صحيت الصبح وفطرتوفى المواعين غسلت
وبعدها فى الصالة وضبت
سلطة طحينة وخضرا وعملت
وبعدها شلت وهشكت
واديت الرضعة للبت
وبعدها اكلت
وعمايل الشاى ماخدتش وقت
وفى البطيخة قطعت
وعلى اختى غلست وصحيتلها البت
وروحت انا فتحت النت
بصيت ع المدونة وبحلقت
وفى كاميكاز الكسلان زعقت
وفى التراب اللى على شبابيك المدونة نفضت
وزهقت من الواد كاميكاز ومن النت وقفلت
الدنيا حر اوى وتعبت
وماية النيل كلها تقريبا شربت
وبعدها تنحت وتايست
وخدت بعضى ونمت وأنتخت
بعدها صحيت
وللمغرب وبعده العشا صليت
وغيرت للبت ومعاها شوية لعبت
وللعشا بتاع بابا حضرت
ولبست ومن تانى هشكت
وخدت اختى وبنتها وخرجت
ولبيتها وصلت
ورجعت تانى وفى الميكروباص ركبت
وشوية فيروزيات كدة سمعت
ودخلت العمارة وفى الأسانسير ركبت
طنط جارتى سألتنى ع الكلية وضحكت
بصيتى كدة وقالتلى عقبال العريس يابنت
بصراحة اتكسفت
وقفت الأسانسير و على البيت دخلت
لاقيت بابا عايز الجرنان ولتانى مرة نزلت
ومالقتش الجرنان ورجعت
وفى الأسانسير تانى ركبت
وركب كمان عمو الحاج جوز طنط
سألنى ع الكلية بردو وقالى عقبال العريس بقا يابنت
تانى مرة بقا اتفقعت
اصل عمو ده كل مايشوفنى يقولى مافيش عريس فى ايديك ليه يابنت؟؟
تقولش بيوزعوهم فى حتة وانا مروحتش وكسلت؟
رحت كاتمة فى قلبى وسكت
ووقفت الأسانسير وعلى البيت جرى دخلت
كنت جعانة بس طنشت
وفى الغسيل نشرت وطبقت
ورجعت تانى فتحت النت
رديت ع التعليقات ومع صحابى شايتت
وفى الكلام العجيب ده كتبت
وعملته قال ايه بوست
ظبطت فيه كدة ورتبت
وحطيتله صورة كمان ونشرت
كاميكاز رفضه وانا صممت
اتخانقت معاه واتعاركت
وسيبتله المدونة وطفشت
ومش انا اللى بكتب دلوقتى دى عفريتة الست
لما شوفتها خوفت منها وهربت
معلش يا جماعة اصل انا هيست
وللكلية خلصت
وحاسة بملل واحباط فيظع اما تعبت
اسيبكوا دلوقتى بقا لحسن انا اتخنقت وهنجت
ونعست اوى وكان زمانى نمت
هههههههه
ReplyDeleteلا واضح ان التخرج عامل معاكي شغل عالي (:
زهقانة ليه اخس عليكي؟؟ ده حتى الملل حلو ):
بجد مفيش حل غير اننا نرجع الكلية تاني
ههههههههههههه
ReplyDeleteكل ده في يوم واحد ..
هيييييه بكرة نقول ولا يوم من الأيام دي ..
طب أنتي بتساعدي والدتك .. وبتساعدي اختك ... يعني كلها مساعدات
وبتهشتكي وتلبسي بنوتة واحدة
أمال بقى لما يبقى البيت بيتك وترجعي من الشغل .. لو مصصمة تشتغلي يعني .. مهدودة وأنتي المسئولة عن كل حاجة .. وعندك بدل العيل أربعة .. دا غير الأفندي اللي قاعد يقرا الجرنال وعامل نفسه مش واخد باله ..
حتعملي إيه ساعتها بقا .. ساعتها مش حيبقى تهييس .. دا حيبقى عباسية رسمي
انا لما قريتها فطست
ReplyDeleteم الضحك لحد ما عيطت
و بقى الدموع تملا طشت
بس كفاية كده لاني تعبت
:)
جامدة جدا
تحياتي
ههههههههههههههههههه
ReplyDeleteلا جاااااااااااامدة
مساء التهييس
اقولك على حاجة
بينى وبينك يعنى
ومتقوليش لحد
.
.
.
.
انا حاسس ان انا عطلتك
:p
هههههههههههه
والله جامدة
انا لسه منمتش اهو
مش قلتلك مش هعرف انام
معرفتش
عااااااااااااا
:(
هع هع هع
ReplyDeleteالله يخرب بيت البتاع ده الى اسمه ....
جامدة اوى
تحياتى :)
جميله
ReplyDeleteجميله
جميله
جميله
جميله
انا لو قعدت اقول جميله للصبح ميكفيش بحب جدا الكلمات اللي بتخرج من القلب كده وتدخل على القلب بجد احييكي على كلماتك الجميله دي برافو عليكي
ومبروك على التخرج ولو انها متأخره يعني
سلاااااااااااااااااااااااااام
جدولك اليومى مشغول جدا
ReplyDeleteالسلام عليكم
ReplyDeleteبجد جميلة قوي
ما انتى صاحية اهو و بتشيتى
ReplyDeleteبس اتغديتوا طحينة و سلطة بس فييييييين السمك ؟؟؟؟؟؟؟؟؟؟
تحفة يا بنتى
ايه ده؟؟
ReplyDeleteبتتعبي يابنت والله..بس قشطة عليكي انتي التهييس عندك بيجي بفايدة اهو
بس خدي بالك من السراية الصفرا بقى لحسن يقفشوكي
يخرب عقلك بجد
ReplyDeleteانتي موتيني من الضحك
عبد الله بيفكر في موضوع سلسبيل ده
وربنا يقدم ما فيه الخير
علي فكره ام عبد الله عاجبها الاسم جداجدا
:)
looooooooooooooooooooooooooooooooooooooooooooooooooooooooooooooool
ReplyDeletesimo enty et-habalty ya 7abebty :S
eh ya benty el mas5ara di?!
bas tesadda2y laziz awi ya bent :P
مع انى اول مرة ادخل المدونة دى وآخد بالى منها بس بجد عجبتنى اوى الكلام اللى انتى كتبتيه تنفعى تكتبى زجل يا بنتى
ReplyDeleteبجد كلامك جميل اوى خلانى اضحك لغاية ما اللى فى البيت صحيتهم من النوم واضربت :P
تهييسة جميلة للغاية
ReplyDeleteتحياتي اختاة
بابا عايز الجرنان بعد العشا ؟؟؟؟؟؟
ReplyDeleteليه جنسه ايه الجرنان ده
ده اكيد مش صباحي ولا مسائي
ده جرنا السهره مش كده ؟
صباح التهييس
ReplyDeleteهههههههههههه
دى مش اول زياره ليا على فكرة
انا دخلت عندك ساعه بوست
مبنى الجحيم اللى امتحنتوا فيه
بجد ساعتها ما كنتش مصدقه ان الوضع منيل كده
وما علقتش بصراحه بس عجبنى البلوج بشكل عام لانه فيه حاجات متنوعه وما فهمتش يعنى ايه كاميكاز بس بجد متت على روحى من الضحك من حديثك معاه
وقلت جايز ده مصطلح شبابى او شخصيه كارتونيه بس ما اظنش
هههههههههههه
واضح انها شخصيه انسانيه خاصه بيكى
سعيده جدا بزيارتك
وتمنياتى لك بعرييييييييييييس
بصى هما بيوزعوهم دلوقت على البطاقه
بس القديمه
عشان كده كل اللى معاها رقم قومى مش حتلحق لها عريس
ومن غير عياط
هههههههههههههه
انا مش قولتلك هتندمى انك خلصتى
ReplyDeleteوقولتلك لما تندمى اديني رنة
انا عارف انك خلاص هيستى يعنى كل سنة وانتى طيبة
قلبي عند كل الشباب اللى لسه مخلص جديد
ايه بس الدماغ العالية دي بس؟
ReplyDeleteعجبتني قوي مدونتك
ReplyDeleteههههههههههههههههههههههههههه
جميل اوى
كاتبه يومياتك زى الاغنيه
وحلو اوى تعليق علاء دا
هههههههههههه
ReplyDeleteتصبحي علي خير
بس التهيس ده حلو خالص
ابقي هيسي كده كل فتره ((:
عشان تعرفي بس
ReplyDeleteنذاكر نقول امتي نخلص مذاكرة
نخلص مذاكرة نهيس ونحس بملل وقرف والوقت اللي مش بيعدي
احمدي ربنا بقي علي اللي انتي فيه بدل منعمة الزهق والفاض ده تزول منك
صحيح وبعدين مانتي يابنتي بتطبخي وتغسلي وتجيبي الجرنان وتغيري للبنت
تخيلي بقي مفيش كل ده واكتبي بوست تاني
لا فعلا واضح ان التخرج ساب اثره تهييس مبارك :)
ReplyDeleteانا عايزة تعويض بقى لان مدونتك هنجت لى النت
ReplyDeleteوانا بقى منها اتعصبت
بس برضه صممت وغلست
بجد من غير مبالغه تحفه وضحكتينى جدا ما شاء الله عندك موهبه الكتابه بجد حاولى تستمر وتورينا انتاج من دة كتير
بس الحمد لله مزاجك احسن شويه يارب دايما
مش قولت لك باين عليكي بت لهلوبه ..غسيل و طبيخ و تهشيك و حاجه اخر حلاوه ، ما تيجي نحط زهقي علي زهقك و نشوفلنا حاجه نعملها ؟
ReplyDeleteو صحيح شكرا علي تعليقك عند زياد و عندي
إلي أول بنت تضحكني بالمنظر ده
ReplyDeleteأشكرك جدا
ايه يابنتي ده
ReplyDeleteانتي لحقتي تزهقي؟
ربنا يستر عليكي بقا اذا كان يومين عملوا فيكي كده
:)))))
جميلة
ReplyDeleteبجد لذيذة يا ياسمين
لكن متستعجليش على الزهق من قلة الشغل
بكرة تشتغلي و تطلع عينك و تقولي مين يرجعهالي ايام
اساليني
لما اتخرجت كنت منشكحة اوي على الشغل دلوقتي بقول اه لو
متخفيش بختك يا ابو بخيت
و صحيح معكيش عريس في ايديك ليه؟؟
هههههههههههههههه
ضحكتيني والله
تحياتي
أنا شفت في البوفايل إنك بقيتي عاطله قولت آجي أبارك .. إستنتجت إنك إتخرجتي على طول
ReplyDeleteبس حلو قوي البوست ده .. عجبني قوي موضوع العريس اللي تطلعي بيه في إيدك .. جايز بيتباع تحت عند بتاع الجرانين أو بيطلع في السحب وألا حاجة
ههههه
ربنا يرزقك بالزوج الصالح إن شاء الله
ههههههههههههههههههههههههههههههههههههه
ReplyDeleteمسخره بجد كتبتيه ازاى ده.......معلش هانت بكره الملل ده يروح وتموتى فى وقت فراغ ومتلااقيش
:)))))))))
ReplyDeleteأول مرة أجيلك ...بجد ضحكتيني أوي ما شاء الله عليكي ...بس زهقانة ليه ..بكرة تقولي فين الأيام دي وتروحي الشغل وتنسي السلاطة بتتعمل ازاي والبلكونة حتى شكلها ايه :) مش بحبطك بس بفكرك إن في ايدك نعمه بس احنا كده ...محدش فينا عاجبه حاله:)
المهم حاولي تستمتعي بكل مرحلة تمري بيها ...وبصي لمزاياها أكتر وربنا يوفقك للي فيه الخير :)
تحياتي
ReplyDeleteفكرة جيدة لسرد مجريات يوم من حياتك
هذه هي الحياه، هذا رأيي ، أعني ان كل منا له حقوق و عليه واجبات...
الام و الاب كانا و سيلة لخروجك من عالم الذر الي عالم الحياة الدنيا....
ربياك صغيرة ...رضيعة...لا تقوين و لا تدرين من الدنيا غير حضن أمك و ثديها.
و الان ما شاء الله كبرت و ترعرعت..و آن الآوان أن تتحملي جزء من المسؤليات.
بالمناسبة...هل مازال هناك بنات بتنكسف لما تيجي سيرة عريس.... ههههههه
مجرد مزحه....فبالتأكيد الحياء موجود
لان الايمان موجود... و الحياء من شعب الايمان.
تحياتي و ربنا يوفقك في حياتك العملية ان شاء الله.
وااااااااااو
ReplyDeleteروووووووووعه
ايه الجمال دا يا عسووول
ربنا يوفقك دايما
و يرزقك بالزوج و الذرية الصالحة
آآآمين يا رب
ايه ده ده انا بايني علقت
ReplyDeleteههههههههههههههه
ودي بقى يوميات واحدة بنت؟؟؟
لذيذة اوي بجد
ههههههههههههههههههههه
ReplyDeleteتحفة
دمك خفيف مووووووت
فعلا
ظهرت عليكي امارات التخرج
مبروك اولا التخرج
ثانيا يومك طويل قوي
بس جميل تعبيرك
رغم ان القافية شداكي قوي
بتعمل ترلملم
:)
للأمام ولما تلاقي شغل قوليلي
انت خريجة ايه؟
ظريف اليوم دا وخصوصاً لما يتحكي بالطريقه دي
ReplyDeleteاحلي تهيس
ReplyDeleteدنا عرفت كل حاجة كدة بزمتك مش احلي من التاجات دي
حت نوعية الاكل
والبطيخة وجوز طنط والبنت
جامدة التدوينة دي بجد
احلي عالم واحلي تهيس
:)
يا سـلام ايه الشطارة دى كله فى يوم واحد لالالالالالالالالالالا مش معقول بسم الله مشاء الله ولا حول ولا قوة الا بالله
ReplyDeleteلو انا كنت عملت حاجة واحدة وباقى اليوم اخخخخخخخخخخ
هههههههههههههههههههههههه
تحياتى
لذيذة جدا كلماتك وبكرة تقولي ولا يوم من ايام الفضى اللي انت فيه
ReplyDeleteوبعد الجواز هتقولي فينك يا بيت بابا
اقل ما فيها انك تنامي وقت ما انت عايزة تنامي
سلاماتي
طيب ما كنتى نمتى م الاول وريحتى نفسك وريحتينا
ReplyDeleteانا هنا فعلا وصلت
ReplyDeleteولمدونتك الجميله زرت
وقعدت اقرا فيها لما تهت
كوكو وكاميكاز ومعقولة اتخرجت؟
مدونتك حلوة ولبوستاتك اعجبت
وفي اخر بوست مطرئع ليكي علقت
:)
تحياتي ليكي
محمد سمير
والله انتى دمك ذى العسل
ReplyDeleteبس روقى انتى كده
ههههههههههههههههههههههه
ReplyDeleteهههههههههههههههههههههههه
هههههههههههههههههههههههه
موتينى من الضحك الله يهديكى
ايه يابنتى دا
دانتى سكر بجد
هههههههههههههههههههههههههههه
الله يكون فى عونك يا جميل
ReplyDeleteامرأة تقول الذي لا يقال
ReplyDeleteلا بعد الشر نرجعها ايه ياشيخة .. ربنا يستر ونعدى على خير قولى يارب
هو الملل مش لطيف خالص الصراحة ربنا مايحكم على حد بيه
منورانى ياقمر
:)
ma_3alina
ReplyDeleteالله .. اتجوز واجيب اربع عيال كمان .. يسمع منك ربنا هههههههههههه
ياسيدى مش مشكلة ماهو كله تعب .. وبعدين مين قالك انى مضايقة فى يومى بالشكل ده .. الحمد لله رب العالمين طالما ضميرى مستريح يهون التعب
ادعى بس ربنا يقوم ماما بالسلامة
اللهم امييييييين
علاء
ReplyDeleteههههههههههههه
هتنافسونا فى البوست ولا ايه
:D
كومنت جامد جدا
تحياتى
zordeak
ReplyDeleteهههههههههههه
ياسيدى ولا تعطيل ولا حاجة كل الحكاية كام طبق فى الحوض عاوزين يتغسلوا بس هههههههههههههه
على فكرة انا بكتب الرد دلوقتى الساعة 6 الصبح ومش جايلى نوم من الحر بردو
عااااااااااااا
:(
YHYيــوســف الـمصـرى
ReplyDeleteنفسى اعرف ايه البتاع اللى نازل دوعا عليه ليل نهار ده
ربنا يكرمك يافندم
تحياتى
الشنكوتي الكبير
ReplyDeleteياسيدى الله يكرمك ويعزك يارب
ده من زوقك بس
الله يبارك فيييك ولا متأخرة ولا حاجة انا مستنية النتيجة على اى حال
ادعيلى انجح يااااااارب
اللهم امين
سلااااااام
e7na
ReplyDeleteمايعتبرش مشغول ولا حاجة .. ده ده الطبيعى بتاعى
:D
تحياتى
No Fear
ReplyDeleteوعليكم السلام ورحمة الله وبركاته
ربنا يكرمك ويعزك يارب
اللهم امييييين
Ma-3lina
ReplyDeleteاه بشيت معاكى يابنتى كل مادخل الاقيكى فى وشى .. ده ايه الناس دى
;)
كلنا السمك خلااااااااص ..كل سنة وانتى طيبة بقا
منورانى ياقمراية
بت انتى استنى هنا .. هو انتى دخلتى قلبى كدة ليه عايزة افهم؟؟؟
بيسوو
ReplyDeleteهههههههههههه
لا متخافيش يابيسو مش هياخدو بالهم منى عشان سمرا ههههههههههههه
مـحـمـد مـفـيـد
ReplyDeleteههههههههههه ربنا يسعدك دايما يارب
طب كويس جدا .. هى اربع شهور دلوقتى وبنأكلها بسكويت .. فيعنى كلها كام سنة كدة وتبقى عروسة ان شاء الله
جاهزيييين؟؟؟؟
lost in the web
ReplyDeleteهههههههههههههههه
ربنا يكرمك يا نوسة وبعدين انتى مش جديد عليكى الهبل بتاعى ياماما .. فى بيتها يعنى
إنتى مختفية فين يابت انتى صحيح؟؟؟؟؟
3abdo me7tas
ReplyDeleteههههههههههههه
لا بعد الشر عليك من الضرب
ربنا يكرمك اهلا بيك لاول مرة خطوة عزيزة وعايزين الزيارة تتكرر ان شاء الله
تحياتى
صاحب البوابــة
ReplyDeleteربنا يكرمك ويبارك فيك يااخى
تحياتى
أحمد عبد الفتاح
ReplyDeleteههههههههههههههه
لا الأهرام بيجى عندنا متأخر شوية على 11 كدة ولا حاجة
:)
loumi
ReplyDeleteلومىىىىىى صاحبة الأحاسيس العالية
ياستى انتى تنورى فى اى وقت المدونة مدونتك .. والواد كاميكاز بيعمل ساقع وسخن والحياة تمام التمام يعنى
ههههههههههههههه
لا زعلتينى منك اوى
بقا متعرفيش كاميكاز؟؟؟
اخص اخص اخصصصصص
لا ياستى كاميكاز ده يبقى الفراش بتاع المدونة هنا .. اللى بياخد باله منها فى غيباى .. من الاخر كدة شخصية خيالية ياستى هههههههههه
ايه ده بجد؟؟؟؟
ياخسارة انا عاملة البطاقة الجديدة
بس ماضحكتش فى الصورة
تفتكرى هتفرق؟؟؟؟
ههههههههههههههه
سعيدة بمعرفتك يالومى بجد
:)
تخاريف دكتور
ReplyDeleteتصدق بالله؟؟ الموبايل بتاعى بقا حتة حديدة مصدية .. لا بشحنه فلوس ولا كهربا كمان
عااااااااااااا
صباح الحياة الضاااااائعة
:D
تحياتى
S H A H
ReplyDeleteربنا يكرمك يافندم
اهلا بيك دايما وفى اى وقت
كاميكاز يرحب بزواره
زورزنا تجدوا مايسركم
نحن نختلف عن الآخرين .. خاااااااالص
:D
تحياتى
sendrlla
ReplyDeleteربنا يكرمك ياسندريلا
ايه رأيك احط كومنت علاء فى البوست نفسه هههههههههههه
منورانى ياجميلة
esraa
ReplyDeleteمن عنيا حاضر
كل يوم بيطلع اكتر من كدة يا إسو بس هكتب بيحصل ايه كل شوية مش هينفع كدة
تعبت
واتجننت
وهنجت
:D
أحمد عيسي
ReplyDeleteانت بتأطم فيا كدة ليه
:'(
:D
عادى لو مافيش كل ده هيبقى البوست كالتالى
صحيت الصبح ونمت
ههههههههههههه
HoNdA
ReplyDeleteالله يبارك فيكى يارب
بس مال الكمبيوتر مزهقق كدة ليه هههههههههههه
منورانى ياقمراية
:)
رفقه عمر
ReplyDeleteههههههههههههههه
مدونتى عملت فيكى كل ده؟؟؟
كلوا من الواد كاميكاز اللى فاضحنا ده .. تحبى اطردهولك؟؟؟
انتى بس تأمرى وانا ارميه من الشباك على طول
:D
ربنا يكرمك ويباركلى فيكى يارب
دعوااااتك بالله عليكى
منورانى بجد
اتفضل عندنا
ReplyDeleteهههههههههههههههههههه
هنعمل ايه يعنى ياحسرة .. طبيخ وغسيل وتهشيك بردو .. وظائف مقدسة يا أختشى ههههههههههه
ربنا يكرمك ياجميلة انا سعيدة اوى بمعرفتك والله
سكتم بكتم
ReplyDeleteالعفو اى خدمة
عملنا فيكوا جميلة اهوه
هاتوا البحر اللى عندكوا بقا
هههههههههههههه
fanan fa2eer
ReplyDeleteماهو الحر مزود الموضوع بقا
ربنا يستر ونعرف نصمد
دعواااااااااتك
HafSSa
ReplyDeleteربنا يكرمك ياحفصة يارب
لا الأنتخة حلوة مانكرش .. هنتبطر ع النعمة يعنى؟؟؟ .. بس الفراغ قاتل بعيد عنك
اااااه من العريس ومن الجيران وبلاويهم
الراجل عقدنى كل مايشوفنى يقولى البوقين دول اما اتخنقتتتتتتتتتتتت
يا مراكبي
ReplyDeleteالله يبارك فيك يارب عقبال انجالك يا ابو مها هههههههههه
اللهم امين ربنا يكرمك يارب
camera_girl
ReplyDeleteربنا يسعدك دايما يا كاميرتنا ياللى هارية مصر تصوير ههههههههه
كتبته من التهييس يابنتى وكل حاجة اتقالت حصلتتتتتتتتتت
وانا قلت ونبهت
واديت الرضعة للبت
هههههههههههههه
Just a Reader
ReplyDeleteعندك حق والله .. فعلا لازم نستمع بكل مرحلة
وشعار المرحلة اللى انا فيها دى
الحلة ع النااااار ولازم نقطع الخيااااار
هههههههههههههه
اهلا بيكى ياجميلة منورانى
الربان
ReplyDeleteكلامك صح جدااااا
اه والله اتكسفت
شوفت الزنقة اللى فيها وقعت؟؟
ههههههههههه
اهلا بيك يافندم
عقد الياسمين
ReplyDeleteربنا يكرمك ياجميلة
اللهم امين واياكى يارب
آميييين
SAKAyAR
ReplyDeleteههههههههههه حلوة علقت دى
ربنا يكرمك ويعزك يارب اميييييين
تحياتى
إبراهيم محسن
ReplyDeleteربنا يكرمك بس ايه أمارات التخرج دى؟؟؟
شعرى سنانى هتقع ولا حاجة؟؟؟؟
مش طويل ولا حاجة ده فى كلمتين خلص اهوه
يارب الاقى ادعيلى الله يكرمك
كلية اقتصاد يافندم .. ومش منزلى
ههههههههههههههه
mohamed
ReplyDeleteربنا يكرمك يا استاذ محمد
اهلا بيك
كراكيب عادل
ReplyDeleteيا اهلا بالمبدعيييين
التهيسة فضحتنى يعنى .. طب ده شئ كويس جدا ههههههههههه
واحسن مبدعين كمان
الصور اللى عندك تحفة بجددددد ما شاء الله لا قوة الا بالله
أمــانــى
ReplyDeleteهههههههههههه
طبعا يابنتى كفاية الجو اللى عندكوا
ده انتوا لو اتكلمتوا تنهجوا اصلا ههههههههههههه
منورانى ياقمر
mimi
ReplyDeleteسبحان الله .. تصدقى بعد ما قريت تعليقك وانا بقيت بنام بغل كدة .. باخد حقى بإفترا ههههههههههه
سلاماتى ليكى ياجميلة
حقى اهرتل
ReplyDeleteالله منا كمان حقى أهييس
ههههههههههه
غمض عينيك
ReplyDeleteههههههههههه تصفيق حاااااااااد
اهلا بيك يافندم شرفت المدونة
لو كوكو عملك اى حاجة إشارة بس وانت تشوف هعملك فيه ايه ههههههههه
تحياتى لك
semsem
ReplyDeleteالله يكرمك ده من زوقك بس
اروق؟؟ .. روقت المطبخ الحمد لله ولما اصحى هكمل ان شاء الله
:D
تحياتى
رينـــــــــــا
ReplyDeleteوانتى موتينى من التنهيدة يابنتى
هههههههههههه
رومانسية بجد يعنى
:D
mariamagdolen new
ReplyDeleteربنا يكرمك ياقمر
جامده اوى اوى
ReplyDeleteبجد انا فوجئت بالمدونه بتاعتك ...ازاى انا ماعرفهاش ؟؟؟
:)
تحياتى ليكى و ميرسى انك زورتينى و ابقى تعالى كتير
سلام
السلام عليكم ورحمة الله وبركاته
ReplyDeleteههههههههههههههههه
دي آخرت الحر بوظ دماغ 99,99% من الشعب ، المفروض ماكنتيش تعملي بوستات الا بعد الحر ما يخلص
بس قوليلي عرفتي تعملي كل الحاجات دي مع بعض ازاي ..... سلطه وطحينه واسانسير وجرايد وعيال صغيرين وغسيل..,....و....و...الله يكون في عونك
بقي بزمتك يا شيخه مش الكليه ارحم
يلاا ربنا معاكي
أحلي تهييس و الله
ReplyDeleteمدونتك راااااااااائعه
و يا ريت تشرفيني في المدونة
:)
هههههههههههه
ReplyDeleteبجد واضح ان انت مالكيش حل
تحياتى
وانا من الضحك سخسخت
ReplyDeleteومن كلامك اتعجبت
عشان انا زيك اتخرجت
بس كل العمايل دى مش عملت
يمكن لانه معنديش اخت وليها بنت
ولاجيران من رغيها صدعت
بس حقيقى يعنى وبجد
انا بمعرفتك فرحت
ومن تهييسك انبسطت
وبكلامك التلقائى استمتعت
وشكلى كتبت بدل التعليق بوست:D
كويس اوي بتعرفي تشغلي وقتك والله برافو عليكي
ReplyDeleteشاطرة
لينك لقيته ودخلت
ReplyDeleteشوفت البوست انبهرت
حبيت ارد تنحت
فأى حاجة كتبت
بعد ما إللى قدامى وإللى ورايا بعت
وفى زيارة مدونتك اشتغلت
قلت اعلق وطرت ....
يارب نفرح بيكي
ReplyDelete:)
برضه
هو الجرنان بتجيبوه بالليل ليه
ايه اليوم الزحمه ده
ReplyDeleteهو احنا كلنا كده يومنا فيه حاجات كتير
هههههههههه...يا دماغك
ReplyDeleteجامده جدا يا انسانه
تحياتي لكي
انا شفتك لما هيستى
ReplyDeleteوبصراحة ضحكت على اللى كتبتى
وضحكت اكتر على اللى عملتى
بس بجد هو ليه مفيش عريس فى ايديك .. انتى مش عارفة انهم بيوزعوهم فى ميدان العتبة ؟ ههههه
تهييس رائع
ههههههه
ReplyDeleteبجد جامده اوي الفكره دي
وانتي عامله ايه دوأت
هههههههه
هههههههههههههههههههه
ReplyDeleteحلوة اوي اوي اوي
اليوم عندك جميل اوي وفيه بركة .
ووصفك دمة خفيف أوي وجميل أوي
مدونتك جميلة
ReplyDeleteواضح انى هكون زبون دائم هنا
هحاول اقرا كل موضوعاتك من اولها لان بجد الاسلوب عجبني
والسلام
Hello, my friend! This day 8 I go for Africa. I go I stop next to abandoned children. When I to arrive, in October, go to visit you. I take you in my heart. Until always
ReplyDeleteDavid Santos
شفناكي لما هيستي
ReplyDeleteوفي البلوج وافتكستي
ههههههههههههههه
بس كده مافيش حاجه تانيه تتقال انا التعليق رقم 102
معتقدش اني حضيف حاجه على اللي اتقال قبلي
بس بجد بوست حلو
Shower-Mirror
ReplyDeleteربنا يكرمك يافندم اهلا بيك دايما
المدونة مدونتك
:)
تحياتى
خمسة فضفضة
ReplyDeleteااااه ماتفكرنيييييش الحمد لله الموجة انكسرت
تصدقى بالله؟
فى احداث تانية كتيرة حصلت مارضتش ادوش دماغكوا بقا هطفطسوا منى فى الحر ده هههههههههه
بصراحة .. ارحم بكتيييييييييييير
تحياتى ياجميلة
بحبك فى الله
:)
و القادم....أجمل
ReplyDeleteمبرووووك المدونة ياجميلة ويارب تبقى حاجة مهمة اوى كدة فى الفضاء البلوجرى
منورانى اوى
:)
اه يا دماغى
ReplyDelete:D
ربنا يكرمكككك
تحياااتى
SoRsaRaa
ReplyDeleteههههههههههه
والله واجدع بوست يا صرصارة الصراصير ياجميلة ههههههه
انا اللى اتشرفت وبتعليقك فرحت وبحبك فى الله بجد
:)
sendbad
ReplyDeleteمجبرة اختك لا بطلة
:((
The Manager
ReplyDeleteوانا بزيارتك اتشرفت
وبتعليقك انبسطت
ومن كلامك انبهرت
بصحيح يعنى طرت؟؟
ههههههههه
اهلا بيك يافندم شرفت المدونة
:)
تحياتى
عصفور المدينة
ReplyDeleteاللهم امين ربنا يكرمك
والله بيجى عندنا بالليل اعمله ايه
بس جرنان بكرة .. يعنى جرنان الجمعة نجيبه الخميس بالليل وكدة يعنى
:D
اهلا بيك فى المدونة يا استاذى
koukawy
ReplyDeleteكوكو الكميل عندى مرة واحدة
يا مرحبا يا مرحبا
منورانى بجد اوى
:)
micheal
ReplyDelete:D
متشكرة جدااااا
تحياتى ليك
:)
omar مشروع بطل
ReplyDeleteهههههههههه
عتبة ايه بس حرام عليك
هتبقى انت وعمو الحاج ده عليا
:(
ربنا يكرمك يااخى ويعزك يارب
تامر حسين
ReplyDelete:D
عاملة رز وبامية وبتنجان مخلل
أغرفلك؟؟؟
اهلا بيك وشرفت المدونة
:)
احمد رفعت
ReplyDeleteربنا يكرمك ويعزك يا استاذ احمد
اهلا بيك فى المدونة ونورت
:)
Islamist Bloke
ReplyDeleteياسيدى الله يكرمك
ده من زوقك بس
المدونة تحت امرك اقرا براحتك
بس اوعى كاميكاز يضايقك بحذرك اهوه وقد اذعر من انذر
:D
والسلام
david santos
ReplyDeleteThanks alot ...
:)
اسكندراني اوي
ReplyDeleteقل اعوذ برب الفلق
ايه يا استاذ اسكندرانى هنقر ولا ايه
:D
يافندم الله يكرمك ويعزك واهلا بيك فى المدونة دايما
تحياتى
السلام عليكم
ReplyDeleteلما يكون ده يوم واللى حصل دة مش بيتكرر تبقى مبلوعة لكن لو بيتكرر معاكى كل يوم
اوعى تكتبية تانى كان الله فى عونك
تحياتى
ReplyDeleteوانا قبل ما الاوضة دخلت
وقبل ما عالسرير اترميت
قولت في سري لانسانة انا لسه مش قريت
قومت من نومي وللكمبوتشر فتحت
وعالليستة بتاعتي ومدونتها روحت
وفتحت لسيادتها أخر بوست
عجبني كل الكلام في البوست
وقولت في سري لازم اسيب كوممينت
فروحت دايس على بوست أ كومنت
ورميت البوقين دولا بعد ما بسملت
وربنا يستر :)
تحياتي لك من ماناساس البلد
very nice and light blog!!!!!!!!!bs msh t3rfena bkolytk deh eh??
ReplyDeleteدمااااااااااااااااااااااااغ :):)
ReplyDeleteحلوة اوووى
والله جميلة انا كمان لسه قاريها اسلوبك خفيف ولذيذ واتمنى بنتى تكون زيك كدة بس هى بتحب الرسم اكتر
ReplyDelete