Sunday, October 11, 2009

يا مسرحياتك يا مصر



أحلى حاجة فى بلدنا انها بلد مسلية جدا

عمرك ماتحس فيها بملل خالص

فى بلاد كدة اخبارها واحدة واحداثها واحدة

إنما احنا مش كدة خالص

احنا فى مصر بلد الفنون واصل التسلية كلها

مصر فى تسليتها بتعتمد على أبو الفنون شخصيا


المسرح

ومش بتقدم اى نوع من المسرحيات

لأ دى بتقدم المسرحيات الهزلية العبثية بالتحديد


عشان التسلية تبقى للركب


إزاي تحس بملل وانت عندك كل المسليات دي يا جدع؟

عندك مسرحية الأنفلوانزا الخنزيرية مثلا

ودي مسرحية على ثلاث فصول

الفصل الأول : إعدام الخنازير

الفصل الثاني : الحج والعمرة


الفصل الثالث : يا مدرسة الهنا تغورى انتى واعيش أنا

ومسرحية الأنفلوانزا الطائرة


ومسرحية الكورة الحديدية

ومسرحية القمامة النظيفة

ومسرحية المياه المبلولة المقطوعة

ومسرحية النظافة على أصولها الحديثة

ومسرحية نقاب وميكروجيب


ومسرحية النار فى الاسعار

ومسرحية الفن الحلزوني

ومسرحية الفتاوى المجانية

ومسرحية المواصلات والمرور الكوميدية

ومسرحية الإعلانات الإلحاحية


ومسرحية الصحافة الرداحة والمقالات الفضاحة

ومسرحية صراع الأفيال

لبطليها احمد شوكير ومرتضى مذهول

ومسرحية الآثار الحواوسية

ومسرحية دماء فارس الشرق على أعتاب اليونيسكو

ومسرحية البطالة العمومية

ومسرحية الجهل المستديم

ومسرحية الفقر النمائي

ومسرحية الضرائب االعقارية البطرسية

ومسرحية الجمعيات الخيرية الشحاتية

ومسرحية الخصخصة المحمودة

ومسرحية مواطن بلا ماهية او هوية

والقنبلة الكبيرة بقا

مسرحية التوريث المباركية

*****

أكيد محدش حيستجري يقول ع البلد نص كلمة

ومحدش حيقدر ينكر بعد كدة ان بلدنا مسلية فعلا


معاك انك ممكن تتشل وانت بتتفرج

او يجيلك حول مزمن

او ارتشاح فى ماسورة الشريان التاجي

او تفقد القدرة على التفكير من اساسه

بس الاهم من ده كله اننا بنتسلى

وبنشوف فن هادف

مصر بتتقدم بينا يا جماعة وبمسرحياتنا

تصفيق حاااااااااااااد للبلد بقا


وأوعى حد يحدف طماطم

عشان الخُضرى متراقب


وصدق اللى قال

ومـا مصـر الا مســرح كبيــر

17 comments:

  1. السلام عليكم ورحمة الله وبركاته

    ياه دا انتي شكلك لسه زعلانه من مصر اوي

    يا بنتي ما تركزيش معاها كده لا يجرالك حاجه بعد الشر

    وبعدين دي كلها مسرحيات هايفه وممله وكئيبه واكيد ها تسقط جماهيريا ومش هاتلاقي يحد يتفرج عليها وبعد شويه ها تتنسي وماحدش هايفتكرها

    سلام

    ReplyDelete
  2. تدوينه جميله جدا . وفعلا عندك حق فى كل كلمه جات فيها

    ReplyDelete
  3. هي مسرحيات و بس دي افلام هندي كمان

    ReplyDelete
  4. بس بصراحة وبجد .. أحلى مسرحية ضحكت عليها الناس هي مسرحية دبح الخنازير

    وبس يا ستي

    بعد ما دبحوا الخنازير .. حصل اللي حصل .. وقعدنا نضحك ضحك

    :-)

    ReplyDelete
  5. بصراحة انا مش عارفة اقولك ايه التدوينة رائعة و كلامك صادق جدا البلد اصبحت مسرحية و مسرحية هزلية من اليونسكو للخنازير يا قلبي لا تحزن بجد سعيدة بزيارتي لمدونتك و اتمنى دوام التواصل

    ReplyDelete
  6. بس ياترى هانفضل نتفرج لحد امتى !!

    ReplyDelete
  7. صدقتي في كل كلمة كتبتيها

    سلم لنا قلمك الرفيع

    ولكن دعينا نحلم بمستقبل أفضل

    فالحلم مازال هو الشيئ الوحيد الذي نملكه

    ReplyDelete
  8. مساء الخير
    والله مش عرفة اقولك اية بس احوال مصر فعلا بقت من سيئ لاسوأ انا بقالي 3 سنسن مانزلتش مصر بس سمعت انها اتغيرت اوي
    و اهي برضة مصر ام الدنيا

    ReplyDelete
  9. المرسحيات الهايلة في بلدنا خلاص
    بقالها ع المخاليق فايده ولا في القلقاس
    حاتخللي للمفاعيص قيمة و كلمة عظيمة
    و تدّي ميت جزمة قديمة لبقيت الناس
    ________________
    KING TOOOT

    ReplyDelete
  10. بصى نتفق اولا كلنا أن لا نعيب فى مصر فالعيب فينا العيب أناا أردنا يوما ان نصبح متفرجين فكم من مسرحيات امامنا يمثلها أشخاص عاديين ونتفرج أيضا عليها ومادام عرفنا ان فى مسرحيات يبقى نركز فى اصلاح أنفسنا ومجتمعنا ونبقى جيل واعى مثقف نرفض المسرحيات والا هتكون النتيجه مسرحيه كبيره ابطالها لا يفهمون فى المسرح كما يحدث فعلينا الحرص على مصر لأننا نحبها ولن نزعل منها بل عليها

    ReplyDelete
  11. loooool
    kinda like ur theater :D lool
    Egypt is da most interesting country ever
    we always laugh 3l far3`a wel malyana :D

    ReplyDelete
  12. فعلا مصر بلد مسليه جدا و التسالى الكتييييييييير دى عملت لامبالااااااااااااه

    ReplyDelete
  13. احسنتي

    اتمنى زيارة صفحتي
    http://www.dal3girls.com

    ReplyDelete
  14. فعلا ان سعيد بتواجدى فى موقعك
    الى امام دائما
    يا مان

    ReplyDelete

الكلمـة نـور .. وبعـض الكلمـات قبـور