Monday, January 07, 2008

شئ من الحياة


بعد انتهاء جولتهما سوياً فى شوارع وسط البلد وقفت لتشاهد إحدى محلات المجوهرات الكبرى، لفت نظرها خاتماً رقيقاً ، إقترب منها ليرى لما لم تأتى لتركب معه السيارة ، فرآها تنظر لذلك للخاتم فنظر معها وأخبرها بأنه رقيق جدا..ه


إستدارت لتذهب للسيارة فوجدته يمسك يدها ويدخلها المحل ، إندهشت لتصرفه هذا .. فلا يوجد داعى ابدا لأن يشترى لها خاتماً جديداً ، لا توجد مناسبة على الأقل .. دخلا المحل وطلب من الجواهرجى ان يحضر لها ذلك الخاتم ، آتى به وإرتدته وهى تشعر بفرح شديد ، فى حين طلب هو من الجواهرجى ان يأتى بطاقم كامل رقيق أيضا ، لم تنتبه لما طلبه منه.. كانت معجبة جدا بالخاتم .. اقترب منها هامساً: "حياكل من إيدك حتة !" .. إبتسمت فى حياء بالغ ولكنها سرعان ما اخفت هذه الإبتسامة لعودة الجواهرجى بعدة اطقم ثمينة للغاية

"ها تختارى انهى؟؟"ه

"بس ده كتير اوى .. ما كفاية الخاتم!"ه

"حتتعبينى انا عارف" .. اشاح ببصره عنها موجهاً كلامه للجواهرجى: "هناخد الطقم ده من فضلك!"ا

كادت تطير من الفرحة لا للطاقم ولا للخاتم .. بل لحبه الأثمن من كنوز الأرض ولو اجتمعت ، خرجا من المحل وفى وجهها الفرحة .. نظرت للخاتم فى إصباعها وسـألته: "حلو عليا بجد؟؟"ا

وقف لثوانى ينظر لها دون ان يقول شيئاً .. كأنه يراها لأول مرة فى حياته .. ثم إنحنى وقبل يدها فى وسط المارة فى الشارع ! .. يا الله ! لم تعد قادرة على النطق من فرط حبه لها


ذهبا للسيارة وبدأ هو فى قول دعاء الركوب وبدأت هي فى تشغيل الكاست ليسمعا القرآن .. هكذا تعاهدا ان يفعلا كلما استقلوا سيارتهم فيكون الطريق كله ذكر لله .. بدأ فى تشغيل المحرك وإلتفت إليها مداعباً:" قلتى دعاء الركوب ولا نسيتى زى كل مرة؟! ".. اجابته بإبتسامة تعنى انها قالت الدعاء


انشغل فى القيادة وترتيل القرآن مع المسجل بينما سرحت هي مع الشوارع والناس ، تاهت فى بحر اعماقها ، كان يعلو وجهها ابتسامة رضا هادئة ، تذكرت يوم زفافها عليه منذ عشر سنوات و كيف كانت فى منتهى السعادة لانها ستصبح زوجة له ، لم تكد تصدق انها حقا ستكون زوجة لمن هو اكثر بكثير مما كانت تحلم وتدعوا الله به ، تذكرت لحظات كتب الكتاب ونظراته لها وهو يمسك بإيد والدها ويقول مع المأذون ، وحينما دخلت بيتها معه وأول كلماته لها: "نورتى بيتك وحياتى يا عروسة ! ".. ضحكت كثيرا حينما تذكرت كم كانت تخجل منه


كانت اسعد زوجة معه ، كانت تحمد الله بعد كل صلاة على نعمة هذا الزوج وكانت تدعى الله بأن يقبض روحها وهو راضى كل الرضا عنها ، حاولت إسعاده بشتى الطرق ولكنه لم يكن يحبها .. بل كان يعشقها كل العشق ، مرت ايامهم معاً هكذا ولكن بلا أطفال ! .. لم يشاء الله ان ينجبا .. قاما بفحوصات كثيرة جدا ولكن كل مرة تخلص النتيجة على انه لا يوجد مانع لديهما من الإنجاب ولكنها مشيئة الله عز وجل


ذات يوم عاد من عمله مبكرا فوجدها تصلى بصوت مسموع ممزوج بالبكاء! .. وقف ينظر إليها متعجباً .. لم يكن معاد أى صلاة وهى لا تأخر الصلوات! ، شعر انها فى حالة قرب شديدة من الله فلم يشأ ان يخرجها من معيته ... فقط وقف لينظر ، انهت الصلاة واخذت تدعى وتجهش فى البكاء بأن يرزقهما الله الذرية الصالحة .. رفق بحالها فجلس بجوارها واخذ يأمن على دعائها وهو يبكى كطفل صغير حتى انتهت .. هدأت ولكنها لم تشعر بوجوده بجوارها فأخذ يربت على اكتافها .. ما ان رآته ينظر إليها والدموع فى عينيه حتى انفجرت فى احضانه بالبكاء من جديد


كانت تحبه بجنون .. لم ترا منه سوا الخير، كان يخاف عليها من اى شئ وكل شئ ..كان كريم معها فى حبه ومشاعره وماله ووقته .. كان على استعداد ان يقوم بأى شئ لإسعادها ، كان جنة الدنيا حقاً ، كبرا سويا وحصل على منصبا محترما جدا فى الشركة التى يعمل بها .. وهى اصبحت خبيرة فيما يحبه وما يكره ، تحفظه تماما .. كانت له الزوجة والأم والإبنة والعشيقة والصديقة وكل شئ .. ارتضت به عن الأبناء وهو ايضا لم يفكر ولو لثانية فى ان يبتعد عنها


ذات يوم كانت فى المطبخ تعد له الطعام قبل ان يآتى من عمله .. عاد يبحث عنها فى كل انحاء المنزل وينادى عليها بلهفة.. اخبرته بأنها فى المطبخ .. دخل عليها فرحبت به وقال لها: "ليكى خبر حلو عندى"ه

"يارب خير؟؟"ه

"ممممم .. اتحايلى عليا شوية"ه

"يوه بقا متبقاش غلس .. ايه؟؟"ه

"حنروح نحج!!!!"ه

ما ان نطق بهذه الجملة البسيطة الصغيرة جدا حتى وجدها كالمجنونة لا تصدق ما سمعت ، فهى تارة تصيح من الفرحة وتارة تبكى من عدم التصديق .. آخذت تقبله بشدة وتسأله بإلحاح: "إنت بتتكلم بجد؟؟؟؟"ه


على ظهر الطيارة نظر إليها وسألها: "مبسوطة؟؟"ه

"الحمد لله .. طول عمرى نفسى احج اوى بس فرحتى دلوقتى فرحتين ، الفرحة الأولى انى ححج والفرحة التانية انى ححج معاك .. بحب عبادتنا لربنا سوا اوى .. يارب ربنا يرزقنا الذرية الصالحة"ه

"آمين يارب .. ححبهم اوى تعرفى ليه؟"ه

"ليه؟"ه

"عشان حيكونوا حتة منك انتى .. ربنا يباركلي فيكى ويخليكى ليا"ه


ذهبا وكانت من اجمل الايام حقاً .. دعا الله كثيراً بالذرية الصالحة ولكنهم دعوا ايضا بأن يرزقهم الله الصبر والرضا على كل شئ .. تعلما فى رحلة الحج ان يكثرا من الإستغفار حتى ينعم الله عليهم بالذرية .. ومن يوم ان عرفا هذه الطريقة وهما لا يتركا الإستغفار ابدا


ظلت غارقة فى الذكريات ولم تفيق الا بعد ان ركن السيارة وشعرت بيده على وجهها وهو يمسح دمعة نزلت رغما عنها وهى تتذكر حياتهما سوياً .. سألها بقلق: "خير مالك في ايه؟؟"ه

ابتسمت واخذت يده تقبلها بحنان واقتربت من اذنه هامسة : "انا حامل!"ه

51 comments:

  1. أول كومنت يا فرحتى يا فرحتى

    ازيك يا ياسو وحشانى مووت

    ايه يابنتى الدمعة كانت هاتفر من عيني
    كل دى رومانسية والنهاية يخرب عقلك انا بموت فى النهايات السعيدة

    ربنا يكرمك يارب


    اه
    روحى مدونة مشكلة وحلها انا غيرت اسمها وبقت شارك همومك
    وفيها مشكله جديدة
    http://moshkela-w-7alaha.blogspot.com/

    ReplyDelete
  2. عزيزتى
    احلا شئ نلاقى الزواج كوكتيل من العواطف الجميله والمشاعر الفياضه والحنان المتبادل بلا حدود
    بس الدنيا مش بتخلى اللى يحبوا يكون فى هذه الدرجه من الروقان
    ربنا يوعدنا ويسعدنا جميعا يا رب
    تحياتى
    سلام

    ReplyDelete
  3. ياسلام لو الدنيا تكون حلوة كده

    مشاعر جميلة ورايقة

    دمت بخير

    ReplyDelete
  4. جميله اوى اوى القصه دى
    واللى بيعرف ربنا ويتقيه ربنا بيجازيه خير عارفه انا سمعت ا/ عمرو خالد وهو بيحكى عن نفسه 9 سنوات من الزواج ولم ينجب
    ولماكان فى الحج قعد يبكى وسأل من حوله
    ان يدعو له بالذريه الصالحه وبعد ان هدأ
    اتصل بزوجته للأطمئنان عليها فأذا بها تخبره انها حامل وحاليا عنده ابنه على ربنا يبارك له فيه
    القصص دى بتحصل بس علينا ان نحمد
    ربنا فى كل الأحوال واكرم منه مافيش
    رااائعه ربنا يكرمك ياااارب

    ReplyDelete
  5. السلام عليكم ورحمة الله وبركاته

    جميله اوي يا ياسمين ماشاء الله عليكي
    اسلوبك سهل وممتع في نفس الوقت

    اعرف ناس كتيراوي كده فيه اللي ربنا رزقهم بالذريه وفيه اللي لسه
    ادعولهم

    ReplyDelete
  6. قصه جميله والاجمل نهايتها

    ReplyDelete
  7. ربنا يرزق كل بنات المسلمين براجل زى ده و يبقوا زى الست دى

    :)

    ReplyDelete
  8. أحلى حاجة هي النهاية السعيدة .. جالي إحساس بالأمل في الحياة مع نهاية القصة .. لأن أغلب القصص دلوقت مش كده بسبب إنعكاس ظروف الحياة على الكاتب والمتلقي كمان

    ReplyDelete
  9. جميله قوى ياسمين تسلم ايديك الاتنين احلوين دول
    يارب يكون فى الحقيقه مشاعر حلوة كدة

    ReplyDelete
  10. ايه دا

    لا لا لا جاااااااااااااااااامد

    اسلوبك رائع ولذيذ تحبى تكملى تشوفى ايه النهاية

    ايه البنى ادم والبنى ادمة دول

    ربنا يجعل بيوت الامة كلها كدا


    صعب اوى اما تلاقى الايام دى حجات من كدا

    بس الاكيد انه مش مستحيل طول ما ربنا معانا وموجود وحنا دايما فاكرينه

    اكيد هينور حياتنا كلنا بحجات زى دى

    تسلم ايدك يا فندم


    حقيقى...انسانة

    ReplyDelete
  11. السلام عليكم
    لا مش مصدقاكى لمستى قلبى جدااااااااااااا
    وعينى دمعت اوى
    بجد ابدعتى راااااااااااااااااااااااائعه
    تسلم ايدك بجد

    ReplyDelete
  12. وااااااااااااااو
    بجد تسلم ايدك
    ويسلم الانفوخ اللي تبعك
    اية القصص الرهيبة دي ايه كميه الحساسية والمشاعر الدقيقة الرقيقة بين الناس وبعضها دي
    هو دا الحب والا بلاش
    لو كنتي وجدتية ربنا يباركلك فية
    ولو لسة ربنا يرزقنا جميعا بناس
    تبلسم لينا حياتنا ونبلسم لهم حياتهم


    ليا اخت زنانه اسمها نوراني
    شافت بوستك وقالت دا لازم يبقي مقرر علي كل اللي نعرفهم وانا كنت اول سعداء الحظ وشفته
    ما اكذبش عليكي انا كنت بسكتها علشان تبطل زن
    بس بجد تحفة جدا وشكرا ليها وليكي
    اسمحيلي اضيفك عندي
    وايقي اجي من وقت للتاني اتابع ابداعك

    ReplyDelete
  13. ازيك يا قمر الاول
    يا ب تكوني بخير


    اولاااا
    القصه هااااااايله
    و طريقه سردك ليها حلوه بجد
    بس يا انسانه تفتكري في حد كده
    لسه في ناس عايشين جواهم الاحاسيس دي
    في ممكن حد يعامل حبيبه كده




    افتكر لا
    لا ده استحااااااله
    انتي رومانسيه بجد و عسوله قوي
    و انا محبطه قوي



    زيزي

    ReplyDelete
  14. مش غريبة
    أيوه
    أكيد مش غريبة
    بوست جميل و بديع زي كل مرة
    زي ما عودتينا دايما
    يا ياسو
    باتاكد انك بخير لما الاقي بوست كله تفاؤل و آمال جميلة و رقيقة
    ربنا يباركلك يا ياسمين
    خالص تحياتي
    احمد توفيق

    ReplyDelete
  15. انا بجد مش مدعت ولكنى شعرت ان قلبى بكى وبكى جدا كمان وفى ثوانى لقتنى ببتسم من النهاية السعيدة واجمل حاجة ان الحياة دى كانت لاتنين متدينين بالشكل دة

    ReplyDelete
  16. جميله بجد انا جسمى قشعر لما وصلت للاخر وهى بتقوله انا حامل

    اسلوبك روعه وفيها حاله جميله من الوصف بجد مافيش اجمل من القرب ل ربنا تلاقى كل امورك هانت

    ReplyDelete
  17. مين حكالك القصة دي
    :)
    سبحان الله بس بالنسبة لصاحبنا كانت سنتين

    ReplyDelete
  18. ما اجمل الأبتلاء الذي يجعلنا نتقرب من الله و نزيد من الأستغفار
    ************
    ويارب على اللى فى بالى

    سلام

    ReplyDelete
  19. لا اعتقد ان هذه القصه ممكنة التحقيق الان لان اغلب الزيجات تتم الان بين شباب و فتيات يتعرفون علي بعضهم لمدد بسيطه جدا قبل الزواج بسبب تعزر تزاوج من يحبون بعضهم مبكرا

    ReplyDelete
  20. السلام عليكم
    الله علي القصة الي بيها من عبر كثيرة
    مدي الحب الذي جمع بينهما
    وحبهما اكثر لطاعة الله ودام ذكره مع بعضهما البعض
    وصبرهما علي الانجاب
    نتمنبي ان نري هذا النموذج الورع الذي يحب ربه ويحب عبادته في كل بيت من بيوتنا

    ReplyDelete
  21. ما شاء الله ...قصه جميله و ممتعه بجد ..

    ReplyDelete
  22. جميلة ورقيقة و انسانية اوى

    الواحد لما يصبر ربنا حينوله طبله ان شاء الله

    قصة فيها عبرة و موجود مثلها فى الحياة كتير بس حاسة انك مبالغة شوية فى الزوج متهيألى مافيش راجل بيحب بالطريقة دى

    تسمحيلى باه بالمساحة الأعلانية دى ؟
    طب يا ستى ألف شكر

    ----------------------

    صاحب البوابة http://elbawaba.blogspot.com/ يدعوكم لحضور حفل أفتتاح دار النشر الخاص به ، حلم شاب تحقق بأمكانيات بسيطة - تجربة تستحق التشجيع - فى انتظاركم غدا الحميس 10 \ 1 \ 2008 الساعة السادسة مساءا فى مكتبة البلد 31 ش محمد محمود أمام الجامعة الأمريكية

    ReplyDelete
  23. جميييييييييل يا سمسمة
    بجد جميل ويلمس القلب من جوا
    والأهم ان نهايته سعيدة
    اسلوبك حميييييييل

    ReplyDelete
  24. انا فرحت قوى فى الاخر لما عرفت انها بقت حامل
    يارب يديم سعادتهم

    ReplyDelete
  25. رومانسية جداً.. وحالمة جداً
    بس بادينا نوجدها في حياتنا لو أردنا ..

    ReplyDelete
  26. كل سنة وانتى طيبة بمناسبة العام الهجرى الجديد هنئكى الله فية بحجة ان شاء الله

    ReplyDelete
  27. هكذا هي دائماً مكافأة الله لمن عاش حياته في ظل طاعته وتعامل بالحسنى ..
    قصه جميله وهي فعلا
    شبيهه بقصة عمرو خالد ..
    ربنا يبارك فيكي ويرزقني واياكي مثل هذا الزوج الصالخ
    ويرزق جميع الفتيات بمثله ..
    جـٌلّ تحياتي

    ReplyDelete
  28. ايه ده ايه ده بجد
    تحفه تحفه من اولها لاخرها

    كاتباها حلو اوى وختمتيها حلو اوى اوى

    بجد جميله اوى ولمستنى جدا .. انا بجد دمعت معاكى

    بس حاسه احساس جميل
    يارب يكون كل الناس يكونو كده
    تسلم ايدك
    اول مرة عندك بس اكيد مش اخر مرة
    سلامى

    ReplyDelete
  29. اعرف تلك القصه قرئتها واعيشها ومن فرط تفصيلها لا استطيع ان احدد ملامح ما اكتب من الدموع

    الا ان الجزء الاخير لم يتحقق على الاقل بعد
    ادعو الله ان تختم قصتي بمثل تلك الخاتمه لتكون بدايه لحياه جديده



    واحد متابعك جدا

    ReplyDelete
  30. أدعوك لإطلالة على تجربة لن تتمدد إلا بدعمكم
    هي صفحات تهدف لتقديم التراث المصري القديم بدون اختزال ولا بسترة ولا تضخيم
    هي مشاركة متواضعة ضمن المشاركات العديدة لخلق وعي بالهوية المصرية
    هذه الصفحات للمصريين فقط

    ReplyDelete

  31. الله ! عنجد القصة كتير حلوة
    روعة مش بس حلوة ..
    قلبي داب من كتر ما المشهد رقيق ومؤثر .. وبتمنى اعيشه واكيد معظم البنات عايزين حد يحبهم كدة

    تقريبا هاي اول مرة بعلق عندك .. بس متابعاكي من زمان .. واحييكي بشدة على كل كلمة بتكتبيها في مدونتك الشديدة الانسانية

    تحياتي :)

    ReplyDelete
  32. هقول ايه والله كنت خلاص هعيط بس تعرفى لو فى الحقيقة فيه ناس كده كانت الحياه بقى لها شكل تانى

    تحياتى لكى

    ReplyDelete
  33. مش عارفة

    مفيش حاجة في الدنيا كدا

    انت عارفة جرام الدهب بقي بكام ؟؟؟
    135 جنية غير المصنعية

    يعني لو جاب لها طقم

    يبقي هو مليونير
    و لو لسة متزوج من عشر نسوات ... يبقي بحسبة بسيطة الرجل دا يا وارث يا صاحب محلات زي التوحيد و النور علشان يعرف يجيب لها طقم كدا

    يعني القصة حلوة اي بس مش عارفة ... بمكن انا بقيت واقعية لدرجة اني مش بصدق انه فيه حاجة كدا علي سطح الارض ... ممكن في الجنة معلش لكن ...بردوا محدش يستبعد شئ عن ربنا :))

    دمت بحفظ الله

    ReplyDelete
  34. سؤال الى الكونجرس ألأمريكى والمنظمة الدولية لحقوق الانسان

    أين حقوق الانسان والديمقراطية من الأتجـــار بالبشر والعبوديـــــــــــة فى المملكة العربية السعودية
    تحت أسم نظام الكفالة المقيت متـى تتحرك أمريكا والاتحاد ألأوروبى ومنظمات حقوق الانسان فى العالم لالغاء نظام الكفالة والاتجــار
    بالبشر للقضــــــــــــــــــــاء على الارهاب والتطرف فى العالم


    http://gamal51.blogspot.com

    http://anameshm3ahom.blogspot.com/2007/12/blog-post_11.html

    http://kalam3eal.blogspot.com/2007/12/blog-post.html

    ReplyDelete
  35. وااااو

    ايه الجمال ده

    ما شاء الله عليكى

    بس فعلا زى ما اتقال ان الحياة ومتاعبها ومشاكلها مش بتخلى الزوجين فى الروقان ده

    بس تعرفى مش صعب الانسان يحاول

    ReplyDelete
  36. الله
    الله
    الله
    الله
    الله
    الله

    أحلى و أجمل قصة قرأتها
    ممكن فى حياتى كلها

    بجد عيشتينا يا أختنا حياة رائعة

    يا رب يرضى كل مسلم و مسلمة

    و يجمع بين كل قلبين أحبو بعض و رغبوا فى التكملة بصورة شرعية

    و يا رب يفرح قلب كل من رغب فى رضا الله بالزواج


    أنا مش عارف أوصف شعورى تجاه القصة

    لكن أنا هاحفظها عندى

    و أقرأها تانى و تالت و رابع


    جزاكم الله خيرا


    د.حمـــــــاس

    ReplyDelete
  37. بجد روعه يا انسانه
    انا اول مره فى ازور المدونه بس بجد جميله جدا

    ربنا يوفقك والى الامام دائما

    ReplyDelete
  38. ايه العالم اللي فلوسها جاهزة دي :@

    خاتم و طقم مرة واحدة و كمان على غفلة كده من غير ترتيب :@

    ماشي بكام في جيبه ده :@

    يللا اللي ادّاه يدينا :S

    ReplyDelete
  39. الله يا انسانة والله فعلا بجد الدموع نزلت خلاص من عينيا يرضيك كده بس بد روعة جميلة جدا واحساسها عالي قوى واهم حاجة شعورهم ببعض حتى في العبادة ربنا يكرمك يا قمر تسلم ايديكى

    ReplyDelete
  40. ياااااااة حلم جميل اوى
    عشت فعلا ف القصه وحسيت كل كلمه كتبتيها
    اى علاقه بين اتنين سواء اصحاب او ازواج وربط بينهم ف حياتهم طاعتهم لربهم كانت حياتهم فى اجمل ما يمكن
    ربنا يسعد كل الناس
    ويرزق بنات المسلمين بالازواج الحنينين المسؤلين الصاحلحين
    ويجمعهم ف الجنه دار الخلد وهما ماسكين ايد بعض لانهم اتقوا ربنا ف بعض

    وربنا يسعد ايامك يارب
    ما شاء الله موهبتك جميله وكلامك فوق الرائع
    ربنا يزيدك من نعيمه
    وتسعدينا دايما بكتابات الرائعه
    وان شاء الله مش هتكون اخر مرة ازور فيها مدونتك واتمنى انك تعتبرينى من اصدقائك واصدقاء مدونتك
    سلام مؤقت

    ReplyDelete
  41. كمية حب وصفاء ونقاء بصراحة يعني


    ميخرجوش غير من إنســــــانة فعلا

    تسلم ايدك بجد
    وعايزين من ده كتير لو سمحتي
    :D

    ReplyDelete
  42. جميله بجد يا سمسمه ما شاء الله
    واجمل ما فيها الامل اللى ختمتى بيه
    يارب اسعد كل زوجين ولا تحرم احدا هذه النعمه
    وارزق بنات المسلمين الذريه لصالحه
    امين

    ReplyDelete
  43. اية الجمال دة
    بجد بجد والله معارف اكتب اية
    قصة جميلة جدا جدا جدا
    وطريقة كتابة اجمل
    وطريقة عرض رائعة
    بجد جميلة جدا جدا
    والمدونة كمان جميلة جدا جدا
    استمتعت بزيارتها وحتي محسيتش بالوقت فيها
    شكرا انسانة علي الوقت الجميل الي قضيته في مدونتك الجميلة

    ReplyDelete
  44. اللــــــــــــــــه
    ما أحلاها من نهايه
    " أنا حامل"

    يا رب اكرمنا بالزوجه الصالحه امين يا رب العالمين
    ويا رب اكرمنا بالذريه الصالحه
    امين يا رب العالمين

    تحياتي يا ياسمين

    ReplyDelete
  45. و الله قصة لفيلم قصير ولا أحلى

    الدين مش بكلمة بيتشدق بيها ممثل ولا فتوى ضعيفة
    الدين في كل حياتنا.. الدين حياة
    احنا طول اليوم عايشين بربنا و لربنا

    مش هاطول

    بس هادعيلك تلاقي زيه و تكوني معاه زيها و مين عالم يمكن يقوللك نفس كلام بطل قصتك و تعيشوا قصة شبيهة بيها... بس مع اختلاف بسيط و جوهري في موضوع تأخر الإنجاب ده
    :)

    ReplyDelete
  46. بصراحةأنا كنت باقرأ واناباحاول اتوقع النهاية .................. انما مع كل فقرةكانت عينى تدمع من الروحانية اللى بتغلف كلماتك............................. تحياتى

    ReplyDelete
  47. بجد ما شاء الله على القصه حلوة جدا
    فى حبها ليه وحبه ليها وصبرهم مع بعض
    وربنا توج صبرهم دا بأنه سبحانه وتعالى رزقهم باللى كانوا بيتمنوه
    ربنا يكرمك يا ياسمين بقصتك دى

    ياربى هو فى كدا فى الحقيقه

    ReplyDelete
  48. تحفة تحفة تحفه..
    قدرتك عاليه جدا على توصيل احساسك الجميل ده فى جو ممتع وشيق وجذاب ورومانسى متغلف بجو دينى وروحانى رهييب بجد ..
    انتى موهوبه جدا والله ماشاءالله يعنى

    اختصرتلك انا التعليق على تويتر
    :D:D

    ReplyDelete
  49. الحمد لله انى لقيت مدونة ناعمة
    مش زى مدونة لاع يعنى نو
    http://la3ya3nyno.blogspot.com/

    ReplyDelete

الكلمـة نـور .. وبعـض الكلمـات قبـور