Thursday, January 18, 2007

بقايـا إنســان


تفوت سنيـن
.
ويفضل جوايا
.
بقايا إنسـان
.
براويز صور عالحيطان

.
شخابيط حلم إبتدى
.
شوية ورق ألوان
.
كل ورقة بسنـة
.
واللون عنوان
.
تفوت سنيـن
.
ويفضل جوايـا
.
بقايا إنسـان

.

37 comments:

  1. ومهما كبرتي
    ومهما رحتي برضه هتبقي انسانة
    بسيطة يمكن حزينة اه بس عنيكي ابتسامة فرحانه
    هتفوت سنين
    وهتبصي للماضي الحزين
    هتلاقي شخابيطك
    هتبصي عليها وترسمي محيطك
    وتضحكي وتقولي ياااااه
    بقي هي دي كانت الحياه
    وازاي يا ورقي بقيت صفحة بسنة
    دةالعمر للدرجة دي كان صغير وبره ملقتش الهنا
    هههههههه يعني مهما قصرت ولا طولت
    برضه هو انا
    يا ستي اضحكي بلا هم
    واياكي وحرقة الدم
    اصلك مهما روحتي ومهما جيتي
    برضه هتبقي انسانة

    ReplyDelete
  2. جدميل ان رغم مرور السنين يفضل الانسان جواكي, بس الانسان بحاله مش بقايا منه
    البوست بحد جميل جدا ولمس حاجه جوايا.

    ReplyDelete
  3. حلوة اوى يا ياسمين
    احساسك باين مع انك كاتبه كلمتين
    بس يابنتى هقولك
    الانسان جاى الدنيا رحلة بينقل معاه ممتلكاته و غصب عنه كل مدى بيتخلى عن شخص أو مبدأ أو فكرة لحد ما فى الآخر بيوصل للمصير بماتبقى

    يعنى ده هو الطبيعى
    المهم ماتفرطيش فى حاجه شايفاها مهمه


    _____________

    أخبار الامتحانات ايه

    ReplyDelete
  4. انتي سايبة المذاكرة وقاعدة تكتبيلي في شعر

    ايه ده احنا هنخزر
    قومي ذاكري يللا
    انا راجل مخلص امتحانات
    يعني اقعد براحتي

    لكن اللي لسه ماخلصوش
    ميلمسوش الكمبيوتر

    بس ايه الجمال ده

    الظاهر ان الامتحانات زي مابتطلع كأبة
    بتطلع ابداعات كمان

    بس برضو هاتقومي تذاكري

    ايوه كده
    لازم ازعق يعني

    بالتوفيق ياااااارب انتي وكل اللي بيمتحنوا

    ReplyDelete
  5. الله .. جميل قوي

    فعلا .. مهما تفوت الأيام يفضل جوانا مسحة من جمال قديم

    إشتغلت كتير .. بأسافر كتير . مشغول كتير .. عندي هموم كتير .. لكن لما أقعد لوحدي .. تختفي كل الأقنعة دي وبأرجع تاني .. إنسان

    لسة فاضل جوانا .. الإنسان

    ReplyDelete
  6. اهم حاجة اننا مايضيعش مننا الانسان خلال رحلتنا فى الدنيا


    لان هو ده اللى هيبقالنا


    احييكى

    ReplyDelete
  7. الانسان هيفضل انسان مهما حصل ومهما مرت ايام

    ممكن نحزن وممكن نكره واحيانا ممكن ندمع بس في الاخر هنرجع تاني نضحك على كل الي حصل

    علشان الانسان من النسيان

    سلامي ليكي

    ReplyDelete
  8. سمراء النيل
    ههههههههههههه
    ايه يابنتى ده .. بتشعرى فيا
    وبعدين ايه الكلام الجميل ده .. المفروض اشيل البوست واحط الكلام ده بجد
    ربنا يكرمك يا إنجى
    انا مش حزينة ولا حاجة بس ده اللى طلع معايا بناسبة السنة الهجرية الجديدة
    وهى سنين وبتعدى
    وقريب إن شاء الله هيبقى عيد ميلادى وهعجزززززززززز ههههههههه
    هتلاقينى بعيط فى البوست مش بس حزينة هههههههه
    نورتينى يا قمراية

    ReplyDelete
  9. esraa
    هو بيفضل الانسان كله يا إسرء بس السنين بتاخد منه اهم حاجة فيه .. واللى هى عمره ده غير لحظاته الحلوة
    فأعتقد أنه بيبقى بقايا مع شوية ذكريات مش إنسان كامل
    فرحانة انه وصلك ولمسك
    وانا مش جامدة فى الكتابة اوى ولا حاجة .. اهى شوية حاجات بتطلع وخلاص
    سلام يا إسو ونورتينى

    ReplyDelete
  10. أنا حـرة
    ياسميناااااااا
    وحشانى والله بحد
    مش بمزاج الواحد يا سمسمة .. ممكن حاجة مهمة هى اللى تسيبنى .. زى ايام الكلية اللى قربت تخلص ومش هشوف صحابى زى الاول
    الحمد لله ماهى كان لازم هيجيلها يوم وتخلص يعنى

    الحمد لله كويسة فى الامتحانات وإدعيلىىىىىىىىىىىىى
    سلام يا ياسمنتى

    ReplyDelete
  11. amr ahmed
    ايه اللى جابك هنااااا
    برااااااااااااا
    هههههههههه
    ربنا يكرمك إبداع ايه بس ده انا بعك بس
    بطل ذل فينا بقا ربنا يسامحكواااا
    لنااااا الله
    سلام يا استاذ

    ReplyDelete
  12. يامراكبى
    اهلا بيك فى المدونة لأول مرة
    فعلا مهما كبرنا ومهما رحنا ومهما جينا بنفضل إحنا ..بتوع زمان
    شكلنا بيتغير .. مسؤليتنا بتتغير .. حتى عناوينا بتتغير
    بس برضه إحنا .. ولو حتى من جوانا
    شرفت المدونة وإن شاء الله ماتكونش آخر مرة

    ReplyDelete
  13. carmen
    سعات نقدر نحافظ على الإنسان جوانا .. وسعات كتير صعب
    زى فيلم جعلونى مجرماً كدة
    مقدرش يحافظ عليها وبقى حد تانى مجرم
    قيسى على كدة مواقف كتير اوى
    مع مرور السنين والايام حبة حبة الطفل اللى جوانا بيروح .. ولو حتى موجود يبقى مش مسموحله يبان عشان إنتى واحدة مسؤلة دلوقتى ومانتيش صغيرة
    الكلمة الطبيعة اللى دايما بتتقال
    مع إنك مهما كنتى مسؤلة فانتى إنتى .. زى مانتى من زمان
    اللى بيفرحك هو هو واللى بيزعلك برضه
    وعندك حق ..اللى بيفضل الإنسان
    تحياتى ليكى

    ReplyDelete
  14. بيسوو
    عندك حق والله
    النسيان ده نعمة كبيرة اوى
    لو الواحد منسيش هتبقى الحياة جحيم
    يمكن النسيان ده هو اللى بيفكرنا بالإنسان اللى جوانا مهما عدت عليه ظروف كتير
    بينساها ويرجع إنسان زى ما كان

    مدونتك جميلة اوى على فكرة
    واهلا بيكى لاول مرة عندى
    وإن شاء الله ماتكونش آخر مرة

    ReplyDelete
  15. انتى انسانة جمييلة


    ومش جواكى بقايا انسان

    لا انتى بجد انسانة

    احساسك عالى وواضح اوى


    تشكرات افندم

    ReplyDelete
  16. مش مشكلة السنين تفوت المهم ايه اللى بنحققه و بنعمله فى السنين دى
    يعنى ممكن واحد عاش 20 سنة و كأنهم 100 سنة بانجازاتهم
    و ناس تانية زينا كدا تعيش 100 سنة و لا كأنهم 5 سنين حتى :(

    ReplyDelete
  17. مش هطول عليكى والك واقول كلام فلسفى انا مش فاهمه .... البوست جميل ... سلس و بسيط بس وصلنى

    لمسنى من جوه

    بس خلاص
    :)

    ReplyDelete
  18. الفكرة ان كل واحد فينا ساعات بينشغل بالحياة والمشاكل لغاية ما ينسى هو مين وعايز ايه ..وبعدين يقعد مع نفسه او مع حد قريب منه فيكتشف انه بعد جدا عن نفسه وعن طريقه فيرجع تاني

    مممكن التعليق يكون بعيد عن اللى قصدتيه بالبوست بس ده احساسي الخاص بيه

    وشكرا ليك ِ جدا على البوست الجميل

    ReplyDelete
  19. zordeak
    متشكرة على الكلام الجميل ده
    اللى انا اقل منه بكتييييييير
    ربنا يكرمك ويعزك يارب

    ReplyDelete
  20. enas
    عندك حق يانوسة
    انا فاكرة وانا فى سنة اولى كلية كانت احلامى عاملة إزاى
    وبشوف دلوقتى وانا فى رابعة حققت منها ايه
    فرق شاسع فى التنفيذ وفى الاتجاه اساسا

    المهم سيبك انتى .. انتى منورانى والله

    ReplyDelete
  21. كريم يوسف
    لا مش بعيد ولا حاجة
    فعلا عندك حق .. متاهات كتييييييرة بجد بنتوه فيها
    واكبر متاهة هى الدنيا نفسها .. بحرها واسع وصدقها كاذب وملهاش صاحب..ربنا يخرجها من قلوبنا
    اللهم آمين

    متشكرة ليك جدا
    وجزاك الله خيرا

    ReplyDelete
  22. wow
    الامتحانات بتعمل كده
    دي حلوة اوي يا ياسمين مختصرة لدرجة تبهر ومتصورة جدا جدا
    ما شاء الله عليكي

    ReplyDelete
  23. الله احساسك هايل قوى

    كلام بيهز المشاعر

    تحياتى

    ReplyDelete
  24. العزيزة الإنسانة ياسمين
    مهما دار الزمان يابنتى
    مش حيفضلك غير الإنسان اللى جواكى
    أنت فهمة أنا قصدى
    إية علشان انا مش فاهم

    ReplyDelete
  25. اهم حاجه انك تعرفي تحفظي على الباقية
    المتبقيه
    منك

    بوست حلو
    وتحياتي ياجميل

    ReplyDelete
  26. This comment has been removed by the author.

    ReplyDelete
  27. كل ورقة بلون

    ايوة كل ورقة ليها معنى
    كل ورقة ليها معنى
    ياترى كل ورقة فيها لون ابيض؟

    هكذا سيكون انسان لا بقايا انسان

    ReplyDelete
  28. انا كنت رديت على بوست هنا
    مش عارفه راح فين
    كميكاز مبقاش شايف شغله خالص
    مش هينفع كده
    جميل ان السنين تمر
    والحياه تاخدنا بماديتاها
    لكن يتبقى دائما جوانا الانسان الللى بيحس وبيحزن وبيفرح من غير اى تزيف ولا تداخل مادى فى مشاعره
    البوست حلو يا ياسمين
    بس شوفى ايه حكايه البوست اللى اختفى ده:)))
    تحياتى

    ReplyDelete
  29. جميل قوى معنى كلامك
    بس كلنا جوانا أنسان أو بقايا أنسان وكلنا بنبص للماضى ونقول ياه أحنا عملنا أيه وكنا بنعمل ايه وهانعمل ايه فى المستقبل المهم أنه جوانا أنسان وخلاص

    ReplyDelete
  30. طيب الحمد لله ان الواحد لسه فيه بقايا انسان بعد اللى بيحصل للواحد من احداث ومشاكل وظروف وهموم والم سواء على المستوى الشخصى او على مستوى البلد او على المستوى العالمى يعنى حاجات تخلى الواحد يخرج من ادميته ويتحول لاى حاجة غير انسان

    ReplyDelete
  31. gamila awii ya yasmin
    kolna b2ina bakia ensan

    nd cong for publishing it u deserve it

    ReplyDelete
  32. رحتوا جيتوا فاكرين نيسيتوا هتلاقونا يوم ما تيجو زي ما احنا زي ما احنا

    بحب نجاة اساسا

    المهم مهما حصل ان شاء الله مش في بس بقايا
    انتي انسانة كاملة و وحشاني بجد و كلنا جوانا الانسان الجميل مهما حصل بس المهم اننا ننفض الغبار عن انفسنا عشان يظهر الجانب الخير فينا
    وحشاااااااااااااني

    ReplyDelete
  33. وقع بيان المدونين للتضامن مع عبدالمنعم محمود
    شارك بتوقيعك
    أنشر البيان في كل مدونة تعرفها
    ساهم في حرية المدونين .. وحرية منعم
    http://free4monem.blogspot.com/

    ReplyDelete
  34. متعودنش منك ع الحزن ده..ومن كلامك حاسس انك اقوي من انك تكوني بقايا انسان مهما حصل

    ReplyDelete
  35. أنسانة ده اسم مدونتك
    و صفة طبعا
    و بتاكد وجهة النظر اللى بتقول
    ان الانسان انسان
    يا هيعيش انسان حتى لو مات هيفضل انسان
    و هيتحاسب فى الاخرة انسان
    فمفيش حاجة اسمها بقايا انسان
    ممكن الانسان من الاول مش يكون كامل انسان
    او ممكن يكون انسان بس واقف عند نفس المستوى فحاسس بملل عدم تتطوره
    بس الانسان انسان مولود علشان يعيش الحياة
    يعبد ربنا و يبدع فى رسالته
    ربنا يسعدك و تفضلى دايما انسانه
    بما تحمل من معانى و صفات
    و سلام :)

    ReplyDelete
  36. أنسانة ده اسم مدونتك
    و صفة طبعا
    و بتاكد وجهة النظر اللى بتقول
    ان الانسان انسان
    يا هيعيش انسان حتى لو مات هيفضل انسان
    و هيتحاسب فى الاخرة انسان
    فمفيش حاجة اسمها بقايا انسان
    ممكن الانسان من الاول مش يكون كامل انسان
    او ممكن يكون انسان بس واقف عند نفس المستوى فحاسس بملل عدم تتطوره
    بس الانسان انسان مولود علشان يعيش الحياة
    يعبد ربنا و يبدع فى رسالته
    ربنا يسعدك و تفضلى دايما انسانه
    بما تحمل من معانى و صفات
    و سلام :)

    ReplyDelete
  37. المهم أنك تحاول تكون انسان

    ReplyDelete

الكلمـة نـور .. وبعـض الكلمـات قبـور