Monday, June 27, 2011

إختار هديتك بنفسك

هل تعلم إن من أصعب المهام على المرأة شراء هدية مناسبة للرجل؟ يا عزيزي آدم إنها حقيقة علمية مسلم بها لدى كل النساء .. ماذا يمكن أن يهادى به الرجل ، ساعة ، شراب ، كرافات ، باكو لبان .. لا تدري بالتحديد ، يزيد من صعوبة الأمر الهدية الموجهة للرجل الغير محدد الهواية والشغف .. لا يدخن لا يشجع أي رياضة .. إلخ

مشكلة الهدية تكمن فى إنك لما بتسأل اللى المفروض هتجيبله هدية على نوع الهدية اللى هو عايزها نادراً لما بيقولك حاجة معينة على سبيل الإحراج ومش عايز أكلفك وكدهوك ، بس انا من رأيي إن طالما كدة كدة الهدية هتيجي وكدة كدة فى فلوس هتتدفع يبقى المفروض تدفع فى حاجة تنفعك وإنت محتاج لها فعلا بدل ما تجيلك هدية زي عدمها او مش هتنفعك فى شئ .. مش كدة يا باشا؟

عندي أقتراح أرجوا تعميمه على كل الجدعان اللي هيجيلهم هدية قريب - يا بختهم مبدأياً - الإقتراح ده إنك تغمض عينك وتتخيل لو أنك قد دعكت الفانوس ثم خرج ليقول لك ( شبيك لبيك .. إطلب وإنجز يا برنس ) .. وإحلم بقى ، نفسي فى كذا وكذا وكذا وكذا .. إكتبهم فى ورقة بسيطة وسلمهم للشخص اللى سألك نفسك فى ايه هدية 

رد فعل الشخص على الإقتراحات هيكون حسب طبيعة الإقتراحات .. لو لقى مكتوب هدايا من عينة الآيفون والآيباد والآيام دونكي والحاجات دي إنسى .. مش هيجيبلك حاجة وآدي دقني أهيه لو عبرك فى هدية تاني 

إنما بقى لو هدايا معقولة ظريفة لطيفة - مش وردة طبعا .. الحاجات دي ما بتاكلش معاك عارفة - من عينة أكلة حلوة ، صابونة بريحة ، فرشاة سنان ، فرشاة بلاط مايضرش .. تبقى جدع وأستاذ وكفاءة .. الهدية هتجيلك فى لمح البصر وفوقيها وعد بهدية مماثلة كل عيد ميلاد أو كل شهر حتى

وبحذرك يا عزيزي آدم لما تيجي تختار هديتك تقولها انا هدتيتي إنك تبقى عاقلة وراسية وطيوبة والكلام الحمضان ده .. صدقني هتجيبه لنفسك .. هتلاقيها برقت وإتخضت وإنتفضت وقالتلك: ليييييييييه هو انت شايفني بشد فى شعري قدامك عشان تقولي عايزك عاقلة؟؟؟؟؟؟ .. طووووم طاااااااااااااخ طششششششششش 

والله الموفق والمستعان 

7 comments:

  1. السلام عليكم
    لزيزة و مهضومة التدوينة
    :)
    يا سيتي بالفعل شغلة بتغلب إكثير
    أنا بحب العطر أو ساعة
    عيد ميلادي 12 تشرين الثاني
    ههههههههههههه
    بانتظار الهدية

    ReplyDelete
  2. عندما افكر في شراء هدية الى خطيبي فاني اميل عادة الى سؤال الاشخاص المحيطين به .. اخوانه او اصدقاءه فهم يعرفون جيداً مايميل اليه - او - يجب عليي ان انتبه عندما يقول "اريد ان اشتري .. كذا او كذا " هنا سأعرف الهدية التي ستفرحه وتسعد قلبه !!

    ReplyDelete
  3. ههههههههههههههههههههههههه
    جاااااااااامدة بجد
    فعلا هداياهم صعبة و كلها غالية
    انا اسهل هدية كنت بجيبها للمدرس بتاعي كانت كرافاتة
    بس اكتشفت بعدها اني بعشق الكرافاتات من كتر ما كنت بحب اقف اتفرج عليهم و ببقى نفسي اشتري قوي منهم و اشيلهم علشان اهديهم لخطيبي في المستقبل باذن الله ^_^

    بس لسه مأقدمتش على خطوة متهورة زي دي لان ممكن يطلع خطيبي مش بيحبهم :D :D

    ReplyDelete
  4. انا ياجماعه الموضوع تعدا معايا مرحله الصعب ودخل في المستحيل
    انا عمري ما جبت هديه لولد اساسا ولا اعرف اذواقهم ايه
    فإن شاء الله لو حصل في يوم نصيب هعرف المحروس لشبابه ان احنا عندنا عيدين بس
    وغيره حراااااااام وبكده اريح نفسي من الحيره
    وللأمانه لزوم السعاده والفرفشه في العيد الصغير هعمله كحك
    وفي العيد الكبير هعمله فته وكباب حله
    ولو في يوم حسيت انه محتاج حاجه او عرفت انه نفسه في حاجه
    هجبهاله فورا في اي يوم علي اساس تهادوا تحابوا

    ReplyDelete

الكلمـة نـور .. وبعـض الكلمـات قبـور