Wednesday, May 30, 2007

مبنى الجحيم

مش حتكلم عن عمارة آيلة للسقوط

ولا عن مشكلة العشوائيات

هتكلم عن مبنى الجحيم
أيوة هو اللى فى الصورة ده

إتفضل معانا وانت تشوف بنفسك
المبنى اللى بنمتحن فيه حالياً
مبنى الجحيم



فى مبنى الجحيم .. هى دى أرضك
حاسب يابنى .. السلك يكعبلك


وهى دى سماك
السقف اللى ممكن ينطربق فوق نافوخك فى اى لحظة


هنا هيمتحنوك .. وسط عمليـات البناء وصوت الدق
شوية أسمنت على ورق الإجابة مش مشكلة يعنى


هيبقى حواليك فراشة الأفراح .. او المآتم .. مش فارقة كتير
المهم إن الكراسى قطيفةةة



والخشب اللى طالع من الشبابيك ده أساسى
عشان يمنع المعلومات من التطاير طبعا


والعمال هيتفرجوا عليك
خليك فى حالك ياعم الحاج


وشوية ديسكات "مدشدشة" لزوم التركيز


وهينضفولك الأرض مخصوص كمان.. إبسط ياعم


هيبقى فى بس حبة مسامير صغننة خاااالص
لزوم شياكتك المعهودة

وهتلاقى طريقك مسدودُ مسدوُ مسدود

اما هنا بقا .. فلا تعليق بجد

المهم خد بالك وانت نازل ع السلم
امسك فى صاحبك كويس عشان تقوعوا سوا


ولاااااازم تاخد الخطوة دى .. نحو مستقبل مشرق



واوعى تقرب هنا

الكهربـــــــا خطــر

أما دى بقا حاجة عاملة زى بيت جحا
بتعطيش الجيم


وإياك تهوب هنا
هتبوظلنا الديكورات يابنى


ولا هنا كمان .. الدبشة والسراميك يا اعمى

مسموحلك بس قبل ما تمشى تدعى
ربنا يخرجك من مبنى الجحيم على خير
.
*****
انا قلتها كلمة حكمة
.
العلم نور
والنور كهربا
والكهربا خطر
إذن .. لا داعى للعلم
.
حسبى الله ونعم الوكيل

160 comments:

  1. يا ساتر



    ده اسمه استهتار بالانسان


    الله يكون بعونكم

    ReplyDelete
  2. This comment has been removed by the author.

    ReplyDelete
  3. هههههههههههههههه

    لأ عندك حق فعلا الكهربا خطر

    جو مشجع فعلا

    وديسكات تفتح النفسسسسسس
    lol

    البوست ناقصه حاجة واحدة بس
    أغنية
    "
    ما تقولش ايه اديتنا مصر
    "
    هههههههههههههه

    ReplyDelete
  4. بيعودوكوا على النجاح فى الظروف الصعبه

    ReplyDelete
  5. oh my GOD

    ايه المصيبة ديه

    يخربيت الاستهتار و الاستعباط بجد


    دي لجنة امتحان

    مش عايزين لجنة بتكيف يعني
    w armchair

    لكن صحية بتاعة بني ادمين

    ربنا معاكي يا بنتي
    ومعانا

    ReplyDelete
  6. ايه يا ياسمين الجيش بيقول اتصرف يا ماما
    عادى بيطبقوا شوية نظم تعليمية و نفسية جديدة عشان الولاد اللى بياخدوا إعفا و البنات مش بيدخلوا الجيش بس بردو لازم يتعلموا و يتربوا يا أمى أمال نربى النشئ ازاى
    و بعدين كراسى الفراشة دى بيستخدموها فى العزاء كمان يعنى مش لازم تبعث على البهجة ولا حاجة
    على فكرة بقى يا سيمو احنا روحنا لسامى السيد امبارح و قال ان ده عشان مبنى الامتحانات بقى تبع تجارة و مش فيه مكان غير فى مواعيد بعد الظهر و إن السنة الجاية ان شاء الله هايمتحنوا فى الكلية بس على مدة أكبر عشان الكلية مش تقضى الاعداد دى كلها
    بس و الله الراجل كان لطيف و ذوق و قلناله يخليهم يبطلوا شغل وقت الامتحان عشان الاسمنت اللى بيقع على نفوخنا و على ورقة الزفت :S
    و قالنا آه طبعا و كان مستغرب انهم بيشتغلوا وقت الامتحان و قال انه هايجى و هايتصرف و اللى عاوز يغير الديسك بتاعع يجى قبل الامتحان بشوية و هو بيبقى موجود
    يعنى لا تقلقوا يا جماعة الأمن مستتب ان شاء الله
    8-)
    سلام بقى عشان عندنا 188 صفحة تاريخ الفكر الاقتصادى لازم يتذاكروا عشان الامتحان يوم الأربعاء تحت الانقاااااااض

    ReplyDelete
  7. ما حدش بياكلها بالساهل
    !!
    العجيب إن في كل بلاد العالم الشغل ده بيكون طواري ومتخطط في غير أوقات الذروة
    عندنا مش حاقولك عشوائي لأ تحسي إنه وقت الزحمة

    ReplyDelete
  8. سبحان الله .. دول عايزين يخلصوا منكوا بقى .. أنتوا عملتوا لهم إيه ؟؟

    تعرفي إن في كليتي طول الخمس سنين المبني اللي كنت باخد فيه معظم المحاضرات والسكاشن .. اسمه مبنى كهربا ودا كان احدث مبنى في الكلية .. وكان وياللعجب

    آيل للسقوط وبيترمم

    بس الحمد لله لسه عايشين

    وإنتي كمان إن شاء الله تعدي من الكوميديا دي وتبقى تحكي لولادك بعد كده ولا تنزلي كتاب .. مغامرات كاميكاز في الفي إي بي إس

    :)

    ReplyDelete
  9. علشان لما تاخدى الشهاده تحافظى عليها
    وتحلفى بالتعليم فى مصر وبإنك اخدتى الشهاده رغم كل الظروف الصعبه اللى اتعرضتلها
    لكن العلم كان الهدف الرئيسى فى حياتك
    ربنا يكون فى عونك يا بنتى

    بس عارفه انتى ظروفك أهون بكتير
    أنا كنت بمتحن فى حاجه معروفه هنا فىالمنصوره اسمها الخيمه
    دى عباره عن خيمه كبيره جدا بتساع الدفعه كلها
    كانت عباره عن اسطبل للحمير فى الصيف
    ولجنه امتحان لل........ فى الشتاء
    :)))
    مش بقول التعليم صعب والشهاده مش سهله

    ربنا معاكى يا بنتى
    تحياتى

    ReplyDelete
  10. بجد ومن الاخر
    الله يكون في عونكوا
    انتوا عايزين يعني تتخرجوا كده من غير اي عاهه مستديمه
    واحده تقع كده تتكسر رجليها او تتكهرب او سقف يقع عليها
    ايه هو التعليم عندنا في مصر ببلاش

    ReplyDelete
  11. ههههههههههه

    لا بجد

    هههههههههههههه

    وجاية تتريقى عالزقازيق

    اجرى بقى انتى وكاميكاز بتاعك

    :p

    ههههههههههه

    حرام عليكى يا مفترية

    اخر سنة ليكى فى الكلية وقبل متمشى تفضحيها

    نسيتى فضل الكلية العريقة عليكى

    نسيتى انك بقالك اربع سنين بتاكلى وتشربى وتنامى آآآآ احم قصدى تتعلمى فيها


    نسيتى الكلمة السحرية اللى علمتهالك

    اللى بتخلى كل مستحيل ممكن

    مصر يا ياسمين


    مصررررررررررررر


    هيا دى مصر يا عبلة

    ويبقى انت اكيد

    اكيييييييييييييييييييد فى مصررررررر


    بلادى بلادى بلاااااااااادى

    واذا كان العلم نوور

    والنور من الكهربا

    والكهربا خطر

    فبلاها العلم احسن

    والعلم لا يكيل بالبتنجان

    :D

    ReplyDelete
  12. ازيك يا جميل
    ده امتحان ولا انتحار
    هههههههههههههههههههههههههههههههههههههههههههههههههههههههههههههههههههههههههههههههههههههههههههههه
    صحيح محدش بياخدها بالساهل ههههههههههههههه
    ما قولتيش دى جامعة ايه علشان ارفعلك عليهم دعوى واخسرها هههههههههههههههههههه
    معلش بقى ربنا يكرمك يــاااااااااااااااارب وينجحك يااااااااااااارب آمــــــــــــــين وكل اخواتنا اخوانا يــــــااااااااااااااااارب آمـــــــــــــين

    ReplyDelete
  13. yasmin belnosba le mabna el 2mt7anat 2na mosh ha2ol 5er la ta3lik , te7si fe3lan 2n le mo3amla 2damya we el kolya betwda3na el wad3 el tamam 3shan matensish el kolya 3omrik 7ata 3s3ab el la7zat wa2t el 2mt7nat

    ReplyDelete
  14. yasmine i went to ur website and read alot it is great yasso and the strange thing and made me happy that felt alot of the feelings u expressed which made me feel that am not the only one who feels like that,which mean that ur wriitings r not fake ones they r so real and so beautiful

    ReplyDelete
  15. حسبي الله و نعم الوكيل
    المشكلة فعلا
    إنه بتحصل مشكلة
    و بتكون في الارواح
    لك الله يا مصر

    ReplyDelete
  16. اييييييييييييييييييييييييييه
    فكرتينى بالذى مضى
    دنيااااااااااااااااااا

    شكلك كدا فى جامعه عين شمس يابنتى:D:D:D

    البلاوى دى متطلعش الا من هناك

    نفس اللى كنت بشووووووووفه بالظبط
    كانت حاجة كدا تفتح النفس على الامتحان

    ReplyDelete
  17. عادي يعني

    بيبنوا بيكو المجتمع

    ReplyDelete
  18. nsety t2olelhom n 3shan yd7'olo el mkan d bydf3o 4000LE 8(

    ReplyDelete
  19. اسمحيلي أقولك اني شوفت مباني امتحانات أشكال وألوان بس زي ده ماشوفتش أبداااااااااا
    حسبي الله ونعم الوكيل مش عارفة هما عاوزين يوصلوا البلد علي فين؟
    ومبروك ياجميل انك خلصتي الكلية ولو أنها فعلا هيبقي ليها وحشة
    ونورتي مدونتي بالزيارة وان شاء الله نبقي أصحاب :)

    ReplyDelete
  20. ههههههه
    صباح الدماغ يا بنتي
    اعملوا حجه المبني بقي
    بس بصراحه صور خرافه

    ReplyDelete
  21. ربنا على الظالم والمفتري...اي ظالم واي مفتري بقى..قوليلي يا ياسمين انتوا بتجحوا ازي؟
    اللهم لاحسد يعني...بس ازاي بجد؟
    ربنا معاكي ويطلعك منها على خير هي دعوتي المفضلة ايام الامتحانات

    ReplyDelete
  22. ايه ده ياياسمين
    ربنا معاكم يابنتي
    بس عادي
    كده يبقي انت أكيد اكيد في مصر

    ReplyDelete
  23. هههههههههههه

    الله عليكى فكرتينى بايام الامتحانات ,,على فكرة انا كنت مرة بمتحن جنب كوبس كهربا مكشوف والسلوك طالعة بره ومكنتش عارفة اقعد

    انا من ذكائى قولت المها وادخلها جزا الكوبس ..اتكهربت وعملت قفلة خلت الكهربا تقطع من المبنى كله والمرواح وقفت والناس دعت عليا

    مع انى كنت مصدومة من الكهربا قبل الامتحان لكن الحمد لله جبت تقدير جيد

    مفعول الكهربا شديد وبيجى بفايدة

    ربنا يوفقك انتى وكل الى بيمتحنوا

    ReplyDelete
  24. هما اكيد عاملين اسكان شباب

    هيجوزكوا بعد ما تتخرجوا

    طب والعمال بيغنوا هيلا هيلا صلي علي النبي
    ولا ايه النظام

    ReplyDelete
  25. مرة زمان اوى

    فلا المدرسة مرضتش امتحن لان المدرس

    بصلى بصة وحشة

    وبما انى كنت فى مدرسة بلاش ذكر اسمها وزلا المصارسف

    مش عارف لية ابويا عمل كدة اصلا

    مع ان المفروض كنت اخد دروس انحراف

    المهم


    لما دخلت كليتنا العريقة وجامعتنا الجميلة

    عرفت

    ان

    البلد دى عبارة عن محاولة للحياة تبوء

    دائما بالفشل

    ReplyDelete
  26. ههههههههه يا بنتى دول محترمنكم والله

    انا فاكره ايام مكنا بنمتحن زمان يعنى ايام مكنت بدرس
    كانوا بيمتحنونا فى الكوليدور الى قدام (التواليت ) محدش يضحك اكيد فاهمين بقى اننا كنا بنجاوب ....على الريحه

    اقولك كمان ..امتحنتى قبل كده فى الشمس على الرصيف؟

    والنبى انتم فى نعمه
    بس خدى بالك من الردشه علشان ميجرالكيش حاجه

    الله يكون فى عون طلاب مصر الحره
    تحياتى

    ReplyDelete
  27. يا خبر

    معلش معلش

    ابتسمي انتي في مصر

    عااااااااااااااااا

    تحياتي

    ReplyDelete
  28. شيء جميل جدا والله عشان يعودوكوا على انكم هاتحلوا مهما كانت الظروف يعنى مثلا لو عندك امتحان وفيه خشبه هاتقع عليكي هاتسيبي الامتحان وتقومى
    طبعا لا
    بينشفوا عضامكم
    وانتى قلتيها كلمه حكمه
    حسبي الله ونعم الوكيل

    ReplyDelete
  29. كله عارف انه العلم ملوش لزمة يعنى اتعلمتوا ما اتعلمتوش ركزتوا ولا مركزتوش عيتيوا ولا معيتوش طلعوا عنيكوا ولا مطلعتوش
    متوا وطبعا ده احسن ولا موتوش
    كله محصل بعضة واحمد زى عم الحج احمد

    ReplyDelete
  30. الاهم ان ربنا طلعك من الجحيم بالسلامة والاهم برضه انك بعد كل العذاب ده تنجحي انشاء الله
    اما اللي بيحصل ده فهي دي مصر يانسانة
    تحياتي

    ReplyDelete
  31. تكييف طبيعي
    وأرض فرشها التراب -مش هنعود للتراب-؟؟
    والسقف منه منناظر السما الطبيعية

    والسلالام على الطراز القديم

    والديسكات أثرية..من أيام محمد علي

    آخر عظمة خالص

    ReplyDelete
  32. لازم يسيبوا بصمتهم برده دى اخر سنة بقى تسيبوا الكلية من غير ذكريات المبانى الجامدة دى

    بس المبنى جاامد صراحة انا من راى تسيبكم من الامتحانات و تساعدوا العمال علشان يلحقوا يخلصوا المبى قبل السنة الجاية ان شاء الله

    ReplyDelete
  33. طيب في حد عندكم بيعدي يقول
    حاجة ساقعة بيبس ... مولتو شيبس و مياه معدنيه مناديل مناديل مناديل
    باحس اني قاعد في سوق العتبة انا كمان

    ReplyDelete
  34. لما يبقى المكان ده اللي بتمتحنوا فيه يبقى انت اكيد في مصر
    بيني وبينك ده افضل مكان تمتحن فيه مصر كلها لأنه شبه التعليم وشبه كل حاجة في مصر خرابة ليس الا
    ربنا يكون في عونكم بجد بس تفتكري الشهاده اللي هتخديها في الاخر تستاهل منك انت وزميلك كل المخاطرة دي ... وعجبي

    ReplyDelete
  35. متسيبي الناس تشتغل في حالها
    وبعدين هو انتي في ايه ولا فيه يعني لو امتحنتي في جنينة حتاخدي بالك يعني
    اهو ساعتين تلاتة في جهنم والمادة تخلص وكل سنة وانتي طيبة
    واهو كله للاجيال اللي جايه
    ههههههه

    ReplyDelete
  36. لازم نستحمل لحد ما الفرج يجي
    بس فرج لو مجاش ممكن
    اخوه ييجي بداله
    يعني فيهم واحد هيجي
    متقلقيش

    ReplyDelete
  37. شرفتى مدونتى باسم انسانة ـ ولما قريت التعليقات على البوست دة لقيت بعض المعلقين بيناديكى باسمك ـ ياسمين ـ ودة اسم اغلى حاجة عندى على سطح كوكب الارض وهو حفيدتى ـ ياسمين ـ ذات الاعوام الثمانية

    عندى سؤال بجد شكلة وحش لكن مش قادر امنع نفسى من ان اساله

    المبنى دة فية دورات مياة تصلح للاستخدام الادامى خاصة للطالبات ؟

    ارجو الاجابة وبدون احراج لان الهدف هو كيف ان هذا الوضع الاانسانى كافى ان يضيع مجهود مذاكرة طول العام الدراسى لاى طالب وطالبة ـ ولولا ان الصور بتفضح المسؤل عن هذا التهريج كنت قلت انك بتهزرى دة شئ اغرب من الخيال

    ReplyDelete
  38. ايوة عشان منه امتحانات ..ومنها اختبار اعصاب

    يعنى بيشوفوا هتعملوا ايه لو قامت حرب مثلا او ايه

    عندنا بنمتحن فى قاعات امتحاناتنا كده ....الفرق انهم كانوا بيوضبوها واحنا بنمتحن ...ههههههههههه

    كان الترم الاول واحد بيمحر الحيطة اللى قدامى جوا القاعه ...والامتحان شغال ...عك فى عك...والحمام مكنش شغااال...ولازم نمشى لغااااية تجارة عشان نوصله

    برضه عشان لما تتخرجى ان شاء الله تبقى واخده علامة الجودة والبقاء ...مع شهادتك...

    بسا

    ReplyDelete
  39. ده جوانتيناما ارحم من ده !!!
    بس عادى ,,,يبقى انت اكيد فى مصر !
    ....
    كلام فى سرك انا مرة امتحنت فى w.c
    وحياة جوز خلتى حصل

    عادى بقى كويس انك لقيتو ورق اجابة !!!
    تحياتى

    ReplyDelete
  40. هو مش هنا مدونة انسانة يا اخواننا و الا ايه؟
    ايه الكراكيب دى و فين كاميكاز افندى؟
    و الا هو بقى بيه خلاص

    ReplyDelete
  41. ازيك يا ياسمين .. يارب تكونى موفقة فى الامتحانات وتعدى على خير ...
    وبعدين بجد الصور روعة والتعليقات اللى تحتها أروع زز انتى بقى سايبه الأسئلة والمراجعة قل الامتحان وقاعدة تصورى فى مبانى الحكومة الالكترونية بتاعتنا ؟؟؟؟ وبعدين انت زعلانة ليه؟؟ انت ماسمعتيش قبل كده عن بناء الجيل الجديد ؟؟؟ انتوا مش عاجبكم حاجة؟

    ReplyDelete
  42. مش كفاية الوزراة بتمتحنكم يا غجر


    ههههههههههههه

    لا بس انتو كراسيكم متنجده على ايمنا كان الوضع مش لطيف كده :)

    بس تقولى ايه
    هى دى مصر يا عبله
    ركزى انتى فى الامتحان بدل ما تبحلقى و تذبهلى بالديكور

    موووواااا

    ReplyDelete
  43. nirfana

    يااااااااارب ادعيلنا الله يكرمك

    وشرفتى المدونة لأول مرة

    :)

    ReplyDelete
  44. مبرمج حر

    لالالا الاغنية دى بقت قديمة خلاص

    كاميكاز بيسمع " ماشربتش من نيلها؟؟؟" .. طب مادخلتش مبانيها؟؟ .. ولا جربت تمتحن فيها؟؟؟

    هههههههههههههههه

    ReplyDelete
  45. Mohamed A. Ghaffar

    يارب يبقى بالنجاح يااااااااااااارب

    ReplyDelete
  46. Epitaph

    شوفتى يا جوج يا حبيبتى

    عاااااااااااااااااااا

    لنا الله بجد

    ربنا معاكوا ومعانا يابنتى يااااارب

    ReplyDelete
  47. lost in the web

    بسسسسسسسسسسس يا ايناس احرمينىىىىىىى
    يابنتى ده الدكتورة كانت بتعدى .. لالا دى كانت بتتعذب ياعينى والمسمار عمل الواجب فى الجاكيت بتاعها يابنتى

    وتشيل فى انقاض ديسكات وبهدلة سودا

    ده ايه الذل ده

    وتعرفى بقا الحمد لله انى روحت ومروحتش معاكوا لسامى السيد عشان اعرف اعمل البوست بغيظ ههههههههههههههه

    اعمل ايه فى قلبى الطيب يابنتى

    يلا روحى زاكرى فالراس ومارشال الملغى ركزى عليه ههههههههههههههههه

    ReplyDelete
  48. عصفور المدينة

    طبعا عشان يركزوا فى الشغل اومال ايه

    انا بحس انى مش فى بلد وانى فى سيرك قومى الصراحة

    يلا الحمد لله على كل حال

    اهلا بيك لأول مرة فى المدونة يا استاذى وان شاء الله ماتكونش اخر مرة

    :)

    ReplyDelete
  49. ma_3alina

    هييييييييييه ربنا يستررررررر

    خلاص هانت ودعواتكم بقا عشان نخلص والحق أألف الكتاب عشان الاحفاد زى ما بتقول

    او سولى ممكن تقراه لما تكبر شوية

    اهيه تشوف امجاد خالتها بردو

    :D

    ReplyDelete
  50. REEMOO

    اسطبل حمييييير

    يا ستار يارب

    اعووووذ بالله .. معلش يابنتى الحمد لله انك طلعتى منها

    وابقى ادعى لاختك بقا

    وبعدين مش كفاية الموااااااااد اللى تفتح النفسسسسس لا كمااااااااان المبنى جحييييييييييييييم

    حسبى الله ونعم الوكيل بجد

    ----------------------
    ومنورانى دايما يا ريمو ربنا يبارك فيكى

    ReplyDelete
  51. مـحـمـد مـفـيـد

    امييييييين

    لالالالا مش ببلاش والله

    واللى محدش يعرفوا ان اللى زيينا فى قسم انجليزى يعنى بيدفع دممممممممم قلبببببببببه بجدددددد

    عشان فى الاخر يمتحنوه فى المكان العجيب ده

    دعوااااااات حضرتك بجد

    وازاى عبد الله صحيح؟؟؟ .. سلملى عليه اوىىىىى وقوله كاميكاز كمان بيسلم عليك يا عبده

    :D

    ReplyDelete
  52. zordeak

    ضحكتنى وانا ماليش نفس حرام عليك

    هههههههههههههههههههههههه

    طب بذمتك يا شيخ لو جاتلك الفرصة انك تفضح مهنة الطب من اولها لاخرها مش بس الكلية مش كنت عملتها؟؟؟
    ههههههههههههههههههههههه

    وتسيب الطب واللى بتشوفه من الطب .. كفاية المعزة الحامل يا شيخ
    هههههههههههههههههههههههه
    وساعتها بقا تروح لعزت الأمير وتحترف معاه وتبقى فلة

    وسمعنى احلى صدى صوت بقا
    ههههههههههههههههههههه

    ReplyDelete
  53. أمــانــى

    اميييييييييين يااااااارب

    ازيك يا جميلة انتى

    فعلا والله حاجة غممم

    دى جامعة القاهرة يا ستى وعايزة القانون ياخد مجراااااااااااااه

    طلب كاميكازى صغنون
    ياريت لو تاخدى كاميكاز معاكى محامى تحت التمرين اهوه يساعدك بردو

    الواد قاعد بينش من اول ما فتحنا المدونة

    :(

    ReplyDelete
  54. Yara Gamil El Agamy

    fe3lan ya benty shaklohom 7aso enna za3laneen 3ashan a5er sana isA, fa 2alo newarehom el 3eem el RED

    looooooool

    ReplyDelete
  55. Heba Yousry

    Thanks for your words begad
    & i'm so happey that you are here

    :D

    ReplyDelete
  56. jasmin

    وهو ده اللى مخوفنى يا جاسمن وبدعى ربنا يستر منه

    تحياتى ليكى

    :)

    ReplyDelete
  57. رينـــــــــــا

    لا يابنتى عين شمس ايه

    لالالا دى ورا الشمس نفسها على ايديك اليمين كدة وانتى داخلة من كوكب الزهرة بالمترو

    هههههههههههههههههه

    دى جامعة القاااااااهرة

    ReplyDelete
  58. Xee

    لا عادى فعلا

    خلاص بجد ياما دقت ع الراس طبوووول

    :)

    ReplyDelete
  59. eman

    la la la

    kolo ella el deqa ya benty

    it's 4000LE we kosooor

    3aaaaaaaaaaaaaaaa

    ReplyDelete
  60. fanan fa2eer

    لا قول براحتك خاااااالص

    لسة بمتحن والله يا فنان

    ودعواااااااااااتكم بجدددد

    ReplyDelete
  61. جواد بري

    الله يكرمك يا جواد

    الصور دى صنعة ايديا وحياة عنيا ههههههههههههههههههه

    لا بجد حسيت انى صحفية وعمالة القط الصور والكل بيبصلى ويقول ايه المجنونة دى بتعمل ايه

    بس الحمد لله عملت السبق ولحقت الطبعة الاولى كمان هههههههههههههه

    دعواتك الله يكرمك عشان الامتحااااااانات

    ReplyDelete
  62. بيسوووووووووووو

    وحشانى اوىىىىىىىىىىىى يابنتى

    بصراحة مجربناش ننجح قبل كدة فى الجو ده يابنتى .. دى اول مرة يمتحنونا فى المكان العجيب ده

    بس دعوااااتكم بقا يارب ننجح وتنجحى انتى كمان

    اميييييييييين

    ReplyDelete
  63. esraa

    امييييييييين

    فعلا احنا اكيد اكيد فى مصر

    ومبنى الجحييييم يتحول لجنة ... والطلبة جوااااه مالهمششش حصصر

    يبقى انت اكيد اكيييييييد فى مصر

    :D

    نورتينى ياقمر ويارب ينجحنا كلنا وينجح منة اللهم اميييييييين

    ReplyDelete
  64. shlapia

    ههههههههههههههههههههه
    جيتى تكحيلها عمتيها وكهربتها يابنتى

    اميييييييييييين يارب دعواتكم بجددد

    ReplyDelete
  65. اده اده

    تصدقى مش ااخدت بالى غير دلوقتى ان ده المبنى الجديد بتاع التعليم المفتووح اللى فى الملاعب

    هههههههههههههههههههههه

    معرفتش غير من صورة لورقة ملزمة من ملازم حقوق ....لاء احنا كده فى القاعات فى نعمه ...بغض النظر عن الكراسى المخلعه وخلافه .....

    ربنا يكون فى عونكم


    بس بصى للجانب المشرق

    عندكم كراسى قطيفه ...ههههههههههه

    ReplyDelete
  66. انا الاول قلت انك بتدلعى ايه يعنى تمتحنوا فى المبنى ده بس بعد ما كملت الصور حسيت اد ايه الاهمال و التخلف و الاستهتار للمسئولين عن المهزله دى والى خلاكم تتمحنوا فى مبنى لسه تحت الانشاء بالشكل ده


    و كمان حكاية الدسكات دى عندك حق فيها لانى كنت بعانى منها كتير جداً ايام الكليه و طبعاً استحاله يسمحولك انك تجيبى حاجه تسندى عليها


    ربنا معاكى و يطلعك من المبنى على خير

    تحياتى

    ReplyDelete
  67. احلى زغروطة للسيد الباشمهندس الحاج وزير التعليم اللي لامؤخذة عالي
    و العالي عالي و الواطي واطي
    و مفيش فايدة



    عملتي اية في الامتحانات اهم حاجة؟
    ناجحة ان شاء الله
    اوروفوار

    ReplyDelete
  68. أيوة أيوة
    حظكم ماشي
    كل حاجة تمام
    والجو مهيأ تماما
    وياريتكم بتفلحوا

    الله المستعان

    ReplyDelete
  69. اعتقد الزنزانة دى قصدى اللجنة دى للتلبة الفاشلين اللى مش بيذاكروا
    هموا لو بيذاكروا كانوا عملوا ليهم لجنة حلوة بفراشة الحاج زينهم انور

    وبعدين الكلام ده بيطبق فى الجامعات الكبيرة فى مصر بس
    يعنى عمرك ماتشوفى الكلام ده فى جامعة ام ايمن ولا ام ترتر حتى

    ReplyDelete
  70. "FEPS", 2al feps 2al :S ... mn barra halla halla w mn gowwa ye3lam Allah :S

    la2 la2 ya gama3a, ana mesh keda w da mesh kalamy w de mesh tare2ty by default, da mn 2asar feps "el ... :@" 3alayya :1 :1 :1

    7atta 2es2alo jerry, eee asdyyy yasmine, w heyya te2oloko meen tom ;)

    ReplyDelete
  71. مش عارف اقول لك

    اني استمتعت بالصور؟
    مايصحش
    بس بصراحة
    استمتعت بها جدا
    لان الصورة اصدق تعبير


    الله يكون في عونكم
    الله يكون في عوننا كلنا

    ReplyDelete
  72. الوووووووووووو
    حوووووووول
    ليكى عندى تاج يا قمر
    تعالى استلمى:D:D:D

    ReplyDelete
  73. اهلاااااا بالفبساوية ....

    يا جماعة بجد و الله العظيم الصور دى شئ و احساسك و انت جوا المبنى شئ تانى خالص ... انا و لا فخر كنت اول واحدة اخد الصدمة و ادخل اللجنة ... يااااااااه ... جتلى كريزة ضحك اصلا ... ماهو لا كنت هضحك لا كنت هعيط و مكنتش طلبة عياط قبل الامتحان ... و يا سلام بأة لما الاعداد الغفيرة كترت و الاقدام تسببت فى تطاير التراب و حدوث شبورة ترابية تشوف ايدك منها بالعافية اصلا مش تشوف الورقة ... و احلى ما فى الموضوع الحشرات اللى تلاقيها بتتفسح ... انا و انا قاعدة فى امان ربنا بحل امتحان الاقتصاد الظريف الخفيف ظرف ما وردش على حد ... لاقيت عنكبوت صغنطوط نازل عليا من السما ... خرجت احكى لصحابى رد عليا واحد قال و انا حاجة خضرا كدا كانت ماشية الورقة راح واحد تالت قال احمدوا ربنا انهم كان فيهم الروح انا كان جمبى صرصار ميت ...

    بس بجد السؤال اللى بيطرح نفسه .... بيودوا الفلوس اللى احنا بندفعلهم دى كلها فييييييييين .. احنا بندفع فلوس عالفاضى و الله....انا و واحدة صحبتى حاسبنا الفلوس اللى بيخدوها مننا احنا بس سنة اولى شعبة انجليزى عدت ال 2 مليون ... دا غير شعبة اللغة العربية و الفرنسية .... دا غير سنة تانية و تالتة و رابعة بشعبهم التلاتة ... يعنى المفروض بالفلوس دى يبنوا مبنى شيك و محترم مش يقرفونا ف عيشتنا ...

    لنا الله

    ReplyDelete
  74. الى الناس مش عارفاه ان ده مقر لجنه امتحان كليه الهندسه مدنى بيمتحنوا فى موقع (الحادث)علشان يكون هناك محاكاه للواقع ويتعودوا على الحياه وسط مواد البناء والاماكن الى تحت الانشاء وسلملى على التقدم والاظضهار
    نيها ها ها ها ها

    ReplyDelete
  75. والله المفروض تروحوا الامتحان وانتوا معاكم المصحف وشوية صبار وقرص .. وتقولوا وانتوا داخلين مادايم إلا وجه الله .. وانتم السابقون وكده
    ربنا معاك يا ياسمين وتعدى السنة دى على خير ..
    دعواتى ليكى

    ReplyDelete
  76. يااااااااااه جو صحيح مشجع للحل وللاجابة بكده هيدوكوا جيد جدا ده الطبيعى يعنى هيبقى ده درجة السقوط مش من السلم طبعا تقديرا لمواجهاتكم للخطر ده معلش بقى نعمل ايه اما نقول ايه فى اللى بيمتجنوا فى خيام وبينزل عليهم المطر بلد صحيح لامؤاخذة

    ReplyDelete
  77. Amr Ahmed

    هههههههههههه
    اسكت ماتفكرنيش .. النهاردة كانوا بيعملوا شغل حدادة تقريبا وكانت الحالة كرب

    الحمد لله على كل حال

    ومبروك تخليص الإمتحانات

    :@

    ReplyDelete
  78. .:.-=- ELGaZaLy-=-.:.

    بس عشان بصلك بصة وحشة؟؟؟

    بس خد بالك انت بتقول كدة على اساس المصريف والمدرسة كويسة والذى منه .. مابالك بقا باللى دافعين ومتبهدلين كدة كمان؟

    هنقول ايه بس

    دونيااااااااا

    ReplyDelete
  79. شيماء الجيزى

    تواليت وشمس؟؟؟

    لالالا الحمد لله اوى على كدة

    وربنا يخرجنا من المبنى ده على خير

    --------------

    اهلا بيكى لأول لمرة عندى انا وكاميكاز
    :D

    ReplyDelete
  80. •«ρяoιd»•™

    مبتسمة اهوه

    حد شايف غير كدة؟؟؟

    ReplyDelete
  81. الكلام نوعان :كلام فارغ وكلام مليان كلام فارغ

    طبعا يابنتى ده امتحان صاعقة اساسا مش كلية

    :'(

    ReplyDelete
  82. الطائر الحزين

    لا اله الا بالله

    ليه تكسر مأديفنا كدة .. ولا اكمنك حزين يعنى؟؟؟؟

    لالالا إن شاء الله خييييير

    وقول يارب

    :D

    ReplyDelete
  83. sendbad

    فعلا كله يهون فى سبيل الشهادة

    دعواتكم مع اخوانكم الطلبة المطحونيييين

    :'(

    ReplyDelete
  84. ض/خالد

    تمام تمام .. ميت فل

    وكماااان بيمتحنونا .. شوفت الكرم؟؟؟

    وكماااان بيدونا ورق إجابة .. شوفت الهنا؟؟

    كماااان المبنى هيقع فوق نفوخنا .. شوفتنا واحنا ميتين؟؟؟

    :D

    ReplyDelete
  85. Ma-3lina

    شكلهم حسوا اننا زعلانين عشان الكلية هتخلص وكدة قالوا لما نفرحهم بالجامد بقا

    هنقول ايه بس

    دونيااااااااااا

    عاااااااااااااااااااا

    ReplyDelete
  86. karakib

    لا بيعدوا بماية ساقعة بس

    انا نفسى حد يعدى بالكتاب ابص ع المعلومات اللى نسيتها واكتبها

    تفتكر ممكن؟

    ReplyDelete
  87. أنا حر

    سؤال كاميكازى احييك عليه ... بصرااااااااااحة هى تستاهل مانكرش

    بس مش لدرجة انهم يموتونا يعنى

    ايه الناس دى

    :'(

    ReplyDelete
  88. أحمد عيسي

    اساسا وانا باخد الصور خدت شوية تعليقات لطيفة .. فعلا انا فى ايه ولا فى ايه

    بس على الاقل طلعت اللى جوايا وعبرت عنه الحمد لله

    ولا اموت بقهرتى وفرستى وغيظتى يعنى؟؟؟؟

    ReplyDelete
  89. ذو النون المصري

    ماقالولكش جايين الساعة كام؟؟؟

    طب على اى حال انا سايبة كاميكاز مستنيهم ع الناصية بتاعة المدونة اهوه .. يمكن يعدوا ولا حاجة

    :D

    ReplyDelete
  90. Gid-Do - جدو

    حضرتك اللى شرفتنى ونورتنى فى البلوج بتاعى والله

    وربنا يبارك فى ياسمين الصغننة يااااااااارب

    بصراااحة انضف واحسن حاجة فى المبنى ده هى دورات المياة بجد

    هو هيبقى مبنى جامد بس لسة تحت الإنشاء للأسف

    هنقول ايه بس .. هى دى مصرنا الحبيبة

    المهم ان حضرتك منورنى فعلا وياريت تكرر الزيارة ان شاء الله

    تحياتى

    :D

    ReplyDelete
  91. safa7_karmooz

    المصريين اهماااا

    النهاردة اتشتغلوا بردو واحنا بنمتحن وحدادة وصوت كهربا وشرز تقريبا .. حاجة بهدلة يعنى

    والفراشة اللى محطوطة دى طارت فى وش صحبتى هههههههههههههه

    ذل ذل يعنى

    الحمد لله على كل حال

    ReplyDelete
  92. YHYيــوســف الـمصـرى

    نعممممممم؟؟؟؟

    لالا انت اكيد بتهزر

    وبعدين حتى لو بتتكلم بجد مش هستغرب .. اساسا مصر كلها بقت عاملة زى مقلب زبالة كبير

    إبتسم .. أنت فى مصر

    :D

    ReplyDelete
  93. khaled

    ايوة مين بينادى؟

    ايه يا استاذ خالد كدة تنادى من بير السلم وتسمع كل المدونات اللى جمبنا؟؟؟

    خضيت كاميكاز حرام عليك

    :D

    ReplyDelete
  94. أخف دم

    انا كويسة الحمد لله .. ازيك انت عامل ايه؟؟؟

    شوفت الهم اللى احنا فيه .. سايبة الأكوام الدراسية وقاعدة اعمل سبق بلوجرى هههههههههههههههه

    يلا كله عشان الشعب

    دعواااااااااتك

    ReplyDelete
  95. أنـــا حـــــــــرة

    ايه انتى تبعهم ولا ايه؟؟؟

    وانا بصور كنت خايفة اتقفش معرفش ليه

    والنهاردة وانا فى اللجنة كنت حاسة انهم هيدخلوا يسألوا مين صاحبة مدونة إنسانة ويشدونى ورا الشمس ههههههههههههه

    ماشى حاضر هحاول اركز

    دعوااااااااااتك

    ReplyDelete
  96. safa7_karmooz

    ياخبر هو احنا اتفضحنا للدرجة دى؟؟؟

    احم احم ايون صح هى فى الملاعب .. اهو منه امتحان ومنه رياضة بردو

    صحيح تحيا القطيفة .. وكل قطيفة وانت طيب

    :D

    ReplyDelete
  97. whyme

    يااااااه .. ازاى حضرتك وايه الغيبة الطويلة دى كلها؟؟ .. لعل المانع خير ان شاء الله

    المهم بس ننجح ونتخرج على خير

    ودعوااااااااتكم

    ReplyDelete
  98. bastokka طهقانة

    طهقااااااانة ازيييك وازاى الأستاذ طوطو والكتاكيت الصغيرين؟؟ .. سلميلى عليهم

    عندك حق ولذلك بنلعب فى المبنى ده شيكا ع العالى وشيكا ع الواطى

    والعالى عالى والواطى وااااطى


    يارب انجح ياااااارب إدعيلى بجد

    اوروفوار

    ReplyDelete
  99. BinO

    هههههههه بتشخط فينا ليه طيب

    ادعيلنا نفلح بجد بالله علييك

    اختكوا مزنووقة

    :'(

    ReplyDelete
  100. تخاريف دكتور

    صح .. انت بتتكلم صح

    اهم حاجة الفراشة .. بدل اللى طارت فى وش صحبتى دى ههههههههه

    وزى ما قلنا بردو ارجوا ألا نغفل ان الكراسى قطيفة يا سادة

    والله ولى التوفق

    ReplyDelete
  101. Anonymous

    حبيبتىىىىىى .. ايااااااااا حبيبتى

    ايه يابنتى النور ده .. صفح النت عندى نورت هههههههههه

    شوفتى فيبس والبلاوى اللى هى عملاها فينا .. وشوفتنى النهاردة لما الفراشة طارت فى وشك ههههههههههههههههههههههههههههههههههههههههههههههههههههههههههههههههههه

    انا قعدت اضحك ههههههههههههههههههههههههههههه

    معلش يا لولو تعيشى وتاخدى غيرها

    وسؤال محشور فى زورى معلش

    مجبش سيرتى؟؟؟؟؟
    ههههههههههههههههههه

    بجد اسعدتنى بالتعليق ده اوى يا لؤلؤتى وفرحت اكتر لما عرفت انتى بعتاهولى ليه فى التوقيت ده وبأنهى نية

    ربنا يكرمك ويباركلى فيكى يارب ويجمعنا على الخير دايما فى الدنيا وفى الاخرة اللهم امييييييييييين

    بحبك فى الله بجد

    :)

    ReplyDelete
  102. أُكتب بالرصاص

    لالا قول براحتك .. شوتاتى دى

    اول مرة فى حياتى احس انى صحفية وانى بجرى وراء السبق الصحفى هههههههههههه

    المهم يارب ننجح ونتخرج على خير

    دعواتك بالله عليك

    ReplyDelete
  103. رينـــــــــــا

    لالالا طلعت عملاه قبل كدة الحمد لله

    هييييييه طلعت منها سليمة

    :D :D :D

    ReplyDelete
  104. hend

    ازيك ياهند انتى وكل الفيبساوية

    واضح من كلامك انك لسة فى سنة اولى .. وانجليزى زى حلاتى بردو

    ربنا معاااااااكىىىىى

    واتمنالك النحاج والتوفيق والصبرررر اهم حاجة ان تتحلى بالصبر يابنتى .. اربع سنين من الصبر .. الحمد لله

    اما بالنسبة للفلوس فمتشغليش بالك

    ده انتى فى اولى وبتقولى كدة .. على الاقل فى اولى بيدوكى كتب غالية شوية الى حد ما باللى انتى دافعاه
    كل ما تكبرى سنة عدد الكتب بيقل جداااااا والمواد الإنجليزى هتقل جدا - على رابعة هتلاقى نفسك بتاخدى مع عربى وفرنسى كل المحاضرات مع بعض - كمان ده غير ان تصوير والورق والذى منه كل ده على حسابك طبعا

    عايزاكى تتفائلى وإن شاء الله خيييييييير

    وقولى يارب
    :)

    ReplyDelete
  105. momken

    ايه ده؟؟ هى هندسة كمان بتمتحن هناك؟؟

    طب زى فرصة سعيدة جدا جدا

    بنسيبلكم اللجنة زى ماهيا لا توراباية زايدة ولا توراباية ناقصة .. إحنا ناس أمينة ونحب الأمانة

    سلمنى نضيييييف اسلمك نضيييييف

    وسلملى ع التعليم العالى

    :'(

    ReplyDelete
  106. أخف دم

    اللهم امين يارب

    لالالا مش كدة خالص ده احنا بندخل ميتين من الضحك اساسا

    النهاردة مثلا واحد زميلنا داخل اللجنة وعمال يرقص ههههههههههه

    صباح الدماغ يعنى

    ماتنساش الدعاء بالله عليك

    ReplyDelete
  107. امام الجيل

    ياااااااااارب يقدروا المجهود وناخد تقديرات كويسة

    اللهم امييييييين

    ReplyDelete
  108. يا خبر ابيض الله يكون فى عونك يا بنتى
    ده شئ غير ادمى بالمرة
    بس معلش افتكرى دايما بيت الشعرده
    وما نيل المطالب بالتمنى ولكن تاخد الدنيا لجانا
    ربنا يوفقك ويعدى الامتحانات على خير من غير خساير

    ReplyDelete
  109. ana geeeeeeeeet!!

    rabbena ykoon fel 3oon

    ezzay el se7a

    bte7sal bardo :D

    ReplyDelete
  110. wade7 fe3lan ya ostaz utopia enaha "bete7sal keter" w 7asalak enta sha5seyan keter, mn el soret 7adretak elly 7atetha de ;) ... :D

    ReplyDelete
  111. عندي ليكي تاااااااااااااااج
    يلا تعالى استلمي وما تنسيش تعلقي

    ReplyDelete
  112. ربنا يكون معاكم بجد
    هو الواحد هايركز فى الأمتحان ولا فى اللى بيحصل حواليه وممكن السقف يقع على دماغة ولا أى حاجة تحصل
    فعلا أستهتار
    تحياتى لكى وربنا معاكى ويوفقك

    ReplyDelete
  113. الحق عليهم عايزين يعلموكوا الذكاء و الحيطة و معرفة وسائل الأمن و تفادى المصائب و الكوارث و التركيز فى 10 حاجات فى نفس الوقت ... ناس ما بتقدرش جهود الدولة القائمة لمصلحتها

    ReplyDelete
  114. هو ده حضرتك تبع لجنة البؤساء
    بيتهيألي كدة
    علي العموم هتبقي شهادة برائحة المونة والتراب

    ReplyDelete
  115. :D
    انا لو مكانك طول الامتحان هبقى بضحك من الي بيحصل
    :d

    و استحالة اعرف اركز في الامتحان طبعاً
    :d

    ربنا يكون في عونكم يا رب و يكرمكم و تجيبي شهادة زي الفل :)





    صحيح
    االمدونة رااائعة تبارك الله
    :)
    ربنا يباركلك فيها و يباركلك في تدويناتك هنا :):)
    ربنا يعزك يا رب
    :)

    ReplyDelete
  116. انتي كدا اكيد في هندسه قسم مدني او في عماره
    ودي محاوله من ادارة الكليه عشان تساعدكوا على الاجابات النموذجيه
    يعني دي اخرتها بيحاولا يساعدكوا وانتوا تتطبطروا على النعمة؟؟
    حاجه غريبه والله
    :D
    نقول ايه بس لا حول ولا قوة الا بالله
    ربنا يكون في عونكم

    ReplyDelete
  117. ربنا يكون في عونك ويخلصك من الامتحانات دي على خير يا رب

    فكرتيني بالصالة اللي كنت بمتحن فيها السنه اللي فاتت والدنيا بتشتي والسقف مش معزول

    كنا عايمين في المياه مع الورق

    ReplyDelete
  118. يا ستار هو الواحد هيشيل هم الامتحانات ولا الطلوع والخروج!!
    مشكوره علي الصور,,
    تحياتي للمدونه الرئعه

    ReplyDelete
  119. انا عامله فكره جديده ويارب تعجبك
    ياريت تقولى رايك فيها وماتنساش تشارك باى ذكرى عاوزاها
    استفتح بيكى يعنى
    تحياتى

    ReplyDelete
  120. لا حول ولا قوة الا بالله

    ReplyDelete
  121. لا حول ولا قوة الا بالله

    دايما يا مصر الولادة متعثرة

    حسبنا الله ونعم الوكيل

    ReplyDelete
  122. بقالى كتير ما زرتش مدونتك
    اتخضيت بجد من الصور
    ربنا يكون فى عونكم

    المهم تعدى منها على خير
    وبدون اصابات
    ربنا معاكى

    ReplyDelete
  123. ده بوست عالمي .. الصور والموقف كله على بعضه قمة في التعبير .. أما هأمرره لكل أصحابي المنتشرين في العالم

    مبدأ عام: الصورة = ألف كلمة

    الأسوأ من كده إن مصر كلها زي كده بالظبط .. يعني لو بصيتي على مصر من فوق هتلاقيها مختصرة في المبنى ده .. اللي الطلبة غصب عنهم لازم يمتحنوا فيه

    وحسبي الله ونعم الوكيل

    ReplyDelete
  124. كوبرى

    وطن كوبرى
    ونيل يصبح بيبان قبرى
    وانا والناس يجوز اصناف
    فى ناس معمول بها الكوبرى
    وناس بتدوس على الكوبرى
    وناس غرقانه ويايه
    مراكب جايه هتعدى
    وتقفلى بيبان قبرى

    ReplyDelete
  125. سرب الغربان
    جى النهارده
    لاجل ما يملم بذورالموت
    من على الشط الاخير
    لالجل ما يعلمك
    ازاى توارى سوءة هابيل
    اللى اتقتل بادين سكاتك

    ReplyDelete
  126. حسبى الله ونعم الوكيل :( عمار ياايجيبت

    ReplyDelete
  127. 5هو انتي جامعة ايه وكلية ايه
    .
    .
    غريبة اللي انا شوفته دا
    مش عارف اقول ايه
    تحياتي والسلام

    ReplyDelete
  128. السلام عليكم
    جالك الموت يا تارك الصلاه ههههههههههههه
    ديه اول مدونه افتح على الصبح كده
    ايه يا انسانه هو امتحان ولا عذاب نفسى وهو اساسا مش كفايه الامتحان

    ReplyDelete
  129. سؤال بس هم كانو بيمتحنوكو عشان تخشي النار ولا ايه
    انا مش فاهم لحد دلوقتي المبني ده يخص اييييييييييه

    تحياتي

    ReplyDelete
  130. بصراحه معاك حق مبنى الجحيم فعلا
    ربنا يغيير الحال وبحيكى بجد على المجهود
    الرائع فى تحقيقك من خلال الصور التى
    عبرت عن مبنى الجحيم ربنا ينجحك
    والى القمة ان شاء الله
    القسام

    ReplyDelete
  131. السلام عليكم

    أول زيارة للمدونة .. ألاقى المدونة تحت الانقاض :)

    بس على فكرة الجو ده اكيد بيطلع المعلومات عافية ..

    كله بقه كوم و العلم نور
    والنور كهربا
    والكهربا خطر
    إذن .. لا داعى للعلم

    دى لوحدها كده تخلى الهم يضحك مش يبكى

    تحياتى

    ReplyDelete
  132. أول زيارة
    مدونة ممتازة

    ReplyDelete
  133. معقولة الي انا شوفتة دة

    بس يمكن يكونوا بيختبروكم في اجتياز المصاعب مهو برضو دي وجة نظر

    ازي تنجحوا في الظروف دي ؟؟

    الصور ابلغ من الكلام

    فعلاااااااااا مبني جحيم

    ReplyDelete
  134. انتم تبع جامعة ايه
    دى مصيبه
    امال فين التقدم واتلتطور اللى بيقولوا عليه
    واللى تحقق فى عهد القايده الرشيده للريس الرشيد
    ابو عقل موزون
    الله يكون فى عونكم

    اهو النجاح بتاعكم
    يكون له طعم فعلا
    تحسوا بطعم النجاح

    شرفينى بالزياره على مدونتى

    ReplyDelete
  135. على فكرة انا عارفة المبنى دة كويس قوى وامتحنت فيه مرتين قبل كدة
    بالإمارة هو عند المدينة الجامعية

    دة مبنى العار مش مبنى الجحيم
    والله الكهارب والصوان كنا قاعدين ولا اللى فى فرح

    حاجة عجيبة جدا
    كتر خيرك انك كتبتى على الموضوع دة لأنه عملى تخلف بجد انا والزملاء
    تحياتى

    ReplyDelete
  136. هل سمعت عن خيرت الشاطر من قبل
    هل حاولت متابعه قضيته
    هل تهتم اصلا بشؤن وطنك
    كل ما اطلبه منك فقط هو محاولة معرفته ومتابعة قضته والاطلاع عليها فإن اقتنعت انه مظلوم حاول نصرته ولو بمحاوله تعريف الناس بقضيته
    تابع مدونتنا من اجل الدفاع عنه وعن اخوانه
    زورو مدونتنا لمعرفة من هو خيرت الشاطر القائد البطل المخلص قبل كل ذلك الانسان
    زورو مدونتنا واتركو تعليقاتكم ورائكم ومقترحاتكم وتساؤلااتكم وافكاركم لدعم قضيتنا
    www.khirat–elshater.blogspot.com

    ReplyDelete
  137. Shiko
    اللهم امييييييييين

    فاكراه وحافظاه كمان ههههههههههه

    ReplyDelete
  138. Utopian

    yaaaaaaaaaaah
    7amdellah 3ala elsalama ya fandem
    nawart masr :D

    ReplyDelete
  139. الكلام نوعان

    كنت هملاه قبل البوست ده
    هيييييييييييييييييه

    ReplyDelete
  140. bos bos

    ربنا يستر ع النتيجة بقا
    اللهم امين دعواتك

    ReplyDelete
  141. بيقولوا سايكو

    عندك حق
    احنا بنستعبط

    ReplyDelete
  142. NoHeal

    تبع لجنة حروق الإنسان وحضرتك الصادق
    ربنا يستر
    :(

    ReplyDelete
  143. المجاهدة

    ههههههههه ماهو ده اللى بيحصل
    اخر مادة فطست على روحى من الضحك والله لوحدى كدة

    نورتينى بجد يا مجاهدة وفرحانة اوى اننا عرفنا نوصل لبعض فى عالم الدوين ده
    المدونة جميلة بزيارتك ياحبيبتى
    :)

    ReplyDelete
  144. Rosa

    عمارة ايه ده احنا محصلناش كلية البوسطة فى طنطا

    اللهم امييييييين

    ReplyDelete
  145. زحل الفلكي

    ربنا يعينا جميعا يا زحل يااااارب
    اللهم امييييييييين

    ReplyDelete
  146. ibn nasser - ابن ناصر

    اللهم امين
    اهلا بيك فى المدونة لاول مرة
    :)

    ReplyDelete
  147. farfasha

    ان شاء الله ياجميلة حاضر

    ReplyDelete
  148. عمرو غريب

    :(
    ونعم بالله

    ReplyDelete
  149. فبركة

    احب ابشرك ان ولادها بيموتوا كمان هههههههههه

    ReplyDelete
  150. حــلم

    اهلا بيكى يا حلم نورتينى بجد

    اللهم اميييين
    دعواااااااااتك

    ReplyDelete
  151. يا مراكبي

    ربنا يكرمك يامراكبى نحن فى خدمة الوطن

    لجانى لجانى لجاااااانى لكى حبى وجنااااااانىىىى

    وحسبى الله ونعم الوكيل

    ReplyDelete
  152. HoNdA

    حسبنا الله ونعم الوكيل




    ادم المصري

    مش عايزة اصدمك يا استاذ ادم
    كلية اقتصاد جامعة القاهرة
    عااااااااا




    نسرين - أمة الله

    هههههههههههه معلش يا نسرين خضناكى ع الصبح .. امسحيها فى كاميكاز معلش





    تامر حسين

    يخص الطلبة الوحشين اللى زيينا






    alqassam

    ربنا يكرمك ويعزك يارب ده من ذوقك

    ReplyDelete
  153. ياسر سليم

    وعليكم السلام
    اهلا بيك لاول مرة وعلى مدونتك جميلة ومفيدة اوى

    معلش هما شوية عفرة كدة ع المدونة وهيروحوا لحالهم ان شاء الله

    تحياتى





    علاء

    اهلا بيك لأول مرة .. ربنا يكرمك ويعزك يارب

    ReplyDelete
  154. كراكيب عادل

    احتمال بردو مش عايزين نظلم الناس
    ادعولنا بجد ننجح احنا خايفين اوى
    ربنا يستررررررر

    تحياتى



    ابوزياد الفاتح

    جامعة القاهرة .. يارب بس ننجح دعواتك بالله عليك بجد

    ان شاء الله حاضر
    :)





    ياسمين

    هههههههههههه فعلا مبنى العار يابنتى ده مبنى يغييييييييييييظ
    ربنا يكون فى عوننا ودعواتك بالله عليكى

    ربنا يكرمك يارب






    Anonymous

    اكيد ان شاء الله

    ReplyDelete
  155. ندعوكم لزيارة مدونة خليك فى البيت والمشاركة فى الحملة

    ReplyDelete


  156. وأخيييييرا فيبس... هل كان نضال الباتون ساليه؟!

    رأيك إيه؟

    http://nojoomol7era.blogspot.com/2007/06/blog-post_16.html

    ReplyDelete
  157. يل ربنا هيسترها وهينجحوا السناددى ان شاء الله رغم كل اللى حصل
    مدونتك رائعة
    نريد منكم الزيارة

    ReplyDelete
  158. معلش لكن اكيد بعد كام شهر حتلاقي كل حاجه اتظبطت

    استحملو شويه هو انتو ايه ما بتحمدوش ربنا ابدا
    هههههههههههههههههه

    ReplyDelete
  159. اتلكيكوا بقي
    اللي عايز ينجح و يجيب مجموع يمتحن انشالله في البلاعه
    ههههههههههههههههههههههههههه
    و الله بجد بلد عجيبه في كل ما فيها
    ربنا مع الجميع

    ReplyDelete

الكلمـة نـور .. وبعـض الكلمـات قبـور