Tuesday, May 11, 2010

مكرونة للجدعان

أيها السادة

إليكم هذا النبأ الهام

لقد قامت قواتنا المطبخية اللوزعية الخزعبلية

بتدشين أحد إنجازاتها الكاميكازية

الخاصة بالمكرونة

فالمكرونة كما تعلمون يا سادة مادة لا تفنى ولا تستحدث من العدم

ولكنها تؤكل بالصلصة

أو بالشاميل أو باللحمة المفرومة أو بالتونة

وبما إننا نختلف عن الآخرين .. تماماً

فقد قررت قواتنا المطبخية عمل مكرونة بالرنجة

أينعم .. رنجة

ولكن نحب أن نطمئنكم جميعاً أننا صامدون

ونعافر للبقاء على قيد الحلة

وما نجيلكومش فى حاجة وحشة

ولا أراكم الله مكروهاً لديكم

وربنا يجعلها آخر الآحزان

ولا عزاء لموجوعي البطن




13 comments:

  1. طيب و اللي بطنهم ما اتوجعتش و عايزين الطريقة يعملوا ايه ؟

    ReplyDelete
  2. يــــــــــــــــــا مفترية بالرنجة ...
    و دي نقعد ننقي في الشوك إزاي ؟ :]

    ReplyDelete
  3. بصي يا ريم .. أنا حطيت الرنجة فى ماية سخنة عشان الملوحة بتاعتها تخف وبعد كدة قطعتها حتت صغيرة وحطيتها مع الصلصة والبهارات عادي وتسلقي المكرونة وتحطيها على الصلصة عادي .. كأنك بتعمليها بالتونة بالظبط

    انا عملتها بمكرونة إسباجيتي .. وإن شاء الله حتعجبك
    :D

    ReplyDelete
  4. إسرااااااااااء

    تصدقي ماخدتش بالي من حوار الشوك ده إلا وانا باكلها هههههههههه .. بس كان شوك صغنن خالص الحقيقة
    :D

    ReplyDelete
  5. تسلم ايدك يا ياسمينة

    ان شاء الله اجربها
    يمكن الفرق الوحيد اني مش هانقع الرنجة في ميه عشان انا بحبها حادقة جدا

    ReplyDelete
  6. يا بختك يا بختك

    مكرونة بالرنجة

    انا مش مصدق بقى

    قصدى عينى

    شكرا

    بالهنا والشفا

    ReplyDelete
  7. حسبي الله ونعم الوكيل يافخريييييييي :'(

    ReplyDelete
  8. ايه دا!! بس دانتس قايلالي حتعمليها بقالك فترة!! لسه فاكره تعمليها النهارده؟!!
    وبعدين أنا قايلالك اني بحب العك دا خصوصا في المكرونات ^o)
    أنا عايزه ادوق يابت :@:@

    ReplyDelete
  9. رنجه؟؟؟؟؟؟!!!!!!!!
    يعععععععععععععع
    حتى المكرونه هتكرهونا فيها
    الله يسامحكم

    ReplyDelete
  10. تصدقى شكلها كده هتطلع لذيذة..بالهنا و الشفا

    ReplyDelete
  11. كونجريتليشن يا فندم أي عفارم عليك..!
    أكيد طالما المكرونة محشية رنجة..يبقا أكيد الحلو كان بطيخ بالكاري..!
    (:
    دمت بخير

    ReplyDelete

الكلمـة نـور .. وبعـض الكلمـات قبـور