Monday, February 22, 2010

أنا مش عاشق ضلمة


إن ماقدرتش تضحك

ماتدمعش ولا تبكيش

وإن مافضلش معاك غير قلبك

إوعى تخاف

مش هاتموت هاتعيش

وإن سألوك الناس عن ضى

جوه عيونك مابيلمعش

ماتخبيش

قولهم العيب مش فيا

ده العيب فى الضيّ

وأنا مش عاشق ضلمه

ولا زعلت الضيّ

ومسير الضى لوحده

هايلمع

ومسير الضحك لوحده

هايطلع

مابيجرحش ولا يأذيش

وإن ماقدرتش تضحك

ماتدمعش ولا تبكيش

وإن مافضلش معاك غير قلبك

إوعى تخاف

مش هاتموت هاتعيش

وإن سألوك الناس عن ضيّ

جوه عيونك مابيلمعش

ماتخبيش

قولهم العيب مش فيا

ده العيب فى الضيّ



أحمد زكي ووجيه عزيز - فيلم هيستريا

5 comments:

  1. تعرفى ياياسمين انا كنت فترة كده مش لاقى شغل وكنت بنزل ادور فى الشوارع والف ع الشركات وساعات كنت بقابل ناس كانت بتعاملنى باحتقار كده وبنزل من عندهم كاره نفسى وكاره البلد
    بس دايما كنت بفتكر الاغنية دى وطول ما انا ماشى اغنيها
    وكل ملاقى طوبه اغنى واعديها
    وكل مالاقى الدنيا ضلمت اقول وايه يعنى هافضل اغنى لحد ما الدنيا تنور تانى سبحان الله ايام رغم صعوبتها بس جميلة
    اغنيه جميلة جداجدا جدا وخصوصا اداء احمد زكى فيها وبراعة وجيه عزيز فى اللحن او الغناء
    احسنتى

    ReplyDelete
  2. وإن مافضلش معاك غير قلبك

    إوعى تخاف

    مش هاتموت هاتعيش



    انا بحب الكلمات قوي

    وكنت بسمع الفلم مخصوص علشان الاغاني الي فيه


    شكرا علي اختيارك واحساسك بيها

    تقبلي مروري
    مجنووون

    ReplyDelete
  3. بجد كلام مالوووش حل

    والاغنية مالهاش حل

    بجد بجد بجد

    تسلم ايديكي

    ونايس مدونة :)

    ReplyDelete
  4. يمكن الأغنية بتبدو حزينة وفيها ألم وألم جامد كمان

    لكن في الحقيقة لو دققنا في كلماتها هنلاقي ان فيها مقاومة كبيرة جدا للألم


    قولهم العيب مش فيا

    ده العيب فى الضيّ

    ReplyDelete

الكلمـة نـور .. وبعـض الكلمـات قبـور