ولا عن مشكلة العشوائيات
هتكلم عن مبنى الجحيم أيوة هو اللى فى الصورة ده
إتفضل معانا وانت تشوف بنفسك المبنى اللى بنمتحن فيه حالياً
مبنى الجحيم
فى مبنى الجحيم .. هى دى أرضكحاسب يابنى .. السلك يكعبلك
وهى دى سماك السقف اللى ممكن ينطربق فوق نافوخك فى اى لحظة
هنا هيمتحنوك .. وسط عمليـات البناء وصوت الدق
شوية أسمنت على ورق الإجابة مش مشكلة يعنى
هيبقى حواليك فراشة الأفراح .. او المآتم .. مش فارقة كتير
المهم إن الكراسى قطيفةةة
والخشب اللى طالع من الشبابيك ده أساسىعشان يمنع المعلومات من التطاير طبعا
والعمال هيتفرجوا عليكخليك فى حالك ياعم الحاج
وشوية ديسكات "مدشدشة" لزوم التركيز
وهينضفولك الأرض مخصوص كمان.. إبسط ياعم 
هيبقى فى بس حبة مسامير صغننة خاااالص لزوم شياكتك المعهودة
وهتلاقى طريقك مسدودُ مسدوُ مسدود
اما هنا بقا .. فلا تعليق بجد
المهم خد بالك وانت نازل ع السلم
امسك فى صاحبك كويس عشان تقوعوا سوا
ولاااااازم تاخد الخطوة دى .. نحو مستقبل مشرق
الكهربـــــــا خطــر
أما دى بقا حاجة عاملة زى بيت جحا
بتعطيش الجيم
وإياك تهوب هنا
هتبوظلنا الديكورات يابنى
ربنا يخرجك من مبنى الجحيم على خير
.
*****
.
*****
انا قلتها كلمة حكمة
.
العلم نور
.
العلم نور
والنور كهربا
والكهربا خطر
إذن .. لا داعى للعلم
.
حسبى الله ونعم الوكيل
يا ساتر
ReplyDeleteده اسمه استهتار بالانسان
الله يكون بعونكم
This comment has been removed by the author.
ReplyDeleteهههههههههههههههه
ReplyDeleteلأ عندك حق فعلا الكهربا خطر
جو مشجع فعلا
وديسكات تفتح النفسسسسسس
lol
البوست ناقصه حاجة واحدة بس
أغنية
"
ما تقولش ايه اديتنا مصر
"
هههههههههههههه
بيعودوكوا على النجاح فى الظروف الصعبه
ReplyDeleteoh my GOD
ReplyDeleteايه المصيبة ديه
يخربيت الاستهتار و الاستعباط بجد
دي لجنة امتحان
مش عايزين لجنة بتكيف يعني
w armchair
لكن صحية بتاعة بني ادمين
ربنا معاكي يا بنتي
ومعانا
ايه يا ياسمين الجيش بيقول اتصرف يا ماما
ReplyDeleteعادى بيطبقوا شوية نظم تعليمية و نفسية جديدة عشان الولاد اللى بياخدوا إعفا و البنات مش بيدخلوا الجيش بس بردو لازم يتعلموا و يتربوا يا أمى أمال نربى النشئ ازاى
و بعدين كراسى الفراشة دى بيستخدموها فى العزاء كمان يعنى مش لازم تبعث على البهجة ولا حاجة
على فكرة بقى يا سيمو احنا روحنا لسامى السيد امبارح و قال ان ده عشان مبنى الامتحانات بقى تبع تجارة و مش فيه مكان غير فى مواعيد بعد الظهر و إن السنة الجاية ان شاء الله هايمتحنوا فى الكلية بس على مدة أكبر عشان الكلية مش تقضى الاعداد دى كلها
بس و الله الراجل كان لطيف و ذوق و قلناله يخليهم يبطلوا شغل وقت الامتحان عشان الاسمنت اللى بيقع على نفوخنا و على ورقة الزفت :S
و قالنا آه طبعا و كان مستغرب انهم بيشتغلوا وقت الامتحان و قال انه هايجى و هايتصرف و اللى عاوز يغير الديسك بتاعع يجى قبل الامتحان بشوية و هو بيبقى موجود
يعنى لا تقلقوا يا جماعة الأمن مستتب ان شاء الله
8-)
سلام بقى عشان عندنا 188 صفحة تاريخ الفكر الاقتصادى لازم يتذاكروا عشان الامتحان يوم الأربعاء تحت الانقاااااااض
ما حدش بياكلها بالساهل
ReplyDelete!!
العجيب إن في كل بلاد العالم الشغل ده بيكون طواري ومتخطط في غير أوقات الذروة
عندنا مش حاقولك عشوائي لأ تحسي إنه وقت الزحمة
سبحان الله .. دول عايزين يخلصوا منكوا بقى .. أنتوا عملتوا لهم إيه ؟؟
ReplyDeleteتعرفي إن في كليتي طول الخمس سنين المبني اللي كنت باخد فيه معظم المحاضرات والسكاشن .. اسمه مبنى كهربا ودا كان احدث مبنى في الكلية .. وكان وياللعجب
آيل للسقوط وبيترمم
بس الحمد لله لسه عايشين
وإنتي كمان إن شاء الله تعدي من الكوميديا دي وتبقى تحكي لولادك بعد كده ولا تنزلي كتاب .. مغامرات كاميكاز في الفي إي بي إس
:)
علشان لما تاخدى الشهاده تحافظى عليها
ReplyDeleteوتحلفى بالتعليم فى مصر وبإنك اخدتى الشهاده رغم كل الظروف الصعبه اللى اتعرضتلها
لكن العلم كان الهدف الرئيسى فى حياتك
ربنا يكون فى عونك يا بنتى
بس عارفه انتى ظروفك أهون بكتير
أنا كنت بمتحن فى حاجه معروفه هنا فىالمنصوره اسمها الخيمه
دى عباره عن خيمه كبيره جدا بتساع الدفعه كلها
كانت عباره عن اسطبل للحمير فى الصيف
ولجنه امتحان لل........ فى الشتاء
:)))
مش بقول التعليم صعب والشهاده مش سهله
ربنا معاكى يا بنتى
تحياتى
بجد ومن الاخر
ReplyDeleteالله يكون في عونكوا
انتوا عايزين يعني تتخرجوا كده من غير اي عاهه مستديمه
واحده تقع كده تتكسر رجليها او تتكهرب او سقف يقع عليها
ايه هو التعليم عندنا في مصر ببلاش
ههههههههههه
ReplyDeleteلا بجد
هههههههههههههه
وجاية تتريقى عالزقازيق
اجرى بقى انتى وكاميكاز بتاعك
:p
ههههههههههه
حرام عليكى يا مفترية
اخر سنة ليكى فى الكلية وقبل متمشى تفضحيها
نسيتى فضل الكلية العريقة عليكى
نسيتى انك بقالك اربع سنين بتاكلى وتشربى وتنامى آآآآ احم قصدى تتعلمى فيها
نسيتى الكلمة السحرية اللى علمتهالك
اللى بتخلى كل مستحيل ممكن
مصر يا ياسمين
مصررررررررررررر
هيا دى مصر يا عبلة
ويبقى انت اكيد
اكيييييييييييييييييييد فى مصررررررر
بلادى بلادى بلاااااااااادى
واذا كان العلم نوور
والنور من الكهربا
والكهربا خطر
فبلاها العلم احسن
والعلم لا يكيل بالبتنجان
:D
ازيك يا جميل
ReplyDeleteده امتحان ولا انتحار
هههههههههههههههههههههههههههههههههههههههههههههههههههههههههههههههههههههههههههههههههههههههههههههه
صحيح محدش بياخدها بالساهل ههههههههههههههه
ما قولتيش دى جامعة ايه علشان ارفعلك عليهم دعوى واخسرها هههههههههههههههههههه
معلش بقى ربنا يكرمك يــاااااااااااااااارب وينجحك يااااااااااااارب آمــــــــــــــين وكل اخواتنا اخوانا يــــــااااااااااااااااارب آمـــــــــــــين
yasmin belnosba le mabna el 2mt7anat 2na mosh ha2ol 5er la ta3lik , te7si fe3lan 2n le mo3amla 2damya we el kolya betwda3na el wad3 el tamam 3shan matensish el kolya 3omrik 7ata 3s3ab el la7zat wa2t el 2mt7nat
ReplyDeleteyasmine i went to ur website and read alot it is great yasso and the strange thing and made me happy that felt alot of the feelings u expressed which made me feel that am not the only one who feels like that,which mean that ur wriitings r not fake ones they r so real and so beautiful
ReplyDeleteحسبي الله و نعم الوكيل
ReplyDeleteالمشكلة فعلا
إنه بتحصل مشكلة
و بتكون في الارواح
لك الله يا مصر
اييييييييييييييييييييييييييه
ReplyDeleteفكرتينى بالذى مضى
دنيااااااااااااااااااا
شكلك كدا فى جامعه عين شمس يابنتى:D:D:D
البلاوى دى متطلعش الا من هناك
نفس اللى كنت بشووووووووفه بالظبط
كانت حاجة كدا تفتح النفس على الامتحان
عادي يعني
ReplyDeleteبيبنوا بيكو المجتمع
nsety t2olelhom n 3shan yd7'olo el mkan d bydf3o 4000LE 8(
ReplyDeleteاسمحيلي أقولك اني شوفت مباني امتحانات أشكال وألوان بس زي ده ماشوفتش أبداااااااااا
ReplyDeleteحسبي الله ونعم الوكيل مش عارفة هما عاوزين يوصلوا البلد علي فين؟
ومبروك ياجميل انك خلصتي الكلية ولو أنها فعلا هيبقي ليها وحشة
ونورتي مدونتي بالزيارة وان شاء الله نبقي أصحاب :)
ههههههه
ReplyDeleteصباح الدماغ يا بنتي
اعملوا حجه المبني بقي
بس بصراحه صور خرافه
ربنا على الظالم والمفتري...اي ظالم واي مفتري بقى..قوليلي يا ياسمين انتوا بتجحوا ازي؟
ReplyDeleteاللهم لاحسد يعني...بس ازاي بجد؟
ربنا معاكي ويطلعك منها على خير هي دعوتي المفضلة ايام الامتحانات
ايه ده ياياسمين
ReplyDeleteربنا معاكم يابنتي
بس عادي
كده يبقي انت أكيد اكيد في مصر
هههههههههههه
ReplyDeleteالله عليكى فكرتينى بايام الامتحانات ,,على فكرة انا كنت مرة بمتحن جنب كوبس كهربا مكشوف والسلوك طالعة بره ومكنتش عارفة اقعد
انا من ذكائى قولت المها وادخلها جزا الكوبس ..اتكهربت وعملت قفلة خلت الكهربا تقطع من المبنى كله والمرواح وقفت والناس دعت عليا
مع انى كنت مصدومة من الكهربا قبل الامتحان لكن الحمد لله جبت تقدير جيد
مفعول الكهربا شديد وبيجى بفايدة
ربنا يوفقك انتى وكل الى بيمتحنوا
هما اكيد عاملين اسكان شباب
ReplyDeleteهيجوزكوا بعد ما تتخرجوا
طب والعمال بيغنوا هيلا هيلا صلي علي النبي
ولا ايه النظام
مرة زمان اوى
ReplyDeleteفلا المدرسة مرضتش امتحن لان المدرس
بصلى بصة وحشة
وبما انى كنت فى مدرسة بلاش ذكر اسمها وزلا المصارسف
مش عارف لية ابويا عمل كدة اصلا
مع ان المفروض كنت اخد دروس انحراف
المهم
لما دخلت كليتنا العريقة وجامعتنا الجميلة
عرفت
ان
البلد دى عبارة عن محاولة للحياة تبوء
دائما بالفشل
ههههههههه يا بنتى دول محترمنكم والله
ReplyDeleteانا فاكره ايام مكنا بنمتحن زمان يعنى ايام مكنت بدرس
كانوا بيمتحنونا فى الكوليدور الى قدام (التواليت ) محدش يضحك اكيد فاهمين بقى اننا كنا بنجاوب ....على الريحه
اقولك كمان ..امتحنتى قبل كده فى الشمس على الرصيف؟
والنبى انتم فى نعمه
بس خدى بالك من الردشه علشان ميجرالكيش حاجه
الله يكون فى عون طلاب مصر الحره
تحياتى
يا خبر
ReplyDeleteمعلش معلش
ابتسمي انتي في مصر
عااااااااااااااااا
تحياتي
شيء جميل جدا والله عشان يعودوكوا على انكم هاتحلوا مهما كانت الظروف يعنى مثلا لو عندك امتحان وفيه خشبه هاتقع عليكي هاتسيبي الامتحان وتقومى
ReplyDeleteطبعا لا
بينشفوا عضامكم
وانتى قلتيها كلمه حكمه
حسبي الله ونعم الوكيل
كله عارف انه العلم ملوش لزمة يعنى اتعلمتوا ما اتعلمتوش ركزتوا ولا مركزتوش عيتيوا ولا معيتوش طلعوا عنيكوا ولا مطلعتوش
ReplyDeleteمتوا وطبعا ده احسن ولا موتوش
كله محصل بعضة واحمد زى عم الحج احمد
الاهم ان ربنا طلعك من الجحيم بالسلامة والاهم برضه انك بعد كل العذاب ده تنجحي انشاء الله
ReplyDeleteاما اللي بيحصل ده فهي دي مصر يانسانة
تحياتي
تكييف طبيعي
ReplyDeleteوأرض فرشها التراب -مش هنعود للتراب-؟؟
والسقف منه منناظر السما الطبيعية
والسلالام على الطراز القديم
والديسكات أثرية..من أيام محمد علي
آخر عظمة خالص
لازم يسيبوا بصمتهم برده دى اخر سنة بقى تسيبوا الكلية من غير ذكريات المبانى الجامدة دى
ReplyDeleteبس المبنى جاامد صراحة انا من راى تسيبكم من الامتحانات و تساعدوا العمال علشان يلحقوا يخلصوا المبى قبل السنة الجاية ان شاء الله
طيب في حد عندكم بيعدي يقول
ReplyDeleteحاجة ساقعة بيبس ... مولتو شيبس و مياه معدنيه مناديل مناديل مناديل
باحس اني قاعد في سوق العتبة انا كمان
لما يبقى المكان ده اللي بتمتحنوا فيه يبقى انت اكيد في مصر
ReplyDeleteبيني وبينك ده افضل مكان تمتحن فيه مصر كلها لأنه شبه التعليم وشبه كل حاجة في مصر خرابة ليس الا
ربنا يكون في عونكم بجد بس تفتكري الشهاده اللي هتخديها في الاخر تستاهل منك انت وزميلك كل المخاطرة دي ... وعجبي
متسيبي الناس تشتغل في حالها
ReplyDeleteوبعدين هو انتي في ايه ولا فيه يعني لو امتحنتي في جنينة حتاخدي بالك يعني
اهو ساعتين تلاتة في جهنم والمادة تخلص وكل سنة وانتي طيبة
واهو كله للاجيال اللي جايه
ههههههه
لازم نستحمل لحد ما الفرج يجي
ReplyDeleteبس فرج لو مجاش ممكن
اخوه ييجي بداله
يعني فيهم واحد هيجي
متقلقيش
شرفتى مدونتى باسم انسانة ـ ولما قريت التعليقات على البوست دة لقيت بعض المعلقين بيناديكى باسمك ـ ياسمين ـ ودة اسم اغلى حاجة عندى على سطح كوكب الارض وهو حفيدتى ـ ياسمين ـ ذات الاعوام الثمانية
ReplyDeleteعندى سؤال بجد شكلة وحش لكن مش قادر امنع نفسى من ان اساله
المبنى دة فية دورات مياة تصلح للاستخدام الادامى خاصة للطالبات ؟
ارجو الاجابة وبدون احراج لان الهدف هو كيف ان هذا الوضع الاانسانى كافى ان يضيع مجهود مذاكرة طول العام الدراسى لاى طالب وطالبة ـ ولولا ان الصور بتفضح المسؤل عن هذا التهريج كنت قلت انك بتهزرى دة شئ اغرب من الخيال
ايوة عشان منه امتحانات ..ومنها اختبار اعصاب
ReplyDeleteيعنى بيشوفوا هتعملوا ايه لو قامت حرب مثلا او ايه
عندنا بنمتحن فى قاعات امتحاناتنا كده ....الفرق انهم كانوا بيوضبوها واحنا بنمتحن ...ههههههههههه
كان الترم الاول واحد بيمحر الحيطة اللى قدامى جوا القاعه ...والامتحان شغال ...عك فى عك...والحمام مكنش شغااال...ولازم نمشى لغااااية تجارة عشان نوصله
برضه عشان لما تتخرجى ان شاء الله تبقى واخده علامة الجودة والبقاء ...مع شهادتك...
بسا
ده جوانتيناما ارحم من ده !!!
ReplyDeleteبس عادى ,,,يبقى انت اكيد فى مصر !
....
كلام فى سرك انا مرة امتحنت فى w.c
وحياة جوز خلتى حصل
عادى بقى كويس انك لقيتو ورق اجابة !!!
تحياتى
هو مش هنا مدونة انسانة يا اخواننا و الا ايه؟
ReplyDeleteايه الكراكيب دى و فين كاميكاز افندى؟
و الا هو بقى بيه خلاص
ازيك يا ياسمين .. يارب تكونى موفقة فى الامتحانات وتعدى على خير ...
ReplyDeleteوبعدين بجد الصور روعة والتعليقات اللى تحتها أروع زز انتى بقى سايبه الأسئلة والمراجعة قل الامتحان وقاعدة تصورى فى مبانى الحكومة الالكترونية بتاعتنا ؟؟؟؟ وبعدين انت زعلانة ليه؟؟ انت ماسمعتيش قبل كده عن بناء الجيل الجديد ؟؟؟ انتوا مش عاجبكم حاجة؟
مش كفاية الوزراة بتمتحنكم يا غجر
ReplyDeleteههههههههههههه
لا بس انتو كراسيكم متنجده على ايمنا كان الوضع مش لطيف كده :)
بس تقولى ايه
هى دى مصر يا عبله
ركزى انتى فى الامتحان بدل ما تبحلقى و تذبهلى بالديكور
موووواااا
nirfana
ReplyDeleteيااااااااارب ادعيلنا الله يكرمك
وشرفتى المدونة لأول مرة
:)
مبرمج حر
ReplyDeleteلالالا الاغنية دى بقت قديمة خلاص
كاميكاز بيسمع " ماشربتش من نيلها؟؟؟" .. طب مادخلتش مبانيها؟؟ .. ولا جربت تمتحن فيها؟؟؟
هههههههههههههههه
Mohamed A. Ghaffar
ReplyDeleteيارب يبقى بالنجاح يااااااااااااارب
Epitaph
ReplyDeleteشوفتى يا جوج يا حبيبتى
عاااااااااااااااااااا
لنا الله بجد
ربنا معاكوا ومعانا يابنتى يااااارب
lost in the web
ReplyDeleteبسسسسسسسسسسس يا ايناس احرمينىىىىىىى
يابنتى ده الدكتورة كانت بتعدى .. لالا دى كانت بتتعذب ياعينى والمسمار عمل الواجب فى الجاكيت بتاعها يابنتى
وتشيل فى انقاض ديسكات وبهدلة سودا
ده ايه الذل ده
وتعرفى بقا الحمد لله انى روحت ومروحتش معاكوا لسامى السيد عشان اعرف اعمل البوست بغيظ ههههههههههههههه
اعمل ايه فى قلبى الطيب يابنتى
يلا روحى زاكرى فالراس ومارشال الملغى ركزى عليه ههههههههههههههههه
عصفور المدينة
ReplyDeleteطبعا عشان يركزوا فى الشغل اومال ايه
انا بحس انى مش فى بلد وانى فى سيرك قومى الصراحة
يلا الحمد لله على كل حال
اهلا بيك لأول مرة فى المدونة يا استاذى وان شاء الله ماتكونش اخر مرة
:)
ma_3alina
ReplyDeleteهييييييييييه ربنا يستررررررر
خلاص هانت ودعواتكم بقا عشان نخلص والحق أألف الكتاب عشان الاحفاد زى ما بتقول
او سولى ممكن تقراه لما تكبر شوية
اهيه تشوف امجاد خالتها بردو
:D
REEMOO
ReplyDeleteاسطبل حمييييير
يا ستار يارب
اعووووذ بالله .. معلش يابنتى الحمد لله انك طلعتى منها
وابقى ادعى لاختك بقا
وبعدين مش كفاية الموااااااااد اللى تفتح النفسسسسس لا كمااااااااان المبنى جحييييييييييييييم
حسبى الله ونعم الوكيل بجد
----------------------
ومنورانى دايما يا ريمو ربنا يبارك فيكى
مـحـمـد مـفـيـد
ReplyDeleteامييييييين
لالالالا مش ببلاش والله
واللى محدش يعرفوا ان اللى زيينا فى قسم انجليزى يعنى بيدفع دممممممممم قلبببببببببه بجدددددد
عشان فى الاخر يمتحنوه فى المكان العجيب ده
دعوااااااات حضرتك بجد
وازاى عبد الله صحيح؟؟؟ .. سلملى عليه اوىىىىى وقوله كاميكاز كمان بيسلم عليك يا عبده
:D
zordeak
ReplyDeleteضحكتنى وانا ماليش نفس حرام عليك
هههههههههههههههههههههههه
طب بذمتك يا شيخ لو جاتلك الفرصة انك تفضح مهنة الطب من اولها لاخرها مش بس الكلية مش كنت عملتها؟؟؟
ههههههههههههههههههههههه
وتسيب الطب واللى بتشوفه من الطب .. كفاية المعزة الحامل يا شيخ
هههههههههههههههههههههههه
وساعتها بقا تروح لعزت الأمير وتحترف معاه وتبقى فلة
وسمعنى احلى صدى صوت بقا
ههههههههههههههههههههه
أمــانــى
ReplyDeleteاميييييييييين يااااااارب
ازيك يا جميلة انتى
فعلا والله حاجة غممم
دى جامعة القاهرة يا ستى وعايزة القانون ياخد مجراااااااااااااه
طلب كاميكازى صغنون
ياريت لو تاخدى كاميكاز معاكى محامى تحت التمرين اهوه يساعدك بردو
الواد قاعد بينش من اول ما فتحنا المدونة
:(
Yara Gamil El Agamy
ReplyDeletefe3lan ya benty shaklohom 7aso enna za3laneen 3ashan a5er sana isA, fa 2alo newarehom el 3eem el RED
looooooool
Heba Yousry
ReplyDeleteThanks for your words begad
& i'm so happey that you are here
:D
jasmin
ReplyDeleteوهو ده اللى مخوفنى يا جاسمن وبدعى ربنا يستر منه
تحياتى ليكى
:)
رينـــــــــــا
ReplyDeleteلا يابنتى عين شمس ايه
لالالا دى ورا الشمس نفسها على ايديك اليمين كدة وانتى داخلة من كوكب الزهرة بالمترو
هههههههههههههههههه
دى جامعة القاااااااهرة
Xee
ReplyDeleteلا عادى فعلا
خلاص بجد ياما دقت ع الراس طبوووول
:)
eman
ReplyDeletela la la
kolo ella el deqa ya benty
it's 4000LE we kosooor
3aaaaaaaaaaaaaaaa
fanan fa2eer
ReplyDeleteلا قول براحتك خاااااالص
لسة بمتحن والله يا فنان
ودعواااااااااااتكم بجدددد
جواد بري
ReplyDeleteالله يكرمك يا جواد
الصور دى صنعة ايديا وحياة عنيا ههههههههههههههههههه
لا بجد حسيت انى صحفية وعمالة القط الصور والكل بيبصلى ويقول ايه المجنونة دى بتعمل ايه
بس الحمد لله عملت السبق ولحقت الطبعة الاولى كمان هههههههههههههه
دعواتك الله يكرمك عشان الامتحااااااانات
بيسوووووووووووو
ReplyDeleteوحشانى اوىىىىىىىىىىىى يابنتى
بصراحة مجربناش ننجح قبل كدة فى الجو ده يابنتى .. دى اول مرة يمتحنونا فى المكان العجيب ده
بس دعوااااتكم بقا يارب ننجح وتنجحى انتى كمان
اميييييييييين
esraa
ReplyDeleteامييييييييين
فعلا احنا اكيد اكيد فى مصر
ومبنى الجحييييم يتحول لجنة ... والطلبة جوااااه مالهمششش حصصر
يبقى انت اكيد اكيييييييد فى مصر
:D
نورتينى ياقمر ويارب ينجحنا كلنا وينجح منة اللهم اميييييييين
shlapia
ReplyDeleteههههههههههههههههههههه
جيتى تكحيلها عمتيها وكهربتها يابنتى
اميييييييييييين يارب دعواتكم بجددد
اده اده
ReplyDeleteتصدقى مش ااخدت بالى غير دلوقتى ان ده المبنى الجديد بتاع التعليم المفتووح اللى فى الملاعب
هههههههههههههههههههههه
معرفتش غير من صورة لورقة ملزمة من ملازم حقوق ....لاء احنا كده فى القاعات فى نعمه ...بغض النظر عن الكراسى المخلعه وخلافه .....
ربنا يكون فى عونكم
بس بصى للجانب المشرق
عندكم كراسى قطيفه ...ههههههههههه
انا الاول قلت انك بتدلعى ايه يعنى تمتحنوا فى المبنى ده بس بعد ما كملت الصور حسيت اد ايه الاهمال و التخلف و الاستهتار للمسئولين عن المهزله دى والى خلاكم تتمحنوا فى مبنى لسه تحت الانشاء بالشكل ده
ReplyDeleteو كمان حكاية الدسكات دى عندك حق فيها لانى كنت بعانى منها كتير جداً ايام الكليه و طبعاً استحاله يسمحولك انك تجيبى حاجه تسندى عليها
ربنا معاكى و يطلعك من المبنى على خير
تحياتى
احلى زغروطة للسيد الباشمهندس الحاج وزير التعليم اللي لامؤخذة عالي
ReplyDeleteو العالي عالي و الواطي واطي
و مفيش فايدة
عملتي اية في الامتحانات اهم حاجة؟
ناجحة ان شاء الله
اوروفوار
أيوة أيوة
ReplyDeleteحظكم ماشي
كل حاجة تمام
والجو مهيأ تماما
وياريتكم بتفلحوا
الله المستعان
اعتقد الزنزانة دى قصدى اللجنة دى للتلبة الفاشلين اللى مش بيذاكروا
ReplyDeleteهموا لو بيذاكروا كانوا عملوا ليهم لجنة حلوة بفراشة الحاج زينهم انور
وبعدين الكلام ده بيطبق فى الجامعات الكبيرة فى مصر بس
يعنى عمرك ماتشوفى الكلام ده فى جامعة ام ايمن ولا ام ترتر حتى
"FEPS", 2al feps 2al :S ... mn barra halla halla w mn gowwa ye3lam Allah :S
ReplyDeletela2 la2 ya gama3a, ana mesh keda w da mesh kalamy w de mesh tare2ty by default, da mn 2asar feps "el ... :@" 3alayya :1 :1 :1
7atta 2es2alo jerry, eee asdyyy yasmine, w heyya te2oloko meen tom ;)
مش عارف اقول لك
ReplyDeleteاني استمتعت بالصور؟
مايصحش
بس بصراحة
استمتعت بها جدا
لان الصورة اصدق تعبير
الله يكون في عونكم
الله يكون في عوننا كلنا
الوووووووووووو
ReplyDeleteحوووووووول
ليكى عندى تاج يا قمر
تعالى استلمى:D:D:D
اهلاااااا بالفبساوية ....
ReplyDeleteيا جماعة بجد و الله العظيم الصور دى شئ و احساسك و انت جوا المبنى شئ تانى خالص ... انا و لا فخر كنت اول واحدة اخد الصدمة و ادخل اللجنة ... يااااااااه ... جتلى كريزة ضحك اصلا ... ماهو لا كنت هضحك لا كنت هعيط و مكنتش طلبة عياط قبل الامتحان ... و يا سلام بأة لما الاعداد الغفيرة كترت و الاقدام تسببت فى تطاير التراب و حدوث شبورة ترابية تشوف ايدك منها بالعافية اصلا مش تشوف الورقة ... و احلى ما فى الموضوع الحشرات اللى تلاقيها بتتفسح ... انا و انا قاعدة فى امان ربنا بحل امتحان الاقتصاد الظريف الخفيف ظرف ما وردش على حد ... لاقيت عنكبوت صغنطوط نازل عليا من السما ... خرجت احكى لصحابى رد عليا واحد قال و انا حاجة خضرا كدا كانت ماشية الورقة راح واحد تالت قال احمدوا ربنا انهم كان فيهم الروح انا كان جمبى صرصار ميت ...
بس بجد السؤال اللى بيطرح نفسه .... بيودوا الفلوس اللى احنا بندفعلهم دى كلها فييييييييين .. احنا بندفع فلوس عالفاضى و الله....انا و واحدة صحبتى حاسبنا الفلوس اللى بيخدوها مننا احنا بس سنة اولى شعبة انجليزى عدت ال 2 مليون ... دا غير شعبة اللغة العربية و الفرنسية .... دا غير سنة تانية و تالتة و رابعة بشعبهم التلاتة ... يعنى المفروض بالفلوس دى يبنوا مبنى شيك و محترم مش يقرفونا ف عيشتنا ...
لنا الله
الى الناس مش عارفاه ان ده مقر لجنه امتحان كليه الهندسه مدنى بيمتحنوا فى موقع (الحادث)علشان يكون هناك محاكاه للواقع ويتعودوا على الحياه وسط مواد البناء والاماكن الى تحت الانشاء وسلملى على التقدم والاظضهار
ReplyDeleteنيها ها ها ها ها
والله المفروض تروحوا الامتحان وانتوا معاكم المصحف وشوية صبار وقرص .. وتقولوا وانتوا داخلين مادايم إلا وجه الله .. وانتم السابقون وكده
ReplyDeleteربنا معاك يا ياسمين وتعدى السنة دى على خير ..
دعواتى ليكى
يااااااااااه جو صحيح مشجع للحل وللاجابة بكده هيدوكوا جيد جدا ده الطبيعى يعنى هيبقى ده درجة السقوط مش من السلم طبعا تقديرا لمواجهاتكم للخطر ده معلش بقى نعمل ايه اما نقول ايه فى اللى بيمتجنوا فى خيام وبينزل عليهم المطر بلد صحيح لامؤاخذة
ReplyDeleteAmr Ahmed
ReplyDeleteهههههههههههه
اسكت ماتفكرنيش .. النهاردة كانوا بيعملوا شغل حدادة تقريبا وكانت الحالة كرب
الحمد لله على كل حال
ومبروك تخليص الإمتحانات
:@
.:.-=- ELGaZaLy-=-.:.
ReplyDeleteبس عشان بصلك بصة وحشة؟؟؟
بس خد بالك انت بتقول كدة على اساس المصريف والمدرسة كويسة والذى منه .. مابالك بقا باللى دافعين ومتبهدلين كدة كمان؟
هنقول ايه بس
دونيااااااااا
شيماء الجيزى
ReplyDeleteتواليت وشمس؟؟؟
لالالا الحمد لله اوى على كدة
وربنا يخرجنا من المبنى ده على خير
--------------
اهلا بيكى لأول لمرة عندى انا وكاميكاز
:D
•«ρяoιd»•™
ReplyDeleteمبتسمة اهوه
حد شايف غير كدة؟؟؟
الكلام نوعان :كلام فارغ وكلام مليان كلام فارغ
ReplyDeleteطبعا يابنتى ده امتحان صاعقة اساسا مش كلية
:'(
الطائر الحزين
ReplyDeleteلا اله الا بالله
ليه تكسر مأديفنا كدة .. ولا اكمنك حزين يعنى؟؟؟؟
لالالا إن شاء الله خييييير
وقول يارب
:D
sendbad
ReplyDeleteفعلا كله يهون فى سبيل الشهادة
دعواتكم مع اخوانكم الطلبة المطحونيييين
:'(
ض/خالد
ReplyDeleteتمام تمام .. ميت فل
وكماااان بيمتحنونا .. شوفت الكرم؟؟؟
وكماااان بيدونا ورق إجابة .. شوفت الهنا؟؟
كماااان المبنى هيقع فوق نفوخنا .. شوفتنا واحنا ميتين؟؟؟
:D
Ma-3lina
ReplyDeleteشكلهم حسوا اننا زعلانين عشان الكلية هتخلص وكدة قالوا لما نفرحهم بالجامد بقا
هنقول ايه بس
دونيااااااااااا
عاااااااااااااااااااا
karakib
ReplyDeleteلا بيعدوا بماية ساقعة بس
انا نفسى حد يعدى بالكتاب ابص ع المعلومات اللى نسيتها واكتبها
تفتكر ممكن؟
أنا حر
ReplyDeleteسؤال كاميكازى احييك عليه ... بصرااااااااااحة هى تستاهل مانكرش
بس مش لدرجة انهم يموتونا يعنى
ايه الناس دى
:'(
أحمد عيسي
ReplyDeleteاساسا وانا باخد الصور خدت شوية تعليقات لطيفة .. فعلا انا فى ايه ولا فى ايه
بس على الاقل طلعت اللى جوايا وعبرت عنه الحمد لله
ولا اموت بقهرتى وفرستى وغيظتى يعنى؟؟؟؟
ذو النون المصري
ReplyDeleteماقالولكش جايين الساعة كام؟؟؟
طب على اى حال انا سايبة كاميكاز مستنيهم ع الناصية بتاعة المدونة اهوه .. يمكن يعدوا ولا حاجة
:D
Gid-Do - جدو
ReplyDeleteحضرتك اللى شرفتنى ونورتنى فى البلوج بتاعى والله
وربنا يبارك فى ياسمين الصغننة يااااااااارب
بصراااحة انضف واحسن حاجة فى المبنى ده هى دورات المياة بجد
هو هيبقى مبنى جامد بس لسة تحت الإنشاء للأسف
هنقول ايه بس .. هى دى مصرنا الحبيبة
المهم ان حضرتك منورنى فعلا وياريت تكرر الزيارة ان شاء الله
تحياتى
:D
safa7_karmooz
ReplyDeleteالمصريين اهماااا
النهاردة اتشتغلوا بردو واحنا بنمتحن وحدادة وصوت كهربا وشرز تقريبا .. حاجة بهدلة يعنى
والفراشة اللى محطوطة دى طارت فى وش صحبتى هههههههههههههه
ذل ذل يعنى
الحمد لله على كل حال
YHYيــوســف الـمصـرى
ReplyDeleteنعممممممم؟؟؟؟
لالا انت اكيد بتهزر
وبعدين حتى لو بتتكلم بجد مش هستغرب .. اساسا مصر كلها بقت عاملة زى مقلب زبالة كبير
إبتسم .. أنت فى مصر
:D
khaled
ReplyDeleteايوة مين بينادى؟
ايه يا استاذ خالد كدة تنادى من بير السلم وتسمع كل المدونات اللى جمبنا؟؟؟
خضيت كاميكاز حرام عليك
:D
أخف دم
ReplyDeleteانا كويسة الحمد لله .. ازيك انت عامل ايه؟؟؟
شوفت الهم اللى احنا فيه .. سايبة الأكوام الدراسية وقاعدة اعمل سبق بلوجرى هههههههههههههههه
يلا كله عشان الشعب
دعواااااااااتك
أنـــا حـــــــــرة
ReplyDeleteايه انتى تبعهم ولا ايه؟؟؟
وانا بصور كنت خايفة اتقفش معرفش ليه
والنهاردة وانا فى اللجنة كنت حاسة انهم هيدخلوا يسألوا مين صاحبة مدونة إنسانة ويشدونى ورا الشمس ههههههههههههه
ماشى حاضر هحاول اركز
دعوااااااااااتك
safa7_karmooz
ReplyDeleteياخبر هو احنا اتفضحنا للدرجة دى؟؟؟
احم احم ايون صح هى فى الملاعب .. اهو منه امتحان ومنه رياضة بردو
صحيح تحيا القطيفة .. وكل قطيفة وانت طيب
:D
whyme
ReplyDeleteيااااااه .. ازاى حضرتك وايه الغيبة الطويلة دى كلها؟؟ .. لعل المانع خير ان شاء الله
المهم بس ننجح ونتخرج على خير
ودعوااااااااتكم
bastokka طهقانة
ReplyDeleteطهقااااااانة ازيييك وازاى الأستاذ طوطو والكتاكيت الصغيرين؟؟ .. سلميلى عليهم
عندك حق ولذلك بنلعب فى المبنى ده شيكا ع العالى وشيكا ع الواطى
والعالى عالى والواطى وااااطى
يارب انجح ياااااارب إدعيلى بجد
اوروفوار
BinO
ReplyDeleteهههههههه بتشخط فينا ليه طيب
ادعيلنا نفلح بجد بالله علييك
اختكوا مزنووقة
:'(
تخاريف دكتور
ReplyDeleteصح .. انت بتتكلم صح
اهم حاجة الفراشة .. بدل اللى طارت فى وش صحبتى دى ههههههههه
وزى ما قلنا بردو ارجوا ألا نغفل ان الكراسى قطيفة يا سادة
والله ولى التوفق
Anonymous
ReplyDeleteحبيبتىىىىىى .. ايااااااااا حبيبتى
ايه يابنتى النور ده .. صفح النت عندى نورت هههههههههه
شوفتى فيبس والبلاوى اللى هى عملاها فينا .. وشوفتنى النهاردة لما الفراشة طارت فى وشك ههههههههههههههههههههههههههههههههههههههههههههههههههههههههههههههههههه
انا قعدت اضحك ههههههههههههههههههههههههههههه
معلش يا لولو تعيشى وتاخدى غيرها
وسؤال محشور فى زورى معلش
مجبش سيرتى؟؟؟؟؟
ههههههههههههههههههه
بجد اسعدتنى بالتعليق ده اوى يا لؤلؤتى وفرحت اكتر لما عرفت انتى بعتاهولى ليه فى التوقيت ده وبأنهى نية
ربنا يكرمك ويباركلى فيكى يارب ويجمعنا على الخير دايما فى الدنيا وفى الاخرة اللهم امييييييييييين
بحبك فى الله بجد
:)
أُكتب بالرصاص
ReplyDeleteلالا قول براحتك .. شوتاتى دى
اول مرة فى حياتى احس انى صحفية وانى بجرى وراء السبق الصحفى هههههههههههه
المهم يارب ننجح ونتخرج على خير
دعواتك بالله عليك
رينـــــــــــا
ReplyDeleteلالالا طلعت عملاه قبل كدة الحمد لله
هييييييه طلعت منها سليمة
:D :D :D
hend
ReplyDeleteازيك ياهند انتى وكل الفيبساوية
واضح من كلامك انك لسة فى سنة اولى .. وانجليزى زى حلاتى بردو
ربنا معاااااااكىىىىى
واتمنالك النحاج والتوفيق والصبرررر اهم حاجة ان تتحلى بالصبر يابنتى .. اربع سنين من الصبر .. الحمد لله
اما بالنسبة للفلوس فمتشغليش بالك
ده انتى فى اولى وبتقولى كدة .. على الاقل فى اولى بيدوكى كتب غالية شوية الى حد ما باللى انتى دافعاه
كل ما تكبرى سنة عدد الكتب بيقل جداااااا والمواد الإنجليزى هتقل جدا - على رابعة هتلاقى نفسك بتاخدى مع عربى وفرنسى كل المحاضرات مع بعض - كمان ده غير ان تصوير والورق والذى منه كل ده على حسابك طبعا
عايزاكى تتفائلى وإن شاء الله خيييييييير
وقولى يارب
:)
momken
ReplyDeleteايه ده؟؟ هى هندسة كمان بتمتحن هناك؟؟
طب زى فرصة سعيدة جدا جدا
بنسيبلكم اللجنة زى ماهيا لا توراباية زايدة ولا توراباية ناقصة .. إحنا ناس أمينة ونحب الأمانة
سلمنى نضيييييف اسلمك نضيييييف
وسلملى ع التعليم العالى
:'(
أخف دم
ReplyDeleteاللهم امين يارب
لالالا مش كدة خالص ده احنا بندخل ميتين من الضحك اساسا
النهاردة مثلا واحد زميلنا داخل اللجنة وعمال يرقص ههههههههههه
صباح الدماغ يعنى
ماتنساش الدعاء بالله عليك
امام الجيل
ReplyDeleteياااااااااارب يقدروا المجهود وناخد تقديرات كويسة
اللهم امييييييين
يا خبر ابيض الله يكون فى عونك يا بنتى
ReplyDeleteده شئ غير ادمى بالمرة
بس معلش افتكرى دايما بيت الشعرده
وما نيل المطالب بالتمنى ولكن تاخد الدنيا لجانا
ربنا يوفقك ويعدى الامتحانات على خير من غير خساير
ana geeeeeeeeet!!
ReplyDeleterabbena ykoon fel 3oon
ezzay el se7a
bte7sal bardo :D
wade7 fe3lan ya ostaz utopia enaha "bete7sal keter" w 7asalak enta sha5seyan keter, mn el soret 7adretak elly 7atetha de ;) ... :D
ReplyDeleteعندي ليكي تاااااااااااااااج
ReplyDeleteيلا تعالى استلمي وما تنسيش تعلقي
ربنا يكون معاكم بجد
ReplyDeleteهو الواحد هايركز فى الأمتحان ولا فى اللى بيحصل حواليه وممكن السقف يقع على دماغة ولا أى حاجة تحصل
فعلا أستهتار
تحياتى لكى وربنا معاكى ويوفقك
الحق عليهم عايزين يعلموكوا الذكاء و الحيطة و معرفة وسائل الأمن و تفادى المصائب و الكوارث و التركيز فى 10 حاجات فى نفس الوقت ... ناس ما بتقدرش جهود الدولة القائمة لمصلحتها
ReplyDeleteهو ده حضرتك تبع لجنة البؤساء
ReplyDeleteبيتهيألي كدة
علي العموم هتبقي شهادة برائحة المونة والتراب
:D
ReplyDeleteانا لو مكانك طول الامتحان هبقى بضحك من الي بيحصل
:d
و استحالة اعرف اركز في الامتحان طبعاً
:d
ربنا يكون في عونكم يا رب و يكرمكم و تجيبي شهادة زي الفل :)
صحيح
االمدونة رااائعة تبارك الله
:)
ربنا يباركلك فيها و يباركلك في تدويناتك هنا :):)
ربنا يعزك يا رب
:)
انتي كدا اكيد في هندسه قسم مدني او في عماره
ReplyDeleteودي محاوله من ادارة الكليه عشان تساعدكوا على الاجابات النموذجيه
يعني دي اخرتها بيحاولا يساعدكوا وانتوا تتطبطروا على النعمة؟؟
حاجه غريبه والله
:D
نقول ايه بس لا حول ولا قوة الا بالله
ربنا يكون في عونكم
ربنا يكون في عونك ويخلصك من الامتحانات دي على خير يا رب
ReplyDeleteفكرتيني بالصالة اللي كنت بمتحن فيها السنه اللي فاتت والدنيا بتشتي والسقف مش معزول
كنا عايمين في المياه مع الورق
يا ستار هو الواحد هيشيل هم الامتحانات ولا الطلوع والخروج!!
ReplyDeleteمشكوره علي الصور,,
تحياتي للمدونه الرئعه
انا عامله فكره جديده ويارب تعجبك
ReplyDeleteياريت تقولى رايك فيها وماتنساش تشارك باى ذكرى عاوزاها
استفتح بيكى يعنى
تحياتى
لا حول ولا قوة الا بالله
ReplyDeleteلا حول ولا قوة الا بالله
ReplyDeleteدايما يا مصر الولادة متعثرة
حسبنا الله ونعم الوكيل
بقالى كتير ما زرتش مدونتك
ReplyDeleteاتخضيت بجد من الصور
ربنا يكون فى عونكم
المهم تعدى منها على خير
وبدون اصابات
ربنا معاكى
ده بوست عالمي .. الصور والموقف كله على بعضه قمة في التعبير .. أما هأمرره لكل أصحابي المنتشرين في العالم
ReplyDeleteمبدأ عام: الصورة = ألف كلمة
الأسوأ من كده إن مصر كلها زي كده بالظبط .. يعني لو بصيتي على مصر من فوق هتلاقيها مختصرة في المبنى ده .. اللي الطلبة غصب عنهم لازم يمتحنوا فيه
وحسبي الله ونعم الوكيل
كوبرى
ReplyDeleteوطن كوبرى
ونيل يصبح بيبان قبرى
وانا والناس يجوز اصناف
فى ناس معمول بها الكوبرى
وناس بتدوس على الكوبرى
وناس غرقانه ويايه
مراكب جايه هتعدى
وتقفلى بيبان قبرى
سرب الغربان
ReplyDeleteجى النهارده
لاجل ما يملم بذورالموت
من على الشط الاخير
لالجل ما يعلمك
ازاى توارى سوءة هابيل
اللى اتقتل بادين سكاتك
حسبى الله ونعم الوكيل :( عمار ياايجيبت
ReplyDelete5هو انتي جامعة ايه وكلية ايه
ReplyDelete.
.
غريبة اللي انا شوفته دا
مش عارف اقول ايه
تحياتي والسلام
السلام عليكم
ReplyDeleteجالك الموت يا تارك الصلاه ههههههههههههه
ديه اول مدونه افتح على الصبح كده
ايه يا انسانه هو امتحان ولا عذاب نفسى وهو اساسا مش كفايه الامتحان
سؤال بس هم كانو بيمتحنوكو عشان تخشي النار ولا ايه
ReplyDeleteانا مش فاهم لحد دلوقتي المبني ده يخص اييييييييييه
تحياتي
السلام عليكم
ReplyDeleteأول زيارة للمدونة .. ألاقى المدونة تحت الانقاض :)
بس على فكرة الجو ده اكيد بيطلع المعلومات عافية ..
كله بقه كوم و العلم نور
والنور كهربا
والكهربا خطر
إذن .. لا داعى للعلم
دى لوحدها كده تخلى الهم يضحك مش يبكى
تحياتى
أول زيارة
ReplyDeleteمدونة ممتازة
معقولة الي انا شوفتة دة
ReplyDeleteبس يمكن يكونوا بيختبروكم في اجتياز المصاعب مهو برضو دي وجة نظر
ازي تنجحوا في الظروف دي ؟؟
الصور ابلغ من الكلام
فعلاااااااااا مبني جحيم
انتم تبع جامعة ايه
ReplyDeleteدى مصيبه
امال فين التقدم واتلتطور اللى بيقولوا عليه
واللى تحقق فى عهد القايده الرشيده للريس الرشيد
ابو عقل موزون
الله يكون فى عونكم
اهو النجاح بتاعكم
يكون له طعم فعلا
تحسوا بطعم النجاح
شرفينى بالزياره على مدونتى
على فكرة انا عارفة المبنى دة كويس قوى وامتحنت فيه مرتين قبل كدة
ReplyDeleteبالإمارة هو عند المدينة الجامعية
دة مبنى العار مش مبنى الجحيم
والله الكهارب والصوان كنا قاعدين ولا اللى فى فرح
حاجة عجيبة جدا
كتر خيرك انك كتبتى على الموضوع دة لأنه عملى تخلف بجد انا والزملاء
تحياتى
هل سمعت عن خيرت الشاطر من قبل
ReplyDeleteهل حاولت متابعه قضيته
هل تهتم اصلا بشؤن وطنك
كل ما اطلبه منك فقط هو محاولة معرفته ومتابعة قضته والاطلاع عليها فإن اقتنعت انه مظلوم حاول نصرته ولو بمحاوله تعريف الناس بقضيته
تابع مدونتنا من اجل الدفاع عنه وعن اخوانه
زورو مدونتنا لمعرفة من هو خيرت الشاطر القائد البطل المخلص قبل كل ذلك الانسان
زورو مدونتنا واتركو تعليقاتكم ورائكم ومقترحاتكم وتساؤلااتكم وافكاركم لدعم قضيتنا
www.khirat–elshater.blogspot.com
Shiko
ReplyDeleteاللهم امييييييييين
فاكراه وحافظاه كمان ههههههههههه
Utopian
ReplyDeleteyaaaaaaaaaaah
7amdellah 3ala elsalama ya fandem
nawart masr :D
الكلام نوعان
ReplyDeleteكنت هملاه قبل البوست ده
هيييييييييييييييييه
bos bos
ReplyDeleteربنا يستر ع النتيجة بقا
اللهم امين دعواتك
بيقولوا سايكو
ReplyDeleteعندك حق
احنا بنستعبط
NoHeal
ReplyDeleteتبع لجنة حروق الإنسان وحضرتك الصادق
ربنا يستر
:(
المجاهدة
ReplyDeleteههههههههه ماهو ده اللى بيحصل
اخر مادة فطست على روحى من الضحك والله لوحدى كدة
نورتينى بجد يا مجاهدة وفرحانة اوى اننا عرفنا نوصل لبعض فى عالم الدوين ده
المدونة جميلة بزيارتك ياحبيبتى
:)
Rosa
ReplyDeleteعمارة ايه ده احنا محصلناش كلية البوسطة فى طنطا
اللهم امييييييين
زحل الفلكي
ReplyDeleteربنا يعينا جميعا يا زحل يااااارب
اللهم امييييييييين
ibn nasser - ابن ناصر
ReplyDeleteاللهم امين
اهلا بيك فى المدونة لاول مرة
:)
farfasha
ReplyDeleteان شاء الله ياجميلة حاضر
عمرو غريب
ReplyDelete:(
ونعم بالله
فبركة
ReplyDeleteاحب ابشرك ان ولادها بيموتوا كمان هههههههههه
حــلم
ReplyDeleteاهلا بيكى يا حلم نورتينى بجد
اللهم اميييين
دعواااااااااتك
يا مراكبي
ReplyDeleteربنا يكرمك يامراكبى نحن فى خدمة الوطن
لجانى لجانى لجاااااانى لكى حبى وجنااااااانىىىى
وحسبى الله ونعم الوكيل
حقى اهرتل
ReplyDeleteوعجبى
HoNdA
ReplyDeleteحسبنا الله ونعم الوكيل
ادم المصري
مش عايزة اصدمك يا استاذ ادم
كلية اقتصاد جامعة القاهرة
عااااااااا
نسرين - أمة الله
هههههههههههه معلش يا نسرين خضناكى ع الصبح .. امسحيها فى كاميكاز معلش
تامر حسين
يخص الطلبة الوحشين اللى زيينا
alqassam
ربنا يكرمك ويعزك يارب ده من ذوقك
ياسر سليم
ReplyDeleteوعليكم السلام
اهلا بيك لاول مرة وعلى مدونتك جميلة ومفيدة اوى
معلش هما شوية عفرة كدة ع المدونة وهيروحوا لحالهم ان شاء الله
تحياتى
علاء
اهلا بيك لأول مرة .. ربنا يكرمك ويعزك يارب
كراكيب عادل
ReplyDeleteاحتمال بردو مش عايزين نظلم الناس
ادعولنا بجد ننجح احنا خايفين اوى
ربنا يستررررررر
تحياتى
ابوزياد الفاتح
جامعة القاهرة .. يارب بس ننجح دعواتك بالله عليك بجد
ان شاء الله حاضر
:)
ياسمين
هههههههههههه فعلا مبنى العار يابنتى ده مبنى يغييييييييييييظ
ربنا يكون فى عوننا ودعواتك بالله عليكى
ربنا يكرمك يارب
Anonymous
اكيد ان شاء الله
ندعوكم لزيارة مدونة خليك فى البيت والمشاركة فى الحملة
ReplyDelete
ReplyDeleteوأخيييييرا فيبس... هل كان نضال الباتون ساليه؟!
رأيك إيه؟
http://nojoomol7era.blogspot.com/2007/06/blog-post_16.html
يل ربنا هيسترها وهينجحوا السناددى ان شاء الله رغم كل اللى حصل
ReplyDeleteمدونتك رائعة
نريد منكم الزيارة
معلش لكن اكيد بعد كام شهر حتلاقي كل حاجه اتظبطت
ReplyDeleteاستحملو شويه هو انتو ايه ما بتحمدوش ربنا ابدا
هههههههههههههههههه
اتلكيكوا بقي
ReplyDeleteاللي عايز ينجح و يجيب مجموع يمتحن انشالله في البلاعه
ههههههههههههههههههههههههههه
و الله بجد بلد عجيبه في كل ما فيها
ربنا مع الجميع