Monday, October 13, 2008

يارب انت المستعان

وكأن كل ده بيحصل والقدر بيرتبه عشان أثبت على موقفى اكتر سواء بالرفض لشئ او بالموافقة على شئ آخر
ه
يمكن كل ده بجد ربنا رتبه عشان اعرف اعيش بعد كدة ومافيش حاجة تضايقنى من ناحية الموضوع ده
ه
يمكن كل اللى حصل من اول ما اتخرجت كان عشان كدة
ه
وعشان اصبر واقول يارب
ه
وعشان امشى فى الطريق اللى ربنا اخترهولى
ه
وكأن كل شئ حصل من الاول خالص كان اكنى ماشية وقدامى طريقين ونفسى فى طريق منهم اوى اوى اوى
ه
وبعدين ألاقى الكل واقفلى ويقولى بلاش .. خدى الطريق التانى احسنلك
ه
كل شئ قالى كدة .. وكل حد .. حتى الظروف والملابسات
ه
حتى التفاصيل البسيطة اوى
ه
حتى الاحلام او المنامات اللى بشوفها
ه
او حد يشوفهالى
ه
حتى احلام ماما عنى
ه
حتى سطور كل كتاب بقراه
ه
حتى آيات القرآن
ه
حتى صوتى المخنوق فى التليفون
ه
حتى افكارى قبل ما انام
ه
حتى اللى بشوفه حواليا
ه
حتى الخنقة اللى انا فيها دلوقتى والقهرة اللى جوايا
ه
كأن كل ده حصل عشان اعرف ان كل شئ بأمر ربنا بس مش عشان اسباب الدنيا خالص
ه
لان ربنا اللى خلق الناس والدنيا وكل شئ
ه
وربنا قادر على كل شئ
ه
يارب .. انت العالم بحالى وغنى عن سؤالى
ه
يارب انت عالم باللى حيكون
ه
يارب صبرنى وعوضنى خير يارب
ه
يارب انت بس اللى عالم بالخوف اللى جوايا والقلق
ه
والرهبة الشديدة
ه
والرعب
ه
والدموع اللى جوايا ونفسها تطلع دلوقتى على هيئة صرخات مدوية
ه
يارب انا عارفة ان اللى انا فيه دلوقتى ده إبتلاء كبير
ه
يارب انجح فى الإبتلاء ده وتبقى راضى عنى
ه
وابقى اختارت سكتك وطريقك وقدرك
ه
يارب ده اللى يهمنى يارب
ه
يارب ياقادر على كل شئ نجحنى فى إبتلائك يارب
ه
يارب
ه
يارب افرغ عليا صبرا واهدينى لسبل الرشاد
ه
وطمن قلبى واهديه للى فيه الخير
ه
يارب أعينى وقوينى على اللى جاى يارب
ه
اللهم انت فى نحورهم وابعد عنى شرورهم وافوض امرى إليك
ه
يارب إهدى عليا الناس اللى بشتغل معاهم وصبرنى عليهم
ه
يارب اللهم آمين

30 comments:

  1. اللهم امين

    ليه بس الحزن الشديد دا

    انا بجد قلبى وجعنى وانا بقرا

    ربنا يكون فى عونك يارب ويفرج كربك

    اللهم امين

    ReplyDelete
  2. حبيبتي

    ربنا يرزقك الصبر ... ويرزقك بالسكينة والراحة في قلبك

    من ناحية القدر والنصيب

    ربنا بيكون مرتب من الواحد لسه صغير

    يعني ليا واحدة زميليتي دخلت الحضانة صغيرة في السن

    واتخرجت السنادي

    وقدمت في شركة مع زميلاتها في نفس الدفعة

    لكن مش قبلوها لان سنها صغير

    فسبحان الله

    مش مقدر ليها الوظيفة دي بترتيب من ربنا من وهيا لسه في الحضانة

    ومواقف كتير بتقابلنا

    بتكون بالشكل ده

    وساعات مش بناخد بالنا منها

    ربنا يرزقك الرضا والطمانينة

    ReplyDelete
  3. السلام عليكم ورحمة الله وبركاته

    ماتزعليش نفسك يا ياسمين ربنا مابيقدرش حاجه وحشه لاي انسان
    وان شاء الله بعد العسر يسرا

    بسم الله الرحمن الرحيم

    " مَا أَصَابَ مِن مُّصِيبَةٍ فِي الأَرْضِ وَلا فِي أَنفُسِكُمْ إِلاَّ فِي كِتَابٍ مِّن قَبْلِ أَن نَّبْرَأَهَا إِنَّ ذَلِكَ عَلَى اللَّهِ يَسِيرٌ ، لِكَيْلا تَأْسَوْا عَلَى مَا فَاتَكُمْ وَلا تَفْرَحُوا بِمَا آتَاكُمْ وَاللَّهُ لا يُحِبُّ كُلَّ مُخْتَالٍ فَخُورٍ
    "

    صدق الله العظيم

    اصبري واحتسبي وان شاء الله ربنا هايعوضك خير

    سلام

    ReplyDelete
  4. الصبر من عندك ياااااارب

    ReplyDelete
  5. ربنا يفرج همك ان شاء اللة ويوفقك لما فية الخير لكى فى الدنيا والاخرة

    ReplyDelete
  6. يا اجمل انسانة
    عليكي و على الدعاء ده ما تبطليش تقوليه

    " اللهم اجرني فى مصيبتي و عوضني عنها خير"
    و انت حتشوفى الخير كله ان شاء الله
    و اهم ما حتشوفيه الصبر على البلاء
    ماهو البلاء درجات و مختلف باختلاف الناس
    نسبي يعنى
    و لابنا يقويكي و يعوضك الخير كله يارب

    ReplyDelete
  7. يارب يا ياسمين ربنا يصبرك
    ويعوضك خير
    ويصبرك

    ما بنحبش نشوف مسحة الحزن هادي في مدونتك

    ان شالله بتكون فترة صغيرة وتعدي منها بسرعة

    قلبي معك

    ReplyDelete
  8. لا تزعلي حبيبتي فعسى ان تكرهوا شيئا و هو خير لكم
    و الحمد لله على كل شيء
    مادام ربنا اختارلك الطريق دي يبقى فيها خير
    سلمي امرك لله و متزعليش مفيش حاجة تستاهل
    و قومي صلي ركعتين
    و ربنا يفرجها عليكي
    دمتي في حفظ الله

    ReplyDelete
  9. ان بعد العسر يسر

    ربنا يلهمك الصبر .. وان الله مع الصابرين

    تممسكي يا أخت ياسمين

    وتأكدي ان الله معكي

    تقبلي مروري

    ReplyDelete
  10. هو الاعلم بالحال
    قربي اكتر
    امسحي دموعك واخضنى الانسانه اللى جواكي

    ReplyDelete
  11. اللهم امين
    بس ايه اللى حصل لدا كله
    اختارى الحب
    او الا حب
    فجبن الاتختارى

    ReplyDelete
  12. أسأل الله أن يفرج همك وعليك دوما بالاستخارة ودعاء الكرب

    ReplyDelete
  13. صديقتي
    أدعو الله أن يفرج همك وينفث كربك ويفك ضيقك ويرزقك الصبر ويخلفك خيرا مما أهمك وييسر لك كل عسير وينور دربك ويطمئن قلبك ويهديك سبيل الرشاد ويوفقك لما فيه الخير ويرضي عنك ويرضيك ويبارك لك فيما يعطيك ويضاعفه لك بكرمه ، ويجعل لك مخرجا ويرزقك من حيث لا تحتسبين .
    ورددي دائما قوله تعالي :
    بسم الله الرحمن الرحيم
    " حسبي الله لا اله الا هو عليه توكلت وهو رب العرش العظيم "
    صدق الله العظيم
    وقوله تعالي
    بسم الله الرحمن الرحيم
    " رب إني مغلوب فانتصر "
    صدق الله العظيم
    وأنصحك بقراءة كتاب " لا تحزن " للداعية الاسلامي السعودي " عائض
    القرني " ، لعله يكون مؤنسا لك في غياب مؤنسك الذي يحزنه افتقادك .

    ReplyDelete
  14. آمين يارب العالمين
    كإنك كاتبة الدعاء ده ليا
    أنا كنت في تجربة قاسية والحمد لله على كل حال
    ربنا يثبتك ويفتحلك أبواب رحمته
    أشكرك على الدعاء الذي أثلج صدري :)

    ReplyDelete
  15. ايه دا .. مين دا .. فين دا .. ازاي كده .. مين عمل ايه .. ايه يودي على فين ...
    مين دا اللي استجرى وداس على ديل جيري
    :@:@:@

    لالالا دا الموضوع باينله كده ماينفعوش حتة تعليق هنا وخلاص دا لازمله محادثات فورية طارئة

    ReplyDelete
  16. لقد خلقنا الانسان في كبد
    هو ده الانسان
    والله طالما في ابتلاءات يبقي ربنا فاكرك
    عارف انها نفس بشريه ساعات بتضايق
    بس اصبري واحتسبي
    وهوني علي نفسك

    ReplyDelete
  17. السلام عليكم
    ربنا يوفقك و يكرمك إن شاء الله

    ReplyDelete
  18. خيــر إن شــاء الله يا ياسمين !!

    بقاالي كثيييير ماعديتش من هنا

    أتمنى أن تزاح عنكِ الغمة إن شاااء الله

    ReplyDelete
  19. مش فاهم في ايه

    بس ربنا ييسرلك اللي فيه الخير ويريح قلبك

    ReplyDelete
  20. إنــســانـة ... فى وشهـا إبتسـامة فرحانـة وفـى عنيهـا دمعـة حيرانـة .. بتفـرح وتضحـك .. بتزعـل وتحـزن .. ومـن قلبهـا بتدعـى تخـرج علـى خيـر من دنيـانـا

    ReplyDelete
  21. السلام عليكم
    الواحد لازم يستعين برنا في اي حاجة هي فعلا تعباه جدا
    ويدعي ربنا
    واكيد ربنا حيفك الكرب والحزن

    ReplyDelete
  22. كل دة ولسة مخنوقة يا ياسمين

    ربنا يسعد قلبك يا رب

    بس متزعليش نفسك وتخلي زعلك هو الي يسيطر عليك

    ربنا معاك

    ReplyDelete
  23. و عسى ان تكرهوا شيئا و هو خير لكم و عسى ان تحبوا شيئا و هو شر لكم و الله يعلم و انتم لا تعلمون

    ReplyDelete
  24. يارب
    وايايا يااااااارب

    ReplyDelete
  25. السلام عليكم ورحمة الله وبركاته
    ربنا معاكى وان شاء الله شده وتزول وعسى ان تكرهوا شيئا وهو خيرا لكم والله يعلم وانتم لا تان بعد الغمه دى فيه فرج كبير وخير مستنيكى ربنا ما يجبش حاجه وحشه
    دومتى اطيب حال وان شاء الله البوست القادم اراكى فى فرح وسرور
    والسلام عليكم ورحمة الله وبركاته

    ReplyDelete
  26. قرج الله قلبك
    واذهب همك
    ويسر امرك
    وانزل سكينته في قلبك

    ReplyDelete
  27. بوصى ياسلوى
    اعملى اللى يرضى ربنا بجد
    حتى لو وصلتى لطريق مسدود بس طالما بيرضى ربنا حتلاقى ربنا فتحهالك من مكان ما كنتى متوقعاه خالص
    بس الاهم انك تعتمدى على اللع حق الاعتماد
    وربنا معاكى يارب

    ReplyDelete
  28. السلام عليكم
    بصراحة انا مش من هواة البلوجز.... ولكن

    انا مش علرف ايه الى شدنى للبلوج بتاعك ده

    ولاحظت ان ان مواضيعك من الهام قريحتك ومفيش نقل والكلام ده

    ولكنك تمرى بحالة شديدة من الحزن العميق .... مش عارف ليه كل ده والدنيا يا سيتى والله مش مستاهلة كل ده

    إلزمى الإستغفار وربنا اكيد مش بيسيب حد

    والله انا مش اعرفك قبل كده ... بس زعلان لان (بنى ادمة) زيك مش لازم تزعل خالص .... اضحكى تضحكلك الدنيا

    ReplyDelete

الكلمـة نـور .. وبعـض الكلمـات قبـور