Thursday, January 25, 2007

يوم ميلاد الإنسـانة ديا



سيداتى آنساتى سادتى .. هدوء شوية عاوزين نقول الكلمتين ونخلص
أيها المدونون والمدونات .. الإنترنتيون وايه .. مش عارف اقراها دى

الإنترنتيات يا استاذ
ايوة اللى بيقول عليه ده
معاكم المذيع المبجل المحترم كاميكازافندى سيف الدين اللى مكانش حد عارفنى المرة اللى فاتت ..
واكيد محدش هيعرفنى المرة دى خالص عشان عامل مذيع بقا .. وهدوم تنكورية كمان ... حلوة صح ؟ .. طول عمرى شيك ومش عاوز اعقدكم ...

المهم هنذيع لسيادتكم النهاردة الحفلة التنكرية الكاميكازية بنماسبة الاحتفال بيوم ميلاد البنت صاحبة المدونة ديا

نفتح الإضائة الخافتة يا ريس؟

أفتح يا عمنا

كان ياما كان .. يا سعد يا إكرام وما يحلى الكلام إلا بذكر النبى عليه الصلاة والسلام

عليه الصلاة والسلام

فى يوم من ذوات الايام .. فجر يوم السبت 25 يناير من وااااااااحد وعشرين سنة .. جائت الى هذا العالم الفسيح ( اللى اضيق من خرم الابرة ) طفلة صغننة مسمرة شوية .. حجمها قد كف الايد .. مكنتش باينة من اللفة اصلا .. تتغذى على اللبن والسيريلاك وموطنها الاصلى حضن ماما

وفاتت سنيييييييين وايااااااام

ايام تشيلها وايام تحطها

لغاااااااااااااااااااااية

ما لاقت نفسها بقت 21 سنة

مرررة واحدة ومش على اقساط كمان

صــــدمـــــة

لما عرفت كان هيوغمن عليها على طول

النونو اللى كان فى اللفة بقى إنسان راشد وعاقل ومسؤل عن تصرفاته

لا حول ولا قوة الا بالله

ومن ساعتها يا سادة اصبح موطن هذه الإنسانة الاصلى بيت ابوها .. وتتغذى على النسكافيه والكابتشينو.. وتعانى من الدكاترة بتوع الكلية

هيييييييييه دونياااااااااااااااااااا

دنيا غرورة ياسد احمد

صادق ياعم الكاميكازييين

بس ياد انت بقا

-------------------------
أعزائى الحضور

وبهذه المناسبة الكاميكازية قررنا نحن كاميكاز افندى سيف الدين أن نحتفل بها فى مدونتها الغامقة دى فى وسط حلفة تنكرية كاميكازية

وستنتضلوا إذاعتنا الكاميكازية مع مدونتها الإنسانية لنقل هذا الحدث الكاميكازى الإنسانى العالمى
وفى وسط هذا الزحام من المدونين والانترنين وصديقاتها واقاربها .. ظهرت هذه الانسانة وهى قادمة إليكم حالاً


---------------------
يلا بقا الناس مستعجلة
طيب طيب
تعالى يا إنسانة مدونتك ومطرحك
إدخلى برجلك اليمين سن الواحد والعشرين وكل سنة وانتوا طيبين

بسم الله الرحمن الرحيم .. هى سنة واحد والعشرين ملها مضلمة اوى كدة ليه .. هو مافيش حد هنا ولا ايه ؟ يا اهل الله ياللى هنا
إنتى بتنادى من بير السلم
بس بقا فضحتونا


مليتوا البلد
----------------
ها يابنتى .. فى المناسبة دى تحبى تقولى ايه؟
بصراحة انا


أيوة ايوة مفهوم مفهوم

هو انا نطقت

ايوة عارف هتقولى انا مبسوطة اوى مريسى خالص والكلام إياه ده

مش فاضيين لتضييع الوقت ده يا ماما ورانا شغل .. بنتعب ساعدونا بقا

( يرجع يبص تانى للكاميرا وعلى وشه ابتسامة بلهاااء )

المهم الجماهير نفسها تعرف ايه الهدايا اللى جاتلك

هو فى الحقيقة انا

واخد بالى واخد بالى

يابنى انا ماتكلمتش

منا عارف اللى فيها ... محدش عبرك زى كل سنة طبعاً

هههههههه إنت رخم على فكرة .. وبعدين عبرونى (صورة واحد مطلع لسانه) ومش هقولك جالى ايه

هههههههه

--------------------------

ايه شعورك بعد ما بقيتى 21 سنة ؟

الحقيقة جوايا إحساس مش عارفة اوصفه .. حاسة إنى كنت صغيرة ومرة واحدة قلولى انتى دلوقتى كبيرة ومسؤلة رسمى

بس من معاميق معاميقى بحس انى حد عجوز اوى .. كهل كدة ويلا حسن الختام ... بس برضه فرق لما تحس إنك عجوز ولما تبقى عجوز فعلا

إنتى هتتفلسفى .. ايه الناس دى؟. .. يابنتى انا قصدى اسألك يعنى انتى مبسوطة ولا زعلانة؟؟

هو انا مبسوطة وزعلانة فى نفس الوقت

مبسوطة لان الحمد لله هانت السنين بتعدى عشان الواحد يخلص وربنا يارب يرزقه حسن الختام .. معقول اعيش 21 سنة تانى؟؟؟... ربنا يخرجنا من الدنيا دى على خير

وزعلانة لان مش عارفة هل طول الـ21 سنة دول رضيت فيهم ربنا ولا لا .. وحسابى عليهم عامل ازاى

ربنا يستر

وزعلانة اوى بقا عشان حاجة تانية ياريت لو تسمحلى اقولها قدام الكاميرا

إتفضلى اما نشوف اخرتها

زعلانة عشان المجتمع هيبتدى يحطنى فى برواز انا كنت على طول بعيد عنه ومبسوطة انى بعيدة

برواز إنتظار العريس اللى فى السكة .. يقعدوا كلهم كدة بعداد ويعدواا عليا أكنها حلبة مصراعة


21

22

23

24

25

26

27

28

29

30



STOP

ترمى من اقرب شباك

غير صالحة للإستخدام الآدمى

أصبحت كائن حى بيعض

>

يانهار ابيض للدرجة دى

واكتر يا كابتن.. امبارح صحبتى بتقولى : كل سنة وانتى طيبة .. اهلا بيكى فى سن العنوسة

قولتلها : عنوسة؟؟؟ هو انا لحقت؟؟؟

قالتلى : طبعا يابنتى ده سن النضوج والعنوسة .. معروفة يعنى

خلاص يابنتى صوعبتى عليا

البعيرُ هلك خلاص... لينا رب اسمه الكريم .. عاااااااااااااااا

خلاص إنتى هتشحتى .. خدى الشكولاتة دى بقا وبطلى زن

ميرسى يا كوكو كلك ذوق .. نوعها ايه دى؟

وصلتلنا رسالة من إحدى المدعوات الكاميكازيات .. ثوانى اقراها

كل سنة وانتى طيبة يا جاسمين

اهلا بيكى فى رابطة مشجعى ما بعد العشرين

أنتم السابقون ونحن إن شاء الله بكم لاحقون

الامضاء : إيمى

إنتوا هتموتوا ولا ايه .. ايه الرابطة دى

مرسى اوى ليكى يا إيمى يا عسولة

لا بعد الشر عنهم .. وبعدين ازاى تبقى مذيع كاميكازى قد الدنيا ومسمعتش عن الرابطة

خلاص بطلى رغى بقا الناس صدعت .. مكنش عيد ميلاد ده

إنت مالك إنت .. مدونتى وانا حرة فيها .. هش عاوزين نرش ماية قدام المحل

فعلا مليتوا البلد


-------------------------------------------------

كلام جد


انا لو اعتبرت نفسى حققت اى حاجة فى حياتى فطبعا الفضل يرجع لربنا ثم لأمى ولأبويا

ولو قعدت اشكر فيهم للصبح مش هيكفى والله بجد ولولاهم مكنتش بقيت اى حاجة ، دعمهم ورعايتهم وتصبيرهم ليا فى لحظات الانهيار .. ربنا يديكم الصحة وطولة العمر

اى مدرس وأى دكتور ولو حتى علمنى كلمة واحدة فأنا بشكره جداااااااااااااااا

عاوزة ابعت تحية لأختى وربنا يقومك بالسلامة .. ولأخويا ويارب أحلامك الكويسة كلها تتحقق

صحباتى كلهمممممممممم بحبكم اوى وكل سنة وانتوا فى كل خير ياااااارب

مدونين مصر المحترمين .. بجد افدتونى كتيييييييييير جدااااااااااااااا وانا مبسوطة اوى انى دخلت عالم راقى ومثقف زى ده

اى حد دخل مدونتى وعجبته انا بشكره .. واى حد دخل مدونتى ومعجبتهوش انا برضه بشكره

واى خد مدخلش مدونتى من اصله بشكره .. لان التدوين المحترم أفادنى كتيير جدا

ربنا يكرمكم كلكم وكل واحد نفسه فى حاجة تتحققله إن شاء الله

يارب السنين الى فاتت زى ما كانت سنين ظلام فى مجالات كتيرة يارب السنين الجاية تنور على إيدينا إحنا اللهم امين

--------------------------

رجاء خاص

الحفلة تنكرية بتعليقاتكم .. اى حد يكتب تعليق يكتبه بلسان حد تانى غيره من إختياره هو

اى شخصية .. كرتونية ، تاريخية ، أدبية ، سياسية .. اى حاجة ولو حتى جماد ونبات وحيوانات ولو حتى بلوجر تانى .. إنتحل شخصيته واعمل نفسك هو ... ممكن الشخصية دى تبقى مهمة بالنسبالك وغيرت فيك كتير .. فياريت تقولنا سبب اختيارك للشخصية دى

واللى هيكتب تعليق من غير ما يتنكر فى شخصية حد تانى مش هياكل جاتو

صحباتى بتوع الجامعة إياك حد يتنكر فى دكتور من الدكاترة عشان منخسرش بعض وقد أزعر من انذر

------------------------------

شكر خاص

لصاحبة الفكرة التنكرية ... ياسمين الحرة
هى طلبت إنها ماتتنكرش .. اوبجيكشن


هتتنكرى يا حرة ومانتيش حرة

ههههههههههههههه

------------------------------------

رغيت كتير اوى واكيد جوعتوا .. يلا يا كوكى وصلهم للبوفيه جمب ماى كومبيوتر على ايديك اليمين

إتفضلوا إتفضلوا

****

كاميكاز .. تعالى هنا .. بقولك ايه

اللى ياخد اكتر من حتة جاتو واحدة اكتبلى إسمه فى ورقة

مش مال سايب هو

اهلا اهلا منورين والله

اتفضلوا على البوفيه الخير كتير الحمد لله

وقال على رأى المثل

العيش مخبوز والمية فى الكوز

>

المذيع : كاميكاز سيف الدين

أم الفصاد : إنسانة

حد منعرفوش

55 comments:

  1. الف حمد الله على السلامة وصولك دنيانا


    تحياتى

    ReplyDelete
  2. كل سنة وانتى طيبة
    وعقبال ميليون سنة



    .العَبدِالرَحَمن

    ReplyDelete
  3. انا هنتحل شخصية مامتي اصلها بتبقى مبسوطة قوي في عيد ميلادي معرفش ليه

    كل سنة وانتي طيبة ياروح قلبي يابطتي
    يارب السنة نعملك عيد ميلادك ومعاكي خطيبك(خدي بالك من النقطة دي قوي

    وفي النهاية احب اخد المايك من ماما واقلك شخصيا اهلا ومرحبا بيكي في في رابطة مشجعي مابعد سن العشرين دخلتها والله يا اختشي من سنتين كدة
    وقت مانزلت الاغنية بتاعة منير امبارح كان عمري عشرين

    كل سنة وانتي طيبة وميهمكيش من مابعد العشرين حلو والله انا مجرباه
    سلامي ليكي

    ReplyDelete
  4. كاميكازكو الثالث عشر:
    ازيك يا ياسمين يا بنتى كل سنة و انتى طيبة و عقبال الـ21 بعد المية و تبقى من المعمرين زى العائلة الكاميكازية بتاعتنا
    ازيك يا واد يا كاميكاز عامل ايه و الله مشرفنا يا وله انت مشهور و بتزيع كدا
    بس أنا زعلان منك بقى كدا ماتبعتش تهنئة لجدك الصغير "كاميكازكو الثالث عشر"
    إلا قولى يا واد يا كامى حجزتلى حتة جاتوه ولا لأ



    أنا بقى :D
    كل سنة و انتى طيبة يا سيمو عقبال سنوات قادمة مليئة بالانجازات و العبادات اللى ربنا يتقبلها ان شاء الله

    بس مالك عمالة تبعتى فى تهانى كدا ولا أكنك فى برنامج منوعات، صحيح هو برنامج كاميكاز ده منوعات ولا ليه اسم تانى

    ReplyDelete
  5. انا مصيلحي :)

    واحد مصراوي اصيل..لابس جلابيه و صديري
    وشغال في الفاعل

    كل سنه وانتي طيبه يا ياسمين

    هيييييييييييييييييييييييييييه

    ReplyDelete
  6. واحد من الناسJanuary 25, 2007 at 8:36 AM

    انا مش عارف اتنكر في صورة مين انا واحد من الناس ولو اتنكرت هبقى برده واحد من الناس
    عالعموم اعتبريني واحد تاني من الناس

    كل سنه و انت طيبه والسنه الجايه انشاء الله تكون احسن و تحققي فيها كل اللي انت عايزاه
    على فكره عارفه انتي مر عليكي كام يوم
    7665 يوم
    رقم كبير مش كده
    سبع تلاف وشويه
    استفدتي منهم كام حاجه
    ساعدتي كام شخص
    رسمتي بسمه على كام دمعه

    عالعموم كل تلتميه خمسه و ستين يوم وانتي طيبه

    1minelnas.blogspot.com

    ReplyDelete
  7. من فوق ، فوق خااالص فوق جدا قوى
    من فوق السحاب من بعيد بحييكم و بقول كل سنة و انتى طيبة و عقبال الواحد و عشرين التانية و هتبقى ساعتها لسة شباب و لو مش مصدقة اسألى
    و بعدين انتى متتكلميش عن العنوسة ده لحد تانى غيرك لان انتى لو متخطفتيش يبقى كل الرجالة اللى فى العالم عميووووووووا و طرشووووووووووا

    السؤال بقى الحلزونى
    انا مييييييييييييييييييييين؟

    ReplyDelete
  8. انا زعلانه جدا جدا كاميكاز مش راضى يدينى حته جاتوه بالشيكولاه بس انا احسن منه وحقولك كل سنه وانتى طيبه واهلا بيكى فى سن خطر وعرسان والعنوسه ربنا يكرمك يارب يا ياسميناويحققلك كل
    احلامك امين يارب


    انا بقى ابقه كابتشينو

    ReplyDelete
  9. معلش .. معلش أنا جيت متأخر .. بس كويس إن لحقت الحفلة .. المواصلات زحمة وكنت في فرح واحد صاحبي ..
    مش عارف إيه الناس اللي بتعمل حفلات يوم عيد الشرطة .. ما علينا المهم ..
    كل سنة وأنت طيبة يا إنسانة وعقبال 100 سنة وانت في نعمة طاعة الله
    أنا متنكر زي ما انتوا شايفين في شخصية الساحر أوز .. أصلي قعدت افكر اتنكر في شخصية مين وحيث إني ما ينفعش اتنكر في صورة النبي عليه الصلاة والسلام ولا حد من الصحابة خطرت في بالي فكرة الساحر أوز ..
    الساحر أوز اللي الناس كلها بتدور عليه عشان يدي قلب للي ما عندوش قلب ويدي عقل للي ما عندوش عقل ويدي الشجاعة للي عايز شجاعة .. يعني كل واحد ياخد اللي نفسه فيه ..
    أنا نفسي فعلاً أوزع قلوب للناس كلها
    وكمان أوزع عليهم عقول ...
    المهم ما علينا ..
    اسيب الميكروفون لبقية المعازيم

    ReplyDelete
  10. انا وصلت رقم 11 يعني بيا يبقي 11 قالوليك كل سنه وانتي طيبببببببببببه و عارفه لو احنا في منتدي والله كنا ظبطناليك عيد ميلاد من الي كنا بنعملهم و هديه حلوه و لو معانا في الحقيقه كنتي هتشوفي هدايا كوبا بقي كل سنه وانتي طيبه و عقبال مليون و ربع سنه علشان مش هبقي فاضي مليون بالظبط :) سلاااام

    ReplyDelete
  11. kol sana we enty tayeba ya gameeela we 32baal meeeeeeeet sana ....
    we be khsoos mawdooo3 el 3ersaaan dah..sebk mnhm ya benty wallahy el banat agd3 hoa ba2a feeeh regala fe el bald aslaaan ??!!! ..hatetkhtby lewa7d ye3ood ye7r2 fe damk kol shawya mn habloo..yeb2a dah esmoo ertabat dah bala betaaa3..ta7ya el 7orya...

    ReplyDelete
  12. السلام عليكم
    أنا بصراحة فكرت كتير في أي أسم أدخل بيه معرفتيش

    بس لازم أقولك

    كل سنة و أنت طيبة يارب يتحقق كل أمنيات في السنة دي

    ReplyDelete
  13. أنا مش هينفع أتنكر فى صورة حد عشان أساسا دمى الخفيف اللى زى العسل هيكشفنى..عموما يا ست الكل أنا أشرف بقول لك كل سنة وانتى طيبة..كفاية سنة عشان السنة الجديدة أقولهالك برضه..وللا انتى هتنسينا بعد ما دخلتى مرحلة العنو.....احم احم ..قصدى مرحلة النضج..
    أتمنى انى أشوفك دايما على خير..
    وسلامى لكاميكاز ..اتوصى ياله بالجاتوه..

    ReplyDelete
  14. زي العسل انتي كل سنة وانتي بألف خير وصحة وسلامة وسعادة وزي الفل و.....كملي انتي امنياتك في النقط دي

    Ahmed

    ReplyDelete
  15. لو حننكر حيبقي في شخصية اعتقد محدش حيعرفها الا اذا كان مخضرم في الافلام الاجنبي زيي..شخصية مافريك
    مافريك:كل سنة وانتي طيبة يا ست الكل..علي فكرة انا كمان لما جبت21 سنة حسيت اني كبرت فجأة وجالي اكتئاب..بس ادينا عدينا لحد24سنة والحمد لله رضا..

    مافريك بقي شخصية عملها ميل جيبسون في فيلم له نفس الاسم..واحد اسمه مافريك شغلته - لامؤاخذة - قمرتاجي!!..بيلعب قمار..اما اثر فيا اذاي بقي فده موضوع تاني..انا ناوي اتكلم عنه ان شاء الله في البلوج تبعنا..

    علي فكرة الكاميكاز ده غلس جدا وبيخلي الضيوف يمضو في كشف مش فاهم ليه..علي فكرة انا عمه شغال معايا وممكن ابهدله..

    كل سنة ونتي طيبة

    ReplyDelete
  16. كل سنة وأنتى طيبة ويارب عقبال حفنتلاف سنة كده
    هههههههههه

    ومين سمعك والله يا بنتى!! الواحد عايز يخلص من الدنيا دى بنفس السرعة اللى جاه بيها... ربنا يتوب علينا يارب

    ولو سمحتى!! كميكاز مرضيش يدينى حتة الجاتوه بتاعتى!!!... اتكلمى معاه أنتى بقى!! وبعدين فى البيبسى؟

    اه.. كنت هنسى!! انا اتنكرت فى شخصية بطوط لأن ده مثلى الأعلى!!! مش عايزة تريقة
    :)
    بجد والله بحسه أنسان بجد.. طيب وحبوب ونرفوز احيانا , من الاخر: أنا بموووت فيه

    على فكرة انا مش هقولك أن أنا اسمى منال بتاعة مدونة
    albida!!
    أنتى فكرانى عبيطة ولا ايه؟
    :) :)


    manal

    ReplyDelete
  17. هيييييييييييه



    انا جييت


    كل سنة وانتى طيبة يا احلى انسانة فى الدنيا


    مرحبا بيكى فى عالم ال 21 سنة


    على فكرة حلو اوى


    على فكرة متصدقينيش


    :D


    سيبك بقى من كلام الناس بتاع الجواز والعنوسة والكلام ده


    دى عالم دماغها فاضية


    استمتعى بكل لحظة فى عمرك


    وعيشيها بجد

    عقبال منشوف احفادك يا رب كده وانتى كبيرة وكحكوحة وعندك بتاع 200 سنة .., وقاعدة بتظبطى فى البلوج بتاعك برضه


    مهو داء :)



    انا مش هطول عليكى


    بس ممكن اخد حتتين جاتوه


    أصل جدو كاظى قاعد ورا اهه ومكسوف ييجى ياخد


    ولو سمحتى يعنى

    اااحم احم

    عايز زمارة من اللى هناك هنا دى

    ايوة الحمرا دى ., عايز افرفش شوية


    ممكن امسك لكم الدى جى بتاع الحفلة


    :D


    كــل سنة وانتى طيبة كمان مرة يا يووسى وعقبال ميتين تلتميت سنة كده كمان وانتى لسه برضه انسانة

    باى باى

    ReplyDelete
  18. كل سنة وانتي طيبة

    ReplyDelete
  19. كل سنه وانت طيبه عقبال ماتفرحينا بتيجه الامتحانات وترفعى راسنا

    ReplyDelete
  20. لولولولولولولو

    الف الف مبروك يا مزمازين

    ياسمين

    وعقبال كتب الكتاب كده

    ونشوف ولادك علي ايدك وفي ايدك وعلي دماغك

    كتير اوي

    يا عيني

    دانات عقدتيني من 21

    ايه هاربط علي 19.5

    ولا ايه ولا افوت21

    كان معاكم

    المعلم :حرنكش

    عمرو احمد سابقا

    المشاريب علي صاحب القهوة

    ReplyDelete
  21. القط اللي مربياة ساسوو

    ماما بتسلم عليكي وبتقولك كل عيد شرطة وانتي طيبة

    اسمها ايه؟ اة كل سنة وانتي طيبة، قولي لكاميكاز احنا عاوزين تونة بدل الجاتوة
    اة ماما بتقولك الفكرة حلوة اوي اوي..بس معندهاش هدوم تنكرية راحت بعتاني انا
    (f)

    ReplyDelete
  22. كنت هكتبلك فين متشكرة ياحرة
    لقيتك قولتى
    بس ايه مش هدخل غير متنكرة دى
    انتى طلعتى عيله بترجعى فى كلامك
    طيب كوكى دخلنى من غير تنكر

    هههههههههههه
    كل سنه وانتى منورالنا الحياة

    ReplyDelete
  23. السلام عليكم


    البوست جمييييييييييييل


    كل سنه وانتي طيبه زمحققه كل احلامك

    ReplyDelete
  24. انا بقا هتنكر فى شهرزاد
    كل سنة وانتى طيبةةة
    وإن شاء الله السنة الجاية اشوفك مع عريس ابن حلال كدة زى شهريار جوزى
    ايوة ما تخفيش اكمنه معاه مسرور السياف
    لالا ده غلبان خلاص
    ديته تحكيله حدوتة قبل النوم وينام زى العيال بالظبط
    ماهما الرجالة كدة
    عيال كبيرة يابنتى

    ولا اقولك
    بلا جواز بلا وجع قلب يا شيخة
    ده انا دماغى وجعتنى من كتر الحكايات
    انا بفكر اخلعه بقا زهقت منه

    سلام يا سكر

    ReplyDelete
  25. @كاميكازات الدنيا كلها تهنىءياسمين بدخولها الرابطة وأهل الرابطة بيقولولها نورتى الرابطة وكل سنة بعد21 وانتى أطيبز
    ايمى

    ReplyDelete
  26. قصدى أطيب
    معلش اصلى اول مرة اعلق فى مدونات يا اختشى

    ReplyDelete
  27. malk almasria
    الله يسلمك ياحبيتى ونورتينى اول مرة تيجى عندى
    وإن شاء الله ماتكونش اخر مرة

    ReplyDelete
  28. .العَبدِالرَحَمن
    وحضرتك طيب والاسرة كلها بخير
    بس مش مليون دى كتيييييير حبتين؟.

    ReplyDelete
  29. Mohamed a.ghaffar
    وحضرتك بخير واهلا بيك اول مرة عندنا
    وإن شاء الله ماتكونش آخر مرة

    ReplyDelete
  30. بيسووووووو
    قصدى طنط مامة بيسوووو
    ميرسى أوى أوى يا طنط ( صورة واحدة مكثوفة ) ربنا يكرمك يا طنط

    أما انتى يا بيسو شكلك كدة ضليعة فى حياة ما بعد العشرين
    ابقى فيدينى من خبارتك يا أختى
    وإنتى طيبة يا قمر نورتينى
    واتمنى الجاتو يكون عجبك

    ReplyDelete
  31. كاميكازكو الثالث عشر
    اهلا اهلا يا جدى
    منورنى ومشرفى ياريس
    شوفتنى وانا بذيع؟ قمررررررر والله
    معلش اصلى متواضع جدا
    وبعدين حتة جاتو ايه اللى عاوزنى احجزهالك هو انا حارمك ولا ايه
    جاتكم البلاوى مليتوا البلد

    نووووووووووووسة
    وانتى طيبة يا قمرة وبخير وصحة وسعادة ونجاح و و و
    لا كاميكاز مش برنامج اساسا عشان يكون منوعات يا بنتى
    وابقى سلميلى على احلى بحث فى الدنياااااااااااا

    ReplyDelete
  32. عم مصيلحي
    ايه النور ده ياراجل
    خليك قاعد شوية عشان قرايبنا بيعزلوا ومجتاجينك
    ياريت يكون الفونضام عجبك ياكابتن مصيلحى

    ReplyDelete
  33. واحد تاني من الناس
    تصدق انى حسبتهم وطلعت الرقم ده برده
    سبحان الله

    بس استنى

    ايه ده

    ده انت واحد من الناس
    تصدق معرفتكش؟
    الواحد التانى من الناس شكله متغير اوى
    يلا كل تلتمية خمسة وستين يوم وانتوا الاتنين طيبيييييييين

    ReplyDelete
  34. طيارة ورق واتقطعت
    وانتى طيبة يا طياااارة وفى كل خير وتحليق فى الجو كدة .. بس حاسبى من الرعد والبرق انا حذرتك اهو

    ماهى دى الحقيقة يا طيارة عشان فى بنات كتيييييييير اوى فى مصر احسن منى مليووووووووووووون مرة وبرده الرجالة عميووووووووووا وطرشووووووووووووا عنهم

    الطلب بقا الحلزونى
    خلى الكلام ده فى سرك .. اوعى تقولى لحد
    عشان الصحافة

    ReplyDelete
  35. كابتشينو
    على فكرة انا بشربك وانا بكتب دلوقتى اهوه
    طعمك حلو على فكرة
    كل سنة وانت طيب وبخير وفى احسن حال وسعااااااااادة يااااااااارب
    اللهم امين

    لالالا بطل خم يا كابتشينو
    ده انت واخد اكبر حتة بالشيكولاتة وشوفتك بعينى محدش قالى يا نصااااااب

    ReplyDelete
  36. الساحر أوز
    طول عمرى نفسى اعمل فقرة الساحر فى عيد ميلادى
    لاقيت الساحر جه لوحده
    هيه هيه هيه
    اولا مبروك لصاحبك يا عم أوز
    ثانيا عندك اتنين قلب وتلاتة مخ وصلحوا وياريت رشة صبر كدة على الوش لان صبرى نفد من العلم وسنينه

    كل سنة وانت طيب

    ReplyDelete
  37. Copa
    وانت طيب يا فندم
    اوعى تكون هدايا كوبا زى التجارب النووية اللى بتعملها فى المدونة دى

    وبما إنك لم تتنكر فى الحفل الساهر التنكرى .. يبقى مالكش جاتوه عندى

    وبعدين مين قالك إنى هبقى فاضية فى مليون اللى ربع.
    عندى شوبينج يا فندم

    ReplyDelete
  38. رووووووووشا
    رفيقة المحاضرات التى تسأل دائما على الساعة والساعة فوق راس الدكتور اساسا
    ما عليناااا
    نورتى المدونة يا روشا
    وبعدين كلامك بخصوص العرسان ده انا متأكدة إنه ........ زيرو
    عشان حاسة إنى هسمع خبر حلو قريب
    ولاااااااااازم تعزمينىىىىىى
    انا بقولك اهوه
    وقد أزعر من أنذر

    ReplyDelete
  39. No Fear
    مش مشكلة تتنكر دلوقتى
    اصل كاميكاز مشغول فى اكل التورتة مش هياخد باله

    وانت طيب يا فندم ومحقق كل أحلامك يارب

    ReplyDelete
  40. أخف دم
    اولا كاميكاز مش طايقك ده مبدأياً
    ازاى ماتتنكرش
    وبعدين بتقوله ياله وهو مذيع قد الدنيا
    ده قعد ياعيط وغرق المدونة بالدموووووع
    يلا سيبك منه

    وحضرتك طيب يا فندم وفى خفة دم وراحة بال اكتر واكتر يااااارب

    ReplyDelete
  41. Vero
    وحضرتك طيب يا فندم وفى صحة وسعادة مية وهوا
    وابعتلى سلامى انا وكاميكاز مخصوص لكل نسمة هوا اسكندرانية معدية يا فندم

    ReplyDelete
  42. مافريك
    تعرف أنه لولا إنك جاى مع الاستاذ احمد عيسى انا مكنتش دخلتك الحفلة
    قمرتاااااااجى؟ هى ناقصة
    اعوذ بالله من غضب الله

    كل سنة وانت طيب يا فندم وفى أحسن حال ..وعازين نعرف حكاية الحج مافريك ده ايه بالظبط عشان كاميكاز مش مستريحله خالص

    وبعدين كاميكاز بيقولك انه مابيتهددتش وانه مخاصم عمه ده اصلا ومش بيكلمه
    :D

    ReplyDelete
  43. Donald Duck .
    غريبة .. ولا خدنا بالنا إنك بطوط من اصله
    بس بطوط لذيذ والله وبشوف فيه نفس الصفات الجميلة اللى بتقولى عليها
    بس اتصدمت لما عرفت انه عجوووووز اوى كدة

    معلش اصل كاميكاز عنده حساسية من البط ومش بيطيقه

    شيلاليك نايبك على جمب يا منووولة

    ReplyDelete
  44. Zordeak
    وانت طيب يافندم

    بص بص بص
    اهوه كاميكاز وشه احمر اهوه
    بيقولك اولا مش هتاخد جاتو عشان ماتنكرتش
    ثانيا الدى جى ده من اختصاصه
    ثالثاً وده الاهم الزمامير دى هو جايبها عشان يلعب بيها
    مش ليك يعنى
    بسسسسسسس

    شوفت الغل اللى طالع منه ده
    سيبك منه ده قلبه اسود

    وانت طيب يا فندم وربنا يباركلك فى عمرك اللهم امين

    ReplyDelete
  45. Dead man
    ديت مان عندنا يا مرحبا يا مرحبا
    على فكرة كاميكاز بيحبك اوى عشان بيحب افلام الرعب جداااا

    وحضرتك طيب يافندم وفى كل خير دايما
    وعايزين الزيارة تتكرر إن شاء الله

    ReplyDelete
  46. رفقة عمر
    وانتى طيبة حبيتى
    ادعيلى بجد انا خايفة اوى من الامتحانات
    ربنا يستر
    ياااااااااارب

    ReplyDelete
  47. حرنكش باشا
    اهلا بيك يا كابتن
    وبعدين ايه الزغاريد دى كلها
    انت داخل فرح

    كتب كتب ايه وعيال ايه
    ده انا لسة صغيرة حرام عليك

    صاحب القهوة بيقولك المشاريب على كاميكاز وكاميكاز باعك ودخل ينام .. اتصرف إنت بقا

    ReplyDelete
  48. القط اللي مربياة ساسوو

    روحى قولى لساسو هانم مامتك تبقى تيجى بعد كدة بنفسها عشان كاميكاز مش بيحب القطط .. وقط مش قطة كمان
    ايه الرعب ده

    التونة فى التلاجة .. هنطلعهالك حالا

    نيووو نيوووو

    بطل نونوة بقا صدعتنى .. هش يلا
    مافيش تونة
    بسسسسسس

    ReplyDelete
  49. مينا الحرة
    هو انا اقدر مشكركيش برده ياتوتة

    ايه ده

    هو كوكى دخلك

    طب لما ابقى اشوفه البتاع ده


    اهلا اهلا منورانا
    كل سنة وانتى احلى حرة فى الدنياااااااا

    ReplyDelete
  50. الناى الحزين
    اهلا بيك لاول مرة عندناا
    والبوست جميل بتعليقاتكم اللى اجمل منه

    كل سنة وانتى فى كل خير ياااارب

    ReplyDelete
  51. شهرزااااد
    ماتقوليش كدة لا ماعلينا يزعل
    اصله بيحبك اوى تقريبا

    بينى وبينك .. اخلعيه مش مشكلة
    بلا جواز بلا هم

    كل سنة وانتى طيبة يا قمراية

    ReplyDelete
  52. إيمىىىى
    شوفتى رسالتك منورة البوست ازاى

    سلميلى على اهل الرابطة وكل كاميكازات الدنيا

    وكل سنة وانتى فى خير وسعادة وأمل وكل خير ياااااااارب

    ReplyDelete
  53. مش في حد قالي ان انتي عيد ميلادك اليوم دة
    عامة كل سنة وانتي طيبة يا قمر
    مش تقلقي هتتخطفي من العرسان اصل انا عديت مرحلة العشرينات دي بعد خمس سنين
    يعني بقي عندي 25 سنة وزي مانتي شايفة قاعدة علي النت
    هههههههههه
    كل سنة وانتي طيبة يا قمر
    انا ام احمد

    ReplyDelete

الكلمـة نـور .. وبعـض الكلمـات قبـور