Tuesday, December 17, 2013

رحلة طفلي من الصمت للكلام .. تجربة قد تفيدك

ملحوظة هامة جدا جدا جدا: مش معنى اللي هتقراه هنا إني بقول إن مشكلة تأخر كلام الأطفال عموما نتيجة مشاكل عضوية، التجربة دي خاصة بطفلي وبمشكلته اللي إكتشفنا بالصدفة البحتة إنها عضوية .. وعلى كل أسرة لديها طفل متأخر لغويا البحث وراء أصل المشكلة سواء عضوية أو نفسية والشروع بحلها بحول الله وقوته وربنا يحفظ أولادنا جميعا
-------------------

إبني إتأخر في الكلام .. كنت بكرر الجملة دي من أول ما تم سنتين لاني كنت حاسة اني بنفخ في إربة مقطوعة وإني مهما اتكلم واحكي وارغي هو ولا هو هنا .. مش بيقول كلمات تذكر وكل الحروف ضايعة، قابلت كل الإعتراضات من ناحية ان كل الاطفال كدة ومسيره ينطق وماتكبريش الموضوع لحد ما وصل سنتين ونص .. وبالصدفة كنا في زيارة عائيلية الزيارة دي كان فيها طفلة عندها سنة ونص وما شاء الله بتتكلم عنه كتير .. كان شكله حزين وبائس وهو بيحاول يكلمها ويتواصل معاها ومش عارف وكل اللي قدر يعمله انه يفضل يمشي وراها في كل مكان بس 


شوفته بيتألم وشوفت في عينه الحزن وماقدرتش اكدب احساسي، مع الوقت الموضوع اتطور لنوبات عياط وصريخ بسبب ضعف التواصل بينه وبين كل اللي حواليه .. بيحاول يوصلي معلومة بالإشارة او بهمهة غير مفهومة ولما مش بفهم نوبة الغضب بتظهر .. الموضوع ده كان مسببله ألم شديد كان باين عليه 


ما باليد حيلة مشيت في سكة جلسات التخاطب في رمضان (كان عنده سنتين و7 شهور) وكشفوا عليه في الاول الحمد لله السمع كويس لكن عمره اللغوي بتاع طفل عنده سنة .. جلسات التخاطب كانت فايدتها بالنسبالي اني عرفت ان مشكلته مش في التخاطب، ومشكلته الأساسية في ضعف التركيز .. اخصائية التخاطب تحاول تبص في عينه وهو يتعمد يبص في مكان تاني وتشاورله على الكلب وهو يشاور على الصفحة التانية عشان فيها قطة .. وهكذا، استحملت كام جلسة وسط الحر والصيام مالهومش أي لازمة غير انها في كل مرة ماتلاقيش اي تقدم ملحوظ تأنب فيا زيادة انتي ساكتة انتي قافلة بوقك .. ومهما حاولت اشرحلها اني كائن رغاي أساسا ولا الهوا! لحد ما جه في آخر جلسة وقام من كرسيه وشدني ناحية الباب عشان نمشي وقد كان


وديته مركز تاني وعملت تحديد مستوى قالوا ضعف شديد في التركيز وعايز جلسات تعديل سلوك، اشتركت وروحنا أول جلسة المدرب اعتذر اعتبرها علامة يا مارد ومشيت .. فكرنا نوديه لدكتور مخ وأعصاب يشوف لو في سبب عضوي .. روحنا وشخص الحكاية على انها ضعف في التركيز برضه وكتبله فيتامينات ودوا يقوي التركيز يمشي عليهم شهرين ولازم ولابد يدخل الحضانة


في الأثناء دي احنا كنا ماشيين بالتوازي في سكة تانية خالص ماكنش عندي أي فكرة او أي ربط بينها وبين تأخر الكلام .. مشكلة اللحمية وإن مناخيره مسدودة طول الليل وخلافه .. كملت في الطريقين طريق أدوية المخ والأعصاب وطريق علاج مشاكل اللحمية وحساسية الأنف لحد ما دكتور الأنف والأذن قالنا انه محتاج يعمل عملية اللحمية .. أيامها صاحبتي اتصلت بيا تطمن عليه وقالتلي ليه ماتكونش اللحمية هي سبب تأخر الكلام؟ كأنها رمت طوبة في بحر!! .. وفي الزيارة التالية للدكتور سألته .. اللحمية ليها علاقة بضعف التركيز؟ قالي طبعاااااا .. فكرة انه مش بيتنفس من أنفه دي معناها ان الأوكسيجين مش بيوصل لمخه كويس وبتأثر على التركيز ولو في طفل داخل مدرسة وعنده لحمية بنوصي يشيلها قبل ما يبدأ الدراسة .. فهمته انه متأخر في الكلام وانه راح لدكتور مخ وأعصاب وبياخد أدوية .. المعطيات دي كلها خليته يقول خلاص نشيل اللحمية في أسرع وقت


وقد كان .. عملنا العملية .. وبعدها بإسبوع حصلت المعجزة وإبتدا ينطق!! مش قادرة احكيلكم يوم ما قال "أنا" ده انا كنت فرحانة ازاي ويوم ما قال إسمه "أنس" كنت عايزة أزغرط بجد :D


اللي عرفته ان الطفل في عمر سنة المفروض يقول كلمة واحدة وفي عمر سنتين يقول جملة من كلمتين وفي عمر 3 سنين يقول جملة من 3 كلمات وهكذا هو حاليا داخل على 3 سنين وعمره اللغوي بتاع طفل عنده سنة والكلمات مش كلها واضحة بس الحمد لله بيتحسن .. الحضانة كمان قايمة بدور كبير في تعليمه كلمات جديدة وانه يلقطها بسرعة ويتواصل مع أطفال تانية ويسمع حواديت وقرآن وأناشيد .. وابتديت ادخل عالم الحواديت وابتدا يركز ويسمعها ويحاول يقول زيها الحمد لله 


ممكن تكون تجربتي مختلفة عن تجارب باقي الأمهات بس رأيي او نصيحتي لكل أم:

- صدقي نفسك وصدقي إحساسك بطفلك .. لو حاسة ان في مشكلة يبقى في مشكلة فعلا ولازم تخبطي على كل الابواب الممكنة لحد ما توصلي للحل 

- متأخر في الكلام ولا لأ دي حاجة يحددها المتخصصين مش اي حد تاني .. إسعي وامشي في الطريق لو حسيتي ان في مشكلة وتذكري دائما إن إدراك المشكلة هو بداية الحل

- أول حاجة ممكن تسمعيها لما تمشي في الطريق ده ان المشكلة عندك انتي عشان مش بتكلميه كتير او مش عنده اخوات، وجوده في الحضانة هيبين صحة تأثره بالبيئة المحيطة وكمان انتي أدرى واحدة بتتكلمي معاه كتير فعلا ولا لأ 


- ابنك ضعيف ومسؤول منك ... لحد ما ربنا يكرم ويتكلم حاولي تمدي جسور التواصل بينك وبينه عن طريق العطاء المعنوي من بوسة وحضن وضحكة وطبطبة ولعب


- متوقع في المرحلة دي يغضب جدا بشكل يخض .. حاولي تهدي تماما وتتعاملي على انها فترة وهتعدي .. سيبيه يعيط لحد ما يهدى لان كل محاولتك لتهدئته وانتي مش عارفة هو عايز ايه اساسا هتعصبه أكتر وكمان لو اتعصبتي عليه بزيادة كدة بنزود المشكلة مش بنحلها


- وارد يتصرف تصرفات فيها غضب وعصبية وانتوا برا البيت، ممكن لو منتظرة دوره عند الدكتور يقضيها صوات وعياط! معلش اصبري وماتشيليش هم شكلك قدام الناس نهائي 


- اعملي حسابك لما تخرجي معاه يكون معاكي وسيله ترفيه سهل تخرجوا بيها زي كتاب صغير فيه صور وألوان حلوة او كورة صغيرة .. وطبعا أكل وشرب عشان لو طلب حاجة منهم وانتوا برا وطلع مش معاكي مش هتعرفي تفهميه يصبر شوية او يستنى 


- للأسف صعوبة التواصل ممكن تسبب مشاكل سلوكية استعيني في حلها بالدباديب والعرايس لانه هيعرف يتواصل معاهم بلغته وهيحبهم، تعاملي مع الدبدوب كأنه من ضمن أفراد الأسرة له إسم خاص بيه، وممكن نديله أوامر بطريقة غير مباشرة لما نقولها للدبدوب ونصحيه من النوم ويدخل الحمام ويغسل سنانه وينام في سريره ويسمع حدوتة .. ماما زعلانة من الدبوب عشان عمل كذا .. ماما بتحب الدبوب وهنديله حضن ... بيعيط وزعلان تعالى نصالحه .. وهكذا، هتحاولي تتداركي المشاكل السلوكية وفي نفس الوقت هيحس بتواصل بينه وبين كائنات لطيفة بتسمعه وبتفهمه فحالة الإنعزال والعصبية تقل شوية، خصوصا لو مش عنده إخوات ولسة مادخلش الحضانة، وكمان هتلاقي مادة للكلام الكتير معاه من الجميع الأب والأم حتى لو راح زار الجد والجدة ممكن ياخد الدبوب معاه فيعرف كلمات له علاقة بمواقف حياتية كتيرة ومختلفة

- قللي بل إمنعي قنوات الأطفال اللي فيها اغاني .. فعلا مدمرة، وياحبذا لو تقفلي التلفزيون وتقعدي معاه على الارض تلعبوا أي لعبة سوا او حتى تجروا ورا بعض في الشقة 

- لو مضطرة للتلفزيون تبقى قنوات عادية وأفضل في السن الصغير براعم لان جوها العام هادي واصواتها مش مزعجة ومريحة وبحس انها بتقدم برامج مدروسة مش أي كلام .. كمان أي كارتون يشوفه لازم تفضلي تشرحي كل حاجة باينة على الشاشة .. دي قطة وده فار وده شباك وده باب .. وهكذا 

- لو وصل سن سنتين دخليه حضانة مشهودلها بالكفاءة عشان الاختلاط بأطفال غيره هيفيده جدا، الحياة مش بمبي لو رجعلك مضروب او متخربش ارجعي للمدرسة بتاعته واعرفي ايه اللي حصل وفهميها ان قلة كلامه بتخليه بيتواصل بصعوبة وممكن يتعصب ويضرب فتركز معاه شوية زيادة 

- اهتمينا بالطفل كتير نهتم بالأم بقى :) انك تشوفي ابنك قصاد عينك ومش عارف ينطق دي حاجة مش سهلة، هتبقي عبارة عن كمية مشاعر متحركة مش مشكلة، احرصي على تفريغ المشاعر دي بكل الطرق الممكنة .. إبكي، اكتبي، شاركي اصدقائك التجربة والعيلة واطلبي منهم الدعاء

- آخر حاجة ودي أهم حاجة فعلا .. إدعي ربنا يفك عقدة لسانه، وتصدقي بنية شفاءه وصلي قيام ليل وادعي كتير .. ربنا مافيش أرحم ولا أكرم منه إستعيني بيه لانها ممكن تبقى مرحلة صعبة وقاسية بس إن شاء الله هتعدي على خير .. ابشري :) 

16 comments:

  1. كلام في منتهي الروعة رغم انك تخاطبي الأم لكني استفدت جدا من موضوع....
    شكرا جدا ...

    ReplyDelete
  2. كل سنة وانتي طيبة وبألف خير وصحة وسعادة ورضا وراحة بال وسلام وإن شاء الله يكون عام جديد سعيد عليكي وعلى أسرتك الكريمة وتحققين فيه كل ما تتمنين
    :)

    أطيب تحياتي

    ReplyDelete
  3. كيف اتواصل معك عزيزتي انا اخصائية ومدربة متطوعه للامهات احتاج اذنك بنقل تجربتك للفائده

    ReplyDelete
  4. اكيد يمكن التواصل معي من خلال الايميل
    2insana@gmail.com

    ReplyDelete
  5. بنتي عمرها سنة وعشر شهور تقريبا استيعابها جيد بالنسبه لعمرها تحب الخروج وتحب اللعب بالمويه وتعشق التلفزيون وتبكي لما نمنعها عنه كان عندي احساس ان فيها شي مو طبيعي خصوصا انها ما قالت ماما فقط بابا باي لأ والتركيز قليل اخذتها لطبيبه نفسيه قالت ما عندها اي علامات توحد البنت طبيعيه وتبوسك وتركض لك بس تحتاج تروح حضانه لما قريت قصتك تذكرت انها تطلع اصوات تشبه الشخير ودائما انفها مسدود من كانت صغيره احط لها بخاخ فتحتي عيني لمشكله قد تكون حل ان شاءالله اعمل موعد ويارب يطمن قلبي حزينه على بنتي كثير

    ReplyDelete
  6. بجد شجعتينى وادتينى امل .. الف مبروك ل أنس ويارب تشوفيه احسن راجل فالدنياااااا ..ربنا يباركك ويفرحك .. ويارب تكون مشكلتى فاللحمية زيك انا اكتشفت بأشعة ان ابنى عنده اللحمية ومحتاج عملية وهو متأخر فالكلام برضه .. إن شاء الله خير .. شكرااااااااااااا لموضوعك وربنا يعوض صبرك واحتمالك واهتمامك خير

    ReplyDelete
  7. كلام جميل واسلوب اكثر من رائع في السرد ...الله يحفظه ليكم يا رب

    ReplyDelete
  8. مقال اكثر من رائع واسلوب واضح وراقي ...
    بكيت وبكيت وبكيت...
    ابني عندو 2 سنة و 8شهور ومتاخر في الكلاميقول كلمات تعد على الاصابع مثل بيضة تفاحة ماء باباسكر حلوى ولا يقول جملة ابدا
    اردت ادخاله للحضانة لكن ابوه رفض بحكم اني لا اعمل وماكثة في البيت ..
    لم اعرضه لاي اخصائ ما عدا طبيب الاطفال العادي الذي قال لي: لا تقلقي سوف يتكلم.. لكن متى؟؟؟؟
    انا بالفعل حاااااااااااااااااائرة...
    مشكلة زوجي الوحيدة لا تشغلي التلفاز وسوف يتكلم.. لا يريد اخذه لا عند اخصائي ولا شيء ثاني.. انا منذ شهرين تقريبا اوقفت التلفاز تماما مع العلم انو كان يحب التلفاز بشدة ولكن الحمد لله نسيه قليلا...
    هل يكفي ان اكلمه كثيرا ليتكلم؟؟؟؟
    جزاكي الله خيرا....

    ReplyDelete
  9. جزاك الله خيرا كلامك طمني شوي مع أن ابني داخل خمس سنوات يمكن فيه مشكله عضويه لازم نبحث عن المشكله
    رغم هذا الهم الذي يلقني لكني متوكله على الله هو الشافي المعافي

    ReplyDelete
  10. جزاك الله خيرا كلامك طمني شوي مع أن ابني داخل خمس سنوات يمكن فيه مشكله عضويه لازم نبحث عن المشكله
    رغم هذا الهم الذي يلقني لكني متوكله على الله هو الشافي المعافي

    ReplyDelete
  11. ياريت صاحبت المقال الجميل ده تطمن قلوبنا و تقولنا تاخر الكلام و تركيز ده بسبب اللحميه كانت فعلااات ارجو الرد للاطمانان

    ReplyDelete
  12. مظلات

    انواع السواتر واسعارها-عند التفكير فى تركيب سواتر سواء إذا كان الساتر سيتم تركيبه على سور فيلتك أو سواتر العمائر والأحواش أو المطاعم والشركات ولأصحاب الفنادق والمستشفيات ينبغي عليك أن تتعرف على أنواع وأسعار السواتر المختلفة لتحديد الساتر المناسب.

    سواتر قماش PVDF
    سواتر قماشPVC
    سواتر قماش HDPE polyethylene

    أفضل اسعار سواتر قماش للبيوت المؤقتة بالرياض وضواحيها
    أرخص اسعار سواتر قماش-فإذا كنت تود تركيب ساتر يعمل كفاصل بينك وبين جيرانك لتتمتع بالخصوصية الكاملة عند جلوسك بحوش أو حديقة أو سطح منزلك وفى نفس الوقت لا ترغب فى إهدار أموالك لا تتردد بتركيب ساتر من القماش المشدود يعمل كحاجب للرؤية مع السماحية بتمرير الضوء والهواء.
    مظلات وسواتر المملكة نحرص على تنفيذها فى مؤسسة سواتر ومظلات الاختيار الأول حيث تعتبر مشاريع المظلات والسواتر ملاذ من أشعة الشمس القوية والرياح الشديدة.

    كم سعر متر السواتر
    سواتر بلاستيك بالرياض-تنفيذ وتركيب سواتر البلاستيك بألوان متعددة و مقاسات متنوعة طبقا لمواصفات الامان والسلامة ومعايير الجودة هو مهمتنا فى مؤسسة سواتر الأختيار الاول.تمتاز سواتر الخشب البلاستيكي بامكانية الدهان بالوان مميزة بالاضافة للصلابة العالية وعدم التعرض للانحناءات او التقوس مقارنة بالخشب العادي.

    https://alakhtiarumbrellas.com/%D8%B3%D9%88%D8%A7%D8%AA%D8%B1-%D8%A8%D9%84%D8%A7%D8%B3%D8%AA%D9%8A%D9%83/
    مؤسسة مظلات وسواتر الاختيار الاول

    شهادة تسجيل معتمدة من وزارة التجارة والاستثمار

    سجل تجاري رقم 1010896134

    المركز الرئيسي / شارع التخصصي

    الاسم التجاري للفرع/مؤسسة مظلات الاختيار الاول للمقاولات


    للإستفسار وطلب تنفيذ أعمال المظلات والسواتر تواصل معنا على الارقام التالية:

    تليفاكس \ 0114996351

    ج \ 0500559613

    ج \ 0535553929

    ج \ 0548682241

    للعودة لصفحة الموقع الرئيسية https://alakhtiarumbrellas.com

    ReplyDelete
  13. شركة تنظيف بالبخار ومكافحة حشرات بجده 0560943111
    خدمات أفضل شركة تنظيف بالبخار بجدة
    تصلك أينما كنت في الحال ، إذ تنتشر مراكز خدماتنا علي أوسع نطاق في جميع أنحاء و مقاطعات جدة ، لا حاجة أن تعبأ بعد اليوم بهموم و مشقة التنظيف ، كل ما عليك هو الاتصال بنا نأتيك علي الفور موفرين لك كل السبل الممكنة للحصول علي أفضل أداء في تنظيف كل ما تحتاج بالبخار.
    تنظيف بالبخار
    شركة تنظيف بالبخار بجدة
    الاهتمام بالمنزل هو من اهم الواجبات التي تقع على عاتق كل سيدة منزل فهي تحب ان يظهلر
    منزلها بافضل شكل وانضف شكل فهو كما يحتاج تخصيص للوقت هو ايضا يحتاج جهد وتفكي
    ولكن اذا كان التنظيف بشكل دائم فسيكون المنزل دائما نظيف ولا يتطلب الجهد الكبير والشاق
    فهناك عدة طرق واساليب سهله تستطيعي من خلال تطبيقها الحصول على بيت نظيف دائما
    هناك غرفة الضيوف تعتبر من الغرف التي لها أولوية في نظافتها والمحافظة على ترتيبها،
    ولهذا يتم تنظيف الأرض جيداً والمحافظة على لمعان بلاط الأرضية، ويتم تنظيف الطّاولات
    والكنب من الغبار والمحافظة على ترتيبها
    شركة رش حشرات بجدة
    شركة مكافحة حشرات بجدةقد يعاني بعضنا من ظهور بعض الحشرات والآفات الضارة سواء داخل المنزل او ان كنت تمتلك حديق منزلية فهذا قد يسبب لنا الازعاج والشعور بالضيق والاشمئزاز ولكن مع شركتنا ستجد النظافة والامان والراحه فهدفنا هو سلامتك وسلامة البيئة من حولنا فعند ظهور الحشرات يجب عليك عزيزي العميل الاسراع بالاتصال بنا لتفادي اية أضرار صحية قد تسببها لكم هذه الحشرات
    فهناك بعض الحشرات تتسبب بأمراض خطيرة,فلدى شركتنا أحدث التقنيات والأساليب المتبعة حديثا ومرخصة عالميا لتطهير المنازل بالكامل والحدائق المنزليه والعامه وتطهير اي مكان سواء فنادق فلل مكاتب اماكن عامة.وهنا بعض اساليب الشركه المتبعه لمكافحة الحشرات

    ReplyDelete
  14. You’re so interesting! I don’t believe I’ve truly read something like this before. So great to find someone with genuine thoughts on this issue. Really.. many thanks for starting this up. This website is something that’s needed on the internet, someone with some originality!

    CBSE Schools In Mehdipatnam
    CBSE Schools In Nagole
    CBSE Schools In Nalgonda
    CBSE Schools In Kushaiguda
    CBSE Schools In Nizamabad
    CBSE Schools In Nizampet
    CBSE Schools In Patancheru
    CBSE Schools In Pragathi Nagar
    CBSE Schools In Rajendra Nagar Hyderabad
    CBSE Schools In Rampally

    ReplyDelete

الكلمـة نـور .. وبعـض الكلمـات قبـور