Monday, May 17, 2010

صدمة العمر


فى حياتها لم تتوقع أبداً هذه المفاجأة

وجدت زوجها عائداً من العمل يكاد يزغرد من فرط الفرحة

يحمل كيساً بلاستيكياً مُريباً فى يده

وضع الكيس بين يديها بحنان قائلاً: وريني شطارتك بقى


فجأة وجدها تصرخ صرخات هسيتيرية وتقول :

أنا داليا بنت الدكتور محسن أعمل كوارع ؟!!!!!!ا


تحت ضغوط قوية محلية وعالمية

وافقت داليا "مجبرة" على هذه الفعلة الشنعاء

كانت تبكي فى المطبخ
وتلوم نفسها

كيف لم تكتشف ما لدى زوجها من ميول كوارعيية إنحرافيية
مُقيتة !ا

بينما تلعن الزواج على اللى بيتجوزوا على اللذين يريدون الزواج فى يوم واحد !ا


وحينما انتهت وجدت نفسها تضع على السفرة طبق

به العديد من السيقان الحيوانية المسلوقة الملقبة "بالكوارع"ه

ونادت على أحمد زوجها بصوت مبحوح لا يقوى على النطق

و ما إن سمع أحمد النداء حتى قفز وجري نحو مصدر الصوت

ونط فوق كرسي السفرة في حركات بهلوانية متوالية

فاشخاً فمه من فرط البهجة والفرحة المطلتين من عينيه

ثم بدأ فى الهجوم بشكل مباشر وشرس على الكوارع بلا رحمة ولا هوادة

وما إن رأته داليا وقد تحول أمامها إلى أحد آكلى سيقان البقر

حتى سقطت مطروحة أرضاً من قوة الصدمة

إنها حقاً صدمة العمر!ا

8 comments:

  1. هههههههههههه
    طيب كويس انها جت على الكوارع امال لو جابلها كرشة و لا فشة و لا ممبار عايزين تنضيف كانت عملت اية؟
    طلبت الطلاق
    قتشيعة يا اختشي ستات مش عارفة مصلحتشها

    ReplyDelete
  2. هههههههههههههههههههههههههه والله انتى عثل يا ياسمينة

    فعلا صدمة العمر يا عينى والله خليتيها صعبت عليا جدااااااا

    انا الحمد لله مش هاتصدم انا بحب الكوارع ولله الحمد

    تسلمى وتسلم اياديكى

    بحبك وانتى تكتبى رايق ولذيذ كده يا جميل انت

    ReplyDelete
  3. هههههههههههههههههههه

    الصراحه ليها حق :)

    ReplyDelete
  4. ويلاها من صدمه معاها حق
    ايه رغبات الرجاله العجيبه دى
    :))

    ReplyDelete
  5. ههههههههههههههههههههههههههههههههههههههههههههههههههههه ابدا ابدا

    ReplyDelete
  6. ههههههههههههههههههههههههه
    موتيني من الضحك ياياسمين علي كدا بقي انا متجوزه انسان الغاب

    ReplyDelete
  7. looooooooooooooooooooooooooooooool
    انتي دلوقتي جيتي علي نقطة ضعفي في الأكل الكوارع والكرشة والمنبار .......
    حدش يحب الكارع يا جدعان
    خصوصا لما يكون بدمعة
    وقاعد يلزق في الايدين
    .........
    تدوينة طريفة
    اضحك الله سنك

    ReplyDelete
  8. ههههههههههههههههههه

    يالهوز

    صحيح امال كان جابلها لحمة راس كمانت عملت ايه :D :D

    ReplyDelete

الكلمـة نـور .. وبعـض الكلمـات قبـور