Sunday, May 09, 2010

ضربة شمس

النهاردة ذروة موجة الحر

ودرجة الحرارة وصلت فى القاهرة 48 درجة مئوية

بس الدرجة دي فى الضل على رأي أمي

فمابالكم فى عز الضهر في الشمس حتوصل لكام؟

حظي المشاوير ماتجيليش إلا فى النهاردة

الساعة إتنين الضهر .. مش السادس من أكتوبر ماتخافوش

بعيد عنكوا .. بجد ماحدش يتعتع من بيته

الجو برا ناااااااااار بشكل مش طبيعي بجد

يتساقط علينا عرق الشعوب فعلاً

روحت البيت جريت عملتلي كوباية شاي بلبن!!ا

مسكت الكوباية فى إيدي كدة وبصيتلها بإستغراب جامد

وقعدت أكلم نفسي

الله ... هي مش الدنيا حر؟

والمفروض إنى أشرب حاجة ساقعة؟

أومال ايه اللى جاب الكوباية السخنة دي فى ايدي!!؟

ساعتها بس إتأكدت إنى خدت ضربة شمس فى نافوخي

حاولت أعالجها طبعاً

ففتحت صورة قنبلة الآيس كريمات كلها

جيلاتي عزة .. أعزه الله

8 comments:

  1. امال لوكنت بتشتغلى على طريق صحراوى كنت عملتى ايه دا الجو هناك ......خير الحمد الله

    ReplyDelete
  2. اولا بعد الشر عليك من ضربة الشمس

    ثانيا كتر خير الناس فعلا فى الحر دة المشكلة ان الحر عمال يزيد سنة بعد سنة

    الحر فى الأقصر العزيزة مميت بس باليل كويس مفيش رطوبة بقى

    ثالثا شكرا

    ReplyDelete
  3. 3aza yaaaaaaaaaaaaaaah, bon appetit mon amie :D

    ReplyDelete
  4. الدنيا هررررررررررررررررررر

    ReplyDelete
  5. اه والله الجو نااااااااااااااار
    حاسين اننا اتسلقنا فعلا
    الله يكون فى عونك
    وعون الناس اللى شغلها بره فى الشارع

    بس لعلمك
    جيلاتى صابر احلى وبسام كمان احلى واحلى
    هههههههههههه
    اصلى مدمنه صيف شتا

    ReplyDelete
  6. ههههههههههههههه
    اولا ازيك عامله ايه؟
    يارب تكوني بخير
    ثانيا انا عايزه جلاتي لو سمحتي

    ثالثا انا بقي في البيت وفطسانه من الحر والمايه قطعه اعمل ايه؟

    ما انا لو ولعت في نفسي هاتخنق زياده بجد

    ReplyDelete
  7. انا الجو دة قالب مودة اووووووووووووووى
    شاى بلبن حرااااام عليكى ياشيخه والله كان نفسى يكون عندنا محل عصير

    ReplyDelete
  8. هههههههههههه

    ماتجيبي لحسه

    :))

    ReplyDelete

الكلمـة نـور .. وبعـض الكلمـات قبـور