Friday, October 03, 2008

عودة للحياة

مع الوقت معظم وسائل التسلية اصبحت مملة ولا معنى لها

فلا متعة فى النت الخنيق

ولا وقت مع الصديقات المشغولات

ولا بهجة فى مسلسل او مسرحية فى السهرة

ولا لهفة لخروجة وسط هذا الزحام والصخب

ولا فرحة فى الذهاب الى العمل

ولا ألفة مع بشر تملأ اعينهم الهم

او مكتوب فوق جبينهم بخط لا احد يراه غيرى

" عفواً .. لدي ما هو اهم منك لأعطيه وقتى " ه

حينها فقط اشعر ان القاهرة المزدحمة الصاخبة اصبحت فارغة تماما

إلا مني

لأبقى شاردة وحيدة حزينة

حينها فقط اشعر بحنينى لأصدقائى الحقيقيين

واحباء عمرى وحياتى

الكتب

فأعود لأقرأ

وأقرأ

وأقرأ

حتى ينتهى اليوم

ويمل الورق منى

وتتمنى الكلمات على استحياء ان اتوقف عن النظر إليها بهذا الإعجاب

والحب

والعشق

والشغف

وتتمنى الصفحات ان اتركها لتستريح من إرهاق يوم طويل

واطويها لتنام بداخلها السطورهانئة مستأنسة ببعضها البعض

فلا استجيب لأمنياتهم حتى يغالبنى النعاس

فأغرق فى بحور الخيال العميقة

واذهب بروحى لأماكن بعيدة

واستأنس بمن يصعب الإستئناس بهم فى الحقيقة

حينها فقط اشعر بالحياة رغم هذا الموت المؤقت

ويزداد داخلى العرفان والإمتنان

والرغبة فى الدعاء لمن علمنى كيف تكون القراءة

25 comments:

  1. طبعا مفيش شي يضاهي القراءه

    لكن ليه نظرتك لكل حاجه انها ممله

    حاولي تنظري لكل حاجه بنظره مختلفه

    اتمنالك السعاده من قلبي

    ReplyDelete
  2. برضه كيارا سبقتني
    مش عارف اعمل لها ايه بس اللي واقفة على باب كل مدونة دي :)

    يا ياسمين إنتي في نعمة إنك في بلدك و وسط أهلك و لاقية الكتب كمان
    انا هنا في غربة و مكنتش لاقي النت في الأول لمدة 4 شهور غير من سايبر كل فين و فين
    دلوقت الحمد لله بقى عندي لاب توب و دي إس إل
    و مش لاقي الكتب
    مفيش محلات بتيع كتب قديمة في البلد دي او يمكن فيه بس انا مش عارف اوصل لها
    و المكتبة الوحيدة اللي هنا مكتبة العبيكان و دي عملاقة و فخمة و ليها فروع في كل المملكة بس الكتب جديدة و غالية و أغلبها مش من الأنواع اللي بأحبها
    :)
    و النت ساعات و التلفزيون بيخنقوا فبيبقى نفسي أنزل مع أصحابي لكن مفيش مكان نتفسح فيه هنا
    هنا مفيش حد بيمشي على رجليه في الشارع
    كل الناس راكبة عربياتها و الارصفة فاضية كأنها مدينة مهجورة رغم الأضواء و المحلات الفخمة
    مفيش وسيلة للتسلية غير النت و الدش
    حتى القراية الواحد محروم منها
    و الشغل سيستيماتك
    كل يوم زي اللي قبله و زي اللي بعده و زي النهاردة
    و الواحد بيحلم إمتى تفوت أول سنة و أنزل مصر الشهر الأجازة

    اقولك حاجة
    قولي الحمد لله
    انا رغم كل حاجة بأقول الحمد لله
    عايزة ترجعي مرحة و جميلة زي الأول و مش عايزك تكتئبي خالص لإن لو انتي إكتأبتي أنا أعمل إيه
    :)

    ReplyDelete
  3. السلام عليكم ورحمة الله
    شعور قد ينتاب البعض منا
    فمع زحمة الحياة ومتطلباتها
    فجأة يحتاج الإنسان أن يتركها
    ولكن سرعان ما يعود

    ReplyDelete
  4. احسن قرار اتخذتيه

    مونى صاحبه رسالة فى الحياة
    فى كلمة بجد انا حاططها منهج فى حباتى

    اصحاب الغايات لا يعدمون الوسائل

    عجبتى حلك

    القراءةوالكتابة

    فعلا القراءة بتزود و بتنسى

    يلا نشوفك على خير و افضل و اكثر تطويرا

    وبس

    ReplyDelete
  5. احيانا بتكون القراءة هى المتنفس الوحيد و النافذه اللى بنطل منها على العالم اللى احنا عاوزينه و اللى بنختاره بأنفسنا مش بيتفرض علينا

    ReplyDelete
  6. السلام عليكم
    أدعي للي علمك القراءة
    و أحمدي ربنا إنك قادرة تنسي كل اللي قلتيه و تقري علشان في ناس مش عارفة تعمل حاجة في حياتها علشان تخرج من اللي هي فيه

    ReplyDelete
  7. ياسمين اخيرا زارت مدونتى
    يابنتى المدونه كانت عطشانه لتعليقك حرامك عليكى تحرميها منك
    مالك ياسمين انت لازم تتعايشى مع حياتك وانتى اللى تحليها جربى تكونى انتى مصدر سعاده للاخرين لا تنتظرى من الاخرين يكونوا مصدر سعاده لكى
    لما تسعدى اللى حواليكى هاينعكس السعاده عليكى
    وبخصوص الكتاب دة اوفى صديق وامتع جليس انا لما اكون وحيده الكتاب هو اللى بيخرجنى من وحدتى
    اندمجى ياسمين مع الحياه
    هى اول سنه تخرج كئيبه شويه معلش بكره تتعودى انك مسئوله
    وتنسى مرحله الجامعه والدرسه اللى كانت كلها ترفيهى وعدم مسئوليه
    ربنا ييسر لك الخير ياسمين
    حاولى تسعدينا زى زمان

    ReplyDelete
  8. كويس انك بتحبى القراءه
    والكتاب عموما احسن صديق
    اما بالنسبه لاصحاب والناس صحيح فيه مشغوليات عند كل واحد بس يعنى مش لدرجه دى
    بس الصراحه اسلوبك كويس فى الكتابه
    مبروك عليكى صديقك الكتاب

    ReplyDelete
  9. تعبيراتك جميلة .. هنيئا لك العودة

    ولتتلون ورودك السوداء بالوان الحياة

    ReplyDelete
  10. حتى القراءة يا ياسمين ساعات كتير بيبقى في منها حالة ملل
    فعلا
    الحياة بقت مملة
    الظاهر فعلا ان كلما زادت وسائل التسلية والترفيه زاد الملل
    تحياتي

    ReplyDelete
  11. جامدين اوي البقين اللي بالفصحى دول ياعم الجيري
    ;)

    صحيح جيري اما يتنطط يعمل اكتر من كده 676 676 676

    :1:1

    ReplyDelete
  12. حبيبتى كل سنة وانتى طيبة ويارب اشوفك في احسن حال
    ليه بس حالة الملل دى حاولي تخرجى نفسك منها باى حل بس لا تكثري من الجلوس لوحدك اندمجى بين البشر اعتقد انه حل
    اما عن القراءاة فهى بالفعل غذاء للنفس ومقدرش اعيش من غير ما اقرأ
    اسمع منك وعنك دايما خير بإذن الله

    ReplyDelete
  13. أجمل حاجة والله تعمليها

    القراءه هى غذاء الروح

    أسلوبك حلو جدا جدا

    كل سنة وانتي طيبة

    تقبلي تحياتي

    ReplyDelete
  14. اذن هي خير صحبة..
    ولا خير في كثير من نجواهم الا ......

    هنا ..شيء محزن..
    ان كنتِ فرحانة فلا تدخلي
    وان كنت عكس ذلك
    أيضًافكري قبل ان تدخلي


    http://shakhabit2.blogspot.com/2008/10/blog-post.html

    ReplyDelete
  15. لونك حزايني ليه كده؟

    بس القراية حل كويس برضه

    فين أيام كوميديا الكاميكاز

    ReplyDelete
  16. عارفة يا قمر اني كنت لسه بفكر ان كل حاجة كنت بحبها زمان بحس دلوقت انها مملة ومش بستمتع بيها؟حتى المسرحيات القليلة اللي كنت بحبها بلاقي نفسي بطلت اتحمس لها او اتحمس لحاجة غير ابني وزوجي أو كتاب جديد
    تفتكري ليه الحاجات فقدت متعتها بالنسبة لنا؟
    كل سنة وانتي طيبة

    ReplyDelete
  17. مالقيش عندك كتاب أبلة نظيرة والأربعين حرامي ؟؟

    ReplyDelete
  18. ولو عاوز اي خدمة انا موجود انا فعلا عجبني المدونة بتاعتك
    كلميني علىالاميل ده
    mohamad_elmlk@yahoo.com
    عشان نتناقش في بعض الحاجات

    ReplyDelete
  19. انا عجبني جداا المدونة بتاعتك ولو عاوزة نتناقش في اي حلجة كلميني على الاميل ده

    mohamad_elmlk@yahoo.com

    ReplyDelete
  20. القراية والكتب
    من اكتر الحاجات اللى بتحسسنى بقيمتى
    وانى بعمل حاجة مفيدة ف الدنيا
    وهى انى اثقف نفسى
    بقالى كتير مقرتش
    هفكرارجع تانى اقرأ

    يخربيت الحزن اللى مالينا ده
    ربنا يسعدك :)

    ReplyDelete
  21. i wnna leave a comment months ago
    every time wonderful words

    hw can u feel bored as u leave this smile over these faces reading 4 u :)

    " i made my profile 2 write this comment asln"

    ReplyDelete
  22. Things r not that black in spite that I love the pic y3ni ;)

    U huv to make some effort to huv a social life beside ur books coz u canot live all ur life wiz it sa7 wala la2 ??

    ReplyDelete
  23. عجبني اوي التعبير والتشبيهات للي استخدمتيها في كلامك
    وبجد احساس جميل اوي انا مفتقده اليومين دول في ظل السرعة الرهيبة اللي ماشية بيها الحياه اللي بتخلي الواحد مش قادر انه يقعد ويقرأ

    تحياتي

    ReplyDelete
  24. محتاجة حركة تغيير


    ربنا يوفقك

    ويديم عليكي نعمه

    ReplyDelete

الكلمـة نـور .. وبعـض الكلمـات قبـور