Saturday, May 05, 2007

صديقتى .. تريد أخاً


صديقتى: ياسمين انا عايزة اخ
انا: اخ ايه يابنتى .. إنتى هيستى؟
صديقتى: يابنتى انا عايزة اخ

انا: واجيبلك اخ منين انا دلوقتى؟؟؟؟
.

هكذا كان طلبها ... وهكذا كان ردى على مثل هذا الطلب الغريب

ظننتها تداعبنى كعادتها ولذلك لم ألق بالاً لما تقول

إلى ان تحدثنا هاتفياً بالأمس ، تجاذبنا أطراف الحديث وضحكنا كثيراً

ولكنى شعرت فى صوتها بنبرة حزينة تختفى على إستحياء بين ضحكاتها

ويبدو ان الضحكات قد أزاحت القفل الكبير الذى تغلق به قلبها

فوجدتها تفتحه لى وتخبرنى عما بداخله من حيرة وإحتياج

إحتياج لأخ .. فهى ليس لديها اى اخوة

ولكنها حقاً تريد أخاً يكون لها صديق

أخاً يعطيها من حبه ومن حنانه ورعايته

أخاً تخبره عما فى داخلها من صراعات وعواصف لتجد عنده الرأى الصائب

أخاً يكون لها السند والأمان

لتمضى فى دنياها وهى تعلم ان هناك من هو اكبر منها يسمعها ويفهمها

طموحها ان تجد اخاً تمشى ساعات معه دون خوف او قلق

لا اعلم لماذا شعرت بها هذه المرة كما لم اشعر بها من قبل

ولكن حان الوقت النهاية ... نهاية المكالمة

فكان لابد لها ان تنتهى مثل كل شئ فى هذه الحياة

تركتها حزينة لإنتهاء المكالمة

كم وددت ان تزول كل المسافات والحواجز بيننا فى هذه اللحظة

لأجلس معها فى غرفتها واخفف عنها هذا الشعور

حبيبتى .. لم يرزقك الله بالأخ ولكن ادعو الله لكِ ان يرزقك بالزوج الصالح

يكون لكِ الزوج والأخ والإبن وكل حياتك .. آمين

حبيبتى .. لا ادرى لما تنتصر عليّ دموعى وانا اكتب هذه الكلمات

ولكن كتابتى لهذا الموضوع هو اقل ما يمكن ان اقدمه لكِ

فانا اعلم حبك للمدونة ... وإلحاحك عليّ حتى اكتب عنكِ فيها

ولكنى فقط اريدك إذا شعرتى بالوحدة فى هذه الدنيا ان تعلمى ان هناك من تحبك بصدق

حبيبتى ... لا اريد ان تكون صداقتنا فى هذه الدنيا فقط

ادعو الله كما جمعنا فى الدنيا ان يجمع بيننا فى الفردوس الأعلى .. آمين

حبيبتى ... اريدك عندما تعلمى إنى قد غادرت دنياكم ان تدعى الله ان يرحمنى

وان يجمعنا مرة أخرى فى أعلى الجنان

اللهم آمين

42 comments:

  1. ممكن تحاول تقرب من ابوها لو عايش
    احيانا بتبقي محتاجه راى رجل فى موضوع ما
    حاولى تقربي منها اكتر
    و ربنا يكرموا :)

    ReplyDelete
  2. ولله يابنتى الايام دى الرجالة ماعادو نافعيش خالص
    لاب
    ولا اخ
    وحبيب
    ولاجوز

    كلوه محصل بعضوه

    ReplyDelete
  3. على فكرة انا مش بهزر


    انا بتكلم جد اوى

    ReplyDelete
  4. قوليلها تدوب جوا الناس وعمرها ما هتحس بالوحده
    بس تدوب بمعني تدوب مش مجرد لقاء للناس

    وتحياتي لك و لها

    http://1minelnas.blogspot.com/

    ReplyDelete
  5. والله سبقتيني يا إنسانة ..
    وانا بقرأ البوست قلت في نفسي هي مش عايزة أخ .. هي عايزة زوج ..

    هي عايزة واحد يشاركها حياتها هي .. ودا مش الأخ .. دا أكيد الزوج

    أؤمن على دعائك .. ربنا يرزقها ويرزق كل غير متزوجة بالزوج الصالح اللي يكون الأب والأخ والابن والزوج

    اللهم آمين

    ReplyDelete
  6. كتير من الناس بقوا يحسوا بالوحدة حتى فى وسط أسرتهم و اخواتهم، هى فعلا ممكن تكون حاجة إلى شريك حياة زوج أو زوجة.
    اللهم ارزقنا جميعاً بالزوج الصالح و الزوجة الصاحة و الذرية الصالحة يا أرحم الراحمين.

    ReplyDelete
  7. قديما سمعناهم يقولون الصحة تاج على رؤوس الصحاء لا يراه الا المرضى

    الى كل من رزقها الله بنعمة الاخوة عليك الحفاظ على هذه النعمة و شكر المنعم فقد لا تشعرين حقا باهمية وجود اخوة لك لكن عندما تفقدهم ستجد انك فقدت شيء من اهم الاشياء في حياتك

    ebadentist

    ReplyDelete
  8. مش لازم الاخ يكون اخ من الاب ممكن والدها يقوم بهذا الدور ممكن زميلاتها يحسسوها بالمعني الصحيح للاخوه
    ولا تدع لنفسها التفكير في ذلك الموضوع كثيرا حتي لا تمرض

    ReplyDelete
  9. الصداقه بين ولد وبنت نادر جدا تبقي في حدود الدين
    يبقي ممكن تدور في والدها او خالها او عمها
    او تقضيها باخت زيك لغايه ماربنا يكرمها بزوج من الرجاله اللي ماعادوش نافعين يا ست مها
    لا وداخله تاني تقول انا مش بهزر
    جررررررررررررر

    تحياتي يا ياسمين
    ويارب يجمعك بمن تحبين في الفردوس الاعلي

    ReplyDelete
  10. عاوزه اخ عاوزه زوج وبعدين تشتكى من الأثنين

    ReplyDelete
  11. انا عندى اخين ربنا يهديهم لو عاوزة ابعتلها واحد مفيش مشاكل

    هههههههه

    لا بجد زى ما فى اخوات كويسين فيه برده المتحكمين فتحمد ربنا
    و بعدين انتى موجودة يا سمين
    تبقى اختها و اخوها و صاحبتها كمان

    ReplyDelete
  12. الجميل فى البوست احساسك العميق اوى بيها , وهى دى المحصلة و المطلوب سواء كان أخ أو اخت , انه يحس بأخوه أوى وأنتى اختها و حسيتى بيها أوى
    وده اللى عجبنى أوى فى البوست وخصوصا لأن مش سهل أن الواحد يلاقى حد يقوله بصدق

    " لا ادرى لما تنتصر عليّ دموعى وانا اكتب هذه الكلمات
    ولكن كتابتى لهذا الموضوع هو اقل ما يمكن ان اقدمه لكِ
    "

    ربنا يديم حبكم لبعض ويجمع بينكم فى الفردوس الاعلى

    :)

    ReplyDelete
  13. فلنؤمن على دعائك بظهر الغيب

    أمين

    ReplyDelete
  14. امين يا رب
    هى اكيد فى ضيق و حتاجة حد جنبها
    و ربنا كرمها بيكى
    ماتسبيهاش

    ReplyDelete
  15. ربنا يكرمها بالزوج اللي يقدرها ويعرف ينتشلها من الهموم اللي هيا فيها دي

    بجد ربنا يكون في عونها يارب

    ReplyDelete
  16. أولا بعد الشر عليك العمر الطويل ليكى يا رب
    ثانيا احساس الوحده بجد صعب جدا
    انا مقدره احساسها لانى كتير تمنين لو كان ليا اخ
    رغم وجود اخواتىالبنات لكن لم يشا الله ان ارزق بأخ
    وكم افتقده واحسست برغبتى فى وجوده
    واحتياجى لاحساسا امان وصداقه مع أخ يمتلك العقل والقوه والحنان والحب
    يارب يرزقها الزوج الصالح يارب اللى يعوضها الأخ والصديق والحبيب
    وربنا يخليكو لبعض
    انتى جميله يا ياسمين
    تحياتى

    ReplyDelete
  17. الحمد لله ان ربنا رزقها بصديقه مثلك تخاف عليها وهى لها ناصح امين
    ربنا يديم بينكم المعروف ويجمعكم فى الاخره بصحبة رسوله الكريم كما جمعكم فى الدنيا

    ReplyDelete
  18. فعلا صاحبتك دي عندك حق الاخ ده ممكن يعوضها عن اى حاجه
    حتى الزوج مش هايقدر يحل محله ابدا
    بس ممكن تحب وتتحب وتخلى عندها اصدقاء كتير يمكن يحلوا محل انها معندهاش اخ
    بس ماظنش ابدا ان فيه اى حد ممكن يحل محل الاخ

    ReplyDelete
  19. دي زيارتي الاولي لمدونتك احييكي بالنسبة لصاحبتك خليها تقرب من ربنا اكتر وربنا يرزقها بالزوج الصالح

    ReplyDelete
  20. انتي عرضتي المشكلة والحل
    بالنسبة للبنت الزوج الصالح يغني عن الأخ
    لكن بالنسبة للرجل لا شيء يغني عن الأخ
    كتبت حاجة زي كدة ياريت تقريها
    http://ctybrd.blogspot.com/2007/05/1.html

    ReplyDelete
  21. اولا انا بحييكى على شكل موقعك الرائع واسلوبك فى الكتابه الجميل جدا جدا
    وانتى موضوعك فيه عبره وفيه جذب انتباه باسلوب جميل
    وفى النهايه سلامى واتمنى تشرفينى بالزياره

    ReplyDelete
  22. انا هأعقم على تعقيم الات
    الوردة السوداء



    ليه كدا يا بنت الحلال

    هي ناقصة

    ايه حكاية جوز وفرد دي؟؟

    لا
    كدا
    بيسموه
    تخبيط في الحلل

    ReplyDelete
  23. الســلام عليكم
    انها فعلا فى حاجة الى اخ ولكن اخ من نوع خاص اللى يكون لها الصديق والحبيب ربنا يكرمها بالزوج الصالح
    بس برضو اكيد هتكون فى حاجة الى اخ اصل كلمة أخ دى كبيرة اوووى ومعنى كبير وخصوصا لما يكون الاخ حنون وقلبه كبير وبينصحك كويس وبيسمعك كويس
    ربنا يكرمها يااااااارب آمين ويكرمك ويكرم كل المســـلمين ياااااااااارب آمـــــــين

    ReplyDelete
  24. الحمد لله علي نعمته الكبرى لي حيث اني الأخ الاوسط بي اخ أكبر و أخت أصغر
    و للعلم أشعر بما تشعر به صديقتك بصدق فالحمد لله وجدت أختي تحتاج إلي الرجل في صورة أخ و صديق مخلص و أستطعت أن أفتح أبواب قلبها و أزيل حواجز الرهبة لتحكي لي عما يجول بخاطرها و بقلبها لأوجهها بتأني و روية و اقنعها و احدة تلوا الأخرى
    احيانا اراها تحتاجني لاشاركها ما بداخلها دون ان اوجه او انقد و احيانا يجب ان يكون لي موقف موضحا مبينا مقنعا و لكن دون مهاجمة او نقد و تسفيه
    و لي لها نصيحتان الاولي انها بالفعل يمكن ان تحصل علي ذلك الاخ بكثير من الأخوات (الراجل باثنين) بس بجد هتفرق معاها كثير تحاول يكون لها صديقات و تتعمق معاهم في حياتها بس تختار طبعا
    النصيحة الثانية ان لا يدفعها شعورها بالحاجه الي أخ ان تبحث عنه في صديق او زميل حيث ان هذا الأمر خطر و ليس مؤمون و لا تقبله الحياة العملية

    ReplyDelete
  25. to mr. wayfarer ...
    i just wanna reassure u that im so shy & i'll never even think in doing what u advised me not to do which is searching 4 a brother among my colleagues. i also wanna add that i even don talk to or deal with them :).
    but really i'd like to thank u for ur appreciated advices & feelings.
    thank u very much :).
    aha ... i 4got to say that im this 2insana's friend ;).

    ReplyDelete
  26. ازيك يا ياسمين
    تعرفى بجد كانت أمنية حياتى ان ربنا يرزقتى بأخت صغيرة ..بس للأسف أخواتى البنات أكبر ... كا ننفسى امارس مع أختى كل الحقوق والحنان اللى صاحبتك عايزاها بس ربنا قدر ..
    عموما كل إنسان بيتمنى أكتر من ربنا بس اللى نعرفه ان الخير بإيد ربنا ويمكن كان صاحبتك يبقى ليها أخ .. تندم على وجوده ..دى اقدار بإيد ربنا ..
    وبعدين فيه حاجة بقى
    انت حتى فى البوست الحزين ده مش عايزة تعملى جميلة لصاحبتك إلا لما تاخدى حسنتك كمان .. عايزاها تدعيلك بعد ما تموتى .ز البنت عايزة مساعدتك .ز تروحى انتى تشحتى منها اساسا
    عموما يا ستى ربنا يجمعنا جميعا فى الدنيا والآخرة
    سلام

    ReplyDelete
  27. انا عرفت الاحساس ده بجد لما اخويا سافر برغم اننا ما كناش قريبين من بعض قبل سفره لكن افتقدته جدا جدا
    و لا قيتني باقول زي صديقتك .. عايزة اخ
    مفيش حد ممكن ابدا يعوض احساس الاخوة و لا زوج و لا اب و لا اصدقاء
    لأن كل واحد منهم له دور تاني و مفيش حد يقدر يملا مكانهم

    الغلاسة و الخلافات و الحب و الرعاية اللي بين الاخوات تركيبة تانية مش بتتكرر الا من رحم ربي
    تحياتي

    ReplyDelete
  28. كل شخص له دور وشخصيه
    اذا غابت هذه الشخصيه من حياتك
    اختللت حياتك

    الاخ حصن لاخته
    زي الاب

    ربنا معاها


    تحياتي

    ReplyDelete
  29. فعلا الأخ مهم جدا جدا وأنا مش متصورة حياتى خالص من غير أخويا الكبير
    ربنا يرزقها بزوج كويس يعوضها عن كل ده وكفاية أنها عندها صديقة جميلة زيك

    ReplyDelete
  30. طيب وإلي معندوش أخت يعمل إيه ...

    علي العموم أن وجود أخ في أي الأحوال شئ هام للغاية .. ولكن ليس من توقف الحياة عنده ...

    الأمور تسير ولا تقف ...

    ربنا يعينكم دائماً ويكتبلكم الخير ...

    ReplyDelete
  31. أصعب مشاكل الانسان
    التعامل مع الواقع

    ReplyDelete
  32. قد ايه حسيت بيها

    وقد ايه حسيت بدموعك علشانها

    انا فاهمها اوى ومقدر هيا عايزة كده ليه

    يمكن علشان انا كنت بحلم انى يبقى عندى أخت اكبر منى

    بجد ده كان واحد من احلامى

    أخت حنينة اقدر احكيلها كل حاجة عنى

    واطمن وانا معاها

    انا فاهم هيا عايزة ايه

    فاهمه اوى كمان

    لما تكون قاعدة وحيدة ومحتاجة لحد من لحمها ودمها تتسند عليه وتحكيله

    الصحاب موجودين

    بس مش دايما بنحتاج الصحاب

    ساعات بنكون محتاجين حد مننا

    من لحمنا ودمنا

    فاهم ظروفنا ووضعنا وبيئتنا

    نقدر نتكلم معاه براحتنا

    انا فاهمها اوى

    قوليلها ان انا كمان زيها

    بجد ان شاء الله ربنا هيعوضها

    وهيرزقها بالزوج الصالح اللى هيكون ليها زوج واخ وصديق

    اميين يا رب

    وربنا يكرمك يا ياسمين على احساسك ده

    وعلى وقفتك دى

    بجد ربنا يكرمك

    :)

    ReplyDelete
  33. اّمين اّمين اّمين

    مش جايز يابنتى لما يكون ليها أخ يطلع زى الوردة السوده مابتقول يطلع أخ اى كلام ومايعبرهاش ويبقى كان نفسها مش عايزه أخ؟

    وبرضه جايز كان يبقى نعم الأخ

    على كل حال لا أعتراض على قضاء الله لأنه له فى ذلك حكمه لا يعلمها الا هو

    أعتقد ان الصديق ممكن يقوم بدور الأخ
    وده دورك انتى بقى
    شدى حيلك

    ودمتى بكل خير وحب وتقدير
    سلام

    ReplyDelete
  34. انت فين يا ياسمسن
    يا رب تكونى بخير

    ReplyDelete
  35. أنا عاوز اعرف هي ليه الناس بتخلط بين الأخ والزوج ... انا تخيلت ان البوست بس اللي كده .. او انتي بتقوليلها كده من باب الأمل يعني ... إنما انا لاحظت ان كل الناس اللي هنا معلقين .. فعلا معظم الناس بتخلط بين الأخ والزوج .. الزوج عمره ما يعرف يبقى أخ .. لأن الأخ مش زوج
    بس مش معنى ده ان أي واحده ربنا ما رزقهاش بأخ المفروض انها تموت يعني .. الحياة ماشية وربنا بيعوض الناس بحاجات تانية كتير .. يعني زي ما ربنا مابيديش لحد كل حاجه .. برضه ما بياخدش من حد كل حاجه
    يعني مثلا ماينفعش حد يبقى فقير ودمه تقيل وغبي
    لا طبعا ... أكيد فقير .. بس الناس بتحبه

    مثلا يعني

    أكيد فهمتي انتي انا قصدي إيه
    برضه واحده ما عندهاش أخ تشكي له ويشكي لها .. وتفرد همومها معاه .. وتحس ان ممكن يكون قوة وقت ضعف .. وصدر يتقفل على همومها ومشاكلها
    أكيد ربنا خلاها صبوره وتقدر تتحمل أكتر من كده ...

    مثال تاني

    سيدنا يوسف عليه السلام .. عشان ربنا يصرف عنه كيد النساء ، دخله السجن
    وتخيلي ده نبي
    يبقى احنا المفروض يحصل فينا ايه ؟؟

    الحياة مليانه ابتلاءات ومشاكل
    وهموم
    واذا ماكانتش كده ما تبقاش حياه

    كل ده .. وبرضه الحياة ماشيه وزي الفل

    ReplyDelete
  36. ربما تكون المشاعر اقى من اى كلمات حتى وان كنا نشعرها بصدق
    انا لن اقول سوى انهامشاعر صادقة فعلا ولا تحتمل اى استخفاف او تهوين

    ربنا يوجدلك الاخ المناسب حتى ولو كان فى صديقة قريبة منك
    -----------------------------------------
    يا وردة الدنيا فيها اشياء جميلة ممكن نشوفها لو احنا عايزين نشوفها

    ReplyDelete
  37. السلام عليكم
    زيارتى الاول لك
    عارفة سيدنا موسى قال ايه
    اشدد به ازرى واشركة فى امرى
    الاخ نعمه هو سترك و صديقك الاول
    اعانها الله ورزقها بمن يكون لها اخا

    ReplyDelete
  38. begad sa3b el kalam yewsef 7aga 7asetha awel marra 2aretely feha el post elly kan begad mofag2a benesbaly, w el mafg2a el akbar kanet elly 7aseto sa3etha. begad kan sa3b awy asada2 enny momken a7es el e7sas da tany, e7sas mesh adra awsefo aw a3abar 3anno.
    hatsada2eny law 2oltelek enny 5ayfa awy men nafsy, 5ayfa ma2darsh awafeky 7a2ek fel 7ob elly testahly, 5ayfa ma2darsh abadlek nafs sho3orek tegahy w akon me2asara m3aky ... 5ayfa awy men nafsy.
    rabena yahdena leba3d w ma3 ba3d lema yo7eboho w yardah w yoyaser lana al tareka elayhe, w yagma3ona 3la 5ayr fe al ferdaws el a3la m3a el a7beb Al Moustafa, sA3ws.
    mohem awy 2abl mamshy ashkor kol wa7ed, w wa7da, 2ara el post w 7as belly maktob laha w katab 7arf wa7ed 3ashanha. begad merci leko awy. gazakom Allaho 5ayran.
    lel2asaf mesh la2ya 7aga tanya 22olha, bardo men el 7agat elly a3taked enny moftakedaha shewaya heyya malaket el ketaba :)
    anyways, mesh 3ayza atawel 3aleko more than that.
    w 5ayro 5etam...al salam.

    ReplyDelete
  39. 4got again to say, it's me.. 2insana's friend ;)

    ReplyDelete
  40. miss u, jerry
    miss u so much :)

    ReplyDelete
  41. miss u, jerry
    miss u so much :)

    ReplyDelete

الكلمـة نـور .. وبعـض الكلمـات قبـور