Monday, May 10, 2010

أزهى عصور القرف

أخي المواطن .. كيف حالك؟

انا مواطنة أخرى مثلك

أشعر بكل إحباطاتك ومشاكلك فأنا غارقة فيها لشوشتي مثلك تماماً

أتفهم جداً مشكلة الحمامات فى بلادنا

وإنك كثيراً ما تكون "مزنوق" وتريد أن "تفك" عن نفسك

ألتمس لك كل الأعذار الممكنة والجائزة والمنطقية

ليس حباً فى الروائح العطرية فائقة الروعة والإبداع

التي تتفنن فى إنتاجها على أرصفة البلد

ولكن إداركاً لعدم إدارك الحكومة بإن هذه المدن مخصصة للبشر

وإن البشر قد يحتاجوا لتلبية نداء الطبيعة بين الحين والآخر

فلم يقوموا بوضع حمامات عامة فى الشوارع

وإن وجدت فهي فى حالة منيلة بنيلة

وليس لها أي علاقة من قريب أو بعيد بما رأيته فى برنامج خواطر من اليابان

من حمامات آدمية يابانية

والتي بعد أن تشاهد الحلقة بلحظات تدرك أننا نعيش في كوكب آخر

*****

لا أدري هل هذا إعتراف ضمني من الحكومة بإننا لسنا بشر

ولا نحتاج أن نأخذ حق من أولويات حياتنا

وهو تلبية نداء الطبيعة؟

هل تعتبرنا " لامؤاخذة في دي الكلمة " كلاب نفعلها إلى جانب الحوائط

وخلاص على كدة؟

لا تتوقع مني أن أقول لك أين الإنسانية والحضارة والمدنية من كل هذا؟

ولكن عليك أن تتوقع مني بالطبع أن أقول لك أين الرحمة من هذه الروائح؟

ولكني ومع ذلك أشكرك بشدة ومن صميم قلبي

لانك لا تفعلها فى بحر الطريق العام بل على الأرصفة

وأحب أن أطمئنك بإننا والحمد لله قمنا بأخذ الحيطة والحذر

وتوقفنا عن السير على الأرصفة

ويبدو لي - والله أعلم - إن الأرصفة أصلا لم ترصف إلا لهذا الغرض

وإلا فلماذا إذاً هي عالية جداً ويصعب حتى على أصحاب الركب السلمية تسلقها؟

هي عالية حتى تحفظ للإخوة "المزنوقين" بأقصى قدر ممكن من الخصوصية والراحة

بعيداً عن أعين المتلصصين والحيشاريين

*****

أخي المواطن ، إن كنت قد إلتمست لك العذر فى هذه الفعلة الشنعاء

والتي هي فى رأيي شئ ليس لك دخل فيها على الإطلاق

فلن ألتمس لك العذر فى البصق فى الشوارع

وجعلي أريد أن أتقيأ كلما خرجت ونظرت إلى الأرض

لا أسامحك ولن أسامحك أبداً

فالأمر يا عزيزي فى غاية السهولة واليسر

لا يحتاج سوى منديل واحد

والباكو بنصف جنيه ، والحسابة بطلت تحسب

تضعه على فمك وتفعل ما يمليه عليك لعابك

وإن عز عليك إمتلاك النصف جنيه فلتأخذ منديل قماش

وإن لم تجد فعليك بحتة فانلة قديمة بالية

إفعل فيها ما تريد

فإن كنت قد رحمتني فى الأولى وفعلتها على الرصيف

فلما لا ترحمني فى الثانية وتفعلها فى المنديل؟

أستحلفك بالله أخي المواطن أن تبتعد عن الأرض

أرجوك إحترم الأرض التي ستقضي فيها قدر لا يستهان به من السنوات

فى إنتظار قيام الساعة

إحترم الأرض التي قد دُفن بها أي شخص عرفته يوماً ما

ولا تنسى أبدا أن الملائكة تتأذى مما يتأذى منه ابن آدم

******

وفي النهاية

أدعو الله أن يرحم الله أنوفنا من قسوة نشادرك القاتلة عزيزي المواطن

وأن يرحم أعيننا من أفعايل لعابك اللعين

11 comments:

  1. حلو بوست خمسة لصحتك دة
    انا بأحس ان احنا شعب عايز يتربى

    ReplyDelete
  2. بوست جميل

    بس المشكلة احنا برضة مبنحترمش

    الحاجة الكويسة

    يعنى اكيد الحمامات دى اول ما اتعملت كانت كانت ايوة كانت

    حمامات قبل التاتار مايجو مصر ويبوظوها

    احنا ملناش ذنب

    طب لية مصلحنهاش

    علشان معندناش وقت

    بس


    شكرا

    ReplyDelete
  3. ههههههههههههههه
    بوست بصراحه بسد النفس لامؤخزة
    بس عندك حق
    بما انهم لايملكون غير عمل البى بى فى الشارع علشان الزنقه وحشه وبنت ستين
    ليه بقى التف
    فى عندنا فى الاسلام كفاره للبصق فى الشارع
    كفارتها دفنها بالتراب او مسحها بقعر الجزمه
    طول ما صحاب الفعل ماعملش كده هو شايل ذنب طول ماهو ماشى
    دى اداب طريق
    كاتهم القرف
    متشكرين والله انت انسانه فعلا

    ReplyDelete
  4. اعلمى ياصغيرتى ان اصحاب المناصب الادارية الكبرى فى هذا البلد -المنكوب بهم - لا يخطر ببالهم انهم موظفين فى خدمة الشعب ولكن الراسخ فى تلافيف مخهم انهم سادة والشعب عبيد وعلشان كدة فى كل مبنى حكومى فى مصر سوف تجدى ان المدير له حمام خاص - رغم انه حمام متواضع جدا - قياسا بحمامات المبانى الحكومية فى البلاد المحترمة

    اما البلاد المحترمة فلا يوجد فيها حمام خاص لاى مدير ولكن فيها حمام محترم جدا لكل الناس موظفين وزائرين وعلى المدير او خت على رئيس الدولة اذا جاء فى زيارة فانه يستعمل الحمام زيه زى عباد الله جميعا

    اما فى البلاد المحترمة فكل سوبر مارت او محل اكل فيه حمام محترم مفتوح لاى حد وبدون اجر وبدون ان تشترى من المحل شئ وبكدة مبقاش فيه حاجة ان الدولة تفكر فى موضوع الحمامات العامة

    ReplyDelete
  5. مفيش أقل من كدة شرف


    ربنا يباركلك

    ReplyDelete
  6. لسه شايف راجل بيعمل بيبي في الشارع بس بصراحه رجل محتر قعد علي قرافيسه وعطا الناس لا مؤاخذه القرعة ولكي ان تتخيلي منظر البيبي وهوه بينزل تاتا تاتا حته من البيبي وصلت الارض بسلام جووووول والباقي لسه بيتهادي في الطريق والمصدر مفتوح والريحه افففففففففف
    اي خدمة ارجو النشر لزياده جرعة القرف

    ReplyDelete


  7. في يوم من الأيام
    كنت ماشي في الشارع
    لقيت سواق تاكسي راح راكن العربية و نازل. عدى الرصيف و ادى ضهره للشارع و بدأ يلبي نداء الطبيعة.
    الأمر غير آدمي و غير ظريف.
    لكن أنا عديت عادي خالص معتبراً إن ده شئ عادي جداً.
    يعني الراجل يعمل إيه؟
    عاوز يقضي حاجته
    و مفيش حمامات طبعاً على الطريق
    يبقى من المنطقي إنه لما يتزنق هيتصرف في أي مكان
    أو الشعب يلبس بامبرز!

    و عندك حق في نقطة البصق على الأرض. شئ مقزز. مش محتاج غير منديل. و ده بيدل على إن فيه مشكلة في الناس. الناس بتتصرف في أي حاجة في أي حتة. يمكن دي ثقافة الشعب المصري. الجيش بيقول اتصرف

    ReplyDelete
  8. يالهوي يا امة
    ده انا بيطلع عيني اول ما اخرج من بيتنا
    واحيانا من وانا قاعدة في بيتنا اسمع الجيران في الحمام نازلين تف وقرف
    ماشوفتيش انتي بقى اللي يبقى قاعد في اتوبيس
    وتحبك معاه يقوم يتف من الشباك والاتوبيس ماشي
    يحمي امة لا اله الا الله يقرف بلعومه

    سوري يعني.. مع الاحترام لكل سهوكة البنات اللي المفروض اطبقها
    بس انا عندي كلمة واحدة واقفة في زوري لو ماقلتهاش وبلعتها هزور

    عالم وسخة

    ReplyDelete
  9. الموضوع جامد جدا وفعلا المنظر بيكون مش ولا بد سواءاللى بيتبول على جنب والمنظر بيكون سى فتخيلى شاب ولا راجل كبير .... وعلى جنب اما موضوع المنديل ده كارثه تانيه فاذا كان الاول بيحاول يدارا ويستر نفسه لانه عارف ان كده غلط فالتانى حاسس ان كده عادى جدا وكانه ماشى فى الشارع لوحده والحمامات العامه رحتها لا تتطاق من ع الباب فما بالك لو دخلت ووعدى لو الحمام زحمه يبقى اكيد النتيجه اختناق وضيق تنفس واسف جدا على الرغى

    ReplyDelete
  10. Ana mayt min elde7k, enty wala Ahmed 7elmy wallahi, begad bost mush ma3uul, bas ya 3azizaty, low gety fi Ethiopia kunty shuft, mush elragala beya3meloha, la'a el sitaat, w 3ady mashya 2udamek, fag'ah tala'eha 23dah....sub7analah

    ReplyDelete

الكلمـة نـور .. وبعـض الكلمـات قبـور