منذ البداية ولون المدونة اسودفلم أجد له بديلاً فى الرقي والتميز والسحر
إكتشفت من خلال هذه المدونة روعة اللون الأسود
وأستحقاقه للقب ملك الألوان عن جدارة
فكل شئ ممكن معه ، الألوان ، التصميمات
ولكن لا يمكن إغفال طلبات السادة القراء فى تغيير لون المدونة
وهي ليست رغبات حديثة أبداً
فمنذ معرفة عزيزي القارئ لطريق المدونة وهو لا يكف عن الإلحاح
كنت أفكر فى الموضوع بجدية ثم أعود أدراجي سريعاً غير مبالية
ولكن ما شجعني لأخذ هذه الخطوة هي تدوينة
قرأتها عند الأستاذ أحمد فايز بعنوان: كيف أنتقي المدونات التي سأقوم بمتابعتها؟
فإلى جانب إعتراضه على اللون الاسود كلون للخفية وإعتباره خطأ فادح
قال فكرة إقتنعت بها بشدة
إن الخلفية السوداء لأي محتوى مقروء تخالف أبسط قواعد العروض البصرية
وأخذت أتأمل وأقول لنفسي: فعلاً .. مافيش كتاب لونه إسود!ا
فهذا الرأي إلى جانب إلحاح البعض
وعملاً بقاعدة الزبون دايماً على حق
وشفقاً بيك عزيزي القارئ قدمت على عداد الكهربا ونورت النور
*****
وأخذت أبحث وأدور ثم أدور ثم أدور
مواقع تشيلني وقوالب تحطني
فالموضوع لم يكن سهلاً على الإطلاق
فقد إستهلك أعداد لا حصر لها من الدهانات للحوائط والنوافذ والأوكر
إلى جانب البهدلة والحر وحرق الأكل
وكله كوم وعمل الكرانيش كوم تاني خااااالص عزيزي القارئ
فالصورة فى مقدمة المدونة صورتي ونتاج للعبي الفتوشوبي
وخلفية الكتابة هادئة إلى حد ما ومفضلة لدي أيضا
ويمكنني القول أني بفضل الله توصلت لشكل نهائي راضية عنه نفسيا
فهيا بنا نقص شريط التامبلت الجديد
إحتفالاً وإبتهاجاً بهذا الحدث السعيد
ولتدق الطبول
وتُرقع الزغاريط
ولنفتح الدي جي
ولتُقطع البطيخة
:D
لولولولولولولولولولولولولوييييييييييي
ReplyDeleteمبرووووووووووووووووووووووووووووووووووووووووووووووك
أخيييييييييييييييييييييرا النور جيه :D:D:D
وأنا تعبانة فيها بردو يا بشرررررررررر وفي تنقية التيمبليت اللي بعد اللي عملتي فيا دا كله وكم التيمبليتس اللي فرجتيني عليه دا كللللللللللللللله عملتي حاجة تانية خالص!!ا ^o)
ReplyDeleteتنكري
مبروك يا انسانة
ReplyDeleteاللون الجديد
انا لما دخلت رجعت لورا
اية دة هى دى المدونة
اة هى امال فين اللون الأسود عرفت
لما قريت البوست
مبروووووك ليكى ولينا
ويجعل كل أيامنا كلها ابيض فى ابيض
شكل المدونة جميل جدا
تسلم ايدك
شكرا
للللللللللللللللللللللللللللللللللللولى وكمان وحده من عندى
ReplyDeleteافتتاح طيب ان شاء الله
الصوره اللى فوق حلوة اوى
والالوان مبهجه
بس فى كل الاحوال مضمونهم واحد انسانه
بس ايه البحر اللى فى الصوره دا
انت اسكندرنيه
ولادا متركب
ياريت طلعى اسكندرنيه هههههههههه
مبروك ياقمر ربنا يجعلها فتحت خير عليكى
بس اللون الاسود شيك برضة انا حفضل برضة مخلص ليه..بس مبروك الافتتاح واوعي تعلى الميكرفون بقى طول الليل الايام دي امتحانات
ReplyDeleteمبروك ياجميل التمبلايت الجديد
ReplyDeleteوكله منك جميل ياجميل
انا كمان احب الاسود
ملك الغابة
وملك الالوان
وجربت اغير كتير في فكرة لكن ارجع للاسود تاني
كل واحد وقلبه بقى
هههههه
في اي مكان برضو حا تابعك
هنا وهناااك
الف مبروك
ReplyDeleteوالله انا فتكرت اغنية سعاد حسني
اول ما فتحت المدونة
الحياة بقي لونها بمبة بمبة بمبة بمبة
تصدقي ان لونها كده احلي بكتير وشكلها كمااااااااااان
ReplyDeleteاللللللللف الف الف الف مبرووووووووووووك
فين الجاتوه بقي؟
مبروك يا ياسمين الكهربا و المياه و ان شاء الله ترصف بكلماتيك الجميله فالكلمه نور.....وبعض الكلمات قبور
ReplyDeleteمبروك طبعا مش عشان انتى غيرتى اللون الاسود لكن عشان انتى مبسوطة وعملة فرح انك غيرتى الأسود لانى بجد بموووووت فى اللون الاسود ومش حابة اغيرة من مدونتى الا اذا حد اقنعنى بتغيرة ومعتقدش برضوا ان حد هيقدر ,بس سيبك انتى قطعى البطيخة انا جاية حلا
ReplyDeleteجميلة مدونتك وسلم أيديك وأود زيارتك للمدونة عندى بس خدى بالك خدى شمعة معاكى عشان تنوريها الا هى سودا ظلمة .
عايزين تشجيع كدا منك ياقمر والتواصل الدائم.
ألف مبروووووووك يا ياسمينا
ReplyDeleteاللوك الجديد جميل ومنور ومشرق ومبهج ومضاد للاكتئاب
يسلم ذوقك يا قمر
على فكرة كمان انا جاية اقولك انى سعيدة باشتراكك فى الحملة
لان اسلوبك بجد مميز جدا وراقى
موهوبة فعلا يا ياسمين ماشاء الله
ربنا يزيدك ابداع ويحققلك كل احلامك
دمتى بكل الخير
سالى
مبروك يا حبيبتي
ReplyDeleteبجد تحفه والوان مبهجه وجذابه
الف مبروك يا ياسمين
ReplyDeleteربنا يا حبيبتى
يبيض كل ايامك
و كمان يلونها بألوان الفرح
و يقلل غمقانها يا رب
التغيير حلو و ضرورى
و ان كان شكلى لكن هيؤثر
و المهم عليكى انتى قبل مننا
احنا حبينك بأى لون و شكل
انا هاخد شكولاتية و لا إزازة بيبس
ف الليلة دى
و لا هقف اتفرج ع الشريط المقصوص
و بعيييين أمشى أروح
على فيض الكريم!!!
ايوة كدة يا شييخة كان من زمان
ReplyDeleteانا كنت بفضل اقرالك من جوجل ريدر .. انتي وابيتاف .. عشان قصة الاسود هادي
عاجباني كتير الصورة الي فوق والكرانيش على الجمب ... بجد ألف مبروك وعقبال الشقة التمليك :p
تحياتي
مبروك يا ياسو
ReplyDeleteبس يارب مايبقوش يومين كده وترجعي تاني فكلامك زي المره اللي فاتت
وعقبال كده ما كميكاز يرجع هو كمان
:))
طيب أعمل إيه أنا بقى في مدونتي السودا؟؟
ReplyDeleteمعظم موضوعات المدونة كئيبة
والصور اللي فيها كئيبة
وأنا كئيب
وشايف البلد كئيبة
يبقى ماحدش يلومني (ولا يعتب عليا) لو خليت المدونة زي ما هي
سودا غطيييييييييييييييس
بس انتي بقى اللون الأسود كان غلط عندك من الأول
ReplyDeleteمش مناسب إطلاقاً لمحتوى المدونة
الف الف مبروك يا انسانه فعلا الشكل الجديد رائع وياستى مع عظمه اللون الاسود ورقه المساء فكلنا ننتظر الفجر بكل الشوق
ReplyDeleteالف مبروك الدهانات وعقبال متغيرى السيراميك
تحياتى
تصدقى اكتر شئ يا بنوته كان بيخلينى مش عارفه ادخل مدونتك اللون الإسود
ReplyDeleteصراحه يعنى النور جه فعلا
الوان مشرقة وسبب مقنع
ReplyDeleteوتنظيم مبدع للمدونة
من تقدم إلى تقدم يا عزيزتى