Monday, January 29, 2007

تانى تاج على التوالى

فى البداية عاوزة انبه إن أنا حرة بعتتلى تاج يا جماعة بقاله اسبوع تقريبا ومجاوبة عليه والله
تحت عنوان إيه الرغى ده كله .. وده لأن التيجان نزلت عليا ترخ زى المطرة من جهات متعددة
المهم جاى تاج خبيييث بكل المقاييس من واحدة عزيزة عليا اوى وهى الجميلة
يارب يا معين
خمس حاجات ماحدش يعرفهم عني خااالص
ربنا يسهل
.
أولاً: زمان وانا صغيرة كنت مش عارفة ليه بعد ما البيت كله ينام ويبقى الحال تمام التمام اجرى على المطبخ وافتح برطمان الزتون المخلل واديييييييييييييها اكل فيه من غير مناسبة .. طبعا مافيش اى أثر ورايا ولا حاجة
بس حاليا مش بطيق اكل زتوناية واحدة .. جالى تشبع من اللى عملته وانا صغيرة
.
ثانياً: زمان برضه وانا فى ابتدائى كنت باخد درس رياضة- شفتوا الخيبة- وكان المستر بيدينا واجب عشان نحله
انا بقا بنصحتى عرفت إن اخر الكتاب فى حلول للأسئلة دى .. وعليها
اى واجب يجي كل اللى عليا إنى انقل الاجابة من ورا
وطبعا كنت ممتازة وشاطرة فى نظر الجميع ومحدش يعرف الحقيقة المرة دى لحد دلوقتى
بس طبعا إتأكدت إنها غلط لما كبرت شوية
.
ثالثاً: فى حاجة أهلى بس اللى يعرفوها
كنت وانا فى تالتة إبتدائى بعرف فى إلقاء للشعر وكدة
كان فى قصيدة بقا إسمها .. أمى
المهم بما إنى بارعة ولازم الكل يشوف
كانوا قرايبنا عندنا جمعتهم وقلتلهم انى بلقى قصيدة واقعدوا ساكتين عشان الاقيها وكدة
وانا طبعا زى عقلة الإصبع وقفت على كرسى وقعدت اديييها
أمى نداااااااااء محبة .. بل إن كل الحب أم - واتشحتف وانا بقول - أماااه .. أماااااه يرعاكى الذى خلق البرية من عدم
وفى وسط مانا ملعلعة بالإلقاء وفى قمت مجدى إذ بى مرة واحدة وبدون اى مناسبة عمالة اعيط
عااااااااااااااااااااااااااا
مالك يا ياسمين فيه ايه؟-
الكتاااااااب ضااااااااااااع عاااااااااااااااااااااااااا-
وهاتك يا عياط عااااااااااااااااااااااااااااا
ساعتها بقا اللى اتقلب من على كرسيه واللى كان هينط من الشباك من الضحك
ومن ساعتها طلعت اول نسخة من سلسلة مجلات ياسمين للجيب ... زى ميكى وتنتان كدة
ألا وهى : ياسمين والكتاب الضائع
.
رابعاً: كان فى مدرس انجليزى فى اعدادى شاكك انى باخد درس وانا تقريبا كنت الوحيدة اللى مش باخد معاه - وباخد بره برده - المهم بقا
فهمته انى مش باخد درس ولا حاجة
الامتحانات تيجى وامتحن اقوم جايبة 18 من 20
الراجل يجى يسألنى بسخرية ها عملتى ايه .. اقوله جبت 18
يتخض ويتنرفز: 18 إزاى يعنى إنتى كنتى بتغشى ولا ايه
قلتله: وانا مالى يا مستر ما انتوا اللى بتصححوا .. نجحتونى ليه امال
بصى بحزن كدة وقالى بصوت مخنوق:ه
زى زكى رستم فى فيلم "مين عمل ايه" بالظبط
وساعتها نزلت النسخة التانية من سلسلة المجلات برده
ســــرك معاكى ياياسمين (وين هنادى ياماى)ه
.
خامساً: الكلية بوظتلى عنيا الحمد لله وقعدت فترة مش بشوف البورد - الصنبورة - ورحت لدكتورعيون .. المهم انى المفروض اعمل نظارة
وقد كــــان .. خدت ماما ونزلتها فى البرد عشان نجيب الشنبر ومشاوير عشان اوديها واستلمها وهيصة كدة
المهم جت بعد طول إنتظار واول ما لبستها بصيت لنفسى فى المراية وضحكت وقلت: انا بقيت كاميكااااااااااز
المهم بقا رحت بيها الكلية زى الشاطرة وفرحانة بشبابى وبشكلى الكاميكازى
وفى آخر اليوم اديتها لصحبتى عشان كنت عاوزة اتوضى
خلصت ورجعتلها وصليت وبعدين وانا بربط الكوتش قولتلها: هى فين النظارة؟؟
بصتيتلى وبرقت
قلت فى بالى اكيد البت بتهزر
لاقتها كمان مش عارفة فين النظارة
وبعدين قامت سيبانى وراحت قدام كدة وجبتهالى من على الارض
وطبعا العدسة اتكسرت وطلع عينها
واتغميت اوى اليوم ده عشان ده اول يوم ليا بيها وملحقتش
المهم روحت البيت وقلتلهم انها اتكسرت
ايه اللى كسرها يابنتى؟-
قلتلهم وانا بصلى وقعت منى واتكسرت ومجبتش سيرة صحبتى خالص
وقعدت اعيط ( مش استهبال والله بس عشان هما تعبوا معايا فعلا ) هما افتكرونى بعيط عشان عايزة النظارة وعياطى ده كان أسف .. المهم بابا حن عليا وخلانى اروح اصلحها
وده بقا سر من النوع التوب شكرى ( توب سكرت يعنى ركزوا بقا ) قبل ماروح صحبتى ضميرها وجعها ياعينى وبقت مش عارفة تعملى ايه .. بس الحمد لله قلبتلها الموضوع ضحك لدرجة ماكنتش عارفة تروح من كتر الضحك
قلتلها جهزى البيت بقا عندكوا عشان لو ابويا طردنى ولا حاجة .. قالتى حاضر
انا : عندكوا همبورجر؟
هى: فى ايه يابنتى
انا : ايوة ماهو مايبقاش كسر نظارة وجوع كمان .. يا همبورجر يا هوديكى فى داهية انا بقولك اهوه ههههههههههههههه
وساعتها برده نزلت النسخة الثالثة من سلسة المجلات الشهيرة
ياسمين والنظارة المكسورة
فى نسخ تانية من المجلة على فكرة بس دينا عاوزة خمس حاجات بس
المهم كفاية فضايح لحد كدة بقا
ليه يا زمن ماسبتناش أبريا .. تيرا را را
--------------------------------------
أمرره لمييييييييين ؟
لأول مرة أدبس حد
اللى عاجباه الاسئلة ياخد التاج برده هدية منى ليه
بس يدفع نص جنيه مصاريف الشحن

49 comments:

  1. ههههههههههههههههههههههه
    حلللللللللللللللوة
    دايما بتثبتى ان دمك خفيف على طول مش حاجة طارئة عليكى
    الطققان ده من يوم ما اتولدتى
    يله شدى حيلك و جمعيلنا المجلات دى فى مجلد و انا هبيعهولك بمعرفتى
    طبعا ده بعد ما اخبى لنفسى نسخة و مش هاقولك عليها
    اوووبس
    قصدى
    مش هقولك عليها

    ReplyDelete
  2. دى تانى مره اجى واعلق عندك
    جميل جدا ان الانسان يتسئل لسئله ويرد عليها وخصوصا لو بخفه الدم دى

    ربنا يكرمك ويخليكى لاصحابك

    بس عايز من طلب عايزك تشرحيلى كل ما يتعلق بالتاج عشان انا مش متابع

    شكرا ليكى

    ReplyDelete
  3. ههههههههههه
    حلو أوي
    مش عارفة ليه التاج ده قلب معانا بخفة دم (:

    ReplyDelete
  4. منك لله يابت
    انا اكتب 5 حاجات محدش يعرفها عنى
    طيب ازاى يعنى
    الاقيلك حاجات مش فارق معايا لو حد عرفها عنى ازاى

    محتاجه دعبسه فى مخى شويه
    هو انا علشان دبستك تدبسينى
    فينا من كده

    ReplyDelete
  5. إجاباتك علي التاج حلوه ودمها خفيف, وحلوه اكتفاء ذاتي من الزتون دي (:
    والنضاره, والكتاب, بجد كلها حلوه .

    ReplyDelete
  6. ماما هيومن:امممممممم وانا كنت بقول زيتون راح فين
    هيومن :انا اسفه ياماما
    ماما هيومن :اسفه بعد ايه خلاص بقى ادينا جعنا ومش لاقين ولا زتونايه
    هههههههههههههه حلوه زتون ومساله رياضه اكيد كتاب سلاح تلميذ اللى حاطط اجابه من ورا ولا معاصر ياغشاشه انا حفضحك على صفحات نت .....دمك خفيف والله ياقمر مدونتك بضحكنى

    ReplyDelete
  7. عسل والله يا انسانه
    ههههههههههههههههههه مشكله والله يا انسانه اجابتك مشكله و انا استلمت التاج و هجاوب عليه و بما ان اسلام برضه صاحب بلوج خطوه عزيزه بعتلي تاج برضه هو وواحد من الناس فهجاوب عليهم مع بعضهم

    ReplyDelete
  8. ههههههههههههههه


    دمك خفيف يا مضروبة

    بس زى ما قلتلك


    أنا زعلان منك


    علشان ممررتليش الكود

    بس مستنى سمراء النيل

    يارب تفتكرنى

    إدعوا معايا


    يارب


    وعادى بقة
    أودى

    ReplyDelete
  9. ههههههههههههههه


    دمك خفيف يا مضروبة

    بس زى ما قلتلك


    أنا زعلان منك


    علشان ممررتليش الكود

    بس مستنى سمراء النيل

    يارب تفتكرنى

    إدعوا معايا


    يارب


    وعادى بقة
    أودى

    ReplyDelete
  10. إجاباتك تحفة يا إنسانة ..
    بس ليه يا جماعة كل اللي اتمررلهم التاج ده كان عندهم حاجات كتيير يقولها وأنا بس اللي دوخت السبع دوخاااااااات على ما جاوبته؟؟

    مدونتك جميلة زيك وهتابعك إن شاء الله.

    ReplyDelete
  11. اسكتوا يا جماعة ده يوم ياسمين و النظارة المكسورة ده كان يوم مسخرة
    اساسا بعد ما كنا شغالين تصوير ورق و فيزابيليتى "دراسة جدوى" على محاسبة على حاجات كتير كدا مش فاكراها :S
    و نيجى نلاقلكو دى عمالة تعيط و النظارة اتكسرت
    و ده ماكنش وقت نظارات طبعا و دى تعيط و احنا نصور ورق و دى ترثى النظارة المكسورة

    بس حكاية الزتون دى جديدة هههههههههههه
    انتى من يومك كدا مسخرة يا بنتى

    ReplyDelete
  12. انا اول مره ازور مدونتك و علي فكره التاج ده نفسه وصلني من مبرمج حر و للاسف لا اجد اي شيء عن نفسي لا يعرفه غيري
    التاج سؤاله صعب جدا بالنسبه لي
    للجميع تحياتي

    ReplyDelete
  13. ايه ده؟
    انتى كنتى طفله بريئه خالص
    انا كنت بلوه ماشيه على الارض وانا صغيره
    وكسرت نضارتى وانا فى كى جى تو مش فى الكليه
    عملولى معدن منفعش بلاستيك منفعش وفى الاخر الدكتور قالهم سبوها تتفلق
    والحقيقه سابونى لحد اولى ثانوى ورجعت البسها تانى
    المهم انا طولت انا عارفه
    بوست جميل وبلوج احلى

    ReplyDelete
  14. هههههههههه
    هههههههههه

    هيا وصلت لسرقة الزيتون المخلل كمان؟!!... طب والله لأقول لبابكى ومامتك!! سيبى التليفون... لازم أقولهم... بقولك سيبيه!!.. ماشى.. هفوتها المرة دى علشان خاطر كميكاز بس
    :)

    هههههههههههه
    والله أنتى زى العسل.. بقى دول الخمس حاجات اللى مفيش حد يعرفهم؟.. أنا قولت انتى هتبوحى بالأسرار العسكرية بقى
    :) :)

    manal

    ReplyDelete
  15. برافو عليكي إنك عديتي من التاج ده بسلام .. ربنا يجازي اللي زنقنا الزنقة المهببة دي

    تحياتي ليكي كتير

    ReplyDelete
  16. ههههههههههههههههههههه
    حلو أوي أوي أوي
    يا ياسمين بجد ‘جاباتك حلوة جدا
    بس يا ريت تنشري أعداد المجلة كلها
    :)
    هاتكسر الدنيا

    ReplyDelete
  17. طب انا ذنبي ايه في التدبيسة دي بقي
    مش كفاية
    ماشي يا ياسمين

    عجبتني ردودك يا هانم

    ومش عارفة حاسة كدة لا قدر الله انك وحشاني
    ههههههههههه

    ReplyDelete
  18. دمك خفيف:)

    بس احلى موقف كان موقف النضارة:)

    ReplyDelete
  19. ازيك يا ياسمين
    التاج زى العسل كالعادة فى بوستاتك
    بس فيه استفسار بسيط
    انتى ليه معملتيش عدد فى المجلة بتاعتك اسمه ياسمين وأخف دم
    تحكى فيه عن كمية الجماااااااااااايل اللى انا عملتهالك..

    ReplyDelete
  20. ho kol el msryeen dmhom 5feef wala eh ? nice blog :)

    ReplyDelete
  21. بقول لك إيه
    هو يعني إيه كاميكازي لأني لابس نضارة بقالي 8 سنين يبقى شكلي كاميكازي و أن ماعرفش

    ReplyDelete
  22. عامة يا ستي هجبر بخاطرك واعملك التاج دة بس البوست الجاي وعليكي خير بقي
    تصدقي برضه خير اللهم اجعله خير
    انتي وحشاني

    ReplyDelete
  23. السلام عليكم
    لا معلش ربنا يكرمك عاوزين باقي السلسلة و ممكن أعملك تاج سريع
    أكتبي جميع سلسلة ياسمين و .....؟
    تاج جميل بجد
    سلام

    ReplyDelete
  24. khaled
    المجلد مش هينفع يطرح فى السوق
    منعاً للإحراج وعشان محدش يدكن نسخ لنفسه
    :D



    raspoutine
    أهلا بيك لتانى مرة عندنا يافندم وربنا يكرمك ويخليلك كل اللى بتحبهم ياااارب

    التاج ده بقا عبارة عن أسئلة مطلوب من صاحب المدونة إنه يجاوب عليها
    وفى الاخر الاجابات المفروض انه يبعت لحد تانى من المدونين عشان يجاوب علي نفس الاسئلة
    تدبيسة يعنى

    وشكرا ليك وعاوزين الزيارات تتكرر إن شاء الله

    ReplyDelete
  25. ديناااااا
    تدبسنى وتضحكى؟؟
    ربنا يسامحك يا قمراية
    :D

    ReplyDelete
  26. أنا حرة
    هندعى على بعض من أولها؟؟؟
    أيوة فينا من كدة وأبو كدة كماان
    أديكى للاقيتى ياستى وعملتى بوست زى العسل كمان

    ReplyDelete
  27. esraa
    ربنا يكرمك يا قمر
    والله بجد جالى إكتفاء من الزتون فعلا
    اهوه ده حال الدنيا بقا
    مجتش على الزتون يعنى
    هههههههه
    منورانى ياحبيبة قلبى إنتى

    ReplyDelete
  28. chico
    لا ريحى نفسك
    ماما لما لاقيتنى مش باكل زتون خالص .. الاسود ده باكله عادى خصوصاً لو كلاماتا
    لكن الاخضر مستحيييييييل
    فحكيتلها بقا وقعدت تضحك
    إنتى اللى قمر وبفرح لما بتعلقى عندى يارورو

    ReplyDelete
  29. copa
    الله يكرمك يا كوبا
    قريت التيجان بتاعتك وإجاباتك جمييييييلة

    وقال على رأى المثل القومى

    التيجان لا تكيل بالبتنجان

    ReplyDelete
  30. ody911
    هههههههههه
    ولما انا دمى خفيف ابقى مضروبة ليه بس
    ربنا يسامحكوا

    إن شاء الله سمرا أكيد هتفتكر

    وانا من مدونتى هذه بناشد سمرا
    إديله التاج يابنتى واتوصىىى

    أى خدمة
    عادى بقة

    ReplyDelete
  31. تسنيم
    منا دوخت انا كمان وقعدت اعصر فى دماغى بقا لحد مالقيت
    اصل بينى وبينك البلاوى كتيييير
    هههههههههههه
    والمجلد زى مانتى شايفة مغرق السوق
    ههههههههههههههه

    منورانى لاول مرة والله ومدونتى جميلة عشان فى ناس زيكم كدة بتشرفها
    وعايزين الزيارة تتكرر إن شاء الله
    عنوانا مايتوهش خاااالص
    سامعة؟

    ReplyDelete
  32. lost in the web
    هههههههههههههه
    فاكرة يابنتى
    إيمان كانت قاعدة جمبى تواسينى وانا عمالة اعيط .. ومش عارفة مين كان بيسألنى
    خدتى الورق بتاعك من ايمان؟؟؟
    انا : إيمان مين ؟؟؟
    هههههههههههههههههه

    ReplyDelete
  33. ذو النون المصري
    بصراحة كدة فى حاجات ناس غيرى تعرفها طبعا
    بس اوعى تقول لدينا احسن تاخد بالها
    أصل إحنا بنعيش مع الناس ومعظم البلاوى دى الناس بتشوفها وعارفاها

    أهلا بيك عندنا لاول مرة
    وعاوزين الزيارة تتكرر إن شاء الله

    ReplyDelete
  34. rony
    ههههههههههههههههههه
    ايه الطفولة المشردة دى يابنتى
    قرفتى الدكتور فى عيشته
    هههههههههههه
    بس اصل كنت طول عمرى صامدة وبشوف .. اينعم طشاش بس بشوف
    جيت على رابعة بقا
    خير اللهم اجعله خير مش شايفة
    وحصل اللى حصل بقا
    بس الحمد لله عدت على خير

    منوراااااااانى لأول مرة وعايزة الزيارة تتكرر بقا

    ReplyDelete
  35. albida
    ههههههههههه
    ماهما عرفوا يابنتى
    عيبى إنى صريحة والبلاوى لازم تتقال خصوصاً لماما وبابا واخواتى

    كاميكاز بيسلم عليكى وبيقولك : منورانا يا لولووووووو
    :D

    ReplyDelete
  36. يا مراكبي
    منورنا يافندم والله
    التاج فعلا كان مليئ بالاشواك والصعوبات بس الحمد لله عدت بسلام

    ReplyDelete
  37. مصرى
    أنشر الاعداد كلها ليه بس
    مابلاش فضايح بقا
    ده انا زى اختوكوا برده

    منورنا يا أستاذ مصرى وياريت الزيارة تتكرر

    ReplyDelete
  38. smraa alnil
    ههههههههههه
    هتجاوبى يعنى هتجاوبى
    معنديش فاصل انا

    سبحان الله
    تصدقى ياشيخة حاسة إنك من غير مقاطعة كدة وحشانى من الباب للطاق
    ههههههههههه

    ReplyDelete
  39. LAMIA MAHMOUD
    ربنا مايوريكى يابنتى على كمية العياط اللى عيطهم
    وكمية الضحك اللى ضحكتهم للصحبتى
    حيث تختلط المواقف العصيبة بالدموع الغزيرة والضحكات الهستيرية فى إطار كاميكازى يودى فى داهية
    هههههههههه

    منورانى يا ليمو والله

    ReplyDelete
  40. أخف دم
    منورنا يا أستاذى والله
    كاميكاز بيقولك العدد اتعمل وعلى وشك إنه يطرح فى الاسواق قريباً

    عشان تفتكروا الجمااااايل دى

    ReplyDelete
  41. aya almusa
    ربنا يكرمك
    أهلا بيكى لاول مرة عندنا وياريت تكررى الزيارة
    ولو العنوان توهك ابقى قوليلى وانا اوقفلك كاميكاز على الناصية عشان يدلك على المدونة
    :D

    ReplyDelete
  42. مصرى
    هههههههههههههههههههه
    والله شكلك كاميكازى ولا لأ ده يتوقف على شكل النظارة
    وبعدين شكلى ماكنش كاميكاز
    انا نفسى بقيت كاميكاز بالنضارة دى
    حتى صحابى لما شافونى بالنظارة كله قعد يضحك
    هههههههههههههههههههههههه

    ReplyDelete
  43. smraa alnil
    منتظرة البوست اللى هيكسر الدنياااااااا

    كلام جد بقا
    عارفة يا أنوجى قبل ما امشى قعد مستنياكى على النت عشان تدخلى واسلم عليكى عشان عارفة إنك هتوحشينى اوى ومدخلتيش ساعتها
    حاولت اكتبلك اوف لاين والكلام ماكنش بيوصل
    بس بجد بجد بجد
    إنتى وحشاااااااانى

    ReplyDelete
  44. No Fear
    هههههههههه
    مابلااااااااش
    ربنا يسهل لما تيجى مناسبة هتلاقوا الاعداد كدة نازلة لوحدها فى السوق
    وربنا يكرمك بجد

    ReplyDelete
  45. ياسمين

    الميل بتاعك أتشال من عندى

    ياريت تضيفينى تانى علشان مش عارف إيه إللى حصل

    ولو مش عاوزة عادى بقة
    مش بحب أجبر حد على حاجة

    على فكرة سمراء بعتتوا مشكورة

    هيه دى الصحاب ولا بلاش

    أودى

    ReplyDelete
  46. بقى كنتى بتاكلى زيتون كلاطاطا

    بصى واضح كدة من الحاجات اللى أنتى كاتباها أن أنتى مش سهلة خالص

    بت دوقرم يعنى

    -انا عارف أن كلمة دوقرم دى اتلغت من زمان بس دى اللى على دماغى حاليا-

    ReplyDelete
  47. والله انا قريت التاج ده من زمان

    و فاكرة اني كتبت تعليق
    ههههههه

    لازم ابطل اللي باشربه ده

    ههههههه


    انا مش باحب المخلل

    بس ايه يا بنتي الشقاوة دي
    ههههههه

    ReplyDelete
  48. هههههههه

    انتي شكلك هربانة من فيلم كارتون يا ياسمين


    ياسمين في بلاد العجائب

    تحياتي

    ReplyDelete
  49. معلش بقى انا مش متابع البلوج دة من الاول

    يبقى مين بقى سي كاميكاز دة؟؟؟؟؟؟؟

    ReplyDelete

الكلمـة نـور .. وبعـض الكلمـات قبـور