Saturday, May 15, 2010

مودرن مصر .. مهلبية 100%!!ا


أعجبت بالفكرة

ولو إننى كنت أتمنى أن يتم تطوير القنوات الإقليمية الخاصة بالتليفزيون المصري

والتي تربينا على برامجها الجميلة والممتعة

والتى كانت تقوم بدور رائع فى تعريف المحافظات ببعضها البعض

أختفت هذه القنوات وذهبت مع الريح إلى الأبد

وكأن المقصود هو أن نتباعد ولا نقترب أبداً

أين القناة الثالثة الخاصة بالقاهرة الكبرى

والقناة الرابعة الخاصة بالإسماعيلية

والقناة الخامسة الإسكندرانية

والقناة السادسة الدلتاوية

والقناة السابعة الصعيدية

والقناة الثامنة الأسوانية

ألا يكفي المركزية حول العاصمة فى المصالح الحكومية وفرص العمل؟

أم أنهم يريدون مركزية ثقافية وإعلامية أيضاً؟

*****

قناة مودرن مصر الفضائية لا تحقق لي أي إشباع يذكر

أن يكون لكل يوم محافظة شئ مربك جداً فى المتابعة والإرتياح

خاصة تغيير ألوان شعار القناة وملابس المذيعين والشريط المتحرك بشكل موحد ويومي

فتتنوع بين اللون الأزرق والأخضر والزهري والأصفر والبني والأحمر

كما أعتقد إن هذا الإهتمام بالتفاصيل من القناة قد عطلها عن تقديم محتوى خاص بكل محافظة

فتجد أن القناة فى نهاية الأمر تقدم برامج معينة ثابتة بشكل يومي

ولكنها تضع لها شعار أو عنوان عام أن هذا اليوم هو يوم الصعيد أو الدلتا وهكذا

*****

ثم كيف يكون شعار القناة مصرية 100% وإسمها " مودرن" !!!! ؟

أعتقد إن هذا الإسم غير مناسب لفكرة القناة إطلاقاً

وكان عليهم بدلاً منه أن يختاروا إسماً آخر

أما ما أشاهده الآن أعتقد أن الشعار الأنسب له هو

مهلبية 100%ا

7 comments:

  1. هههههههههههه
    مهلبية فعلا :D
    متفقة معاكي اوي

    ReplyDelete
  2. هي اللامركزيه جميله و بتوفر الوقت و الجهد بس الصراحه القنوات ديه حققت نجاج في البدايه و بعد كده بقيت حاجه تكسف مع انتشار الفضائيات أما مودرن فأحب متابعة الكلاسيكيات و ليس مودرن سمك لبن تمرهندي

    ReplyDelete
  3. قناة مودرن دي أصلا قناة تعبانة .. بتشجع العصبية .. كل اللي فيها شوية ناس بيزعقوا وبحاولوا يعملوا بروباجندا .. ملهمش الا في الكلام في الكورة اللي هما مش بيفهموا فيها حاجة أصلا .. علي عكس برنامج ابراهيم حجازي .. الذي يحاول ان يثبت أن مصر لسه فيها خير بس احنا اللي مش بندور عليه .
    قناة المعوقين مودرن مصرية 100%

    ReplyDelete
  4. اشكرك على موضوعك
    لكن اختلف معك انا ارى عدم جدوى هذه الفكرة, فكرة عمل قنوات اقليمية اصلا
    فنحن فى زمن تتلاقى فيه ثقافة الشعوب فى شيئ واحد, فناتى نحن ونقوم بعمل ثقافة لكل محافظة
    على الرغم من ان هذه القنوات تبث مجرد برامج بسيطة او حوارات عادية إلا ان هذه الفكرة تسبب شبه انعزاليه اكثر من انها تقرب بين ثقافات وعادات المحافظات

    الأفضل عمل قنوات تعبر عن ثقافة امة لا ثقافة محافظات

    لكى تحياتى

    ReplyDelete
  5. فعلا حاجه تفقع المراره .... لكن ده اللي اتعودوا عليه حتى في مودرن للرياضه .. فهي قنوات لا تدار من متخصصين
    وانا فعلا كنت متغاظ من مودرن مصر دي حتى في تقسيمهم للمحافظات تقسيم مهلبيه عالاخر
    انا من الشرقيه مثلاً
    وتعبتر الشرقيه من مدن الواقعه بين الدلتا ومدن القنال
    ونلاقيهم في القناه حاطين السويس وبورسعيد لوحدهم
    والاسماعيليه والشرقيه لوحدهم رغم عدم وجود رابط وعلى اي اساس قاموا بهذه التوزيعه
    شكراً ليكي وكفايه كده سلام

    ReplyDelete
  6. يعني هي جات على دي بس

    ما الباقي كله من نفس النوعية

    ربنا يرحمنا يارب

    ReplyDelete
  7. لايا اخى العزيز ابشرك بأن القنوات الاقليميه راجعه بكل قوه تحت شعار باقةالمحروسه وستتوقف مودرن المحافظات
    ستعود الاسكندرية والعاصمه والدلتا والقنال وطيبه والوادى

    ReplyDelete

الكلمـة نـور .. وبعـض الكلمـات قبـور