Wednesday, May 19, 2010

لماذا يُقتل المصريون؟


المصري معروف بقوته وجبروته

تلك الجملة المعبرة التي قالها محمد هنيدي فى فيلم فول الصين العظيم

معبراً عن واقع المصري الجامد طحن

أتذكر هذه الجملة كثيراً عندما أقرأ كل كام يوم أخبار من عينة


وعينة

وعينة

وعينة


وأتعجب أين هذه القوة والجبروت التي يتشدق بها كل من هب ودب من المذيعين؟

وكرهنا بسببها معظم الدول العربية

ولكوا أن تتخيلوا ما يقوله أحد الأخوة العرب معلقاً على الخبر الأخير

اينما تذهبون مصيركم الضرب والاهانة داخل اوطامكم وخارجها

هذا جزاء تفرعنكم وتكبركم على العرب بدون اية فائدة

بينما شخص فرد عربي آخر

ايه دا يا فرعنا ايه دا انت تنضربوا فى بلدكم وداخلها

ولكن هدا جزائكم انا حزين عليكم يا فراعنة

لانكم سوف تضربون بالحجارة اينما دهبتم ردا على مافعلتم

عقوبة الفيفا لبعظكم منصفة لكن الاهم امها صدرت يعني انتم متهمون

وسوف تسيؤون الى سمعة بلدكم

وسوف تضربون اينمادهبتم وسوف يطالبون الفيفا بعقوبات مثل التى صدرت عليكم

المهمة السمعة لكنكم لا تهتمون الى سمعتكم بسبس تفرعنكم

ايه دا يا فرعنا الى بتعملوه

الأخطر من هذه الأخبار هي التعليقات

التعليقات لا تكذب وتظهر كم الخلافات العربية الحقيقية

دائما ما تتحول التعليقات إلى مشاجرة طاحنة بين كل الأطراف

بسبب ما فعله الإعلام " الأهوج " لجل خاطر سواد عيون الكورة

ويا فرحة إسرائيل فينا

*****
انا لا أعترض على الضرب مطلقاً

الناس كلها ممكن تتغابى على بعضها عادي

واحنا اخوات وعرب ونستحمل بعضينا ما يجراش حاجة

المشكلة الحقيقية فى حوادث القتل المتكررة بشكل ملفت

مستغربة الموضوع ده جداً ومش عارفة ألاقيلوا سبب محدد

نكونش إتحولنا لصراصير يسهل قتلها بالبيرسول واحنا مش واخدين بالنا؟

أول لنمل يسهل فعصه تحت الأقدام بكل ببساطة؟

وبعدين إحنا مستغربيين ليه يعني؟

إذا كان النيل بذات نفسه حيضيع ومحدش سأل .. جت علينا احنا؟

لأ .. إستنوا

يكونش القتل ده عقاب لينا عشان مش بنرضى ننظم النسل

ونطبق قواعد تنظيم الأسرة فبتتنظم طبيعي؟

توماتيكي توماتيكي يعني؟


ولا يكونش بسبب ما يعانيه المصري داخل بلده

من إضطهاد وهضم للحقوق وللكرامة؟

وقال على رأي المثل

اللي يقول لشعبه يا أعور .. يتسحل الشعب ويتكعور

ولا يكونوش زي ما بيقولوا بيسلطوا الناس علينا

عشان يخففوا من الكثافة السكانية

والبلد تفضى لهم ويبرطعوا فيها براحتهم؟

أيون .. هو كدة

وقال على رأي المثل

قبل ما نجيب مولود نتأكد إنه حيريحنا منه ويموت

وأقعدوا بالعافية فى مصر

4 comments:

  1. هههههههههههه

    اللي يقول لشعبه يا اعور :))))

    يمكن المصري لانه رخيص جوه فببلاش بره ؟؟

    تحياتي للبوست الجميل

    ReplyDelete
  2. كل اللي اقدر اقوله حسبي الله ونعم الوكيل في نظام متختلف متعفن عفا عليه الزمن وأكل وشرب وبال ... الحكومات هي اللي بتعمل لشوعبها حساب .. مثال الحكومة الأمريكية رعباالعالم لدرجة ان ممكن امريكا تقوم حرب عشان مواطن لأنه مكتوب في الدستور ...

    ومخ الإخوة المصريين وأنا منهم والإخوة العرب مش نضيف لأننا بنضور علي العصبية عامل زي الزوج اللي يروح من الشغل متهان ,, يقوم اول ما يقابل ولاده أو مراته وخدهم بالألم ..

    مسير الواقع يتغير .

    ReplyDelete
  3. جملة المصرى معروف يقوته وجبروته
    دى احنا بنصبر نفسنا بيها مش اكتر:)

    ReplyDelete
  4. جميل جدا
    والله احنا حالنا بقى يصعب على الكافر جوه وبره
    بقينا ملطشه
    وعلى رايك اللى يقول لشعبه يااعور

    ده احنا بقينا بنتعاير باللى بيتعمل فينا منهم

    تخيلى لو الولد اللى اتعلق زى الدبيحه ده
    كان من حنسيه تانيه
    كان هيجرى نفس اللى جرى
    :(
    تحياتى

    ReplyDelete

الكلمـة نـور .. وبعـض الكلمـات قبـور