Tuesday, December 18, 2007

عيد جميل عليا وعليكوا


مكنتش مخططة اكتب بوست خالص ولا كنت مخططة افرح اوى كدة فى العيد .. عادى اهوه عيد زي اى عيد عدى ، بجد لما كبرت احساسي بالعيد ابتدى يقل جدا، لكن سبحانك ياكريم أردت ان اشعر بجمال العيد هذا العام واكون فرحانة وسعيدة بفضلك وكرمك
.
يارب كل سنة وامى وابويا بخير وحواليا وراضيين عنى وعن اخواتى اللهم امين
يارب اقسمت عليك بعزتك وجلالك ألا تقبض روحى وإلا وهم راضيين عنى تمام الرضا .. يارب ادخل الجنة برضاهم يارب آمين
يارب بارك فى سلسبيل بنت اختى واكرمها واجعلها من الصالحات واكرم اختى وزوجها واخى وكل من تحيط بهم شفقة قلبى .. ربنا آتنا فى الدنيا حسنة وفى الآخرة حسنة وقنا عذاب النار ... يارب أحج اللهم آمييييين
.
.
مش قادرة اكتب اكتر من كدة ببكى من كتر الفرحة ومن كتر كرم ربنا ع الناس كلها .. الحمد لله على نعمة الإسلام وكفى بها نعمة وكفى بها نعمة
.
.
كل سنة وانتوا بألف خير يارب
.
صحيح .. متنسوش العيدية ياجماعة كاميكاز بقا بياخد بالدورار على فكرة .. مش أى أى ولا زي زي ولا كل كاميكاز يتقاله يا كوكو بقا ... والعيد فرحة مااااااااء
.
وممنوع دخول أولاد ابو اسماعيل
.
تحديث: نزلت اول يوم العيد انا وبابا نزور جدى اللى ساكن فى شارع فيصل بردو .. الله ياجدعان البلد فاااااااااااااااااضية وجميييييييييلة وحلوووووووووة والمواصلات فاضيةةةةةةة .. ويادوبك كدة تشاور بصباع إيدك الصغير ده تلاقى الميكروباص وقفلك على طول ولو مكسل تشاور بس تقول انا عايز اركب ميكروباص ..وليه تقول انت بس فكر إنك عايز تركب ميكروباص حتلاقى السواق جايلك على طول وبيبتسملك عشان تركب كمان
اللــــــــــــه ... مش عارفة اقول ايه البلد كلها متكربسة فى العاصمة .. ملينا البلد بجد .. الحمد لله على كل حال ويارب الناس اللى جايا من محافظات اهاليها توحشها ويروحوا يزورهم كل شوية عشان البلد تفضى حبة ونعرف نعيش .. ولتانى مرة بكررها ..ممنوع دخول أولاد أبو اسماعيل .. وكلمة السر " العيدية فى النملية " ..!ه

31 comments:

  1. جميل أوي إحساسك بالعيد

    جميل أن تأتي لحظات في حياتنا نرى فيها ما حولنا من أشياء جميلة

    والأجمل أن تأتي هذه اللحظات في الوقت المناسب

    تقبل الله دعواتك

    وكل سنة وانتي طيبة

    :)

    ReplyDelete
  2. كل سنة وانتى بخييييييييييييير
    انا بردو اما كبرت احساسى بالعيد قل يمكن عشان معدش حد بيعبرنى ويديلى فلوس زى الاول الواحد لازم يعتمد على نفسه فعلن ههههههه

    ReplyDelete
  3. السلام عليكم ورحمه الله
    كل سنه وانتى با الف خير يارب
    والسنه الجايه فى عرفات قولى امين

    ReplyDelete
  4. السلام عليكم
    تقبل الله منا ومنك
    وجعل ايامك كلها سعادة واعياد
    ولا عزاء لأولاد ابو اسماعيل
    وجزاك الله خيرا

    ReplyDelete
  5. كل سنه وانتى طيبه يا سمسمه
    وابقى افتكرينى فى حته لحمه
    بقولك ايه
    اديكيش ربع جنيه وتقوليلى مين كيميكاز ده
    انا لفيت مدونتك حته حته عشان اعرف يقربلك ايه
    اوعى يطلع بوحه فى الاخر

    ReplyDelete
  6. كل سنة و انتي طيبة
    يا ياسمين
    ربنا يرزقك السعادة و الرضا و الهناء
    و تسيبي شارع فيصل ده اللي ما عادش ممكن يتعاش فيه
    هههههههههه
    العيد فرحة ماااااء ماااااااء
    خلي بالك من ولاد أبة اسماعين
    ههههههههههه
    خالص تحياتي

    ReplyDelete
  7. الحمد لله على كل حال يابنتي
    ربنا يقبل منك دعواتك يارب ويديم عليكي السعادة

    وكل سنة وانتي انسانة

    ReplyDelete
  8. أدام الله سعادتك بالإيمان

    وبارك الله في أهلك .. ويسر لك

    كل عام وأنت بخير وتقبل الله منا ومنكم

    ReplyDelete
  9. السلام عليكم
    العيدية في النملية

    انا جاي لوحدي وولاد ابو اسماعيل جايين ورايا

    كل سنه وانت طيبه
    وخدي دو لكيميكاز

    10000$$$$$$$
    انتي لسه بينك وبين الميكروباصات مشاكل
    ههههههههههه

    ReplyDelete
  10. اللهم امين
    دعاكي جميل يا سمسمة
    دخل قلبي اوي

    ربنا يسعدك ويهنيكي يارب

    ReplyDelete
  11. كل سنه وانتى طيبه وتنعاد عليكى الايام بخير كل سنه وانتى فى وسط بابا وماما وجدو العيديه ححولها لحسابك على بنك سويسرا

    ReplyDelete
  12. السلام عليكم ورحمة الله وبركاته
    ...........................
    كل سنة وانتى طيبة
    وعيد اضحى سعيد عليكى وعلى المسلمين جميعاً
    تحياتى

    ReplyDelete
  13. كل سنة وانت طيبة وربنا يديم عليكى كل الاحاسيس الحلوة ويرزقك الحج ان شاء الله ويرضي الله عنك وعن والديك أمين

    ReplyDelete
  14. كل سنة وانتى طيبة
    العيد هوا هوا العيد بس لكل مرحلة بيبقى ليه طعم تانى يعنى من عشر سنين كده لما كان بيجى علينا العيد كنا بنبقى فرحانين اوى
    عشان كنا لسة مغمضين
    تحياتى ليكى يا انسانة

    ReplyDelete
  15. عدد من سعى ولبى وطاف بالبيت
    يعطيك ربى السعادة وكل ماتمنيت
    وعيدك مبارك:)

    ReplyDelete
  16. :)
    ربنا يسعدك دايماً
    وكل سنة وانتي أنسانة

    ReplyDelete
  17. كل سنه وانتي طيبه وعيد سعيد

    ReplyDelete
  18. السلام عليكم
    كل عام والامةالاسلامية بخير

    ReplyDelete
  19. كل سنة وانتي طيبة يا انسانة

    و في موضوع في مدونتي احب اعرف رايك فيه بجد

    اوكي؟؟
    :)))

    ReplyDelete
  20. كل سنة وانت طيبه

    ويارب تكون كل اعيادك سعيده

    انا مش من اولاد ابو اسماعيل اهو

    (:

    وخلي كوكو يجي ياخد عديته بنفسه

    انا ماضمنش ابعتها معاكي

    ReplyDelete
  21. السلام عليكم ورحمة الله وبركاته

    كل سنة وانت طيبه يا يويو
    وان شاء الله ربنا يحقق لك كل امانيك
    والسنه الجايه تكوني علي جبل عرفات

    ReplyDelete
  22. كل سنه وانتى طيبه
    وحشتينى بجد
    اه ..ع فكره ليكي حاجه عندى تعالي خديها
    يلا عيد سعيد عليكى وعلى كل امة محمد اجمعين

    ReplyDelete
  23. كل سنة وانتي طيبة مع انها متأخرة شوية بس النت بقي ربنا ..ولا بلاش ندعي عليه
    يلا كل سنة وانتي طيبة وربنا يعود عليكي الايام بخير

    ReplyDelete
  24. Nice posting, thank you.

    I wish you a good end of 2007 and a good year of 2008.

    ReplyDelete
  25. جميل قوى ان الواحد يفرح بالعيد وكل سنه وانت طيبه

    ReplyDelete
  26. كل عام و انت بصحه و عافيه و راحه بال...
    ياريت علطول الدنيا تكون عيد علشان المواصلات تروق مش اكتر
    :D

    ReplyDelete
  27. كل سنة وانتي طيبة يا إنسانة .. على العيد اللي اعتقد ببقى عارف حيحصل فيه ايه السنة اللي جاية
    فين لما كنا صغيرين ونبقى رايحين البلد او اي حته .. نبقى فرحانين قوي .. دلوقتي عااااااااااادي جدا
    بس الحمد لله انا قضيت السنادي عيد يختلف تماما عن اي سنة

    ReplyDelete
  28. هييييييييييه
    كل سنة و إنتي طيبة
    عيد سعيد عليكي و علي كل اسرتك
    و كل المسلمين يارب
    ربنا يتقبل دعائك يا جميلة
    و كنتي تعالي عندنا
    مش عارفه الشوراع فاضية جدا
    :(

    اه صحيح فين العيدية

    :\

    طيب حتي فين النملية

    :D

    ReplyDelete
  29. I enjoyed your blog really, you're talented ..
    Kol sana wnti tayba =)

    wish to see you on my blog : http://sad-bad.blogspot.com/

    ReplyDelete

الكلمـة نـور .. وبعـض الكلمـات قبـور