Wednesday, July 04, 2007

انا وكاميكاز والتاج .. عايشين لبعضينا

إنساااااااانة .. يا إنسااااااانة .. يوووووووه بقا .. ياسميييييييين
ايوة ايوة يابنى .. ايه فى ايه؟ ... وايه الميكرفون اللى ماشى بيه ده .. هتشتغل فى صباح الخير يامصر ولاايه؟؟
ها ها ها .. ضحكتينى يابنت ... انااااااا .. هشتغل مذيع
ياسلام .. ومالك مانفوخ اوى كدة .. بأمارة ايه بقا ان شاء الله؟؟؟
اهوه بقا .. انتى عارفة المودنة بتاعتك ضلمة وبقعت فيها لوحدى كتير قلت اهوه اسلى نفسى ومحرمش الجماهير من مواهبى الفاذة
فاذة!!!.. ربنا يستر... ماشى ياسيدى الله يسهلك .. هش يلا من هنا مش فضيالك
اهش ايييييه .. يابنتى انتى لازم تبقى اول واحدة اعمل معاها حوار
حوار ايه يابنى انت .. انت صدقت نفسك بجد ولا ايه .. يلا هشششششش
يووووه بقا دى حتنرفزنى .. خلاص بلاش روحى ده انا كنت هعمل فيكى جميلة واطلعك فى الراديون
راديون؟؟ .. اولا اسمه راديو يا جاهل
ثانيا انا طلعت فى الراديو قبل كدة يعنى مش مستنية عطف سيادتك عليا
ايه ده؟؟؟ بجد؟؟؟؟
ايوة طبعا
فين؟ ليه؟ مين؟ ايه؟
ياعينى الواد اتهبل خلاص ... بص يابنى وركز ... دلوقتى انت تعرف إذاعة حريتنا؟؟؟
اه
تعرف برنامج مدونة ع الهوا؟؟
اه اللى بيقدمه محمد عز الدين صاحب بيت العز
عليك نووور .. اهوه انا استضفونى فى البرنامج ده
ياااااااشيخة .. اشمعنى انتى يعنى .. كوسة يعنى ولا ايه؟؟
ياواد افهم .. عشان اتكلم عن موضوع مبنى الجحيم وكان فى معايا بنوتة اسمها سلمى عملت جروب ع الفيس بووك ضد المبنى ده ووقفة احتجاجية صامتة فى الكلية وكدة
اااااااااه افتكررررت .. اليوم ده انتى كنتى فى الكلية بتسلمى البحث ولاقيتهم رافعين شعارات عليها الصور بتاعتك عن المبنى .. يعنى شغل احتجاجات وحركات .. هتروحى فى داهية يافالحة ههههههههههههه
احم احم .. ربنا يستر
بس استنى هنا .. انتى وحشة اوى على فكرة ... مخدتنيش معاكى اوصل واتكلم فى الراديون شوية ليييييييييه؟؟
يابنى اخويا راح معايا يوصلنى وبعدين الجو كان حر اوى وانت طول عمرك فى المدونة هنا فى التكييف خفت عليك تطلع برا تسيح ولا حاجة واحتاس بقا انا من بعدك
ممممممممم .. ماشى ياستى هعديها المرة دى .. بس انا عاوزة اسمع الحلقة بقا ماليش دعوة
حملها من هنا ياكوكو ولا تزعل
ممممم .. ألا هو انتى صوتك عامل كدة ليه؟؟
كاميكاااااز .. احترم نفسك بقولك
طيب طيب .. اهدي بس .. بضحك معاكى ياستى
دمك تقيل
طب بصى انا هروح ادورلى على اى مدونة اعمل معاه حوار ولا حاجة تكونى انتى خلصتى التاج .. اشطة؟؟
ايييييييه .. تااااااااااااج!!!ه
خلاص بلاش ضرب الله يكرمك انا متشيك عشان اعمل مذيع حرام عليكى
طيب خلاص خلاص انت حتشحت؟!! .. جه من مين التاج ده راخر؟؟
بصى بقا انتى اولا بقا شكلك وحش اوى فى الوسط التدوينى لان التاج ده جايلك من زمااااااااان وانتى مطنشة الصراحة
احم احم .. طب مانا عارفة لازم تفكرنى يعنى .. المهم جه من مين؟
استنى لما اشوف فى اجندة التاجز
كمان بقا عندك اجندة .. ده انت وصلت بقا
طبعا هو انا قليل فى البلد .. شوفى ياستى
التاج ده جالك من مها الكلام نوعان
اللى اتخطبت؟؟؟
ايوووون
ما شاء الله .. الف مبرووووووووووك يا مها الف الف مليوووون مبروووووك ربنا يتمملك بخير يااااااااااارب
وجه كمان من البشمهندس ما علينا
اااه .. ربنا يسامحه بقا نازل في البنات تقطيم اما هارانا
هههههههههههه ... ( احسن تستاهلوا )ه
بتقول حاجة؟؟؟
لأ ده انا بكح ... كح كح
بحسب
وجه من الدكتورة ما علينا كمان
مممم .. اه دى فتحت راديو .. هتنافسك اهوه ياعم
تنافس ميييين .. ده انا جامد اوىىىىى
اما نشوووف
وجه من شلبية هانم بردو
اااااااه .. فين الجاتو ياشلبية؟؟؟ ... الاهلى عمهمممم وحابس دمهممممم
بييييييب بيييييييب اهلىىىىىى
خلاص ياعم انت مابتصدق ..المهم دلوقتى ياسيدى روح انت بقا شوف حالك وانا هخلص التاج ده وامشى
ماشى بس استنينى ماتمشيش إلاما اجيلك عشان اروح معاكى .. اصلى معرفش الطريييييق
عيل انت يعنى عيل؟؟ .. متعرفش تروح لوحدك .. ده ايه العبط ده
مابلااااااااش انتىىىىىى .. مش احسن ما اعلم بيتنا عشان اعرف ارووووح
احم احم .. طيب هستناك .. يارخم
ماشى .. فووووووووووووووو
.
******
ارد بقا ع التاج الملغم ده
استعنا ع الشقا بالله

انت مين؟
انا ياسمين .. مسلمة ومصرية وبعبد رب العالمين

مين أكتر ست أشخاص بتحبهم؟
سيدنا محمد
ماما
بابا
اختى
بنتها
اخويا

انت سعيد؟
الحمد لله رب العالمين يمكن الأجواء العامة ماتخليش اى حد سعيد .. بس بحاول اتفائل واحبس دمعتى بين جفونى

لو اجتمعت انت وحسني مبارك في غرفة واحدة؟
حقوله عايزة حقى ياريس

لو معاك مليون و نص جنيه تعمل بيهم ايه؟
المال مسؤلية .. هتتسأل على كل مليم صرفته ف ايه وهل أديت شكره ولا لأ .. بس بردو مافيش حاجة بعيدة على ربنا والله
بص ياسيدى اولا ححج إن شاء الله واحجج ماما وبابا واهلى وكدة بعون الله
ولو عرفت اجيب شقة فى المدينة المنورة يبقى تمام
ححاول اريح أهلى بشتى الطرق فى المقام الأول
بفكر اعمل مشروع
وفى مشروع جميل اوى بيتعمل فى السعودية اللى هو بيساعد العرايس والعرسان على الزواج
تسهيلات زواج .. نظرا للظروف الاقتصادية زى ماكلكوا عارفين موضوع الزواج ده بقا من تاسع المستحيلات للشباب والبنات فالمشروع ده ( مشروع خيرى ) بيقدم تسهيلات .. يعنى مثلا لو العريس والعروسة ناقصهم تلاجة المشروع يجيبهالهم .. ناقصهم اوضة نوم مثلا المشروع يجيبها وهكذا
اكمل دراسة ان شاء الله واحاول احقق هدفى على ارض صلبة .. آآآآآآآمين
اشترى شقة فى الاسكندرية ومطروح وبرا مصر لو درست برا
وطبعا العربية شئ مفروغ منه
والحاجات اللى لله فدى بينى وبين ربنا
ويارب يتقبل
.
الفلوس كتير ياجماعة زى مانتوا شافين اهوه .. حد عايز؟؟؟
فلووووووس .. ايون انا عايز فلوس
بسم الله الرحمن الرحيم بيطلعوا امتى دول
الله مش بتقولى مين عايز .. انا عايز
بجد عايز فلوس يا كوكو؟؟
ايوة انا عايز فلوس
طيب قول بقلب جامد كدة .. انا عايز فلوس
انا عايز فلووس
وانا كمان عايزة فلوس .. تعالى نشوف اى حد يدينا احنا الاتنين
:D

بتحب مصر؟
بعشقها

بتحب البنات؟
هو انا اعرف غير البنات عشان احبهم .. انا بنتمى لعالم البنات بحب البنات وبحس بيهم وبمشاكلهم وبحس ان المرأة دى شئ غالى اوى والإسلام كرمه اوى .. الحمد لله انى بنت

انت مسلم؟
الحمد لله رب العالمين

ليه؟
انا مسلمة بالوراثة .. بس جت عليا فترة فكرت بالعقل وبحثت ودورت جامد جدا .. وقلبى مارتحش غير للإسلام الحمد لله على نعمة الإسلام وكفى بها نعم وكفى بها نعمة

مين أكتر شخصية متقدرش تستغنى عنها في حياتك؟ و ليه؟
العادى ان الواحد يقول أمه وانا بردو بقول أمى .. لانها ببساطة كل شئ فى حياتى هى وبابا ربنا يديهم الصحة اللهم امين
بس فى حد تانى انا مقدرش استغنى عنه خالص الحد ده يبقى اختى الوحيدة .. وبحبها لانها زى امى بردو
بإختصار هى اختى وصحبتى وامى وكل حاجة .. ربنا يكرمها ياااااااااااااااارب

ايه أكتر موقف محرج تعرضت ليه؟ و اتصرفت ازاى ؟
والله بحس ان البنت بالذات بتتعرض فى حياتها لمواقف محرجة كتيرة جدااا
.
افتكر حاجة وانا فى ثانوى كدة كنت فى تالتة ساعتها .. والدى كان مدرس بدو فى نفس المدرسة اللى انا فيها المهم كنت مختارة مادة الجغرافيا زى ما قلت قبل كدة وكنا 6 بنات بس فى المدرسة كلها اللى اختاروها فالحصة كانت بتبقى زى الدرس كدة المهم المدرسة بتاعة المادة دى كانت زميلة بابا وانا كنت الحمد لله شاطرة وكان عندها ابنها فى تالتة بردو ودايما تقارنه بيا فى الدرجات وكدة منافسة غير مباشرة وهو لا عمره شافنى ولا انا اعرف شكله ايه المهم مرة فى الحصة واحنا قاعدين معاها قامت واحدة زميلتى -الله يسامحها بقا- ترغى مع الميس شوية والكلام جاب بعضه وجاب سيرة ابن الميس وعقبال ماتفرحى بيه والميس تقولها واجوزه مين .. الاقى البت زميلتى تبصلى بخباثة وتقولها ماتجوزيه ياسمين ياميس ( مش عارفة ايه المناسبة اللى خليتها تقول كدة ... الله يسامحك يابعيدة ) الميس بقا مش تسكت وتقولها عيب كدة يابنت وميصحش واحنا فى مدرسة والكلام الكبير ده .. لااااااااااااا
لاقيها بتبصى وبتبتسم إبتسامة خبيييييثة جداااااا بردو وعنيها لمعت بشكل مايريحش خالص وبتقولى: هو احنا نطول؟؟ .. بس هى توافق وترضا
يالهوىىىىىىىىىىىىىىىىىى
وشى جاب كل ألونات قوس قزح والقوس اللى مش قزح وكان نفسى الأرض تنشق وتبلعنى بجد
الله يمسيهم بالخير بقا .. ويسامحهم بردو
.
إيه الأمنية اللى بتدعى دايما ربنا انه يحققها ليك؟
يارب اموت وامى وابويا وزوجى - إن شاء الله - راضيين عليا وماضيعش من اعول
انجح فى الإمتحان بتاع الدنيا من الاخر
ويارب اخرج من الدنيا دى على خير .. لا بيا ولا عليا واحظى بالفردوس الأعلى وصحبة سيد الخلق اللهم امين
حلمى وهدفى اللى فى دماغى مش هقول عليه بس يااااارب أعننى إنى احققه
اللهم امين

نمرر التاج لمين ؟
لا بلاش الطيب أحسن
.
******
.
عاااااااااااااااااااااااااااااا
ايه ياكوكو مالك بتعيط ليه؟؟
عاااااااااااااااااااااااا
يابنى انطق فى ايه؟
مش هتصدقى
لا قول
مستحيييييييييييل
يوووووووووووه ... اخلللللللللص
مالها؟؟
قفلت المدونة بتاعتها
ايييييييه؟؟؟؟؟؟؟
اه والله زى مابقولك كدة
وانت عرفت منين؟؟
روحتلها المدونة اعمل معاها حوار لاقيت قفل كبييييييير ع الباب ومعرفتش ادخل
عاااااااااااااااااااااااااااااااااااا
لا حول ولا قوة الا بالله
خلاص خلاص اهدى .. هات الميكروفون اللى فى إيدك ده
احممم احمممم 2 4 6 8 .. ايييييييييييه شعبى الحبيييب الصبوووور المهااااااود
إنتى هتلعبى انتى كمان .. خلصى
اه طيب .. معلش اصل الجلالة خدتنى
احم احم .. إنجى .. سمراء النيل .. اوجه إلكِ هذا الندأ وقلبى يملأه الأسى من مثل هذا القرار المفاجئ
نوجى .. البلوجرز كلهم ينادوكى
عووودى يا هاميييس
الفضاء البلوجرى سيظلم بدوووونك
بطلى هزار بقا .. يابنتى اتكلمى جد شوية
طيب حاضر بس ماتزقش
إنجى .. ارجعى تانى انا بقولك اهوه
مايفنعش تبطلى التدوين اصلا
هترجعى لان قرآئك اللى انا منهم بيحبوكى وبيحترموكى ونفسهم انك ترجعى
بجد ماينفعش كدة .. عشان خاطرى ياشيخة .. طب بلاش خاطرى انا عشان خاطر الواد اللى مفلوق من العياط ده .. حرام عليكى ده اتدمر خالص
كوكو .. عيط وعلي صوتك شوية
عاااااااااااااااااااااااااااااااااااااااااااااااااااااا
سمعتى؟؟ .. ده حتى الناس اتملت والعدسات بتصور وبلاوى سودا
بجد منتظرينك يا إنجى والله ماينفع كدة
كانت معكم ياسمين أم العاااافية .. قطاع التدوييييين
:)
خلاص خلصت .. خد المايك بتاعك ياعم انت
عااااااااااااااااااااااااااااااااااااااااااااا
بتعيط ليه منا خلاص كلمتها عايز ايه تانى
عاااااااااااااااااااااااااااااااااااااااااااااااا
ياواد مالك فى اييييييييييه؟
عااااااااااااااااااااااااااااااااااااااااااااااا
كوكووووووووو مااااااااااااالك
عااااااااااااااااااااااااااااااااااااااااااااااااااااا
هضربك ..انطق
اصـ .. اصـ .. اصلك دايسة على صوبااااعى
صوباااعك؟؟!!!!ه
عاااااااااااااااااااااااااااااااااااااااااااااااااااااا

47 comments:

  1. ماشاء الله
    تاجات الساعة سته الصبح
    ايه النشاط ده
    و لا انتي منمتيش لسه
    يا مسهل

    جميله المقدمة اللي على الهوا دي
    :)

    اجابات جميلة جدا و راقية
    و ربنا يحققلك امنيتك يا رب

    تحياتي

    ReplyDelete

  2. حلوه المقدمه الجامده ديه
    ربنا يوفقق في كل الي بتحلمي بيه

    ReplyDelete
  3. انتي مش معقوله
    بس الكلام كتير والخلفيه سوده
    وفي ايه بالظبط

    الف شكر ليكي على مساعدتي
    ونردها لك في البلوجات

    ReplyDelete
  4. يخربعقلك
    بجد يا ياسمين بحبك جدا وبحب مجونتك جدا
    وبحب كاميكاز
    بس ايه ده يا واد يا كاميكاز مذيع مره واحده كده
    طيب داري على شمعتك تايد
    بس لعلمك انتى دمك خفيف وزي العسل وفكره كماميكاز دي فكره هايله اهو يونسك في المدونه بتاعتك
    اجابتك حلوه اوى بس حسيت منها انك انسانه هاديه اوى على عكس ما بقرا لك بحس انك بنوته شقيه موت
    ربنا يخليكي على التهنئه الجميله بتاعتك وعقبالك يارب لما تتخطبي زيي بالظيط
    وانا بجد زعلت اوى لما انجى قفلت مدونتها وبدون سابق انذار جاتنى فكره انى ادخل على مدونه خطيبها طارق بس هقوله ايه؟
    اظن دي مسائل شخصيه
    ولا انتى ايه رايك
    يلا ربنا مايحرمنيش من مرورك على مدونتى
    وعلى فكره انا عامله مدونه تانيه نفسي ومنى عيني تشاركيني فيها
    اسمها فرفش معانا
    farfeshma2ana
    دي ياستى انا بدعي كل البلوجرز انهم يشاركونى ذكرياتهم المضحكه واحطها في بلوج واحد
    يعنى عشان الفرفشه اللى غابت عننا اليومين دول
    طولت عليكي يا سمسم يا عسل
    باى

    ReplyDelete
  5. ياجاااااااامد إنت

    رووووووعه يا بنتي و الله

    موتيني من الضحك

    ربنا يسعد قلبك و يحميكي يااااااااااارب

    ReplyDelete
  6. هايل والله...ردود دبلوماسيه
    خفه دم
    لباقه
    رقه
    ايه ده
    ماشاء الله عليكى

    ReplyDelete
  7. انتى جايبة كاميكاز ده منين اصل انا عايز واحد للمدونة بتاعتى
    او ممكن اشتريه
    شوفى انتى عايزة فيه كام؟؟
    هه؟؟

    ReplyDelete
  8. ليا سؤال أوربما ملحوظة


    أنت فعلا بتتمني أنك تموتي و زوجك راضي عنك ؟؟؟؟

    لو الإجابة بنعم يبقي ليا سؤال تاني معلش

    أنت ساكنه معانا علي كوكب الأرض ؟؟؟

    ReplyDelete
  9. ربنا يكون في عونك

    انا مش عارفه بيجيبوا التاجات دي منين

    وقولي لكوكو مبرووووووووووك علي انه بقي مذيع, بكره يتشهر وشهرنا معاه بقي, مش احنا أصحابه

    انا كمان بتمني انجي ترجع

    ReplyDelete
  10. حرااام عليكي يا شيخة صوباع الواد

    يعني مش كفاية كاميكاز بذات نفسه بكل مؤهلاته العلمية والمعملية الفذة مستحمل المجهود الكبير اللي بيذله في تنظيم مدونتك وتوضيبها وتجهيزها .. كمان تقفلي على صوبعه ومش عايزاه يطلع مذيع

    تعالى يا كاميكاز يا حبيبي عندي .. حطلعك في الراديون زي ما انت عايز مش الراديو بتاع الست هانم ..
    ولو عايز اطلعك في التلفزيون والتلاجة والبوتجاز كمان .. بس انت شرفني وستجد ما يسرك

    فكر وتلفوني معاك ..

    ReplyDelete
  11. انا مش قادرة امسك نفسى من الضحك
    انتى هايلة ماشاء الله عليكى
    والمدونة كمان جميلة اوى ولذيذة جدا
    حسستنى انى فى قصر الفن والابداع
    جميلة موووت
    ربنا معاك
    وجزاكى الله كل خير
    تحياااااااتى

    ReplyDelete
  12. مش عارف اعلق على التعليق ولا على الحوار مع كاميكاز

    ولا امشى وانا ساكت ولا ايه

    عموما الإجابات ممكن تنجحك وتجيبى جيد مرتفع

    ألا صحيح

    مين كاميكاز ده ؟

    ReplyDelete
  13. جميلة وتلقائية جدا

    تحيتي ليكي يا صاحبة اجمل افيتور ف عالم التدوين

    ؛)

    ReplyDelete
  14. السلام عليكم
    أنت مبتتعبيش من الكتابة و لا أنت بتكتبي علي مراحل
    المهم أخبار كيمكاز أية طلع فين دلوقتي؟

    ReplyDelete
  15. ياسميين
    انتي فظيعة....بجد بجد مالكيش حل في خفة دمك ودماغك العالية فوق فوق في السما
    وصحيح كاميكاز دا جليباه منين.... انا عايز واحد

    بجد بجد بوست حكايه
    محمد سمير

    ReplyDelete
  16. و ان شاء الله بقى المليون و نص ملطوش دول هايجيبوا كل اللى بتقولى عليه ده يا سيمو ^o)
    ايه يا سيمو انتى عايشة أيام الجنيه الجبس و لا ايه دول يادوب شقة محترمة و عربية :S
    يلا ربنا يرزقنا جميعاً من حيث لا نحتسب و يغنينا عن الحرام بالحلال اللهم آمين

    ReplyDelete
  17. مقدمه جيدي

    واسلوب جديد في الاجابه

    ما شاء الله عليكي

    اجابتك حلوه وزي العسل

    وباين ان دمك خفيف

    تسلم ايدك يا جميله

    تحياتي

    ReplyDelete
  18. هلكتيني من الضحك يا شيخة
    انت طلعتي حكاية
    وحوارات وإذاعات وميكروفونات وكلام كبير

    ربنا يكرمك يا رب ويحققلك كل أمانيكي يا رب

    أنا أضم ندائي معاكي على إنجي انها ترجع التدوين

    :)
    نوني

    ReplyDelete
  19. ههههههه

    جميل قوي ولو إني لحد دلوقت مش عارف مين كاميكاز .. وإنتي كمان عمرك ما جاوبتي على السؤال ده إجابة محددة

    بس أحب أكرر هنا .. المليون ونص دول مايجيبوش غير شوية شيبسي وكبايتيين زبادي و5 ساندوتشات فول بالبيض

    خلي اللي بيعمل التاج يبحبح إيده شوية

    ReplyDelete
  20. هييييييييييه

    اسمى طلع فى الراديو

    الواد كاميكاز بقول ايه عاوز ينافس الراديون بتاعى

    طيب الحق عليا كنت هشره و اطلعه عندى خلاص و لا الهوا

    الكلام واخد الصفحة عندى يا رت نظبط الموضوع
    و بلاش الغمقان ده انا ناقصة دا انا بشوف بالعااافبة

    مبروك التاج

    ReplyDelete
  21. على فكرة مدونتك عجبتنى جدا

    و خفة دمك متناهية

    ربنا يوفقك دايما

    و اسمحيلى أضيف لينك لمودونتك و اذا مدونتى عجبتك فعلا انا أتشرف تضيفينى

    و نكون أصدقاء من دلوقتى

    تحياتى ليكى

    ReplyDelete
  22. علاء

    لحقت يا استاذ علاء تقرا وتعلق كمان؟؟
    ما شاء الله
    اصلى كنت منزلة البوست حالا ممممممممم
    يلا ما علينا
    :D

    ربنا يكرمك يافندم
    جزاك الله خيرا

    ReplyDelete
  23. محمود علي

    ربنا يكرمك ويعزك يارب
    اللهم آمييين

    ReplyDelete
  24. اسكندراني اوي

    اشوف فيك يوم ياكاميكاز زى مانت كاسفنا دايما كدة
    لامؤاخذة يا استاذى .. اصل الواد كاميكاز ده لما يجي يظبط اى بوست يبوظه بعيد عنك

    لا شكر على واجب يافندم
    إحنا فى الخدمة
    :)

    ReplyDelete
  25. الكلام نوعان :كلام فارغ وكلام مليان كلام فارغ

    ياحبيبتى القلوب عند بعضيها والواد كاميكاز بنفسه كان عايز يجى يحضر الخطوبة بس انا مرضيتش .. يرضيكى يسيب المدونة ويمشى .. افرض دخل فار مثلا اتنيل اعمل ايه انا ساعتها؟؟؟؟؟؟؟؟

    ولا طولتى ولا حاجة يابنتى
    اللى زيي انا وانتى محتاجين التطويل اوى .. من 152 لـ156 ياقلبى لا تحزن
    هههههههههههههه

    انا وجهت النداء وعندى أمل ان شاء الله انها ترجع للتدوين تانى وقولى يارب

    اااااه من الفرفشة بعيد عنك غليت اوى اليومين دووول وشحررت من السوق كمان
    :D

    ابقى ابعتيلى حبة بقااا

    سلام ياقمر

    ReplyDelete
  26. و القادم....أجمل

    ربنا يكرمكككككككككك
    لالالا بعد الشر عليكى من الموت
    ربنا يديكى الصحة وطولة العمر

    ويكرمك ع المدونة الجميلة بتاعتك دى

    ReplyDelete
  27. momken

    طبعا قصدك ع الواد كاميكاز
    هو فعلا رقيق اوى ماقولكش الصراحة
    ههههههههه

    ربنا يكرمك يافندم
    اخجلتم تواضعنا المتكمكز
    :D

    ReplyDelete
  28. تخاريف دكتور

    ههههههههههه
    كان فى الكازيون بجنيه ونص ومحدش معبره
    اييييييييه .. ارزاق بقا
    خدتوا عندى وكبرته وعمرته كاميكاز قد الدنيا .. واهى الطلبات نازلة ترف عليه اهوه

    اللى علي علي ياعم كوكووووو

    لا يافندم كاميكاز ليس للبيع .. ده للفرجة وبس
    ههههههههههههههه

    ReplyDelete
  29. سكتم بكتم

    اسئلة تااااااااانى؟ ده انا ماصدقت اخلص تعليم حرام عليك
    بس يلا مش مشكلة

    سين سؤال: أنت فعلا بتتمني أنك تموتي و زوجك راضي عنك ؟؟؟؟

    جيم جواب: اينعم

    سين سؤال تااانى: أنت ساكنه معانا علي كوكب الأرض ؟؟؟

    جيم جواب تانى بردو: ايون طبعا .. اومال بتكلم من المريخ؟

    ReplyDelete
  30. esraa

    اه ياستى اهوه اتشهر عشان يقرفنى .. ناس معندهاش دم
    :D

    يارب ترجع
    :(

    ReplyDelete
  31. ma_3alina

    الله الله الله .. انت بتعصى الواد عليا ولا اييييييه
    مش حلوو علشاااانك

    وبعدين تليفونك مش معاه ولا حاجة
    ايه الناس دى

    ReplyDelete
  32. Hadota .. حدوتة

    ياربى ايه الكلام الجميل ده كله
    ربنا يكرمك بجد وشهادة اتعز بيها جدا

    وشرفتى المدونة لاول مرة

    خالص تحياتى لكى وجزاكى الله كل خير يارب

    ReplyDelete
  33. ياسر سليم

    جيد مرتفع!!! طب ماينفعش جيد جدا ولا حاجة
    اصل النتيجة قربت يجعل كلامنا خفيف عليهاااا

    ممممم .. مين كاميكاز .. سؤال وجيه
    هضطر اجاوب بصراحة
    كاميكاز ده شخصية خيالية من اختراعى ومخلياه معايا هنا فى المدونة اهوه يونسنى
    :D

    ReplyDelete
  34. kasperb4

    ربنا يكرمك يااااارب

    بس سؤال محشووور فى زورى
    هو يعنى ايه افيتور ده؟؟؟؟؟

    ReplyDelete
  35. No Fear

    بعيد عنك فراااااااغ بعد التخرج فبقييت اكلم نفسى زى المجانين بالظبطططط

    طلع السطوح ينشرله كام طاقية كدة
    :D

    ReplyDelete
  36. غمض عينيك

    ربنا يكرمكككككككككككك

    كاميكاز منا كانوا بيبعوه فى العتبة الأربعة بربعة ساغ
    الحق بقا روح هات .. احتمال كبير تكون الحكومة منعت التجارة اصله خطر اوى ماقولكش
    :D

    جزاك الله خيرا يافندم
    اهلا بيك

    ReplyDelete
  37. lost in the web

    الله ليه التعقد ده بس يابت انتى
    هى نااااااقصة
    لا ماتخافيش إن شاء الله ربنا هيبارك فيهم بس هما يجوا
    :D

    اللهم امييييييييين

    ReplyDelete
  38. gohayna

    جهينةةةةة
    اهلا بيكى فى المدونة منوراها بجد

    ربنا يكرمك ياجميلة

    تحيااااااتى

    ReplyDelete
  39. Noony

    نونىىىىىى
    ازيييييييك

    ربنا يكرمك يابنتى كله من الواد كاميكاز اللى فاضحنا ده
    يلا منه لله بقا

    اللهم أميييين ويارب انجى ترجع بقا

    ReplyDelete
  40. يا مراكبي

    اهلا يابو مها
    حاجاوبك لأول مرة بصراحة عشان خاطر مها بس وحلة بالناجو .. أأقصدى ورق العنب طبعا
    :D

    كاميكاز ده بقا شخصية خيالية من اختراعى .. مخلياه معايا فى المدونة يونسنى
    وبسسسس

    مليون ونص ويجيبوا كدة بس؟؟
    ده انا كان نفسى فى سندوشت هامبورجر .. مش حيكفوا؟؟؟

    ReplyDelete
  41. Ma-3lina

    طول عمرك جامدة يابنتى .. بس اعتقد ان كاميكاز اجمد يعنى
    :P


    ظبطوا كوبيوتاراتكوا بقا الله
    ايه الناس دىىى

    ReplyDelete
  42. Eman Eltaher

    ربنا يكرمك يا إيمى ياجميلة
    انتى اللى دمك زى العسل ومدونتك تحفة
    بجد

    طبعا يابنتى ده شئ يشرفنى وحضيفك اكيد

    تحياتى ياقمر

    ReplyDelete
  43. السلام عليكم ورحمة الله وبركاته
    بجد ما شاء الله عليكى عجبتنى جدا جدا

    وربنا ان شاء الله يقدرلك الخير ويحققلك كل الى انتى بتتمنيه يا رب وبتحلمى بيه
    صدقينى ادعى بس وانتى كلك ثقه بالله عز وجل وان شل=اء الله ربنا يحققلك كل احلامك

    ReplyDelete
  44. ههههههههه
    لا متحشوريش حاجة ف زورك ابدا يا ياسمين

    خدي ده وانتي تفهمي اصدي

    http://www.alamuae.com/gallery/data/media/29/img_2004-412.jpg

    وعلى فكرة افيتور
    avatar

    وهو الصورة المميزة لمدونتك

    ReplyDelete
  45. Fedaa AL Eslam

    ياحبيبتى جزاكى الله خيرا
    نورتينى واهلا بيكى دايما

    اللهم آميييين وإياكى يارب

    ReplyDelete
  46. kasperb4

    ياسلاااااااام .. بقا هو ده؟؟؟

    معلش العتم ع التعليم وسنينه
    الحمد لله على كل حال

    ربنا يكرمك ع الإطراء ويجازيك كل خير ياااارب
    اللهم اميييين

    ReplyDelete
  47. توته.. حلو اوي البوست
    ما شاء الله عليكي بجد استريحت لما قريته معرفش ليه
    اه علي فكرة انا في الشغل وداخلة سرقة كده لظروف بيتية كومبيوترية
    فعارفغة لما تكوني متضايقة اوي وفجاة حاجة لذيذة تقريها
    :)
    بتبقي مبسوطة بيها اوي

    --
    عن سمرا سيبوها حبه ان شاء الله ترجع تكتب .. هي يمكن اتضايقت من تعليق مالوش لازمة اتكتب
    حبه وتروق ان شاء الله

    ReplyDelete

الكلمـة نـور .. وبعـض الكلمـات قبـور