Saturday, May 19, 2007

جيـم جـواب

تك تك تك
افتح يا كاميكاز
ميييييييييين؟؟
انا انسانة يا كوكو افتح
يووووووه هو الواحد مايعرفش ينام شوية فى المدونة الضلمة دى
يابنى قلنا الستو هانم مش هنا .. فوت علينا بكرة يلا
ياعم افتح انا الستو هانم .. خلص بقاااااااا
ايه ده؟؟؟ بجد؟؟؟
انا مش مصدق عنيا
الستو هانم اخيرا جت
يااااااااااااااااااااااااااااااااااااااااااه
وحشتينىىىىىىىىىىىىىىىىىىىىىىى
هههههههههه وانت اكتر يا كوكو
ازيك يابنى وازاى احوالك؟
عامل ايه فى المدونة لوحدك؟
اهوه زى مانتى شايفة ادينى قاعد بنش
بتنش ليه يابنتى ماهو ما شاء الله العداد بيعد اهوه .. اللهم لا حسد
ايوة ماقلناش حاجة بس مش زى ما كنتى موجودة
يادى النور يادى النور ... منورة يابنتى بجد
لو اعرف بس انك جاية كنت ماليتلك الارض كاماكيز
الله يكرمك يا كوكو ده من زوقك بس
ها وعملت ايه تانى فى المدونة
ابدا يا ستى .. فتحتلى ركن كامكوز كدة استرزق منه
بجد؟؟
مبروووووووووووووووووووك
بس استنى هنا ... بيعمل ايه الركن ده
هتكلم فيه براحتى بقا
مممممممممم .. وماله مايضورش بردو
الله استنى هنا .. ايه الدموع اللى فى عينك دى؟؟؟؟
ايه ده ؟ لا مافيش حاجة
لا فى .. إنتى كنتى بتعيطى صح؟؟
ايوة يا كوكو عاااااااااااااااااااااا
ايه بس يابنتى فى ايه؟؟؟
الكلية حبيبتى يا كوكو خلاص هتخلص ان شاء الله
وهتوحشنىىىىىى هى واصحاااااااابى
مممممممممممممم
ده انا قعدت يوم الخميس ( اخر يوم دراسى ) اعيط طول اليوم
فى السكشن واحضن صحباتى واعيط وحالتى كانت كرب
خلاص يابنتى ماتضايقيش نفسك
ماهى كل حاجة فى الدنيا هتنتهى جت على الكلية يعنى؟؟
عندك حق يا كوكو
الحمد لله على كل حال
المهم انا قلت اجى اسلم عليك وعلى كل اللى بيسألوا عليا
واقلهم انى بخير الحمد لله وانى مفتقدة المدونين جدااااااااااااا
الله يسلمك يا ستى
ها بقا مافيش اخبار جديدة؟؟؟؟
لا فى طبعا ... ده انا كوكو والاجر على الله
بصى يا ستى فى موقع اسمه
الموقع ده عليه جروبات للمدونين زى
bloggers on facebook
Blog for Egypt
Egyptian Bloggers
بيكون عليهم معظم البلوجرية و بيتناقشوا على التدوينات بتاعتهم وكدة
حاجة لذيذة يعنى
ممممممممممم طيب
مافيش اخبار تانية؟؟؟
هو فى بس اصل .. اصل
فى ايه يابنى مالك؟؟
تاج
ايه؟
قول تانى كدة؟
مين؟
تقصدنى انا؟
مخدتش بالى معلش
تااااااااااااااااااااااااااااااااااااااااااج
انت بتزعق ليه منا بسمع الحمد لله
مبعوت من مين ده؟
من الاستاذ .. الاستاذ ( من غير ضرب ) .. الاستاذ
ماتنطقققققققققققققققق
اللى خبطوه بالطوبة؟؟
ايوة هو بعينه
مبعوت من امتى ده؟؟
طازة .. لسة امبارح بس .. الجمعة
سبحان الله .. تصدق انى قلبى كان حاسس انى هاخدلى تاج من المبرمج .. لدرجة انى كنت هعمل بوست يوم الخميس وبعدين قلت بلاش التاج زمانه جاى
طب بص يا كوكو .. انا هقعد زى الشاطرة كدة اكتب فى التاج وانت جرى على مدونة المبرمج
عايزاك تخبطه بطوبة زى اللى خبطه بيها مع نفسى .. بس تكون اكبر
وعايزاها تعلم .. ماشى يا بطل؟؟؟
طبعاااااا فوريرااااااااااااااا
فوووووووووووو ... عنننننننننننننننننن
يلا الحق انا عقبال ما كوكو يجى اخلص التاج والحق اعمل الغدا بالمرة
استعنا ع الشقا بالله
.
.
أحب شخص لقلبك في الدنيا؟
بعد الاسرة وصديقاتى وكدة تأتى الساحرة الصغيرة
بنت اختى
بجد انا عمرى ما حبيبت حد ولا اتعلقت بحد كدة
لدرجة انى اقعد اسرح فيها كدة واقولها
سلسبيل انا بحبك اوى ( فيلم حبيبى دائما ) وهى ولا فاهمة انا مين ولا بعمل ايه
وتبصلى بدهشة كدة وكأنها بتقولى
انتى مين ياست انتى؟؟؟
من قبل ما تجي وانا متخيلاها هتبقى انا بس على صغير
سبحان الله طلعت شبههى فعلا لدرجة ان اختى بتناديلها بإسمى
بس ماطلعتش سمرا للأسف .. بس عندى أمل يمكن لما تكبر تسمر شوية
ان شاء الله :Dه
.
انسان مستعد تضحي بحياتك – ركز فى كلمة حياتك – عشانه؟
ممكن اى حد فى موقف تضحية اعمل معاه كدة
اعرفه او معرفوش بحبه او مبحبوش ( قلبى مساكن شعبية) ه
.
انسان كرهته لدرجة الجنون و تمنيت لو تمسك سكينة وتنقض عليه وتغرزها فى قلبه تقتله وتقف تبص لجثته وتشفي غليل قلبك؟
يوووووووووووووووووووه
يعنى لما يخلطوا لبن الاطفال ببودرة سراميك دول يتعمل فيهم ايه
واليهود وبلاويهم السودا المنيلة بستين نيلة زرقا على عنيهم يارب
دول يتعمل فيهم ايه
والامريكان واللى بيهببوه فى كل مكان يتعمل فيهم ايه
ولما اى جريمة تحصل تبقى عادى ولما تكون من حد مسلم تبقى إرهاب دول يتعمل فيهم ايه
ولما اللى غرق الناس فى العبارة ده يعرف يهرب ده نقول ايه
و و و و و و
بس بقا خلونى ساكتة احسن .. بس ياريت السكاكسين تكفى
.
ما هو اسم اجمل كتاب كتبه بشر قراته ومحتفظ به حتي الان؟
صعب احدد كتاب واحد لان كل كتاب اضافلى حاجة ولو كانت حاجة بسيطة
بس اللى كتاب اللى دايما مش بنساه هو حائر بين الحلال والحرام لإحسان عبد القدوس
كان اول كتاب للكبار اقراه وانا فى ابتدائى فى مرحلة ميكى وبطوط وكدة
فهمنى الحياة ماشية ازاى
ويعنى ايه خداع وخيانة
ويعنى ايه وحدة
بس للأسف مش عارفة النسخة اللى كانت عندى راحت فين
بس ان شاء الله اشتريلى نسخة غيرها
.
اسم كتاب كتبه بشر برضة- انت متعلق بيه وبتقرأه كل فترة؟
ترجمة كتاب 100 طريقة لتحفيز نفسك
واى كتب تنمية بشرية او برمجة لغوية عصبية بحبها اوى
.
اهم جهاز منزلى انت متعلق بيه او بتستخدمه كتير؟
الكمبيوتر طبعااااااا
.
مكان تحس بالراحة عندما تدخله؟
اى مسجد وبالإخص الجامع الازهر
.
شىء تحس بالراحة النفسية عندما تنظر اليه؟
الكعبة وقبة المسجد النبوى
والمساحات الخضراء والبحرررررررر
.
مكان تحس فيه بالحنين الى شىء لا تدرى ماهو و ذكريات جارفة الى لاشىء؟
مدرستى الثانوى كنت بحبها اوى .. لما اكون على البحر لوحدى والشمس بتغيب
ومنطقة الشقة القديمة قبل ما نعزل
.
اجمل مدينة زرتها داخل مصر ؟
الاسكندرية ومطروح والاقصر
.
أجمل مكان طبيعي رأيته داخل مصر ؟
كورنيش اى بحرررررر
وعجيبة فى مطروح تجنننننننننن
.
شخصية كارتونية بتحبه
بطوط وميكى وكل الابطال اللى معاهم
وماروكو مش عارفة بطلوا يجيبوها ليه
ماروكوو مارووكوو مارووكوو تاتا تتا
اسمى مارووكو الصغيرة اهلا بكم يا اصدقاااء
قصصى يا اطفال مثيرة ومعاً يحلو اللقااااااء
وكونان طبعا
المحقق كنن .. لا يخشى المحن .. يسعى دائما
وطبعا طبعا طبعا توم & جيرى
خصوصا انى بعتبر نفسى شبه جيرى جدااااااااااااااااااااااااا
جدا يعنى .. حتى فى تصرفاته
وصحبتى مسميانى جيرى بردو
واكيد هى توم .. مش محتاجة كلام
.
نوع هاتفك المحمول؟
نوكيا .. كام مش عارفة
اهم حاجة انه لما حد بيتصل بيرن الحمد لله
وانا اقعد اقول
يا ترى مييييييييين اللى عايزنىىىى
يا ترى مييييييين قاعد يرن يرن يرن يرن يرن
وانا منفضن
.
سرعة بروسيسور جهازك؟
وانا اشعرفنى
.
حجم ذاكرة –هارد- جهازك؟
معرفش ياعم انت
مين الناس دى؟
.
المساحة التى تشغلها المواد الاسلامية على جهازك؟
مش عارفة بس اعتقد انها مش مساحة قليلة
.
نفس المساحة السالف ذكرها فى قلبك -الاجابة لنفسك عشان الرياء يا اخواننا -؟
اللهم اجعنا من المتقين
.
أهم هدف انت واضعه لحياتك الآن؟
انى اتخرج وربنا يوفقنى فى حياتى العملية .. اللهم امييييين
.
مواصفات فتى الأحلام بالنسبة لك؟
احم احم .. مين طفا النور؟؟؟
الموضوع ده بيخضح للحديث الشريف اللى بيقول:ه
الأرواح جنود مجندة.. ما تعارف منها ائتلف وما تناكر منها اختلف"ه"
فى مقالة حلوة اوى بتتكلم فى كدة
.
صف ما يأتى: شعورك لما بتسمع كلمة مصر؟
بحس ان حد بيتكلم عن اهلى وانى لازم اسمع بإهتمام للى بيتقال
.
شعورك لما بتسمع كلام عن اليهود؟
بتنرفز واعصابى بتبوظ
.
شعورك لما بتشوف ظابط شرطة؟
اجدع نااااااااااااااااااس
.
شعورك لما بتشوف الكناس العجوز فى الطريق؟
بحزن .. مش عشان المهنة .. عشان معندوش اللى يكفيه فى حياته زى اغلب الشعب مصر المطحون
.
افكارك تجاه شاب ماشى فى الطريق يلبس جلابية بيضاء قصيرة وعمامة وله لحية وبجيبه السواك وبيده المصحف؟
بقول اللهم اهدنى لاقرب من هذا رشدا
.
احساس يراودك فى اشارة مرور مغلقة بسبب مسئول كبير؟
ما بلاااااااااااااااااش
.
.
الحمد لله خلصت التاج لما الحق اعمل الغدا بقا قبل كوكو مايجى
فووووووووووو انا جيييييييييييييييت
ها طمننى؟؟ سبع ولا ضبع؟؟؟
كاميكاااااااز طبعا
ابدا يا ستى روحت حدفته بالطوبة وعملت اللى عليا
وبعدين لاقيت شوية عيال بيلعبوا قدام المدونة عنده قمت لاعب معاهم شوية
وفى الاخر خدنا شوية طوب من الارض وقعدنا نحدف فى المدونة بتاعته
جدععععععععععععععععععععععععععععععععععععع
عشان يبقى يحرم
استنى يا كوكو كنت هنسى
يا جماعة بجد انا عايزة اشكر كل اللى بيسألوا عليا
وعايزة اشكركم جدا على التعلقات واسفة بجد لانى مش بقدر ارد عليها
فاضل اسبوع تقريبا وامتحن امتحان اخر السنة ودى بكالوريوس
يعنى مشروع تخرج وبلاوى كدة
فبجد بجد بجد بجد بالله عليكم تدعولى وافتكرونى وانتوا بتصلوا بجد
ومتشكرة ليكم جدا وربنا هو اللى عالم انتوا وحشتونى قد ايه
جزاكم الله خيرا
سلام عليكم
استنى استنى .. ماتخدينش فى دوكة
فين الغدا اللى قولتى عليه
غدا ايه يا كوكو انت بتصدق بردو
اومال الديليفرى اخترعوه ليه؟؟
حسبى الله ونعم الوكيل فيك يا فاااااااااااااخرى

25 comments:

  1. يارب تنجحي يا إنسانة ونشوفك كده وزيرة اقتصاد قد الدنيا

    ويارب الامتحانات تيجي اسهل من السهل

    وترجعي بقى للتدوين والتاجااات

    سلامنا لكاميكاز باشا

    ReplyDelete
  2. تاج ايه وبتاع ايه
    المقدمه اللى فى الأول دى ملهاش حل بجد
    انت دماغ فعلا
    ربنا يوفقك يا رب
    ويعدى الامتحانات على خير
    تحياتى

    ReplyDelete
  3. عااااااااااااا يا سيمو فيبس خلاااااااااااص
    :'(

    يا رب ننجح كلنا يا رب

    ReplyDelete
  4. سكر يا انسانه
    يلا ربنا يوفقك وتخلصي الامتحانات على خير ان شاء الله
    :)

    ReplyDelete
  5. هتدفعى الفدية هنرجعلك كاميكاز والا انسيه

    المهم بعد الامتحانات نبقى نتفاوض

    ربنا يوفقك ياااااارب

    سلام

    ReplyDelete
  6. ربنا يوفقك و ينجحك ان شاء الله

    يا ريت كاميكاز يبقي يطمنا عليكي ايام الامتحانات

    ReplyDelete
  7. انا برضه اخر ايام الكلية كانت الخميس اللى فات


    احنا في نفس الكلية ولا ايه ؟

    ReplyDelete
  8. This comment has been removed by the author.

    ReplyDelete
  9. انا كنت من غير الصحاب صاحب قلق
    وكنت عايش ف الحياه ع المفترق
    مين اللى قال انك هتقدر تنتفض
    من غير ما حد يشد ايدك م الغرق

    ReplyDelete
  10. يااااااااه والله ليكي وحشه يا ياانسانه
    و للمدونين كلهم بقالي شهر و نص معتقل
    محدش يفهم معتقل غلط معتقل مذاكره فقط

    و معلش علي تدبيسة التاج كلنا لها و كفارة
    وحمدالله علي السلامه

    ReplyDelete
  11. يياة احنا كنا وحشينك قوى كدة انا نص ساعه بقرا البوست بس تعرفى مش مليت بجد كلامك جميل وخفه دمك وحشتنى جدا ربنا ينجحك اللهم امين يارب العالمين

    ReplyDelete
  12. انا بدور عالتاج ده في المدونات كلها
    عشان اشوف الناس جاوبت ازاي
    اكمنه اول تاج يجيلي
    اجاباتك لذيذة قوي
    كل تاج وانت طيبة

    ReplyDelete
  13. تم أفتتاح العدد الأول من مجلة نفسنا
    نتمنى منكم زيارتنا

    ReplyDelete
  14. هههههههههههه الامتحانات بتعمل كل دا بس كميكاز دا لذيييذ مووت

    ابقى ابعتيه يلعب مع القطة بتاعتى بدل ما هيا شغالة اكل بس

    عارفة احساس اخر سنة دى لسه بعانى منه و ان شاء تفضلى ان كونتاكت مع صحابك

    و متغبيش كدا

    ReplyDelete
  15. السلام عليكم يا أهل الله يااللي هنا ،،، جايين نرمي التماسي من جديد ،،، تعالوا زورونا باي باي

    ReplyDelete
  16. تم أفتتاح العدد الأول من مجلة نفسنا
    نتمنى منكم زيارتنا

    ReplyDelete
  17. ربنا معاكي ويوفقك
    ومبروووووووووووك علي التاج
    وعيب كده ليه تضربو أحمد بالطوب؟
    ده ذنبه يعني ان الناس بتمررله تاجات؟

    ReplyDelete
  18. المقديمة دى بوست لوحدها بجد حلوة موتتتتتت



    وربنا يعديلك الامتحنات على خير ويكرمك

    ReplyDelete
  19. السلام عليكم
    بوست لذيذ كالعادة
    تحياتى

    ReplyDelete
  20. ندعوكم للمشاركة فى حملة المليون توقيع لنصرة الأقصى
    الموضوع فى مدونتى

    ReplyDelete
  21. ممتازه جدا طريقة اجابتك و تنظيمها و مطلعها و نهايتها
    كان ممكن تكتبي مثلنا الاسئله و جاباتها و فقط
    لكنك عملتي لها مقدمه ظريفه و نهايه ظريفه اعجبتني جدا
    انا جاوبت علي التاج و من مبرمج حر ايضا لكن اجاباتي اعتقد انها مختلفه نوعا ما
    تحياتي

    ReplyDelete
  22. هههههههههههههههههههههههه
    انتى سكر اصلا
    ايه يابنتى دا
    كل دى مواصفات فتى احلام :P:P

    ربنا يوفقك يااااااارب وتنجحى
    هدعيلك:D

    ReplyDelete
  23. ادعو الله ان يوفقك في الامتحانات

    تحياتي

    ReplyDelete
  24. تاج ظريف
    وربنا معكي في الأمتحانات

    ReplyDelete
  25. انا حاسس ان كل المدونات بيجيلها تاجات اليومين دول

    الظاهر انهم ماشيين بالقاعدة اللى بتقول " تاجينى ولا تغدينى "

    انا جاوبت التاج ده وشفت تقريبا 5 مجاوبينه

    بس اجاباتك تلقائية و جميلة

    ReplyDelete

الكلمـة نـور .. وبعـض الكلمـات قبـور