Thursday, May 13, 2010

تفتكروا ليه لأ ؟


بعد مشاهدة هذا الفيديو تذكرت ما حكته لي أمي

تعرفون بالطبع حوارحشد جموع الموظفين الحكوميين لملء أكبرعدد ممكن من الإستمارات

بكل حرية وديموقراطية وشفافية ونزاهة طبعاً

ما حدث أن أمي ذهبت للإدلاء بصوتها فى إقتراع الرئاسة سنة 92 مع زملائها المدرسين فى المدرسة

وقام باقي الزملاء بالتأكيد عليها أن تقول نعم

إلى أن جاءت اللحظة الحاسمة والتي أصبحت فيها بمفردها تماماً

وليس معها سوى ربنا وضميرها وورقة الإستفتاء

فعلمت على لا بكل شجاعة وإباء

وبعد أن إنتهت من التصويت وذهبت

وجدت من يتبعها

ويلحق بها ويسألها

إنتي ليه قولتي لأ ؟ ها ؟ ليه لأ ؟!!!!!ا

المشكلة لا تكمن فقط فى الرد الطبيعي المنطقي ألا وهو

وانت مالك ؟!!!!ا

المشكلة الحقيقية والسؤال العويص الذى يشغل أمي حتى الآن

هو عرف إزاي إنها قالت لأ ؟؟؟؟؟!!!!ا

والسؤال الأعوص الذي يؤرقني أنا الآن

هو مين الراجل ده ؟!!ا

7 comments:

  1. انسانة

    لا تتسألى

    احيانا عدم معرفة الأشياء شيئا صحيا

    شكرا

    ReplyDelete
  2. والاعوص على الاطلاق وهو هايفرق يعنى ....اسمه متبرع بالنفاق

    ReplyDelete
  3. :(((( اه يابلـــــــــــــــــــــد

    ReplyDelete
  4. بالتاكيد كان قاعد قدام الكاميرا الخفييه

    ReplyDelete
  5. صحيح هيا قالت لا ليه

    طبعا بهزر

    شوفي النكته دي وادعي لي
    موظف راح يدى صوته فى الانتخابات فاختار لا

    وهو مروح قابل واحد صاحبه فسألو عملت ايه ؟

    قاله علمت على لا

    لطم صاحبه وقاله روحت فى شربة ميه

    فسأله الموظف ايه الحل ؟

    قاله ارجع بسرعه وصلح اللى كتبته واكتب نعم

    رجع الموظف لرئيس اللجنة وقاله :-

    جيت اعلم على نعم غصب عنى علمت على لامسكه رئيس اللجنة من ودنه وقاله

    احنا صلحناه لك اوعى تعمل كده تانى

    ReplyDelete
  6. حل اللغز بسيط وهو ان كل اللي ناوي يعلم علي نعم بيعلم قدام الناس كلها مش بيروح وراء الستارة الا اللي هيعلم لا ههههههههههه

    ReplyDelete
  7. عادى ما هى ماشيه كوسه وصلصتها خفيفه
    لانها معموله من اوطايه وشفشق مايه مش نضيفه

    ReplyDelete

الكلمـة نـور .. وبعـض الكلمـات قبـور