عيد الفطر المبارك

    ReplyDelete
  6. كل سنة وانتي طيبة

    وعيد سعيد عليك وعلى الأسرة الكريمة وسائر المسلمين

    وبالعكس دي مدونتك معروفة جدا ومؤثرة ومفيدة جدا جدا

    ومزيد من التألق والتميز

    وكل سنة وانتي طيبة

    ReplyDelete
  7. كل سنه وانتى طيبه
    ومش تغيبى تانى بجد بتوحشينا

    ReplyDelete
  8. كل سنة و انتي و كاميكاز طيبين

    وماتخليش كاميكاز ياكل كحك كتير علشان مايتخنش

    ReplyDelete
  9. كل عام وانتي بالف الف خير
    وعيد سعيد عليكي جدا

    ReplyDelete
  10. كل سنة وحضرتكـ طيبة وتقبل الله منا ومنكم

    وأسعد الله أيامكـ بفيض رضاه ونور هداه وباركـ بعمركـ إلي يوم تلقاه

    ReplyDelete
  11. اولا كل سنة وانتى طيبة يا قمر ويارب تنعاد عليكى الايام بالخير يارب دايما يا حبيبتى

    ع فكرة انا لسه جديدة ف عالم التدوين مش من زمان اوى يعنى بقالى سنة ونص

    وكنت عملت مدونتين قبل كده وحذفتهم بسبب انى مالقيتش حد بيرد عندى

    بس عملت واحد شاى وقلت لازم اسيبها ومش مهم حد يعلق ولا حد يقرا المهم انى اقول اللى انا عايزاه

    وسيبتها بالفعل وبعدين اذ فجاتن خلى بالك اذ فجاتن ههههههههههه لقيت الناس بتيجى وبتعلق وف بيقروا ويمشوا

    بس لقيتنى مسمعة وناس كتير عجباهم المدونة

    فاصريت انى اسيبها واشيكها واروقها واعتبرتها بنتى بقه بزوقها وبحكيلها كل حاجة

    مش مهم حد يرد المهم انك بتكتبى وصدقينى هيجى يوم

    هتلاقى ناس كتير عرفاكى

    انا مثلا والله سمعت عنك وسمعت انك دماغ ووصلت عندك بسيرش جوجل واخيرا لقيتك ههههه كنتى مدوخانى

    يلا بقه ماتغيبيش عن هنا تانى لو سمحتى لان ف ناس بتحب تقرا كلامك

    مستنياكى ف بوستات جديدة قريب جداااااااا اوك

    ReplyDelete
  12. مين بس اللي أوحالك ان المدونة مهجورة كده؟ أي حد بيتابع أي مدون وحاطة في الريدر بيكون متابعه حتى من غير ما المدون ياخد باله

    ركزي انتي بس وارجعي لنشاطك وهتلاقي المدونة شغالة كويس

    :-)

    ReplyDelete

الكلمـة نـور .. وبعـض الكلمـات قبـور