Saturday, June 23, 2007

احلامى الصغيرة

جلست اليوم وحدى استرجع ما مر من عمرى

لا ادرى كيف مرت هذه السنوات من بين يديى

حزينة؟؟

ايام الطفولة والبراءة والشقاوة والجنون

اتعجب .. هل يمكن ان تعود؟؟!!!

اعود طفلة اجرى والعب واحلم من جديد

احلامى الصغيرة

احلامى التى كانت كحمامتى الأليفة

تنتظرنى كل صباح لتقبلّني

وفى المساء لا تنام إلا بقلب يدى

واكون لها الأم والحب والأمل

وتكبر احلامى وتصبح فتاتى الجميلة

التى لا تعرف الكثير عن الحياة

إبتسامتها تنير القلوب ودموعها تبكى الحجر

تكبر واكبر معها

إلى ان تهرب مني ومن الدنيا

وتختفى....

ابحث عنها بداخلى فى لهفة

كأم قد فقدت طفلتها

او بحر فقد أمواجه

اين انتى يا احلامى؟؟!!

احتاجك بجوارى

احتاج إليكِ اليوم .. اكثر من اى يوم

احتاجك لأكون انا واصبح أنتِ

ولكن كيف لى ان اجدك وسط هذا الجنون

احلامى .. انتِ لى الحياة

انتِ الحنين

انتِ الأمل

لا أدرى هل سأجدك يوماً ما

أم سأظل عمرى بأكمله

باحثة عن احلامى

68 comments:

  1. عزيزتي أن الأحلام لا تختفي مادام في الأنسان قلب ينبض
    فالأنسان دائم السعي خلف حلم يتغير
    فبالأمس كنت أحلم بالألعاب و حفلات السيرك وأفلام الكرتون
    واليوم أحلم بالشقة و السيارة والزوجة
    الأحلام لا تتوقف فقط تتغير
    فتغيري معها
    وأجعلي أهدافك أحلامك وأحلامك واقعك
    وأخيرا
    أحلامك أوامر

    أسوبك راقي وهادئ أعجبني جدا
    تحياتي

    ReplyDelete
  2. السلام عليكم ..الاول
    طيب دورى كويس هنا ولا هنا يمكن تلاقيها افتكرى كويس ممكن تكونى سبتيها فين ؟ او مين الى سرقها منك ؟
    :D
    تحياتى

    ReplyDelete
  3. انسانه
    انا مع رأي (سكتم بكتم)

    فعلا الأحلام بتتغير مع تغير العمر
    و تفائلي خير ان شاء الله
    -------------

    الأسلوب رائع و مميز
    تحياتي و حبي

    ReplyDelete
  4. عزيزتي

    ترتبط الاحلام بالعمربعلاقه طرديه
    فكلما مر العمر تغيرت الاحلام فهذه من سمات الزمن
    ولكن تبقي لاحلام الطفوله رونق خاص ومظله يستظل بها الانسان كلما مره عليه الزمان ويداعبه احلامه القديمه

    رقراقه سطورك جدا

    ReplyDelete
  5. كل الحكاية إن الأحلام بتكبر معاكى و بتبقى أكثر واقعية لما بتعرفي الدنيا كويس

    قولي إنك بس مشتاقة لبراءة زمان و الأحلام الصغيرة بتاعة زمان

    يعنى مشتاقة لياسمين الصغيرة و أحلامها الصغيرة
    تعالى بقى أما أحكيلك حدوتة :D
    كان فى بنت صغيرة و عندها أوضة صغيرة و دولاب صغير و كل حاجة صغيرة صغيرة ....... أبقى أكملهالك فى التليفون بقى يا سيمو :D

    ReplyDelete
  6. احلامك حواليكي
    بس يمكن انتي مش شايفها
    دوري كويس هتلاقيها بتدور عليكي

    ReplyDelete
  7. كثيرا ما نشتاق لأيام الصغر
    و نشتاق لايام البراءة
    و قلة المسئوليات
    بل انعدامها
    و لكن حان الوقت
    لنعتمد على انفسنا
    و نشق طريق حياتنا بايدينا

    تحياتي لكي علي الكلمات الرائعة

    ReplyDelete
  8. للأسف احنا ماينفعش نبقي صغيرين تاني

    لو كنت أعرف كده وانا صغيره أكيد مكنتش هحلم اني أكبر وكنت هركز في الطفوله وبس



    اختفت ولا انت اللي معنتيش شيفاها يامينو؟

    هي لسه موجوده, وبتدور عليكي انت كمان, بس في حاجه واقعه منكم, وعشان كده مش عارفه تلاقيها.

    دوري عليها كويس , هتلاقيها قاعده مستنياكي
    (:

    ReplyDelete
  9. أولا طريقة الكتابة جميلة وممكن نقول شوية وتبقى جامدة

    بالنسبة للأحلام فالإنسان هو اللى بيإيده انه يتنازل عن احلامه ويسيب نفسه للحياه وزى ما تيجى تيجى
    وهو برضه اللى يقرر انه ما يتنازلش عن حاجه واحده من احلامه ويصمم عليها ..
    فإن شاء الله تجديها فى يوم من الايام وما تبحثيش عنها كتير

    تحياتى

    ReplyDelete
  10. ليت الصفوله تعود يوما
    وتستمر معنا الى ان نموت

    الاحلام جوانا عمرها ما بتسيبنا
    لاننا من غيرها نموت بجد
    اتمسكى بيها واوعى فى يوم تهرب منك
    وحاولى تبقى واقع
    مفيش حاجة بعيدة عن ربنا

    ReplyDelete
  11. عزيزتى
    معظم الاحلام تتسرب من بين ايدنا لان الاحلام مش بايدنا نحلم كما نشاء لاكن القدر راسم لينا مع يمكن ان نحققه وما صعب ان نحققه احلامى كما تشائين ولا تنتظرين ان يتحقق الحلم بس استمتعى بالحلم يمكن هو سبب نبضات قلبك
    سلااااااااااااااام

    ReplyDelete
  12. بوست رقيق

    ومشاعر جميلة

    تحياتي

    ReplyDelete
  13. الاحلام ملهاش علاقة بالسن الاحلام هى المستقبل ولا بد من الاحلام للوصول الى الهدف الى المستقبل ـ انا طول عمرى كنت احلم انى اكون دكتور ودة اللى خلانى ابقى دكتور انا طول عمرى بحلم وحتى وانا فى سنى دلوقت لسة بحلم ـ تعرفوا ان الامارات كانت حلم فى دماغ الشيخ زايد ـ الرئيس اللى ميحلمش لبلدة تتاخر ـ احلمى حتى احلام يقظة لانها هى دية اللى بتحقق التقدم ـ تحياتى

    ReplyDelete
  14. صحيح والله الواحد بيفتقد طفولته اوى حيث البراءة والسذاجة وراحة البال وسهولة الحياة فى العين وعدم تحمل المشاق بس نقول ايه كل فترة ليها حلاوتها بس احنا ساعات بنبقى طماعين عايزين كل حاجة حلوة من كل فترة ومش عايزين الوحش بس هى دى الدنيا نعمل ايه بس

    ReplyDelete
  15. السلام عليكم
    سيدتى...، لو أنك تبحثين عن أحلام الصبا كما هى، فأظن أنك ستبحثى كثيرا ولن تجدى شىء، لأن الصبا مر ومعه أحلامه...، ولكن المستقبل لايزال موجودا وبه الكثير من الأحلام، ربما منها بعض أحلام الصبا ولكن بشكل آخر، وربما يحمل أحلام أخرى
    المهم أن نسعى لتحقيق أحلامنا ونجيد صياغتها حسب كل مرحلة ولا نتوقف عند حلم واحد أوبعض أحلام
    فمازلنا نقدر على التخيل والحلم

    تحياتى
    وأدعوا الله أن تحققى أحلامك كاملة
    السلام عليكم

    ReplyDelete
  16. احلامك
    لن تبرح رأسك
    ولكن من الممكن ان تبتعد قليلاً عن الذهن لفتره معينه نتيجة الانشغال بشئ معين
    ولكنها لن تبرح المعقل وستعود في اول فرصه لها للعوده
    تحياتي

    ReplyDelete
  17. لو كان الأمر بإيدينا كنتي ما لقيتيش في الشارع حد أكبر من 10 سنين .. وكان الكل عاش في حلم الطفولة الجميل

    بس لكل سن احلامه ومذاقه الخاص والمهم إن إحنا نستمتع بأحلام كل مرحلة وما نحولش أحلامنا لعبأ نشيل همه وينكد علينا عيشتنا

    أسلوبك هادئ بيعبر عنك بدون تكلف .. بس إيه الأليفة دي .. هههههه

    أوعي حد يهز ثقتك في حلمك

    تحياتي

    ReplyDelete
  18. أحلامنا في ايدينا بعينينا شايفينها
    لو تسمح الدنيا راح نوصلها فـ ثانية

    انتي عارفة ان احلام البشر مبتنتهيش غير بنهايتهم حتى بعد النهاية هيفضل الحلم في دخول الجنة بعد الموت ... احلام إلى ملا نهاية ... يا رب تحققي كل أحلامك
    أسلوبك جميل
    تحياتي

    ReplyDelete
  19. كلمات رقيقة ومشاعر هادئة

    وبحث سيظل مستمر عن الاحلام

    لن نقول انها ضائعة .. لكن ربما هي مختفية خلف بعض الغيوم ولن تلبث الا وتظهر من جديد

    فبدون الأحلام لا معنى للحياة :)

    ألف تحية لكلماتك الرقيقة ..واسلوبك الجميل

    ReplyDelete
  20. :)

    الحلم عمره ما بيتخلي عنك غير لو انتي الي اتخليتي عنه الاول
    :)

    هيا فكرة في مخك بتييجي و تعيشها
    يا انتي الي تسيبها يا بتفضل معاكي و ماسكة فيكي
    :)

    ربنا يعينك تحققى كل الي نفسك فيه
    :)

    انسانة... غيري جو شوية ممكن تبقى احسن و اروق بعد كده
    :)


    بجد مفتقداكي اوى يا رفيقة الترجمة ^_^
    :):)

    ReplyDelete
  21. يا ريت ترجع ببراءتها و نقاوتها و لو لساعات
    تحياتي لكي

    ReplyDelete
  22. الي اولئك الذين المهم صور اقتتال الاخوة الاشقاء في فلسطين


    الي كل من تخيل ان الاخوة الاشقاء باعوا القضية لاعدائهم واجهزوا علي ماتبقي منها


    الي كل من انجر وراء حملة التضليل الاعلامي التي ساقوها علينا

    الي كل ساع الي الحقيقة

    الي كل هؤلاء اهدي

    التبيان في اقتتال الاخوان

    تجدونه فقط

    في

    ارض الحرب

    ReplyDelete
  23. السلام عليكم
    للأسف مش هتلاقيها
    و لو لاقتيها هيكون بعد فوات الأوان و لو لو لاقتيها هتفقديها بسرعة البرق
    سلام

    ReplyDelete
  24. اكيد لكل عمر وله احلامه وده طبعا حسب النضوج العقلي والفكري للبنى ادم
    وحتى في السن الواحد الانسان ممكن يحلم كذا حلم
    والحلم هو الطريق للطموح والنجاح
    ولا ايه؟

    ReplyDelete
  25. السلام عليكم ورحمة الله وبركاته

    كلام رقيق وجميل جدا

    احلامك لسه جواكي بس يمكن مستخبيه في حته هنا ولاهنا ، دوري عليها وان شاء الله تلاقيها

    وعلي راي شاديه دور عليه تلقاه دور عليه دور ياللي عينيك شيفاه وبردو بدور..هههه

    تحياتي

    ReplyDelete
  26. ألأحلام بالفعل هي الحياة ... هي التي تبعث وتجعل الإنسان يعيش لغد ... من غيرها لا يوجد شئ يعيش من أجله الإمسان ...
    أسلوب رائع في التعبير

    تحياتي ...

    ReplyDelete
  27. وجعتيلى قلبى ياسمين
    كانك كنتى دخلتى جوايا وقلتى اللى انا حاسه بيه
    بجد كنت نفسى اكبر علشان اشوف احلامى ولكن للاسف لاقيت حاجات تانيه خالص
    ونفوس غير نفوس الاطفال مشكلتى انى كبرت خارجيا لكنى مازلت جوايا نفس الطفوله مش عارفه اتغير ومش عارفه اتعامل مع عالم الكبار وهما بيقوليلى انك حساسه وهما مش عارفين انى مش عارفه اتعمل باسلوب الكبار
    ربنا يحقق ليكى كل احلامك اللهم امين يارب العالمين

    ReplyDelete
  28. اختى الانسانة
    اقوللك على حاجة بايخة بقت ف حياتي

    انا بقيت باكره انى احلم
    اه و الله
    لما باحلم حلم وحش او تجيني و انا صاحى فكرة صعبة باخرج منها مخنوق قوى و تعبان
    و لما باحلم حلم حلو
    باقوم حزين و متضايق لان ده طلع حلم و ماكانش حقيقة
    يقطع الاحلام و سنينها
    المهم هاتيجي مع اوتاكا الحفلة بتاعتى وللا لا

    ReplyDelete
  29. الأحلام دايما موجودة بس ساعات بتستخبي مننا في وسط زحمة الحياة وبنحس اننا فقدنا ايماننا بيها
    بس ان شاء الله أكيد أحلامنا هترجع وتتحقق مع الوقت

    ReplyDelete
  30. احلامك ؟؟
    استمرى فى البحث هتلاقيها
    اكيد هتلاقيها
    لو ملقيتهاش يبقى مكانتش احلام حقيقية

    حلوة الفلسفة بتاعتى ؟؟
    سيبك من ده كله .. هقولك تانى ان أسلوبك جميل وبيعجبنى جدا

    ReplyDelete
  31. سكتم بكتم
    بصراحة انا كان قصدى ان كنت بحلم واحلامى بتكبر معايا .. احلام كبيرة زى اللى حضرتك بتقول عليها كدة
    بس ضايعة منى مش عارفة احققها .. أو صعب احققها ومافيش حاجة بعيدة على ربنا طبعا
    سبحان الله

    بس ايه احلامك اوامر دى .. يعنى اقول جزر الحلم يتحقق على طول؟ ههههههههههه

    ربنا يكرمك يافندم ده من زوقك واهلا بيك لأول مرة فى المدونة
    كاميكاز بيحضر الشاى اهوه
    :D

    ReplyDelete
  32. YHYيــوســف الـمصـرى

    وعليكم السلام ورحمة الله وبركاته .. الاول
    دورت اما تعبت
    ربنا يسهل والاقيهم بقا
    :D

    ReplyDelete
  33. عقد الياسمين

    الله المستعان يارب

    اهلا بيكى ياجميلة نورتينى بجد
    وربنا يكرمك على كلامك الجميل ده
    :)

    ReplyDelete
  34. مـحـمـد مـفـيـد

    عندك حق بس هى حالة طارئة من الحنين كدة والله المستعان

    بصراحة انا عجبتنى اوى كلمة رقراقة دى ههههههههههه
    لا بجد متشكرة ليك جدا
    ربنا يكرمك ويعزك والسلام امانة من كاميكاز لعبده
    :D

    ReplyDelete
  35. lost in the web

    بالسبط كتة انا نفسى ارجح نونو تانى يا نوسة ياكوكو .. وتينى الحضانة بئاااا

    تليفون ايه بس يابنتى مابقتيش تعبرينى بعد التخرج خلاص
    ماليش دعوة انا عايزة اسمع بقا الحدوتة عااااااااااااااااااا
    :D

    ReplyDelete
  36. محمود علي

    بحاول اهوه
    الله المستعان
    -----------------
    علاء

    انا اللى تحياتى ليك على المعانى الجميلة دى
    ربنا يكرمك ويعزك

    ReplyDelete
  37. بصي ياجميل الانسان لو مش لقى احلامي ممكن هو يصنعها تاني بنفسه مش هنرجع تاني لاايام زمان بس نستمتع بكل ايمنا الحالية بحلوها وبكل مافيها تحياتي ليكي ياقمرية

    ReplyDelete
  38. اعتقد ان اكيد طبعا عمر مالواحد هيقدر يرجع طفل ولا انا غلطان
    بس ممكن تعيشي الطفوله مع الاطفال الصغيرين يعني ممكن تزوري ملجا ايتام مثلا او تقعدي حتي مع اي طفل من اطفال العيله وهو الي هيرجعك لمود الطفوله
    مع العلم ان الاطفال دلوقتي مبقوش اطفال بقو شياطين بسلاسل
    تحياتي واتمني مكونش تقلت عليكي

    ReplyDelete
  39. hanfdel all our lives hunting our dreams not only after graduation

    hope u achieve urs isa :))

    ReplyDelete
  40. esraa

    زمان وانا صغير كنت بحلم ابقى كبير ..

    فعلا والله كنا زمان اللى يسألنى عن سنى ابقى عاوزة ازوده واكبره بأى طريقة

    ربنا ييسر واعرف احققهم يا إسو ويبقوا فعلا مستنينى يارب
    :)

    ReplyDelete
  41. ياسر سليم

    شهادة بجد اعتز بيها جدااا
    ربنا يكرمك ويعزك يارب

    تحياتى

    ReplyDelete
  42. رينـــــــــــا

    فعلا مافيش حاجة بعيدة على ربنا
    الله المستعان
    :)

    ReplyDelete
  43. Hosam

    مش عارفة بس الاحلام بتلح جوانا عشان تظهر للنور وتتحقق
    بس زى ماحضرتك بتقول بردو هى السبب فى نبضات قلوبنا

    سلام
    :)

    ReplyDelete
  44. صاحب البوابــة

    جزاك الله خيرا ع الكلام الجميل ده
    ربنا يكرمك ويعزك يارب

    تحياتى

    ReplyDelete
  45. Gid-Do - جدو

    لو بطلنا نحلم نموت .. لو عاندنا نقدر نفوت .. حبة صبر حبة حماس .. يبقى الحلم صورة وصوت

    كلمات من اغنية لمحمد منير يا جدو

    ادعيلى الهمة العالية ترجع عندى زى الاول اللهم امين
    ومتشكرة جدا لزيارة حضرتك بجد بتنور البلوج كلها
    :D

    ReplyDelete
  46. امام الجيل

    هنعمل ايه
    ده حال الدنيا
    بس بردو الواحد لازم يحاول يستمتع بالمحطة اللى هو واقف فيها عشان لو معملش كدة حياته كلها مش هيبقى ليها طعم خاااالص

    اهلا بيك فى أول زيارة
    :)

    ReplyDelete
  47. زحل الفلكي

    يارب تعود وتتحقق كمان اللهم امين

    تحياتى
    :)

    ReplyDelete
  48. ma_3alina

    مممممم ... شكلك فاهم يا نوصة

    الأليفة دى بقا تبقى أول قطفة يا فندم والله يسامح اللى كان السبب

    حاضر
    وتحياتى انا كمان

    ReplyDelete
  49. SAKAyAR

    اللهم امين ياااارب
    ربنا يكرمك ويعزك يارب
    واهلا بيكى لأول مرة
    نورتينى
    :)

    ReplyDelete
  50. همسة قلم

    الاسم بتاعك اللى رقيق اوى بجد

    ربنا يكرمك ويبارك فيكى على كلامك الجميل اللى كلاماتى اقل منه بكتيييييير

    جزاكى الله خيرا ونورتينى بجد
    :)

    ReplyDelete
  51. المجاهدة

    بالظبط انت عندك حق اوى

    اغير جو؟؟ .. طب ازااااااى
    الحمد لله على كل حال

    دعواااااتك بالله عليكى

    ومنورانى فى المدونة اوىىى
    :)

    ReplyDelete
  52. micheal

    ياريت

    اهلا بيك لاول مرة فى المدونة
    تحياتى لك

    ReplyDelete
  53. عمرو المصري

    شكرا .. جزاك الله خيرا

    ReplyDelete
  54. No Fear

    وعليكم السلام
    مممممم .. ليه التفاؤل ده بس

    وبعدين حضرتك فين بقالك فترة كبيرة اوىىىى مختفى خاااااالص

    لعل المانع خير واهلا بيك من جديد
    سلام
    :)

    ReplyDelete
  55. farfasha

    لا تمام كلامك صح جدا
    لو بطلنا نحلم نمووووت

    يارب ربنا يحقق كل احلامنا الكويسة واللى فيها الخير لينا
    اللهم امين

    ReplyDelete
  56. خمسة فضفضة

    وعليكم السلام ورحمة الله وبركاته

    هههههههههه شادية مرة واحدة
    يارب الاقيه اللهم امين

    منورانى فى البلوج وربنا يكرمك على بوستاتك اللى تجنن بجد

    ReplyDelete
  57. sharkawoo

    بالظبط كدة
    ربنا يكرمك ويعزك
    تحياتى لك
    :)

    ReplyDelete
  58. رفقه عمر

    انتى اللى فرحتيلى قلبى يا رفقة ههههههه
    اصل انتى الوحيدة اللى فهمتى انا قصدى ايه من اللى كتبته ده سبحان الله

    كل كلمة قولتيها اكنك بتوصفينى بالظبط والله

    يارب كل احلامنا تتحقق واسمع عنك كل خير ياااااارب
    اللهم اميييين

    ReplyDelete
  59. علي الألفي

    غريبة اول حد الاقيه بيكره الاحلام
    سبحان الله
    بس مهما كرهتها مش هتعرف تمنع نفسك من انك تحلم بجد

    اروح الحفلة !!!! ده كاميكاز كان يقطعنىىىىىى
    :D

    ReplyDelete
  60. fanan fa2eer

    اللهم امين ويارب تتحقق
    يااارب

    تحياتى ليك يا فنان

    ReplyDelete
  61. omar مشروع بطل

    اه فلسفتك جميلة جدا

    وربنا يكرمك على كلامك والله انا اقل من كدة بكتر

    جزاك الله خيرا

    ReplyDelete
  62. علاء

    هو موضوع جميل وفكرة حلوة
    بس محتاجة اعرف شكلها النهائى هيكون عامل ازاى

    ربنا معانا جميعا يارب ويوفقنا لما فيه الخير
    اللهم امين

    ReplyDelete
  63. قلوب حائرة

    فعلا احنا اصحاب أحلامنا والمسيطرين عليها ويارب نقدر نحققها

    اهلا بيكى لأول مرة فى المدونة وياريت ماتكونش الاخيرة
    :D
    تحياتى لكى ياجميلة

    ReplyDelete
  64. تامر حسين

    والله الطفولة بحاول اعيشها مع بنت اختى
    بس زى مانت بتقول بالظبط
    مش طفلة دى خلتى أطاطا هههههههههههههه

    لا ولا تقلت ولا حاجة
    اهلا بيك لأول مرة فى المدونة
    وخالص تحياتى

    ReplyDelete
  65. Ma-3lina

    Allhum Ameeeeeeeeen
    u too isA

    fe 7aga neseet 2a2olha sa7i7

    ana ba7ebek fe Allah :)

    ReplyDelete

الكلمـة نـور .. وبعـض الكلمـات قبـور